حبيبتك بلثمة شماغك دلها الجنون تحضر مجلسك / للكاتبتان انثى متمرده و عنادي سما 2024.

يُـ م ـرْ آلـوقـت ماشوفك?..! و آصير بلَـھفِـتـے مَـوجُـوعْ…
ويمر الوقت وماآآدري وايام الزمن تجري

..!بعد ماآآكنت اشوفك
سبت
واحد
واثنين
ثلاثاء
وربوع
وآآجي طاير صبآآح السبت
..{لاني فاقدك يومين
ويسبقي وله عيني قبل اعرف مكانك وين ..!

ابو ثامر : رجال عنده شركة كبيره رجال محترم وكلمة مسموعه والكل يهابه عمره 52

ام ثامر : مرآآه ربة منزل متهتمه بيتتها وعيالهاا تحب عيالها وتخاف عليهم عمرها 45

ثامر : يشتغل عند ابوه في شركه وعمره 28 طويل ومملوح

نجوان : بنت في جامعه 20 سنه ثاني جامعه وتخصصها انجليزي شعرها اسود وعيونها ناعسه طويله وشفتها صغيره خشمها صغير وسمره بس سمارها حلوو

ساره : بنت عمرهاا 16 بنت ناعمه بيضاء شعرها متوسط ظهرها لونه بني فاتح عيونها صغار وشفتهاا متوسطه طولهاا حلوو والي يشوفها راح يفكرها من الشاينيز هع هع
تحب الرقص والدجه

__________________________________________

ابو فيصل : صديق ابو ثامر ويشتغل معه في شركه وعمره 57

ام فيصل : مدرسه بس تقاعدت وتحب العزايم

فيصل : صديق ثامر ويشغتل معهم ومزيون عمره 30 متزوج وعنده ولد اسمه سلطان عمره 3 سنين متزوج بنت عمته واسمها تهاني

ريم: متخرجه من الجامعه وتشتغل في البنك وعمرها 26 ملامحها هاديه وجديه بقوه

نواف : عمره 20 يدرس في جامعه ابيض خشمه طويل وعيونه حلوه مو وسيعه ولا صغيره
ولونها عسليه شعره ويلبس نظارات عاطيته جاذبيه اكثراسود كثيف وناعم حلوو ويحب الكشه والرزه

ريماس : عمرها 16 وهي صديقه ساره بيضه خدودها ورديه شعرها اسود وعيونها وسااااااع وتذبح وشفتهاا صغيره طويله وخشمها حلو تحب الدجه والزحف وتموت بالشعر

مروه: عمرها 15 قزمه وشعرها بني وطويل وعيونها وصغار وعسليه مملوحه

___________________________________________

ابو تركي : رجال متقاعد عنده مزرعه ويحب البر واخو ابو فيصل

ام تركي : ربة منزل وتهتم باناقة بيتها

تركي : عمره 22 يدرسه هندسه واخر سنه رجال يحب القناص حلوو ومميز باناقتة

رهف : عمرها 19 متخرجه من ثانويه وتدرس رياض اطفال تحب الاطفال تتمني تشتغل في الروضه

رهى : عمرها 18 ادبي شقرا وعيونها خضرا شعرها طويل وتحب الزحف وصديقه هناء بقوه بنت عمها

____________________________

البآآرت الاول ..!

الشرقيه

في الساعه 7 صباحآآ ..ْ}

في المدرسه ..{ طابور الصباح ..!

ساره : اوووف وش ذا القرف ياناس

نجود :يعني شي جديد انتي وخشتك

ريماس : ا اوووص البعير وصل <<البعير هذي مراقبه في المدرسه هع

ساره : يؤ يؤ اظافري طوال

ريماس : وانتي وجهك يعني تدرين مدرسه مسويه كول وستايل

نجود : الله يعنيك تاكلينهم

ساره : ويييييع وش ذا القرف انطمي

مشاعل : بنات خلاص فيني نوم

ريماس : بنات سكتوها والي يرحم امكم لاذبحهاا

جات المراقبه وفتشت علي البنات وطلعتهم اربعتهم هع

[ طبعا نجود ومشاعل صديقات ساره وريماس في مدرسه وبينهم زيارات ويحبون الخبال والدجه .

نجود : بنت دبدوبه شعرها طويل عيونها حلوه وشفتها متوسطه خفيفة دم وتحب الشياكه

مشاغل : مايعه وهاديه بقوه شعرها فيه شقوره عيونها سوده ومزيونه .

في بيت ابو فيصل ..}

ريماس ومروه يدخلون البيت جاين من مدرسه

ريماس : وييييييييييييييييييييييييع وش ذا الحر

مروه : محد قالك تجلسين مهايل ورا المدرسه ع البيت

ريماس : والله مو شغلك

مروه : ماااااما احنا جينا وتنط تحضن امها

ريماس : ويع ماما بقرفها تحضنك ياااي

مروه وهي تمد لسانها مايدخلك موتي قهر

ام فيصل : خلصناا روحو غيروا ملابكسم وصلوا وتعالوا تغدوا

ريماس : مابي انا

مروه : انا ابي

ريماس : ابي ولا امي هاها حلوه صح لاتكفون قولو حلوه

مروه : ياثقل دمك

ريماس :وهي ترفس مروه وتهرب فوق

_________________________

في بيت ابو ثامر ..}

ساره بكل هدوء تدخل : وين الناس مافي احد

ترقي فوق تغير ملابسها وتنزل وتلاقي الكل علي السفر

ساره : السلام عليكم

الكل : وعليكم السلام

ثامر : الله لا كان جاب ويسكت

ساره تسوي روحها مسمعته : ابوي السواق يتاخر علي ابي ناس غيره توصلني

ثامر وهو فاهم قصدها : لالا من الحين اقولك ماني فاضي

ابو ثامر : من كلمك انت

ام ثامر : اي والله السواق دايم يتاخر حتي اذا وصيته علي اقراض يتاخر

ابو ثامر : يصير خير الا وين نجوان ؟

ام ثامر : نايمه جات تعبانه من الجامعه ونامت

___________________________________

بيت ابو تركي ..}

نفس الحال يتغدون

بعد الغداء

ام تركي وهي تمد صحن الفاكهة حق ابو تركي : الا شرايك نطلع الشاليه مع بيت اخوك ابو فيصل الاربعاء

