جراح الشوق
الجزاالاول
يمه أبسائلك عن خالي و يين راح ؟ والله يا شوق أظنه طلع للاستراحة اليوم جمعتهم بس مدري هو راح ولا لا؟___شوق :غريبة دقيت عليه مارد؛_ أمها:ليه تبين منه شي؟ شوق:لا يمه بس ناسي بوكه عندي بصالة اللي فوق أكيد أذى فقده بيدق…..في الآستراحة
وليد:أقول شباب شرايكم اليوم القطة تكون مشاوي ما تكون كبسه ترى تعبت بطونا منها
محمد:والله اذا مطلبتو كبسه مارح اتعشاء معكم ,<العيال كلهم ضحكو > متعب:على حبك للكبسهة وادق فيها اللي يشوفك يقول ذا ماياكل الازيتون محمد:ياحلو يابو كرش هذا الرياضة ومأ تعمل وأنا ما أكل بعيني (مع الضحك ) سامي:شكلنا بنجيب نوعين مع بعض عشان ما نزعل بطونكم وأنا أول من يدفع …..
!!اشباب يناظرون سامي !! قاله وليد :سامي وشفيك وش أدور ؟؟سامي:والله مدري ويين حطيت ألبوك ؟(ضحكو العيال )متعب:شكلك تصرف.. سامي:لا والله مدري وينه بروح أدورة في ألسيارة ….(لما رجع سامي لشباب )قال محمد:ها ة بشر لقيته …سامي:لا والله مدري وينه ؟..متعب:الله كفاك القطة اليوم وسع صدرك وانشأ الله بتلقاة
سامي:بروح أدورة يا شباب عن أذنكم ..محمد : اقول ما يسيوا ألبوك أقعد تعش و بعد يين رح سامي : لا فية اوراق مهمة وليد : بتلقاه والله بس أقعد .. سامي : لحضه بدق أدورة عند الاهل أشوف أول
( دق سامي على اهله وماحصله دق على بيت اخته و ردت شوق ) شوق : الوه هلا .. سامي : أقول خألوه ماشفتي بوكي .. شوق : لا .. سامي : ياربيه ويين راح .. شوق : ليه فيه شي مهم .. سامي : أيه بس برجع للبيت أدوره .. شوق : لو انه أنا آلي ضايعة بدورني كذا .. سامي : يشين مزحك شوق : أقول لا تتصرقع لو أنك راد علي يوم دقيت عليك كان قلتلك أنه عندنا يا مضيع .. سامي : احلفي انه عندك …. شوق : والله .. سامي : الحمد لله طار قلبي .. شوق كل هذا عشان بوك اجل إذا تزوجت و راحت زوجتك عند أهلها تزورهم وش بتسوي .. سامي : أقول اعقلي تراني خالك يا بنت .. شوق : نسيت أنك أخو أمي .. سامي : اقول أخو أمك سواق أنتِ و خشتك .. شوق تضحك : لا فديتك والله خالي و تاج راسي .. سامي :
خلاص إذا طلعت من الاستراحة بجي أخذة .. شوق : ok خألوه (رجع سامي لشباب)سامي: هاي شباب ..متعب:شكلك لقيته ردت فيك الروح
سامي:إيه وألا أسبوع الجاي علي العشاء انشاءالله ..الشباب (كفؤ والله يابو الشباب…..(عقب عشاء الشباب)تركي:سامي أبيك شوي..سامي:معليش يخوي مستعجل بروح أجيب البؤك قبل مايطير ليه فيه شي ضروري ؟
اركب معي .. تركي : لا خلاص شي عادي بعدين إنشاء الله .. راح سامي وجاء محمد عند تركي الي واقف عند سيارته يبي يشغلها قال محمد : ها تركي قلتله .. تركي : لا ولله كان مستعجل وانا أصلن ترددت بعدين اقوله .. محمد : اجل اشوفك بعدين
( بيت أم شوق ) الساعة ثلاث و نصف بليل
لاضاق صدري بزعجك واتصل فيك
لا تساليني لا تقولين وش فيك
والله يعينك كل ماضاق صدري
يابنت أنا عن حالي اليوم مدري
شوق بصوت فيه نوم هلا خالو .. سامي : صاحية .. شوق : ايه بس والله مالي خلق انزل .. سامي : لا انا بجي اخذ البوك .. شوق : خالي تعال بكره ودني الجامعة وخذه
سامي : ok يا عيون خالو
الجزء الثاني …….
