"راح عنها و خلاها وحيدة ، حاطة أيدها ع بطنها و تصيح اكثر و تتذكر أحلى أيامهم مع بعض
و رجعتها الذكرى لوقت وايد بعيد الوقت الي عرفته فيه "
>قبل كم سنهه ف ايام دراستهم<
كانو دانة و فطيم حادرين المسن
دانة : فطاااامميي !!
فطيم : عيون فطامي .
دانة : بعرفج على واحد تعرفت عليه يوم كنا فـ تايلند .
فطيم : امممم ، مول مب متحمسهه اسولف وياه .
دانه : والله بليززززز هو حبوب و سوالف .
فطيم : اوكيه .
وصلت فطيم أضافه و عرفت ان منه هو
…….: هلا
فطيم : أهلين
…….: شحالج !!
فطيم : الحمد لله بخير ، انته شحالك !!
…….: يسرج الحال ، الا قوليلي شو أسمج ؟
فطيم : اسمي فطيم ، و انت شسمك !
…….: حمد ، اسمي حمد ..
* نرجع للواقع *
و بدت فطيم يعلا صوتها و تعلا شهقاتها …
فطيم : ليش يا حمد ليش رحت و خليتني انته وعدتني عن دنياي ما تغيب "تمنيت بالموت اسبقك و لا أني اليوم ابكيك" تيتم ولدنا قبل لا ينولد حححمممدددد والله احبك ارجع لا تخليني اعيش هالدنيا بروحي ارجع الله يخليك ارجعع ..
اسودت الدنيا بعين فطيم و طاحت على الارض مغمى عليها من التعب .
نشت فطيم على صوت امها ..
ام زايد " الي هي أمها " ( و هي تصيح ) : بسم الله عليج يا بنتي ، شو صابج ! لا تسوين بنفسج جذي يا بنتي حمد راح الصياح ما بيرجعه و لا بيرجع ايامه ، يا بنتي حرام عليج انتي لج ضنا ف بطنج ، اهتمي بنفسج عسب ما تخسرينه يا بنتي و انتي ما بقى لج غير كم أسبوع و تولدين .
فطيم " تذكرت ان حمد توفى و رجعت تصيح" : مابي هالياهل يا أمي مابيه ، أبا حمد رجعولي حمد الله يخليكم هاتوه محتاجتنه قولوله لا يخليني يا أمي رجعوووهه ..
و رجعتها الذكرى لـ ليلة عرسهم فالفندق بعد ما صعدو لغرفتهم ..
حمد حضن فطيم من ورا
حمد : شوفي على كثر ما عانينا صرنا مع بعض اليوم ، صرت لج و معاج ، صدقيني فطامي ما بخليج بتم معاج طول العمر و بنربي عيالنا ويا بعض و بيزيد حبي لج كل يوم عن الثاني ، والله احبج " باسها ع رقبتها"
* نرجع للواقع *
الدكتور : والله يا اختي بنتكم تعرضت لصدمة نفسية قوية و هذا الشي بيأثر على الجنين .
ام زايد : و شو بأيدينا نسوي يا دكتور !
الدكتور : ساعدوها تنسى الي صار بزوجها ، ساعدوها تتحمل عشان ما تخسر الجنين
نزلت دمعه لا إرادية من عين ام زايد ، فطيم كانت و لا زالت وأيد قريبة من أمها من هي صغيرة كانت كـ اخت لها او ربيعة ما كانت علاقتهم أبدا رسميه مثل ام و بنتها و ام زايد وأيد تحب فطيم و لا ترضى عليها ، اما أبوها يحاول يخفي حزنه و يحاول يواسيها و يغير نفسيتها .
بؤ زايد : بابا فطيم ، حبيبتي العصر بيونج عمة حمد و اخته ، الله يخليج بابا خلج عادية انتي تذكرينهم فـ ولدهم لا تطلعينهم من هني .
فطيم : ……..
بو زايد : فطيم !
فطيم : ابويه ودوني بيتي ، حمد يترياني اجهز ملابسه الحين بيرد من الدوام .
بؤ زايد : يا بنتي ، اذكري ربج حمد عند ربه ..
خذت الذكرى فطيم لليوم الي توفى فيه حمد
* حمد : حياتي فطامي تجهزي بنطلع اليوم
فطيم : حبيبي انا تعبانه ما فيني حيل اطلع
حمد : يلا عاد فطامي حياتي نشي
فطيم ( بتعب ) : خلاص دقايق و أكون جاهزة ..
طول الدرب و حمد أيده بأيد فطيم و فطيم قلبها ناغزها تحس ان بيصير شي .
حمد كان دربه درب البحر و بعد ما وصلو و نزل حمد من السيارة و اول ما بغا يمسك أيد فطيم ، أطلقو عليه 5 طلقات و فطيم كانت ف حالة صدمة ، و قعدت تصارخ و تصيح و هي متأكدة من الشخص الي اطلق النار على حمد متأكدة بنسبه مليون بالامية ..
*نرجع للواقع *
وصلو أهل حمد و قعدو يصيحون عليها و معاها عشان حمد و حال فطيم أبد ما كان يسر ، صار لها مدة ما تأكل عدل ..
و كل تفكيرها انها تطلع من العدة و تنتقم لحبيبها و زوجها حمد ..
" ادري ان البارت وايد قصير بس القصة غامضة و اضطربت ان البارت يكون قصير و البارت الياي بيكون أطول و بيكون فيه شخصيات اكثر و ابغي تفاعلكم عشان انزل البارت الثاني "
و أبي رايكم فـ مقدمة الرواية ..
*
*
*
السلام عليــكم .. مسآإء الخيــر
شحـــآلج غاليتي أن شاء الله بس زينــهـ ؟؟!!
بدآيهـ موفقهـ .. بصراحهـ تحمست ويا البدآيهـ .. حسيتها غامضهـ و وراها أسرار .. ^_^
و اسلــوب سلس .. بس لو الوصف حبتين زياده .. بيكون أحلى و بنقدر صج نتخيل الاحداث ..
و لـــو تكبـــرين الخط شوي .. يعني لرقم 5 أو 4 بكون سهل علينا انّا نقرى البارت
اممم شي ثاني .. اللي هو قصهـ حمد و فطيم .. شوي يعني مب واقعيهـ .. ما اظن ان في حد بيتزوج
وحده كلمها .. بس يمكن يصير .. كــل شيء جايز ..
اتوقع أن اللي ظرب حمد .. ب5 طلقات هو حد يقربلها .. كان حاط عينه عليها و يبا يتزوجها بس
هي رفضته عسب انها تحب حمد .. << أظن مب متأكده
و حيـــ اللهـ فيج بقسم الروايات .. إن شاء الله نشوف روايتج مزدهره ..
و اتمنى انج ما تتأخرين علينا بالبارت الثآإنــــــي .. موفقهـ مره ثانيه ..
…
…
…
m.t.s !!
~