رهي ورهف : اي اي بابا بليزز من جد نبي نمبسط قبل الاختبارات والقرف

ابو تركي : ان شالله اكلمه ويصير خير

تركي : ابوي انا ابي اروح الرياض مع الربع

ابو تركي : وش عندك هناك

تركي : لا بس تغير جو

رهى وهي تغمز لتركي: ونشوف الحبايب

ابو تركي :شنو تقولين يابنت

رهى : ولا شي خله يروح يوسع صدره

تركي : ومن وكلك وقالت تتوسطين لي

ابو تركي : تركي روح بس انتبه علي نفسك

تركي وهو يحب راس ابوه : الله يخليك لناا وكمل حق رهى: وياخذك يارهى

رهى :شوفه ابوي

رهف : صدق بزره وتعصب لقلنا لها بزره

تركي : امي عطوها رضاعتها تخلوها تفكنا

رهي وهي تمد بوزها زي الاطفال : محبكم

ويضحكون الكل

_____________________________________________

نهايه الاسبوع في مدرسه

الاربعاء الساعه 8 ونص :

ريماس وهي تكلم نجود الي جمبها بالمقعد ببصوت واطئ
ريماس : اووف فيزياء علي الصباح يعلن ام الرواقه

نجود : اقول اكلي العافيه وسكتي مالي خلق اوقف طول الحصه

ريماس : طيب برب <<متأثره بالمسن هع هع

نجود : وين

ريماس : بنام

نجود : اجل تيت

استاذة الفيزياء: ريماس وبعدين ماتعرفين تسكتين

ريماس : الا استاذه بس بدون لحرك لساني ماعيش

الاستاذه: مو مشكلتي بتسكتين ولا طلعي برا

ريماس : طيب استاذه بس ممكن اكل علك عشان لساني يتحرك واسكت

الاستاذه وهي معصبه : ريييييييماس

ريماس بخوف يخالطه عدم اهتمام : خلصنا بنكست

ساره الي كانت بنجب مشاعل وراهم بضبط : لازم تتهزء عشان تسكت هع

ريماس وهي ترفسهاا برجوالها : يازينك ساكته

الاستاذه : ريمممممممممممممممماس

ريماس : والله سكتناا

مشاعل بمياعه : خلصنا بنات بدون ازعاج بليز

نجود بصوت عالي : ككوكووووووو بدري مشاعل من زمان ريماس تتهزء وانتي نايمه

الاستاذه : شكلكم ماتبون درس وربي اليوم مافي شرح وعتبروا الدرس مشروح

هنا الكل ابتسم بخبث وكملوا الحصه سوالف ودجه مع باقي الفصل

في بيت ام فيصل ..}
وهي تكلم ام تركي في تلفون

ام فيصل : اي ياام تركي اليوم بعد صلاه العصر نمشي

ام تركي : ان شالله علي خيرر قولي حق فيصل وزوجته يجون

ام فيصل : والله مدري هو في جده ولا ادري يجي ولا

ام تركي : الجمعه احسن ودنا فيهن

ام فبصل : الا وشرايك نقول حق ام ثامر يجون

ام تركي : مانقول لا والله انها تنحب وسيعة صدر

ام فيصل : اجل اقول حق ابو فيصل

ام تركي : توكلي علي الله

ام فبصل : مع سلامه

ام تركي الله يسلمك

__________________________________________________ ___________________

في الشركة ابو ثامر وابو فيصل

ابو فيصل وهو يكلم ام فيصل : ان شالله

ام فيصل : اجل الله يحفظك مع سلامه

ابو فيصل : الله يعافيك

سكر ابو فيصل الجوال من ام فيصل بعد ماقالت له يعزم ابو ثامر وعايلته معهم ع الشاليه

ابو فيصل وهو يكلم السكرتير : اطلب لي ابو ثامر

الستكرتير فواز : ان شالله طال عمرك ……. معك العم ابو ثامر

ابو ثامر : هلا ابو فيصل

ابو فيصل : هلا فيك اخوي

ابو ثامر: اخبارك

ابو فيصل :الحمدلله

ابو ثامر : ان شالله دوم

ابو فيصل : اقول ابو ثامر اليوم انا واخوي ابو تركي بنروح الشاليه شرايك تخاوينا

ابو ثامر : والله منقول لا بس اشوف الاهل

ابو فيصل : شاورهم وعطني خبر

ابو ثامر : ان شالله مع سلامه

ابو فيصل : مع سلامه

طبعا ابو ثامر كلم الاهل وتفقوا وقرروا يطلعون العصر مع بعض
ع فكره ابو ثامر صديق ابو فيصل بقوه من يكون كانو اطفال _____________________________________________

البارت الثاني ..!