في الصباح بيت ابو عبد العزيز عم شوق
على الفطور أبو عبد العزيز: اقول جواهر تشوفين بنت عمك في الجامعة
جواهر: ايه يبه لية .. الاب : سلميني عليها قولي لها ان عمك يقول ورى ما تسيرين علينا ولا الي بيننا راح مع اخوي (الله يرحمه ) .. جواهر : يابوي اعذرها بعد موت عمي نفسيتها تعبانه لين غيرو خوالها بيتهم و سكنو جنب خوالها وتخاف من بيوتنا تذكر ابوها .. ابو عبد العزيز : الموت حق بس البنت حساسة سلميني عليها والله انها تدق ما تقصر فجاءه تركي : منهي ذي .. جواهر: ياشين القافة .. ابوه : بنت عمك .. تركي إيه والله ما تقصر.. جواهر: ياشين القطة ارفق لا يطق فيك عرق .. تركي : يبه بسالك عبد العزيز مو جاي في العطله .. ابو عبد العزيز : تراه اخوك دق علية واساله .. تركي بصوت قصير ما تن سالون يا الشياب .. ابوه : وش قلت .. تركي : اقول مشغول انا بس باكلمة .. جواهر : عاش مصرف ……………………….
سامي : صباح الخير يا أحلى اخت بها الدنيا ..أم شوق :صباح الخير يا خيي عساك افطرت .. سامي : ايه بس وين بنتك الدلوعه .. أم شوق: نايمه .. سامي : وشو
أم شوق : تقول انها تعبانة و عطتني بوكك اوصله لك سم خذه .. سامي : تسلمين بس ابرقا لها .. ام شوق : بسلامتك ( طق باب الغرفه ) شوق : انا الحين بخلص ( انفتح الباب ) ..سامي : ماشاء الله منتب رايحه و تعبانة واشوفك لبسة و مشخصة .. شوق : من أذن لك تدخل بعدين أنا بكيفي …سامي:وشفيك شابه ضوء عالا الصبح ..شوق بكيفي ..سامي:وين بتروحين .. شوق : للجامعه .. سامي : هاذي التعبانه يله عشان اوديك.. شوق : مو رايحه معاك.. سامي : ايش ؟ وش فيك بكت شوق ما توقعتك يا خالي راعي سوالف .. سامي : أي سوالف .. شوق : افتح بوكك و أتعرف سامي :يا لقفي مفتشة و بعدين عادي هذي حبيبتي .. شوق : و تعترف بعد إي هاذي الاوراق المهمة .. سامي : أقول لا يكثر تعالي اركبي وانا اقولك وش السالفة يا الملقوفة.. في السيارة …….( عند باب الجامعة ) ………….
..شوق : أسفه خالي إني شكيت فيك .. سامي : بلا لقافه أنتي وخشتك بس و ناسه بنت أختي تحبني ..شوق : اكيد مو خالي و سواقي الشخصي .. سامي : انزلي أنتي وجهك لا أتوطى في بطنك ..شوق : ok بس لا تنسى تمر الساعة 12 .. سامي : إذا خلصت دوامي بدري ولا بطلع عشان خاطر عيون بنت اختي الدلوعة ..شوق : مشكور يا عيوني ( أما سالفت الصورة الي في البوك بعدين أقولها )
جواهر : هلا شوق من جابك .. شوق : اكيد سواقي الشخصي ..جواهر: حرام عليك والله لو اني مكانه ما أجيبك ابد ..شوق : لا يكثر بس أقول ماجت هيام ..جواهر:إلا تنتظرنا في الكفتيريا ..شوق: يله نروح لها والله واحشتني ..جواهر:أقول شوق روحي لهيام وأنا بلحقك (شوق شافت هيام سرحانه )شوق:فديت السرحأنه أنا
هيام:وينك بدري ..شوق:سالفة يأقلبي صارت ..هيام :خير أنشاء الله (شوق قالت لهيام أسالفة لاأنها ماتخبي عليها أي شي وهيام نفس الشي )شوق:هيام بقولك شي ..هيام:خير أنشاء الله ..شوق:عمي يبيني أزورهم وأنا عقب وفات أبوي ماقدرت ادخل بيوت عماني اذكر أبوي ؤشلون كان هو وخوانه على قلب واحد
هيام:الله يرحمه بس يا قلبي لازم تروحين تزورينهم ..شوق:إنشاء الله الروح واليوم في بيت خوالي بشوف من يوديني للان أمي ما أظن تروح معأي ..هيام:شوق أذا رحتي لهم ورجعتي دقي على طمنيني اوكيه..شوق اوكية يله قومي قبل ما تبدأ المحضره ……………………………
