احببت ان اضع روايتي بين ايدكن الطاهره ،،كاارواحكن الطاهره وهي اول روايه لي انشرها في منتدى ولكنها ليست الاول التي اكتبها ويخطها قلمي المتواضع وافكاري البسيطه ،،،،،روايتي هذه من وحي الخيال ولكنها اقرب الى الواقع والاسماء التي بالراويه هي ايضاً من وحي الخيال ولاتمت بصله للواقع ،،،،طبعاً الاسلوب المتخذ في الراويه قد يختلف من بارت الى بارت لاني لا احب ان امشي على رتم معين وستلاحظن ذلك من خلال البارتات القادمه،،انا الى اللان كتبت ثلاثه واربعون بارت ،،،،،،،،،،،، لا اريد ان اطيل عليكن واضع البارت الاول بين ايدكن واتمنى ان لاتحكمن على الروايه من البارت الاول ،،،،،،،
موعدنا للبارت الثاني يوم الاثنين وبنفس التوقيت بإذن الله ،،،،،،،،،،،اتمنى لكن وقت ممتعاً
ترانيم الفراق
البارت الأول
في احد احياء الرياض
.
.
.
.
…….: اووووووف حراااام عليك كم مره تسألني هالسؤال قلتلك عيوني لونها رمااادي فهمت
……..: ههههه احب اسأل ودايم انسى لان لون اعيونك غرريب
……..: طيب انت لون عيونك عسلي شوفني اعرف مو مثلك
……..: ههههه ماشاء الله ذكيه اممممممم طيب وش رايك انا رح اسوي نفسي مذيع وبسوي معك لقاء موافقه؟؟
J :……….. (ويه داكوغ)
…….. : نعععم وش هو مافهمت؟؟
…….: اووووف يعني ايه اتفقنا هذا بالفرنسي فهمت
……: اهااا والله حركات انتي تعرفين فرنسي اقول وش رايك تعلميني الفرنسي؟؟
……: خلاص بس هاللحين سو المقابله معي قبل لاتجي نسرين .
…….: هههه خلاص بس وين المكرفون ؟؟
……: وش مدريني اووف ترى ما رح العب معك
…….: لا خلاص بخذ هالكاسه (داخل جو)ومعنا وحده شطوره اموره وعيونها رماديه نتعرف عليها شنهو اسمك؟؟
…….: (صبا راشد الصقر)
…….:كم عمرك وهل انتي تدرسين؟
صبا: Jعمري 11سنه وادرس بصف خامس .
……:طيب عندك اخوان؟
صبا: لا بس انا اوووف عطني الكاسه انت ماتعرف تسوي مرررره
…….. : ههههه خذي يله ورينا
صبا: (تدلع بشعرها)انت شنو اسمك وكم عمرك؟؟
……. بفخر: اححم اححم…… سطام خالد الزيد وعمري 16 سنه
نسرين: وش قاعدين تسووون تلعبون وتخلوني طيب طيب هاللحين نتعشى وبعدين نلعب
سطام : وش تلعبين بزر انتي عمرك 14 سنه وتلعبين صدق فراااغه
نسرين : شنو هاللحين انت بأول ثانوي وش كبرك وقاعد تلعب مع صبا وانا الكبيره!!؟ يله يله بروح انتعشى وبعدين اشوف شغلي معك سطااموه صباووه تعالي للعشى
صبا: لا ما ابي ابي اررروح مع سطااام عند ابوي
نسرين: الله يفشلك تروحين عند الرجال اقول يله والا بعلم خالتي هاله
صبا: ما أبي بروووووح مع سطوووم (قالتهاوهي تطلع لسانها تحر نسرين)
سطام :هههههه يله تعالي مسك يدها وراحو للمقلط
راشد: هلا هلا بعمري هلا صباي (حظنها بيده ومسح على شعرها )وليه مارحتي عند امك فديتك؟
صبا :(بدلع بابا ابي اتعشى معك لانك توحشني مررررره
راشد: هههه آه منك تعالي اقعدي جنبي
خالد :حيياك الله صبا
قسم الحريم
هاله: وين صبا ما اجت معك؟؟
نسرين:لا خالتي راحت مع سطام عند الرجال موضي :خلاص يمه خليها على راحتها
هاله: هالبنت متعلئه بأبوها اكثيييير
بأخر السهر طلعوا من بيت خالد صديق راشد صديق الطفوله والدراسه والعمل ايضا لبيته الملاصق لهم
بيت راشد
هاله :تصبحي ع خير حبيبتي .