—
في المدرسه الساعه 9ونص بعد الفسحه

البنات سمعو صوت المايك يشتغل الا البعير تتكلم ((المراقبه هع ))

: الرجاء من جميع الطالبات التوجه الى قاعة الانشطه

نجود: يووووه الله ياخذهم بيسون نشاااط

ريماس: يالله مالي خلق اففف وفي هالحر بعد

ساره: هين بس تفكريني بسكت طول الوقت ههااي ولله لاقلبها سوالف ودجه

مشاعل: ياربي قلق انا مابي اقعد عالارض اتعب افف

نجود: سمعو بس احنا وين وهي وين اقول امشو بس امشو

ومشو البنات على قاعة الانشطه

قعدو جنب شلة مريم

مريم وشلتها معرووفه بالعربجه

مريم: بنت عيونهاا حلوووه وشفتها صغيره وسمره يعني ينقال لها مملوحه

ريماس تصفرر وهم يكرمون الابلات

وساره : تلولش كللوووووووووووش

ونجود: تغني وش جاه محبوبي مشى وخلاني مابين نراني وبين احزاني

ساره:وهي تصفق هلا عاشو

شوي تقوم مريم وتزفن حق مشاعل

مشاعل: ويع ويع وخري عني ياربييه بروحي حرانه وتجي بعد تزفن

نجود تطالع مشاعل بنص عين :اقول بس وش جاه محبوبي مشى… الخ

ريماس: عاشت مشيعل عاشت وتصفررر وتصفق

ساره: كللووووووووووش

مريم راحت لريماس وتزفن لهاااا شوي جات لهم البعير وطردتهم بره النشاط

ساره وريماس ونجود ومريم فاقعين ضحك

ومشيعل شوي وتبكي : ياربيه اناا مابي اطلع الحين وش بيقولون عني الابلات

ريماس هاجت عليها الا مسكوها نجود ومريم : هدي ريماااس ويطقونها
على ظهرها

ريماس: افففففف وهي تعدل مريولها

ساره: تعبت وانا واقفه

نجود: عنبو دارك ماصار لنا ساعه واقفين

ساره: كلي خرا تعرفين انا ماحب اوقف

مريم: اقول وش جاه محبوبي مشى وخلاني

وتزفن ريماس لمشيعل و سويره ترقص عراقي

ويكملون هيصه ولاكنهم معاقبين وموقفين عند باب الاداره هع هع
——————-
في قصر بو ثامر

الكل يجهز اغراضه عشان الطلعه

نجوان راحت لامهاا : يمه تتوقعين اجهز الاغراض حق ساره

ام ثامروهي ترتب اغراضها هي وبو ثامر: على راحتك جهزيهم اذا كنتي خلصتي اغراض
نجوان: اوك
وراحت نجوان ترتب اغراض ساره وحطت كل شي تحتاجه ساره

في المدرسه الساعه 1 الظهر وباقي على الخروج من المدرسه نص ساعه

ساره: رموس ولله بتروحون شاليهات

ريماس: ايه وربي وناااسه

ساره: ياحظكم بسسس وحنا عطله بقعد بالبيت افففف

جت نجود ومشاعل
نجود تغني هندي ومشاعل معها تحاول تتعلم مثلها
ساره: نجود وش تغنين

نجود: هندي وتكمل تغني

ساره: الله تكفين علميني

نجود: اوك يلا قولي معي كلمه كلمه اوك

ساره : اوك
ريماس: الحمدالله والشكر بدينا بشغل الهنود

طنشوها ساره ونجود ومشاعل

نجود:يي ايش كهاهي بيتي بيكاهي جنن تيكاهي هم اوراما

ساره: هي هي لحظه بشويش يلا اول شي يي ايش وبعدين وشو

نجود: يي ايش كهاهي بيتي بيكاهي

ساره تكمل معها ومشاعل معهم
شوي تجي رهى لريماس

رهى: هلا رموس اخبارك

ريماس: بخير وانتي

رهى : بخير هاه اجل اليوم بنشوفك بالشاليهات

ريماس: أي ان شاءالله خل نفلهاا عاد

رهى : ايه افا عليك بس سمعي ولا احد من الشباب نبيه معنا

ريماس: اكيييد

دق الجرس يعلن عن انتهاء اليوم بالمدرسه والكل راح على بيته

ساره دخلت بيتهم وهي طفشانه باست راس امها وقعدت جنبها

ساره: يمه طفشانه ابي اطلع مابي اقعد

ام ثامر: يايمه اليوم راح نطلع بنروح الشاليهات مع بيت ابو فيصل وبوتركي

ساره مو مصدقه نطت من مكانها وبوست بأمهاا وراحت تركض
لاختها نجوان
ساره وهي تركض صدمت باخوها ثامر وكانت بتطيح على وراها

لاكن ثامر مسكهاا وقربها منه وقال لها: انتي ماتعرفين تمشين زي الناس

ساره بخوف: ولله مدري يعني بس فرحانه اني بطلع وجيت اركض وصدمت

ثامر تركهاا ومشى عنها

ساره عدلت مريولها وتأففت وراحت لاختهااا نجوان

ساره وهي تفتح الباب على نجوان بقوه وتوقف

نجوان عدلت نظاراتها : انتي ماتعرفين تستاذنين قبل ماتدخلين

ساره: سوري حبيبتي ولله بس من فرحتي

نجوان: ايه بس بس عرفت ليه فرحانه عشاننا بنروح الشاليهات
ساره: يب يب وتنقز يلا بروح اجهز اغراضي

نجوان: لاتجهزينهم ولاشي لاني انا جهزتهم

ساره: جد ولله فدييتك ياحلى اخت بالهدنيا وراحت لها باست بخدها

وركضت غرفتها عشان تتروش وتتجهز

البارت الثالث //

في بيت ام فيصل ..ْ}

ريماس : ونااسه سوير بتجي معنا والله لقلبها فله وهيصه

ريم : بلا خبال العقل زين

ريماس في قلبها : بدينا في المحاضرات _وترفع صوتها : ان شالله

مروه : رموس وين شورتي

ريماس : في دولاب او في عرفة نواف

مروه وهي مستغربه : وش يسوي في غرفه نواف

ريماس : صديقه كان نايم عندنا وقالي عطيني شورت لانه مايحب ينام الا بشورت وعطيته شورتك