الفصل الثاني
(بيت جد شوق )
الجد:أقول يا بنيتي وشلون الجامعة معك..شوق:الحمد لله باقي ترمين ونص والتخرج أنشاء الله..الجد:يعني شهرين واسبوعين (الكل ضحك)..سعد خال شوق الكبير:لا يبة يعني باقي سنة ونص…الجد:يعني راعين طويلة..سعد:قربت يبة ادع بس للبنات يتخرجون أنشاء الله الجد:والله شوق وأسيل أكيد بس سديم مأظنتي (هذولي بنات خالها سعد أسيل صاحبت شوق وسديم الصغيره دلوعة بثاني جامعة )..فهد خالها :أقول شوق أرقي لغرفت اخوي سامي صحية يجي ييتقهواء ونادي بنات اخوي..شوق:ابشر (راحت لبنات خالها سعد ولقتهم بينزلون سلمت عليهم )قالت اسيل:لك وحشة يا بنت عمتي..شوق :الله يسلمك وانتو أكثر ..سديم مسرع أشتقتو اليوم بلجامعة شايفين بعض أقول بس من فيه تحت؟..شوق:كلهم ..سديم: بأي فيه قهوة وسوالف عمتي وجدي متنمل القأكم تحت..شوق:أسيل بروح اصحي خالي سامي تجين معأي؟ اسيل.:ok
(دخلو على سامي لقوه خالص لبس )شوق:هلا خالي..سامي:هلا والله وأقول ويش ذا النور ..أسيل:وانا وين رحت؟..سامي:في عيوني (ضحكو البنات وجننو سامي شوي ثم نزلو كلهم)…(بعد العشاء)..فهد:أخيتي أوصلكم للبيت قبل لطلع ..سامي:لا رح أنا بوديهم وبنوم عندهم اليوم ..الجد:أنت اختر بيت واحد فيهم واسكن فيه احسن من أنطنطه ذي..ام شوق:أية والله فكرة زينه ..سعد:كنك ما صدقتي ..فهد:ألا اسكني أنتي وبنتك عندنا..الجد:ترى سوأليفكم ما تنمل بس وأنا أبوك بروح أنام تصبحون على خير (الكل وأنت من أهله)..سامي:بروح للبنات فوق أنادي شوق عشان نروح وأنتي تولمي ..(دخل سامي على البنات لقاهم يضحكون وقال):عسى مو الضحك على..شوق:وأنا أرضى احد يضحك عليك..سامي:كفؤ والله طيب قومي نروح للبيت..اسيل:بدري..سديم: تؤنا ..شوق:شرأيكم تكملون السهرة عندنا ..اسيل:مو شينه بس مرة ثانية ..شوق: ok بأي ….(لما جو أم شوق نامت سامي قاعد عند التلفزيون في الصالة اللي فوق و شوق راحت بدلت ملا بسها ولبست بجامه وردي برمودة ورفعت شعرها شنيون وجت عند خالها كان شكلها بري لما شافها خالها الي كان قاعد على أريكة طويلة لونها عنابي بذهبي وحاط الخدااديه وراء ظهره )قال:أموت على البراءة (ضحكت شوق وما ردت لما جلسو يتفرجون نأظر سامي شوق لقأهأ سرحانه ) ..سامي:شوق وشفيك..شوق: عمي يبيني أزورهم وأنا خايفه ما ودي الروح لهم ..سامي:وش يخوفك تبيني أوصلك أنا ..شوق:اكيد أنت ألي بتوديني بس أنا اخاف يتكلمون بلورث وانا ما أبي شي من الشركة ..سامي:هذا حقك وبيوصلك بس
لا تقاطعين بأعمأنك يكفي أنهم أخوان الغالي (الله يرحمه )..(شوق نزلت دمعتها قرب خالها عندها وحط رأسها على صدره )قال لها:يا لغالية خلآص أدعي له برحمة ..شوق رفعت رأسها والدموع بعيونها قالت:الله لا يحرمني منكم ولا يجرحني شوق احد غالي ويعوضني في أبوي خير ضمها خالها وقال:أمين..يا لغالية ………..في يوم الخميس دخلت جواهر على اهلها وهم يتغدون وقالت :لهم اليوم شوق بتجي عندنا المغرب..أبوها:الله يحييها..الآم هذي ألساعة اللمباركة ..(أما تركي تغير لون وجهه وحس أنه شبع من الخبر وراح لغرفته)..جواهر:بروح أصلح ألحلا ألي تحبه بنت عمي وأجيب لها العصير ألي تحبه بس من ألي يجيبه؟..أمها:قولي لتركي .. (أما تركي كان بعلم ثاني يفكر ويردد….
