يـاطـوـول بالي عليه وياوسع صدري
وأن هب شعري على كل أتجاهاته
ماكن فوقي سما ولا الثرى حدري
أتخيله ساكت ويحكي معاناته
وأن قلت شلون صارت قلت لك مدري
عيونه تسولف وتشرح لي سكاته
وياحي رقت سوالف رمشه الخدري
بس علمه كان ماراجع حساباته
تراي حاسب حساب الدمع من بدري
خيانة أحبابي ووقتي وطعناته
لو نزلت دمعي مانقصي قدري
ولا صار ناوي على فرقاي وحياته
معاد تلمح عيوني وجهه البدري
أنا عرفت الوله من قل جياته
وجايز يعرف الوفا لاحس في غدري
إي والله أني ضايق ومرهق ومخنوق وحزين
إما بموت من الوله ولا بموت من القهر
واللي لعب في حسبت أيامي وخلاها سنين
أني على ذا الحال ياشعري لي أكثر من شهر
بعت المدينة لجل عين وقالوا الخافي يبين
ودفنتك بجوفي وقالوا وش بقابك ماظهر
يامطول الغيبه ياطول الشوق مير الله يعين
العاشق اللي عاش ظامي بين عدك والنهر
عيدبي غيابك سنه والليله من العايدين
ولا عاد عيدك يالجروح الي في قلبي من دهر
يا صاحبي لو نعتذر عن غيبتك عذرك سمين
حبك بعد ماغبت عن عيني تمادى وأزدهر
من يوم شفتك والنعاس بعينك النجلا سجين
ومن نفس ذاك اليوم وعيوني سجينه للسهر
علقتني بالضحكه اللي تسبق الغمازتين
وتركتني شاعر كتب فيك القصايد وأشتهر
سيلت دمعك واستباح الدمع ستر الياسمين
وعلمتني كيف الندى يجمل خدود الزهر
ليتك عقب ماغبت غيبت أشتياقي والحنين
أو ليتني ماقد دفعت أحلام عمري لك مهر
وياصاحبي لعاد تسئلني عن الحزن الدفين
أقسى الطعون الطعنه اللي من حبيب وبالظهر
أنا حبيبي من أكون بحياتك
دامك تعرف بدنيتي من تكون أنت
تدري أحبك فوق حبك لذاتك
وأنت بعذابي والمواجع تفنن
أحيان أشوف أني قريب ومناتك
وأحس كني من خفوقك تمكنت
أعيش ليلي صابرن في رجاتك
أخفي همومي وأصدق الشوق بينت
كنت أحلى منك تعترف لي بغلاتك
ماكنت أفكر بالغدر منك ماكنت
محد بقلبي يوم سوا سواتك
مالنت قبل أعرف غلاك أنت مالنت
ياما إجرحتني كلمتن من شفاتك
ياما بزلاتك وجرحك تكفنت
اليوم مالي أي شي في حياتك
لكن حياتي للأسف كلها أنــــــــــت
بقلـــــمي
| إي والله أني ضايق ومرهق ومخنوق وحزين إما بموت من الوله ولا بموت من القهر واللي لعب في حسبت أيامي وخلاها سنين أني على ذا الحال ياشعري لي أكثر من شهر |
ابدددددعت
قلم راقي .. احساس نابض .. يدخل الى القلب
كل الشكر يا هآدي ..,
مشكووور على الــرد
تقبل ودي
سلم قلمك
تحيتي لكــ
تقبــل ودي
وجعل هذه القصائد للشاعر المعروف محمد جار الله السهلي بقلمك !!
اسمح لي بنقل المشاركة لقسم المنقولات
ومتى ماتكرر ذلك سوف نمنحك عضوية اللصوص وهي متوفرة بمنتدانا
.. تقديري ..ْ~
بس يالغلا انا ماقلت انا كاتبها
المقطع الاخير هو بقلمي والباقي يعني معروف مو لازم اكتب اسم الشاعر
لانه معروف بس هذا هو مالدي من توضيح ودمتي بود
( ومو هادي اللي يسرق أحاسيس الغير حطيها في بالك ) يابنت الناس …………………………………… الشاعر هادي
وياليت تنزل اكثر من كتاباتك حتى تتطور هالموهبه
ترى انا من هواة قراءة الشعر وياليتني اقدر اكتب
في انتظار هطول ابداعــــــاتكـ
يعطيك ألف عافيه
كلك ذووق بإختيارك
سلمت يمينك وسلم نقلك
//
مشكووره يالغلا