مروه وهي معصبه :وييييع وتبيني البسه بعد ولد الله ياخذك ياكلبه يازفته طسي عن وجهي

وجهوزا البنات ملابسهم وهم مبسوطين

بيت ابو تركي ..}

تركي : يمه انا بروح بسيارتي

ام تركي : وليه ماتجي معنا

رهى : عشان يتركنا ويفر من شاليه لشاليه هو ونوافو

تركي : اصغر عيالك نوافو

رهف : جد تروك خذني معك في سياره والله متكلم طول الطريق

رهى : اي جد وناخذ رموس ومروه معنا

تركي : لا والله للاسف اني ماركب مبزره معي

رهى : مالت بس وهي _ تطالعه بغرور : حاصلك نركب معك

تركي : اقول لايكثربس

رهف : تروك تكفي

تركي وهو يطالع رهى : بس انتي وبنات عمي فيصل بسس

رهى : والله اقول حق ابوي عن

يسكر فمهاا تركي : شب خلاص بخليك تجين بس بشرط

رهي : شنوو

تركي : تقنعين ابوي

رهى : كم تدفع

تركي : اقول طيري بس

رهى وهي تتافف: طيب طيب

_________________________________

الساعه 4 العصر

الكل واقف عند محطه وقود

ام فيصل : نواف وين

ابو فيصل: مع تركي في سيارته

ريماس : ابوي رهوف ورهوي معهم؟

نواف وهي يضرب زجاج السياره : ابوي خل البنات يجون رهف ورهى بيجون معنا

ريماس تصارخ : جد وناااااااااااااااسه

مروه : يالب قلبهم بنات عموو

نواف : بتسون قلق مافيه

ريماس : لا لا بنسكت

نواف : مع اني متوقع بس يلا

نواف :ريم تعالي معنا

ريم : لا مابي ازعاجهم

نواف : طيب براحتك

..// في سيارة تركي : رهف ورهى و وتركي ونواف وريماس وومروه وواغاني وودجه

في سيارة ابو فيصل : ام فيصل وريم والخدامه

ابو تركي : ام تركي و والخدامه بس

وصلوو الساعه 6 المغرب

الشاليه

ام فيصل وام تركي في صاله يتقهون مع البنات وابوتركي وابو فيصل في المجلس مع شباب

في الصاله ..}

ريم : عاد القهر انا طول السنه شغل

مروه : انا بخلص ثالث ثانوي واكبر المخده واسحبها نوم

ام فيصل : لا والله بتدخلين وتدرسين مو ع كيفك

رهف : تكفون نبي نغير الموضوع بلا مدرسه بلا قرف

ريماس : شرايكم بنات نطلع البحر

رهى : اي والله

رهف : خلونا نغير ملابسنا ونطلع

في المجلس ..}

ابو تركي : والله ياليت فيصل معنا

ابو فيصل : انا مرسله للمخازن في جده وقال مره وحده ياخذ عمره ويجي

تركي وهو يكلم نواف بصوت واطي : ان شالله بجلس طول الوقت مخازن ومستودعات جاين نوسع صدرنا ولا نجلس كذا

نواف : اي والله ياشيخ نبي نروح الكفتيريا الحين الجوو غير طبيعي

تركي وهو يغمز له : وش قصدك

نواف وهو يسوي محترم : القصد وساعة الصدر

تركي : تكفي ترا بديت اصدق

في غرفة البنات ..}

غيروا ملابسهم

ريماس لبست برمود سكري وتي شيرت ازرق وفيه بنات وكلام بالانجليزي ولبست جزمه سبورت
مروه : لبست جنز اسود سكيني وتي شيرت احمر ولبست صندل
رهف : لبست شورت وتحته ضاغط وتي شيرت وجزمه سبورت
رهى : لبست جنز ازرق ومعه تي شيرت اصفر واساع ومع جزمه سبورت

اما ريم ماراح تغير ملابسها وجلست تحت تنتظرهم عشان يطلعون سوا
خذوا البنات عباياتهم وشناطهم ونزلوا

ريماس وهي نازله من فوق الدرج تتزحلق : وناسه بندج
مروه : بس اخاف ريوم ماتخلينا ناخذ راحتها
رهف : نصرفهاا
ريماس : بتجلس معنا لا ومامعها احد بتسوي لي حركات الثقل ولا تسون ولا تفعلون _ريماس وهي كنها تذكرت شي _ : الا صح سوير بيتهم ماوصلو بدق عليها

ساره وهي في السياره : هلا رموس

ريماس: وينك ليه للحين ماجيتوا

ساره: والله الاخت نجوان اخرتنا

ريماس : طيب حصل خير متي بتجون

ساره : نص ساعه ووواصلين

ريماس : طيب دقي علي بنطلع نتمشي حنا

ساره: لاااااااااا يااتراب انتظروني

ريماس : لا والله اذا وصلتي جيناك

ساره وهي مو عاجبها : طيب

عند الشباب في المجلس ..

تركي هو واقف : ابوي حنا بنطلع الكفتيريا

ابو تركي: الحين بيجي خويك ثامر طلعوا مع بعض

نواف هو متضايق من حصارهم : طيب

تركي جلس وهو مو عاجبه الوضع بقوه : اووف من جد طفش

نواف : اسكت لا يسمعك

تركي : مدري متي بيشرف السيد ثامر

نواف : ياخي نص ساعه ماتضرك وش بدينا والمشكله ثنين مافي احد يغطي علي احد

تركي : اي والله صدقت

البنات طلعوا من شاليه ومشوا في طريق بين البحر والشارع العام

– طبعا البنات لابسين عبايات كتف ومتلثمات مرت عليهم سيارة شباب

واحد من الشباب : ييييييييالب قلبك اااااااااااخ ياقلبي وربي يتذبحون

رهى وهي تكلم بصوت وواطئ : ياربي يذبحون يخققووووووون

رهف: سكتي لاتسمعك ريوم وربي تخليك انتي واذ الرصيف واحد

ريماس وهي تكلم الشباب : تعرف تاكل تراب ولا

الثاني مطلع راسه من النافذه : لا لا ارحميني تكفين

ريم وهي تقرص ريماس : انطمي وامشي

الشباب واقفين في سياره وماخرين السيارات الي وراهم :اووف ياخي وربي يهبلون كيف يبغونا نتركهم ونمشي