أشتاق لشوفك ولا أبغاء أناس تدريبي واطبع رسالتك بقصى القلب وأكتبها مما حصل منك جاري لي عواقيبي ألطف بحال المتيم لا تعذبها
(ألى بدخلت جواهر :هيه يابو أشباب وين رحت؟..تركي:وجع خوفتيني..جواهر:يا عيني على الحساس قم بس جب لنا عصير توت..تركي:من حظرتك أجيب لك..جواهر:كيفك لا تجيب بس على فكره تراه مؤ لي ..تركي: هأه من هو له ؟ جواهر:لضيوفنا بس خلاص أشربهم شاهي ..تركي:لا بجيب ألي تبين لو عصير قرع..جواهر:أرفق بنفسك البنت ما تدري عنك يا قيس..تركي:بلا رفالت أختي ..جواهر:هذى ونأ ناوية أقول لها..تركي:أمزح والله خلا ص لا تصلحين شي بجيب كل شي من برى ..جواهر :ادري مو عشاني……(في بيت شوق )ألو هيام ..شوق هلا وش فيك؟..شوق:بروح لبيت عمي اليوم لبيت عمي وأحس انوه بيصير شي …هيام:أذكري ربك وتعوذي من أشيطان وما رح يصير شي ..شوق:يا له بروح أتجهز وأشوف شلبس..هيام:أذى جيتي دقي أو أنا أتصل ok..شوق:okبأي …(المغرب بعد الصلاه دخل سامي على أخته وسلم عليها وسألها عن شوق ولما خبرته عنها صعد فوق عندها وطق الباب بطقته المميزة )شوق:أدخل خالي ..سامي:صفر لما شافها وقالها وشذا ألحلأ كله رأيحة حفلة ..(كانت لا بسه تنوره ميدي تحت أركبه لونها زيتي وفيها نقشه شك على جنب لونها أورنج وبيج وقميص مخصر على جسمها لونها اورنج وبيج وحزام على الخصر فوق ألبلوزه لونه زيتي وبوت بيج فيه تطريز زيتي وأورنج والميك أب هادي بس روعه مع شعره ألي مسيحتة ) ..سامي:خللصتي قلب خالوه؟ شوق:أية تنزل معي عندهم ..سامي:بخلص كم شغله وأرجع عندهم أتقهواء وبعدين نطلع ألا أذى غيرتي رأيك !!شوق:لا بس أنت أذى لزمو عليك تنساني ..سامي :أنتي ألي شكلك بتغيرين رأيك أذى صار ردي…(و طلعوا هي وخالها)….(لما وصلو فتحت جواهرلشوق… لما خذؤ وقت بسوالف رقو البنات فوق بغرفت جواهر في هذى الوقت جأهم الخال سامي واستقبلوه بلمجلس عند عمان شوق تركي أستاذن يجيب القهوة وأتصل على جواهر تجهزها له) جواهر:شوق بنزل أودي القهوة الحقيني اذى خلصتي المجلة ..تركي:جويهير ما خلصتيها وانا قايلك قبل خمس دقايق ..جواهر:أسفه والله الجلسة مع شوق نستني..تركي:أجل معذورة بس الشايب بيقب على ..جواهر:لجل عين ياخوي ..تركي:بروح أغسل يديني جوى وارجع ..جواهر:خلا ص بتلقاني خلصتها …((في هذى الوقت نزلت شوق ووقفت عند الدرج خافت يكون ولد عمها عند أخته في المطبخ في هذي الحظه طلع تركي مسرع من عند المغاسل ولا رفع رأسه قاعد يعدل شماغه على ريحت العطر المركز التفتت شوق وصدم فيها تركي وجت تطيح على وراء مسكها مع يدينها حاله لا توصف من البرود والرعب ألي صار للثنين مع بعض رفع تركي رأسه وقال:بسم الله عليك صار لك شي ..