نوع من انواع الغلا ارجو ان يعجب ذائقتكم الشعريه
اليكم
[poem font="Traditional Arabic,6,red,bold,normal" bkcolor="transparent" bkimage="" border="double,4,silver" type=1 line=0 align=center use=ex num="0,black"]
دكتور عطني من حبوب الغـلا حبـه=ماهو على عشاني لا والله على شانه
اللي في هجره وبعده ماخشـى ربـه=بعطيه حبه من لساني علـى لسانـه
ابيـه ينسـى عـذولٍ جـاه ولعبـه=ابعده عنـي بعـد ماكنـت فاعيانـه
غصنا بحور الهوى غبه ورى غبـه=وملكت لولـوه ومحـاره ومرجانـه
اغليه وعشقه عشق الشمـري جبـه=وعليه انا ارحم من الشايب لورعانـه
لبـى كلامـه وصـادق نبـي ونبـه=وردفه وخصره ومجدولـه وذرعانـه
ياسايق الفـرد عـب التانكـي عبـه=وتله وخل الجمـر يلعـب بشكمانـه
ومن الخبر فهق الخبـه ورى الخبـه=قـفّ الوسيـع ومحطاتـه وشعبانـه
والعاصمـه خلهـا للفـرد مطـبـه=ما تهون.. لكن نبى من خلف سلطانه
وحريمـلا والقصـب طريقهـا ذبـه=وطويـق عـده ولا تجذبـك وديانـه
وعريق شقراء يجي من عقبها قبـه=يبهـرك كنـه مديـنٍ شـاف ديانـه
ومن عقب شقراء نفود السر بطبـه=وبيصادفك راعي الذيـدان وذيدانـه
والديره اللـي بعدهـا ديـرة الشبـه=عسيلة الطيـب والفزعـه وعنوانـه
(ولذوي زياد) فيها بيت الضيف يقلط به=ماسكـر البـاب والله دون ضيفانـه
وساجر وراها ياراع الفرد يـا قربـه=ومن بعد ساجر تجيك ديـار جدانـه
وصل سلامي عليـه وصـل الحبـه=وقله عقب مضغت الساني على السانه
وقله تراني اعشقـه مـوت واحبـه=ونفسي على ضمته بالحيـل شفقانـه
والعاذل ان جـاب هـرجٍ لازم يكبـه=وقله ترا مسكنـه فالقلـب وشريانـه [/poem]
بقلمي
ماسكـر البـاب والله دون ضيفانـه
صح لسانك وعلا شانك..
والنعم فيك وتستاهل الثناء على هالقصيده..
لك كل الشكر..
تحياتي..
صح لسانك
وماشا ءالله ما بقى ديرة ماقلتها هنا ^_^
قصيدة جميلة وجزلة من جزل
لاهنت
| دكتور عطني من حبوب الغـلا حبـه ماهو على عشاني لا والله علـى شانـه اللي في هجره وبعـده ماخشـى ربـه بعطيه حبه من لسانـي علـى لسانـه ابيـه ينسـى عـذولٍ جـاه ولعبـه ابعده عنـي بعـد ماكنـت فاعيانـه غصنا بحور الهـوى غبـه ورى غبـه وملكـت لولـوه ومحـاره ومرجانـه |
××
صح السانك وعلا شانك
روعه هالابيات
تحياتي لك
××
وقصيدة جميلة كالعادة
من قلم عودنا الجمال
صح السانك وينطيك العافية
ولاتحرمنا كرم الوصال
دمت بخير
تحياتي
نشوان/سيد الامنيات
صح لساانك وبيض الله وجهك
تقبل مني خالص التحية والتقدير
ربي مايحرمنا من جديدك
تحياتي
صح قلبك
رائعة
وليس جديد
ان يحمل هذا الاسم
الزيادي
لمسات االابداع
القوافي كانت رائعة
جميل ان نقرأ ما يمتعنا حقنا
وجدت هنا متعتي
فشكر يا غالي
كل مابي اعلق على بيت يجذبني اللي بعدهـ
تقبل مرووري
دلـــــــــ الهيلااا ـــــــــــع
:
صح ّ لسآنك ً مليـون ولا يسـدون ُ ..
:
متـميز من يومـك ٌ ^،^
:
تسلم ٍ يمنـآإك ّ ولا عدمنـآإك ٍ