الثاني : اقول امش لا ينادون السكرتي يسحبك انت وسيارتك قدامهم

الاول : لا ولا باألي تكلمك من جد عيونها تذبح

الثاني : اقول امش لا تسعبل علينا

عند باب الشاليه ..}

عائله ابو ثامر وصلت

ابو ثامر وثامر راحوا المجلس وام ثامر ونجوان وساره راحوا عند الحريم

في صاله ..}

ام ثامر : السلام عليكم

ام فيصل وام تركي :وعليكم السلام

سلمو البنات ع الحريم واجلسوا

ساره وهي ترفع جوالها تدق ع ريماس : الوو رموس يا حماره وينك

ريماس : توني طالعه من شاليه

ساره وهي مبسوطه ماطفها شي : طيب انا جيت تعالوا لي

ريماس : طيب

ريماس وهي تكلم البنات : وصلوا بيت خالتي ام ثامر خلونا نرجع

البنات : اوكي

ورجعوا الشاليه

في مجلس ..}

اول مادخل ابو ثامر وثامر فرح تركي ونايف الحين بنطلق صراحهم

سلموا علي بعض

ثامر : هلا شباب اخبارك

تركي : والله بخير وانت

ثامر : الحمدلله

تركي: مشينا شباب خلونا نطلع

نواف مسوي عادي عنده وعاجبه الوضع يبغي يحرق دم تركي : لا تو ثامر واصل خلنا نجلس معه وبعدين نطلع جميع

تركي وهو يحاول يمسك اعصابك : لا لا شكله مرتاح صح ثامر

ثامر : والله الي تشفونه تبغونا نطلع طلعنا تبغونا نجلس براحتكم

تركي ماصدق خبر : اجل مشينا

طلعوا الشباب

وبنات رجعوا الشاليه شوي الا طلعوا

تركي وهو فوق الجسر : ياخي واخيرا طلعنا احس اني مخنوق من مساع

نواف : شدعوى ياخي

ثامر : وش فيكم

تركي : لا بس من مساع نبي نطلع والاهل مو راضين ينتظرونكم

ثامر: اسف وانا اخوك بس اختي وسوالف البنات اخرتنا

نواف : اتركه عنك تعتذر له مصدقه مع خشته كنها طعس

تركي وهو يفتح عيونه علي بنات الي يمشون : ياخي صااااااااااااااااااروخ

نواف : اقول ثامر خلاص الولد صار بخبر كانه دامه شاف ذا البنات انتهي امره

بعد ساعتين

ساعه 10 ..}
ام تركي : مارجعوا البنات

ام ثامر : طلعوا يتمشون وللحين مارجعوا

ام فيصل : كلميهم ياام تركي قولي لهم يجون عشان العشا قرب يخلص

ام تركي : ان شالله

كلموا البنات ورجعوا والشباب نفس الشي

خلصوا عشا وماصدقوا يحطون راسهم ونااااااااااااااااااااااااااااااموآآ

نمسسسسسسسسسستي هع هع

ابي احلى توقعااااااااااااااات اوك

نورتي خيتوو ..!

ان شالله اهم شي القوانين لاننشات حنا ورايتنا هع ..}

ثنكس كولكم ع المرور

وان شالله تنال اعجباكم يالب قلبكم

الساعه 7 الصباح صحت ساره اول وحده من البنات دخلت اخذت لها شاور

ورفعت شعرها ولبست شورت ازرق مع بلوزه بيضاء راحت تصحى ريماس

لانها مخططه على شي

ساره تسحب اللحاف من ريماس : قوومي رمووس بسرعه

ريماس: سويييير ياجعلك الماحي بنااام انقلعي

ساره : رموس اقولك قومي ابييييييك يلا عاااااد

ريماس تقوم وهي متاففه : انتي شتبين

ساره:قصري صوتك مابي احد يصحى

ريماس وهي تعدل نفسهاا : شفيك

ساره: انتي قومي تروشي والبسي واقولك بعدين

قامت ريماس تركض وتروشت بعدها لبست لها شورت لونه اسود وبلوزه لونها احمر

ساره لبست عبايتهاا وتلثمت : يلا رمووس بسرعه

ريماس: طيب طيب ولبست عبايتها وتلثمت

طلعو ساره وريماس من الكبينه والمنظر كان وااااااو روعه عشب اخضر لونه اخضر غامق

وقدام في بركه للصغار شكلهاا رهيب والمويه صاافيه

ساره: تعالي بسسسرعه وراحت تركض للبحر

وريماس وراها تركض ولاتدري وش السالفه ريماس وهي تركض: سوير شفيك

ساره: انتي الحقيني ولا عليك

وراحووو لين ماوصلوو عند طرااد لشخصين

ساره وهي واقفه : شرايك انا وانتي بس راح نركب فيه الحين من دون لاحد يدري

ريماس وهي فاتحه عيونها عالاخر: انتي من جدك ومن بيسوق فينا

ساره وهي تركب الطراد وتوخر الغطوه عنهاا : اناا طبعا

ريماس مستغربه : وانتي تعرفين ؟

ساره: يس عندي خبره يلا بس تعالي لايضيع علينا الوقت

ريماس وهي تفكر وتقول في نفسهاا : ولله مغامره شي

ساره: يلااااااااااااه بسرعه

راحت ريماس وركبت جنب ساره ووخرت غطوتها هي بعد

وشغلت ساااره الطراااد ومشششت بسرررعه والمووج روووعه كاااااان يضرب بالطراد

بشكل قوي بحيث ان الطراد يرتفع وينزل <<<<اتوقع فهمتو هع هع

وكانو سارا وريماس فاتحين شعورهم وطالع شكلهم جوناااان وشعورهم تتطير

الا مرو من جنبهم خمس شباب بطراد وفحطو جنبهم وبللو ساراه وريماس

ساره بكل جرأه : هين اوريكم وتفحط وتبللهم كلهم مويه وتضحك بصوت عالي

ريماس: كش كش وش جاب الذبان عندناا هههههههههاي

واحد من الشباب والي كان يسوق الطراد ضحك بصوت عالي وقال: تتحدون ؟ هذا وجهي اذا فزتوا