شوق ما ردت بس شافت ألي لابس ثوب عسلي غامق وغترة بيج فاتح وعيون وساع وجه مملوح وجذاب وبعدين أستوعب الموقف …..)). (في هذى الحظه دخلت عليهم جواهر وهي تضحك ورمت على شوق منشفة المطبخ عشان تتغطى عن ولد عمها وراحت شوق وهي مسرعه ومصدومة من الموقف ).. جواهر:تروك وين رحت خلاص كل واحد يصلح سيارته وترى القهوة خلصت …تركي:هاة سمي ..جواهر:بسم الله عليك يا اخوي انصقهت؟!!تركي:لا بس من هذي الملاك ؟..جواهر:أشوف هذي البنت نستك القهوة ..تركي:بروح بس من ذي؟؟ جواهر:أول مره أشوف واحد يحب وما يعرف ألي يحبها !تركي :هذي قلبي شوق؟.. جواهر:رح لبوي يناديك..(خذا تركي ألقهوة وراح وهو مو مصدق ألي صارله وان هذي ألي يتمناها طلعت أحلا من خياله ).. (دخل تركي المجلس)..أبوة قاله: خير أنشا لله رأيح المطار أنت تجيب القهوة..تركي:لا أسموحه بس ظروف..سامي:كلفنا عليكم..ابو عبدالعزيز:لا يبن الحللا ل مهنا كلافه..سامي :الله يسلمك..(في هذي الحظه دق جوال سامي بنغمه راشد الماجد..دلوعتي كل الحلا فيها….احترت أنا مدري شاسميها….في حسنها كن البدر ضاوي ….أخت القمر محدن يساويها….)سامي:هلا شوق أبشري يله..العم:خير أنشا الله..سامي:والله بنمشي..أبو عبدالعزيز:بدري العشاء..سامي:الوالد يحترينا.ابو عبدالعزيز:دام الوالد يستنأكم مقدر أقول شي بس ليته جاء وتعشيتو كلكم ..سامي:مره ثانيه ..العم بروح اسلم على شوق قبل ماتروح وطلع عمها مع أخوه لما جاء يطلع سامي قاله تركي عن اسالفة وقاله تعذر لي منها والله ما كان قصدي ..سامي:يالمطفوق فتح عيونك مره ثانيه وحصل خير وفي وجه سامي الضحكة قال:الى وش تبي ذاك اليوم با لستراحه ..تركي:والله مدري وش أقول بس بصرأحه ما بعد اصدمه شي أنا أحب بنت عمي ودي أخطبها وأبيك تمهد لي الطريق لا ني أدري عن تعلقها فيك ورد علي…سامي:والله فاجئتني بس أبشر …(وطلع سامي وركب السيارة طلعت شوق بعد ما سلمت على عمانها وودعتهم وجواهر هبلت فيها عقب الموقف طلعو مع بعض عشان توصلها للباب ودعتها وراحت….في السيارة كان واضح على شوق أنها سر حانة و مرتبكة )..سامي:شوق شخبار الروحة ..شوق:تمام..سامي:بس..(شوق شكت أنه يدري إلى بدقت جوالها بنغمة صديقتها هيام)..هلا ..هيام:هاه طلعتي؟..شوق:أية..هيام:صار شي..شوق:قايلتلك بيصير..هيام:عن الورث..شوق:لا والله عن مصيبة (وقصرت صوتها عشان خالها ما يسمعها )قالت:بعددين أقولك okوسكرت..سامي:وبن تروحين بيتنا ولا بيتكم..شوق:لا عندكم أمي عندكم بنت عشاء عند جدي اليوم..(دخلوا على بيت أخوالها وسلمت على جدها )قالت اسيل:يا حلوك يا بنت عمتي اليوم كل هذى لعمانك..شوق:لا لكم عشاني بت عشاء عندكم..سديم:يا شين الكذب يا بنت..سامي:إلى بنت أختي مشخصه لي صح؟..شوق:أية لخالي..الجد:والله ما تستحين وأنا وبن رحت؟(ضحكو كلهم وسهروا عندهم لين نص الليل )أم شوق:يا له معد إلا خير تمسو على خير..أم اسيل:بدري يا أختي..أم شوق:لا والله مو بدري أبوي وسعد نامو وفهد طالع وأنا سهرتك ولو نخليها على سامي والبنات عز الله ما نمنا ابد مع ألسلامه…. (طلع سامي مع
