جف القلم 2024.

[poem font="simplified arabic,5,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black"]
ياشوق تحرق عيوني لاجلك العبره = ابطى وصالك ودمع العين يشويها

ضاق الرياض بعيوني واختفى كبره = وانا على شوفتك نفسي ممنيهــا

ياقو عزمي على بعدك وياصبـــــره = اغفل عن النفس باذكارك واحاكيها

ان كان عظمي كسير ارجيك ياجبره = وان كان نفسي تخف جروح داويها

سمعني الصوت روحي فدوة النبره = اموت واحيا على النبره وراعيهـــا

ياوجد قلبي وجد من جهزوا قبـــره = له منيتن في حنايا الصدر مخفيهــا

نفسه عليها تفيض شجون معتبره = لو وزعت في صدور الخلق تكفيهــا

شوق ووله من زمانه عجل بثبره = ايامه البيض قفت مع لياليهــــــــــا

جف القلم من كتابه وانتثر حبـــره = ماباقي الا وصاة اله يوصيهـــــــــــا

الكون كله يضيق بمنسم الابــــــره = والناس غير الحبيب مااعتنى فيهــا

قولوا سهم بالغلا باقي على خبــره = ماخان ذيك العهود ومات موفيهــــا

مالاق غيرك بنون العين في سبره = كن العذارى رجال اللي يراعيهـــــــا [/poem]

..~

يعطيك العافية يارب

وربي ابداع في ابداع

كل بيت اجمل من البيت اللي قبله وأول ماشفت العنوان قلت تحت القصيده

نص رهيب وبالفعل وجدت نص رهيب

سجل اعجابي بما تكتب

والي الامام ان شاء الله

تحياتي لك

صح لسانك مليون..
جزله من جزل ماشاء الله..
اعجبتني حيل , تسلم يمناك ولاهنت ..
دمت متألق ودام بريقك..

قصيدتك خطييييره بقووووه

وحزنتني شوي وابكي وربي تأثرت

تثلم ايدك عالقصيده وعالحس الي كذا

وربي قصيدتك جنان ومأثره بقوه

وخطيره بعد اكيد لاني انا رديت عليها احم احم>> ما اتحمل الثقه الي كذا هههه

يعتيك العافيه عالابداع

لاهنت