ساره: انت متأكد ؟

ريماس: هههههههههههه للاسف مانتحدى ذبان هههههههه

الشاب: اقول يلا بدينا

ساره وريماس مع بعض: وعلى نفسها جنت

وقفو بنص البحر عاليمين ساره وريماس وعاليسار الشباب شوي وانطلقوو مع بعض

بالبدايه الشباب سبقو ساره وريمااااااس واحد من الشباب وهو يمد لسانه : ههههههه لاتتحدونا

ساره بصوت واطي: اوريك وتزيد عالسرررعه وتسبقهم شوي قربو منهم وفحطت ساره

وبللتهم مويه وسبقتهم وشوي صارو الشباب وراهم ويبللونهم مويه

وتسسرع ساااره وشوي قربت من خط النهاااايه وفاااااااااااااازت

ساره وقفت الطراد ورفعت نظاراتها الشمسيه : قلنا لكم لاتتحدونااا

ريماس: للاسف ذبااااااان وضحكو ساره وريماس بصوت عالي ولفو لطريق الرجعه

ريماس تشهق: سويره وجعوه الساعه 10

ساره بخوف: احلفي

ريماس: وربي

ساره: دقايق وبنوصل ولاتقولين لحد اننا تسابقنا او ركبنا طراد

ريماس: ايييييه عارفه مجنونه انا

ساره: اوك

وصلو ساره وريماس الشاطئ ونزلو من الطراد لبست ساره غطوتهاا وتلثمت وريماس

لبست غطوتها وتلثمت ومشو بسرعه عالكابينه ساره وريماس وهم يدخلون من البلكونه

الا بوجههم رهى شافتهم وشهقت: انتو وين صارلنا ساعه ندوركم

ريماس بكل برود: بعد طلعناا ندج ضربتها ساره بأيدها

ساره وهي تصرف الموضوع : ايه رحنا قعدنا عالبحر

رهى : خبلاااااااان وربي ياويلكم اقول امشو وراي بسرعه يازعم انكم نايمين

ساره وريماس : زين يلا

وراحو يمشون بسرعه يمشون نفس مشية الحراميه الين ماوصلو بسلام للغرفه

ريماس تفصخ عبايتهاا وترميها عالسرير وتقعد : اووووووووف حر

ساره تفصخ عبايتها وتعلقها بالعلاق : شكلي باخذ لي شاور ثاني يلا عن اذنكم

ريماس وتكلم بصوت واطئ لساره : اي مو عفنا من الحر

ساره وهي تغمز لها : بس وشرايك فيني

ريماس : تعجبيني

– راحوا البنات يتروشون ولا كنهم سوا شي

في المجلس ..}

تركي : بكره في سباق طرادات بس العصر ان شالله نحضر

ثامر : اي والله

نواف : بس شكلنا بنمشي بدري

ثامر : لااااااااا لاتقولها

نواف : اي الشياب يقلون بنمشي بعد العصر على طول

تركي : هم يمشون وحنا نلحقهم بعدين

نواف : ضنك بيخلونا يعني

تركي : اي وليش كلها ساعه واصلين لهم

ثامر : اي والله وانت الصادق

في جهه ثانيه

ابو تركي : والله الحال ميسرك الحين ماعاد احد يهمتم في ذا السوالف

ابو فيصل : صادق وخاصه احنا صيف لو شتا كان الكل يروح

ابو تركي : لجا الشتاء رحنا خيمنا اسبوع

ابو ثامر : علي خير

في صاله ..}

ساعه 2 الظهر

رهف : يمه

ام تركي : هلا

رهف: خلونا نطلع

ام تركي : في ذا الشموس تبغينا نطلع

ام فيصل : لصار المسا طلعنا

رهى : اي صح اهم شي بشرتي مابغي اسمر

ريماس : كش عليك من زينك عاد

ساره وهي تتثاوب : فيني نوم

ريماس وهي تتمدد علي الكنب : اي والله

ام ثامر :هذا وانتوا اخر ناس جالسين

ساره بسرعه : احنا صاحين من 7

ريماس وهي تسكر فمها : هذا امس مو اليوم

ساره وهي توها تستوعب وش قالت : اي صح ذكرتيني في مدرسه والقرف

نجوان : انا اسبوعين واخلص وهي تمد لسانها : وانتوا عفنوا في المدرسه شهر

ريماس وهي ترمي عليها المخده : تلايطي بس

ريم : انا بروح اتروش

وكأن البنات تذكروآآ شي وتاطيروا علي دورات المياه

طبعا الا ساره وريماس ناموآآ في صاله لانهم تعبوآآ بعد مشوراهم الصباح

الساعه 5 العصر ..}

الكل قدام البحر

ثامر وهو يرمي حجر علي البحر : شرايكم نركب الجتسكي<< الطراد

تركي وهو متحمس : اي والله

نواف : بقول حق الشياب وهو يلتفت : يبه ترا حنا نركب

ابو فيصل : طيب بس لا تبعدون

وتنقز رهى : تروك خذونا معكم

ابو تركي : اي خذوا البنات معكم

تركي وهو مو عاجبه : يؤؤ وش لنا فيهم

نواف : يعني ورانا ورانا

ابو تركي : بس ياولد قلت لكم اخذوهم

وتوزعو النبات مع الشباب

ونواف مع مروه
وتركي مع رهف
ثامر لحاله

طبعا ريماس صار لها خبره من ساره وتعلمت شوي منها يوم طلعوا الصباح
عشان كذا اسحبت ساره وركبوا مع بعض
ونسوا رهى
وريم ونجوان صاروا يتمشون قدام البحر وولا حبوا يروحون معهم