صبا: (تبوس امها )>>وانتي من اهله مامي
هاله طلعت من غرفتها لغرفتهم
راشد: هاه نامت حبيبتي؟؟
هاله :شوي وحتنام (وهي تجلس على السرير) هالبنت مابعرف لمين طالعه؟
راشد: (وهو يطالعها بنص عين) طالعه على امها بعد قلبي.
هاله بدلع: وأمها بتجنن مو حبيبي؟؟
راشد مبتسم:أكيد مافي كلام (قرب منها وحط يده على بطنها)بس هذا اكيد بيطلع على ابوه آآه بس متى يخلص الشهرين ويشرف حضرته
هاله:اي يؤبرني هو وابوووه إن شاء الله
راشد بحب :بسم الله عليك ياقلبي
هاله:ابن عمي بدي اطلب منك طلب اصغييير اكتييير
راشد:امري تدللي فديتك
هاله: ما بيأمر عليك ظالم بدي بعد ما اولد وخلص الاربعين سافر ع سوريا عند اهلي
راشد: خلاص اوكي بعد ماتقومين لنا السلامه ابشري بس
>>> بعد اسبوع
صبا كانت راجعه من البقاله اللي قريبه على بيتهم
لقوها اثنين من الاولاد الكبار
الاول: تعالي ياحلوه
صبا وهي خايفه: لا ما ابي
الثاني: طيب شنو اسمك؟
صبا: مارح اقولك بعد عن طريقي
الثاني: طيب وش رايك نشتري لك حلويات ونوديك الالعاب
صبا: ما ابي ترى والله اعلم ابوي(والدموع بعيونها)
الاول: لاااااا خوفتينا يوم انك بتعلمين ابوووك(مد يده ومسكها بقوه)بتجين غضب عنك مو بكيفك
هاله: وهي تنتظر عند الباب ياربي هالبنت شو اخرها يالله شو بدي ساوي هلاء ما الي غير موضي (دخلت وهي خايفه واتصلت وهي ترتجف)
سطام: آلــــو
هاله: مرحبا
سطام: اهلين
هاله: اكيد انت سطام مو؟
سطام: ايه انتي مين؟
هاله:انا امها لصبا بترجاك حبيبي تطلع تدور عليها لانها راحت ع البقاله ومارجعت لهلاء انا خايفه عليها اكتييير
سطاام:خلاص ياخاله ولا يهمك بطلع ادور عليها اللحين (قفل السماعه وطلع يركض دور عليها بالشوارع ياربي هذي البنت وين راحت يالله هاللحين وين القاها الله يستر(التفت يمين) هذي هي بس مين ذولا الشباب راح يركض بسرعه انت وياه اتركها احسن لكم
صبا: سطااااااااااااااااااام (فكت يدها من الولد وراحت تركض حضنته وهي تبكي وكانت ترتجف من الخوف)
سطام: خلاص صبا لاتبكين (طالع الاولاد بعد صبا عنه وتوجه لهم مسك الاول من تيشرته )انتو وش تبون من البنت هاه
جاوب الاول :وانت وش دخلك ؟
سطام وش دخلني هاه ؟عطاه كف على وجهه انقلعو الحين انقلعو لا ارتكب فيكم جريمه
نايف :خير سطام وش فيك؟
سطام التفت لمصدر الصوت:كانو ماسكين صبا
صبا وهي تبكي:كانو بيون اروح معهم
نايف يناظرهم وهو مضيق عيونه :وين تبون تودونها هاه قاموا يتضاربون وياهم الاولاد انفكو منهم بصعوبه وراحوا يركضون طيب اذا ماوريناكم انت وياه
نايف:اعلى مافي خيلك اركبوه انت وياه(طالع في صبا)مسك بإذنها وانتي لو طلعتي مره ثانية لوحدك بضربك فهمتي؟واعلم عليك عمي راشد.
سطام:خلاص نايف حراام عليك اتركها صبا شاطره وتسمع الكلام صح صبا.
صبا وهي تشاهق:إيه بس ابي اروح عند امي.