أخته لأنه الأربعاء والخميس والجمعة ينام عند أخته وبعض الحيان أيام ألأسبوع أذى ما عنده شغل كثير كان يناظر في شوق طول الوقت وأضح أنه فيها شي حتى وهي تضحك وتسو لف مع بنات خالها..لما وصلو راح كل وأحد لغرفته و لما جاء الفجر صلا سامي ورجع لغرفته وهو في طريقة لقاء نور غرفتها مولع وفيه حركه طق عليها الباب وفتحه لقاها ما بدلت ملابسها وجالسه على صوفه طويلة لونها وردي وعندها طاوله نفس ألون وحاطه يدها على خدها )..سامي:شفيك ما بدلتي؟.شوق:هاه الحين أبدل..سامي:شوق فيك شي مصليتي ؟شوق:ليه أذن..سامي:الله يخلف عليك قومي صلي قبل لا يطلع الوقت..(شوق راحت وصلت وبدلت ملابسها وجت لين خالها قاعد على سريرها يستناها )..شوق:ما رحت تنام؟..سامي:لا أستناك تسولفين وبعددين وش في مشيتك؟شوق :ما فيني شي بس جنبي وبعددين وش أسوالف لك ؟ سامي: سولفي إلي صار لك اليوم في بيت عمك وغير ملامحك والي قلتيه لهيام في السيارة..شوق:وأنت تتجسس على ؟سامي:بنت أختي وأنا حر وبعددين قولي لي وأقولك شي مهم..شوق:وحده بوحدة يعني؟..((جلست شوق قدام خالها ورفعت شعرها وخذت نفس عميق وخالها يناظرها وقالت له السالفة وهي تتكلم متأثرة بلل موقف وتحرك يدينها وهي تحكي كان خالها إلي يدري عن السالفة يتأمل ملامح وجهها ويناظرها وهو يدعي في قلبه أن الله يرزقه زوجه تكون مثل بنت أخته في صفاتها وشخصيتها وجمالها وددددلعععها))..شوق:خالي أنا أكلمك ومصدومة وأنت تناظرني كذا..سامي:أجل أسكر عيوني..شوق:في عيونها دموع يسخفك..سامي:شفيك أمزح..شوق:والله مو وقت مزح..سامي:أجل بقولك شي..شوق:خير أنشاء الله..سامي:يوم دقيتي على طلعوا عمانك يسلمون عليك جاني تركي وعلمني وقالي أنه يتأسف منك وأنه ما كان يقصد..شوق بكل برود:هاه..سامي:من قال هاه سمع..شوق بقولك شي بس لا تردين على الحين okولا تأخذين الموضوع بعصبيه..شوق: وش فيك خرعتني..(سامي حط يدينه على كتوف شوق ونزلها وقالها…هدي أعصابك وأنا خالك مافي شي يخوف…شوق نزلت كتوفها وقالت:خير خالي وش فيك؟)سامي: أبد يا بنت أختي الغالية بس ترى تركي يحبك من زمان وأنا داري عنه بس اليوم عقب إلى صار لكم قالي وأنا استأنست لأني كنت أول بفقع وجهه أذى كلمتك وأنا بللاسترأحة ينط كن قلبه بي وقف والحين يوم قالي لا والله أنه نعم الولد وصديقي وأعرف عنه كل شي بس الرأي رأيك وأنتي إلي تهميني..(شوق مصدومة ما تدري وش تقول بس لما شافت ولد عمها اليوم مشاعرها تحركت تجاهه شوي……..)
بس نبي تعريف للعوائل
ونتظر البارت الجااااااااااااااااااااااااي
ودمتي بوووووووووووووووووووددد
الله يعطيك العافيه
موفقه آن شاء الله
اتمني توضيح اذا هي منقوله ولآ من كتاباتك
‘,
كملهـا / كمليها
بس امممم ماعرفنا اعمار الشخصيات الـخ
المهم
ننتظر البارت القادم ^^
يعطيك العافيه يارب
بالتوفيق للجميع
وعساك ع القوه
ومنوره القسم
..