ثامر وهو يتمشي بشويش : مو كأن هذي وحده من بنات ابو تركي

رهى وهي في جهة تاجير الطرادات جالسه وهي معصبه وخايفه ترجع لحالها وشوي وتصيح

ثامر هو يقرب الجتسكي وجلس يناظرها تاكد انها هي من شنطتها ثامر مو متاكد هي رهى ولا رهف
وهو في نفسه بنادي اذا هي راح تنتبه : رهف وومادرت : رهى

رهى وهي تلتف لمصدر الصوت وعيونها دموع وبس شافته عرفته : ثامر

ثامر : اي وش فيك جالسه وليش ماركبتي معهم

رهى وخلاص تركت الحريه لدموع انها تنزل : راحوا ونسوني

ثامر وهو يناظرها وجها وخاصه انها منزله لثامها : طيب تعالي معي

رهى وهي متردده وخايفه وتناظر يمين ويسار وبرآءه قالت : وين تاخذني

ثامر جاته الضحكه كيف تقولين وين تاخذني وكنها نست : بوديك لتركي

رهى وهي تناظر وتقول في نفسها كيف اركب وراه يؤؤ شكلي غلط : لا لا خلاص مابي وصلني عندهم

ثامر وهو عاجبه ترددها : يعني ماودك تركبين

رهى نفسها تركب بس قالت : لا لا

ثامر استسلم لها : طيب براحتك
ثامر جلس يناظر خضار عيونها كيف طالع يجنن مع غروب الشمس رهى انتبهت انها بدون لثمه و وبسرعه غطت وجهاا
وقف الجتسكي وصار يمشي وهي وراه
رهى وهي تصارخ : ثامر شوف هذا تروك

ثامر يلتفت : اي والله

جاه تركي ومعه رهف مستغربين تركي : ثامر وش صار وليه رهى معك

رهى صارت تبكي : ليه تخلوني وتروحون

تركي وهو مستغرب : وين خليناك

ثامر فهم تركي السالفه وعصب ع رهف كيف ماتفقد رهى

وركبهم ثنتينهم معه

اما ثامر رجع وركب الطراد

عند ساره وريماس وصاروا يبعدون بعيد

ساره : رموس ترا صرنا بعيد رجعي

ريماس وهي مبسوطه وانها هي الي تسوق الطراد : وناسه خلينا

ساره: ياتراب لا هنا البحر مش متوازن رجعي

ريماس وهي تسرعه وشوي وبغت تصدم في طراد نواف ومروه

نواف : ياحيوانه وش مجيبك هنا

ريماس : الا جابك جابني

نواف : رجعي انا ولد

ريماس : بلحقك

نواف : طيب لا تبعدين

ساره وهي معصبه ع ريماس : وش فيك

ريماس وهي فهمت قصد ساره : الحين نوافوه يبعد وخلينا نروح وراه اكيد بيروح جهه ثانيه

ساره وهي تطالع شكل نواف بطراد وكيف صار وخاصه انها من زمان مشافته : طيب

الساعه 8 قدام البحر ..}

ريماس : يمه جوعانه

ام فيصل : الحين العشا يخلص

ريم : يمه ليه مخلتونا نشوي حنا

ريماس : لا والله خليهم هم وش وراهم

نجوان : لا رموس جد الشوي غير تحسين بلذته وانتي تسوينه

ريماس وهي تتركهم وتلتف علي رهى : رهى صح ووش سالفتك من شوي وليه تبكين

رهى وكانها تذكرت شي : اييييي صح ماقلت لك

ريماس : قولي

رهى قربت من ريماس وقالت لها السالفه كلهاا

ريماس: يالزفته لو راكبه معه وربي دفنتك

رهى : اي استحيت

ريماس : اي خلك كذا

رهى وهي تغمز لها :اعجبك

ريماس : بس ماتستحين علي وجهك كاشفه

رهى وهي حاسه بالاحراج : اي والله بس انا كنت بركب مع تروك وتروك عادي يخلينا نكشف وبعدين نسيت ماغطيت وجهي

ريماس وهي تحس انا رهى منحرجه : طيب قومي نقرب قدام البحر

رهى : وتقولين شعر

ريماس : يس

وراحوا وجلست ريماس تقول قصيده لفهد المساعد

باب النسيان ..}

كـل مافـي الأرض يـنـذر بالمـفـارق والغـيـاب
اللقا .. والشمس .. وحـروف الرسايـل .. والقبـور

وش بقى يوم أكتشفت أن آخـر الـدرب السـراب ؟!
والبحـر دمـع لسواحـل هاجـرت عنهـا الطيـور !

مالحزني صوت ؟ .. مدري هو خطـأ والا صـواب !
بس أعـرف أنـي حزيـن وصوتـي الليلـه جهـور

مـن يدّثـر صوتـي الليلـه ويكسـب لـه ثـواب ؟!
مالهـا يالشعـر غيـرك أنـت .. ياجبـر الكـسـور

يكفـي أنـي .. لابكيـت بدونـك أشعـر بإرتـيـاب
وكل ماأبكي فيك .. أشوفك لي .. عن اللي فيّ .. سور

أدري بيوتـك عرايـا .. لـكـن أوزانــك ثـيـاب
لبّـس جروحـي مـن أحزانـك وألبّسـك الصـدور

كـان يـامـا كــان والنسـيـان للعـشّـاق بــاب
عاشق ٍ لاشـدّ درفـة بـاب .. صـاح بـلا شعـور :