سطام: يله مشينا توك جاي من الجامعه؟
نايف :إيه توني جاي المحاضرات تزهق أنا بروح البيت وصل الانسه صبا لبيتهم
سطام: طيب بس لا تقفل الباب أدري عنك دايم تسويها تلطعني بهالشموس
صبا وهم يمشون لبيتهم :انا ما احب نايف ما احبه
سطام :ههههههههه وليش ماتحبينه؟
صبا:ليه يمسك اذني ……سطام انا احبك لانك طيب وتحبني صح؟
سطام وهو مبتسم: إيه احبك بس اذا كبرتي موافقه تتزوجيني ؟؟
صبا بكل برائه: ايه موافقه
وصلو عند الباب هاله فتحت لانها كانت تنتظر دخلت صبا وحضنتها
هاله: بعدي عني مابحبك وين كنتي؟
سطام كان واقف عند الباب وهو منزل راسه: خلاص ياخاله هالمره سامحيها واذا كانت تبي تورح البقاله اتصلي عليَ لجل اوديها
هاله من ورا الباب: يعطيك العافيه تعبتك معي
سطام :لا عادي خالتي لاتعب ولاشي بس لاتخلينها تروح البقاله لوحدها يله مع السلامه
هاله:الله معك قفلت الباب وتركت صبا وجلست بالصاله
صبا: ماما انا آسفه والله ماعاد عيدها
هاله: لا تحكي معي فهمانه
التليفون يدق أخذت السماعه آلو
موضي :السلام عليكم
هاله: وعليكم السلام كيفك موضي؟
موضي: الحمد لله انتو شخباركم؟
هاله:الحمدلله مناح
موضي: شخبار صبا؟
هاله وهي تطالع صبا بزعل :منيحه ما بها شي
موضي: صدق انها طلعت للبقاله بروحها
هاله:اي والله انتظرتا ترجع مارجعت خفت يكون صاير معها شي منشان هيك اتصلت عبيتكم وئلت لسطام يطلع يدور عليها
موضي:الله يصلحها والله الحين نايف يعلمني ويقول انه كانو ماسكينها 2من الاولاد كانو بيبون يودونها للالعاب
هاله:اوليه على أمتي (قامتي)الله لايوفئهن
موضي:لاتخافين عليها ونايف يقول لاعاد تخلينها تطلع لوحدها
هاله:ان شاء الله والله يعطيهن العافيه تعبتهن معي
موضي :لاتعب ولاشي يله انا بقفل الحين مع السلامه
هاله:الله معك (قفلت السماعه وطالعت بصبا)شو عملولك الاولاد احكي؟
حكت السالفه كلها لامها
>>>الساعه 9بالليل
راشد:أشفيها صبا زعلانه؟
صبا والدموع بعيونها:ماما ماتكلمني زعلانه مني
راشد طالع بهاله:آفااااا وليه زعلانه منها؟؟؟
هاله:بتستاهل انا مابدي احكي مها ابنووووب لانها مابتسمع كلامي.
راشد:وليه وش مسويه؟؟
هاله حكت السالفه كلها
راشد:لا انا ازعل منك كذا يابابا لازم تسمعين كلام ماما وماتطلعين لوحدك مره ثانيه
صبا:خلاص والله ما اعيدها بس خل امي تكلمني
راشد:خلاص ياهاله صبا شاطره مارح تعيدها
هاله:OK بسامحه هالمره بس منشانك ومابدي تعيدها لاني بحبها وبخاف عليها
صبا ركضت لامها وحضنتها وانا كمان بحبك
راشد مسوي نفسه زعلان:واناماتحبيني
صبا وهي تحضنه وتقبله:وانت بحبك كثيييييييييييييييييير كلكم بحبكم
هاله:يله حبيبتي روحي فرشي اسنانك ونامي.
صبا قبلة ابوها وامها وطلعت لغرفتها
راشد:بكره لاتنسين عندك موعد بالمستشفى
هاله:موناسيه بس صبا وين بدها تروح
راشد:كالعاده عند بيت خالد
هاله:والله بحس حالي خجلانه منها اكتييييييير
راشد:وليه عادي هذي زوجة الغالي وهي طيبه وماظن تتضايق
هاله:اي والله طيبه اكتيييييييييير وانا بحبها بس كل مره وهي عندون
راشد:يوووووووه حبيبتي كبرتي الموضوع والله اللي يسمعك يقول بتقعد عندهم العمر كله مو ساعه او ساعتين !وخالد اخوي
هاله:الله يخليكم لبعض
راشد:اللهم آميييييييييييين صداقتنا من حنا بأول ابتدائي الى اللحين درسنا مع بعض وتخرجنا مع بعض واشتغلنا ويا بعض بس هو خانني تزوج قبلي وهذا نايف ماشاء الله بأول جامعه وانا اكبر عيالي بصف خامس وهاللي بطنك
هاله:هههههه بس ليه اتزوج قبلك؟؟
راشد:انا ماقلتلك ان ابوه اجبره يتزوج ههههه كنا بأول جامعه ونايف عمره سنه