يقـدر النسيـان ينـزع غصـن مـن فـوق التـراب
بــس مايـقـدر يـقـرّب للـتـراب ولـلـجـذور

كيـف أبنسـى ذكريـات الطيـش الأول .. والشبـاب
ورفقـة الليـل العتيقـه .. وأول الفجـر الطـهـور

والمواعيـد وشغبهـا .. والـولـه قـبـل العـتـاب
وساعـة ٍ كـم كنـت أحـاول فـي عقاربهـا تـدور

والمكـان اللـي وهـن سقفـه مـن الفرقـا وشـاب
مـن بعـد ماكـان يحضّنـا مثـل طـفـل ٍ غـيـور

والمطـر لا لـوّن الشـارع .. وقلـنـا للسـحـاب :
بلـلّ أيدينـا .. تـرى العشّـاق أياديـهـم زهــور

كيـف أبنسـى والريـاض لسيرتـي مثـل الكتـاب !
حافظتني بيت بيـت .. و حـي حـي .. و دوُر دوُر

مـن كثـر ماكنـت أدوّر فـي شوارعهـا جـواب :
هو صحيح الحب أعمى ! أو عيـون النـاس عـور ؟!

كنت أشوف الحب عذب .. وهـم يشوفونـه عـذاب !
كان هـذا الحـب سـر ! .. وقلتـه وكلـي سـرور

علمّونـي فـي المدينـه كـيـف لاحبـيـت أهــاب
لكـن القريـه قمرهـا قـال : كُـن للـحـب نــور

في بلادي كنت عاشـق .. بـس شاعـر بإغتـراب !
ليـن صـرت الشاعـر اللـي تعشقـه كـل البحـور

علمّينـي يالقصايـد هـو خـطـأ والا صــواب ؟!
لارفضـت أنسـى عيـون ٍ عشتهـا شعـر وشعـور

هذا أنا لحالي .. هزيـل الحـال .. وأشعـر بإكتئـاب
كـن قلبـي جـال بحـر ٍ هاجـرت عنـه الطـيـور

أجرع الفرقا وأقـول الحـب عـذب .. وللعـذاب ..
كـل قلـب ٍ لاحرمـه الوقـت مـن خلّـه .. يبـور

ولين هـذا اليـوم أدوّر فـي المدينـه عـن جـواب :
ليه في شرعك .. يكـون الحـب معنـى للفجـور ؟!!

بعد العشا ..}

راحوا الكبار وجلسوا البنات عند البحر والشباب راحوا الكفتيريا

ساره وكانها تذكرت شي : اي صح بنات انا جيابه طبله

ريماس وهي مبسوطه : جد

ساره : اي والله

نطت لهم ريم : ان شالله بتجلسون تغنون هنا

ريماس : لا في الشارع

ريم وهي مصدقه : لا والله هذا الي ناقص

ريماس تكلم ساره : سويره قومي نجيبها

في الكفتيريا ..}

طبعا ثامر كان كاشخ لابس تي شيرت ابيض بدون كم وفيه كتابه بالون الاسود مع بنطلون جنز ومخلي شعره ع راحته
تركي تي شيرت برتقالي مع بنطلون زيتي وشعره نافشه وصاير طايح ع وجهه وماعطه جاذبيه
نواف تي شيرت سماوي وبنطلون بيج ولابس كاب (بربري ) بيج وسماوي وباين طول شعره

تركي وثامر يسولفون ونواف يكلم جوال
شوي ويدخلون خمس بنات ويجلسون ع طاوله قريبه من الشباب

تركي: وش تشرب ثامر

ثامر : قهوه تركيه

تركي : في ذا الحر قهوه

ثامر: والله الجو حلوو كيفي

تركي : ونواف وش ناخذ له الاخ ساحب علينا وجالس يكلم

ثامر : جيب له بيره

تركي :طيب

ثامر مسك جواله وتركي وهو رايح يطلب انتبه للبنات وكيف ماخذين راحتهم والبنات نفس الشي جذبهم تركي وجلسوا يناظرون فيهم

تركي في نفسه : شكلهم سهلين ههههاي

طلب لهم وطلب للبنات معهم بيره وخله الهندي يوصله وكتب في ورقه وحطها مع البيره : هذا رقمي وبالعافيه

عند البنات ..}

رقص واغاني وريم معصبه وساره تغني باك تون والبنات تصفير وطق وهيصه

شوي ويمرون شباب : يالب ذا الصوت فدييتكم

ساره سكتت ريماس : ترا بذا الطبله اذا ماعرفت تحط لسانك بحلقك وتنطم

الشاب وهو يسوي ماسك قيتار ويغني:إهما البنات دايماً حلوين امشي واغمض بس وبعدين يا عالم
هوا إحنا بألفين يعني كله إحنا الوحشين والبنات دايم عالراس وعالعين ترا من حواء وادم الاثنين

ساره ترد :إتقز قز في كل مكان مرتز

الشباب انبسطوا وجلسون يصفرون لساره

ساره حطت يدها ع فمها تقول في نفسها كيف رديت

ريم عصبت ورمت الجزمه عليهم

وقالت للبنات : يلا دخلنا الشاليه

وغيروا ملابسهم وناموآآ

الشباب ..}

تركي : اي والله هم الي راسلين لي مسج مشكور ياحلو

ثامر : جد ناس خفيفه

تركي : بقوه بس وهو يرفع راسه بغرور : يشوفون واحد حلو وما يخقون

نواف : لا تكون صدقت انك حلوو ترا يكذبون عليك

تركي بثقه : اقول استريح الغيره ومتسوي

ثامر : اقول مشينا بس

تركي وهو يتثاوب : اي والله جاني نوم

نواف : اجل يلا

ورجعوا الشاليه ..

وصحوثاني الظهر والكل جهز اغراضه عشان يمشوووون وعالساعه 3 العصر الكل حرررك وراح بيته

——