هاله: الله يحفظهم
راشد: اللهم امييين يله انا بروح انام لان عندي قضيه متعبتني حيل
هال:الله يعينك على شغل المحاماه اكتييييير صعب
اليوم الثاني الساعه 4 عصرابيت خالد
هاله:والله عرفانه تعبتك معي اكتييييير
موضي بنبرة عتب:وش دعوه ياحافظ مافيها شي وبعدين صبا غلاتها من غلات نسرين واخوانها
هاله:يله انا بطلع هلاء لان راشد عم يستناني بالسياره وانتي ماما صبا مابدي اياك تعبي خالتوا OK ماما
صبا:(داكوووغ مام)قبلت امها وحضنتها طلعت امها )التفتت خالتو وين نسرين وسطااام
موضي:نسرين نايمه وسطام بعد نايم
صبا:اوووف هالحين اقعد لاحالي
موضي مبتسمه:وش رايك تطلعين تصحيهم؟؟
صبا:خلاص خالتي بطلع اللحين(طلعت وتوجهت لغرفة سطام فتحت الباب والنور راحت لسرير سطام)سطاااام ،سطاام قوم بليز يله صارت الساعه 4وانت للحين نايم
نايف شال الحاف:انا مو سطام غلطانه هذا سريره وبعدين وش جايه تسوين من اللحين صدق مزعجه
صبا ما عطته وجه راحت لسرير سطام:سطام يله قوووم بليييز علشان نلعب بلييييز
سطام يفتح الوساده اللي كانت على وجهه:هلا هلا والله بزوجة المستقبل وش تبين؟
صبا:يله طفشانه لحالي ابي اروح البقاله معي فلوس كثيره شوووف
نايف :وش هو كني سمعتك تقولين البقاله؟؟؟
سطام:وش دخلك بتروح معي البقاله انا بوديها عندك مانع؟
صبا تستقوي بسطام:ايه صح وش دخلك
نايف مسوي نفسه معصب:ايش تقولين ماسمعت؟
صباوهي خايفه:ماقلت شي
سطاام:هههههههههه ياخي اما انت ارهابي
نايف وهو يخفي ضحكته:اشوى على بالي
>>>بالحوش
نسرين اوووف ما ابي اللعب معكم غشاشين
سطام:لا ماحنا غشاشين انتي ماتعرفين تلعبين
صبا:اي والله صادق سطام ماتعرفين تلعبين
سطام/اقول صبا وش رايك تعلميني كلمات فرنسيه
صبا : ok امممممم قول بنجور
سطام : جن جووور
صبا: ههههههه مو جن جور بنجوووور يعني صباح الخير
نسرين : انتي وشلون تعلمتي فرنسي يالله حنا يالانجليزي ومو فاهمين شي وانتي فرنسي وانجليزي
سطام : قولي ماشاء الله تنظلين البنيه
نسرين :ماشاء الله تبارك الرحمن بس صدق كيف تعلمتي وانتي بعد بخامس؟
صبا: مامي تعلمني لانها دارسه آدب فرنساوي وانا الحين اتكلم الاثنين مع بعض وسهل حييييييييل
>>>الساعه 8 بالليل
صبا :خالتي اهلي تأخروا حييل
موضي وهي تأكل سلطان : اللحين ان شاء الله يجون تعرفين زحمه حبيبتي
صبا جلست تلعب سلطان : خالتي كم عمره
موضي : عمره ثلاث سنين
في هذي اللحظه دخل خالد وجهه مايتفسر :موضي تعال ابيك وطلع لغرفته
موضي : خييير اللهم اجعله خيير نسرين انتبهي لخوك زين
نسرين :زين يمه
موضي طلعت وقلبها يخفق خوف دخلت غرفتها وقفلت الباب قعدت جنبه اشفيك خالد؟
خالد ماقدر يتحمل حضن موضي وهو يبكي
موضي زاد خوفها : خالد الله يخليك قولي وش فيك تكفى ؟احد من اهلي او من اهلك صايرفيهم شي؟
خالد زاد بكاه موضي خايفه ماقدرت تتحمل انهارت تبكي بعد مده استجمعت قواها خالد تكلم وش فيك حرااام موقادره اتحمل
……………………
نسرين :صبا انتي حليتي واجباتك؟
صبا :اوووف نسرين كم مره قلتلك اني حليتها انا مو كسلانه مثلك اللحين فضيتي تحلينها
سطام:ههههه احسن تستاهلين ههههه
نسرين : عاد من شطارتك انت جالسه ساعه تعلمك كيف الحال بالفرنسي ماعرفت
سطام : لا حبيبتي اعرف (بكل ثقه)كومان تورتيه صح صبا
صبا: هههههه خطاء ياكسلااان تنقال كومان فوبورتيه او كومان تالفو
نسرين :هههههههه احسن تستاهل
>>>بغرفة خالد وموضي
خالد تكلم بغصه: راشد راشد ……بخنقه مااات بحادث سياااره اختفي صوته ورجع يبكي
موضي مفتحه عيونها من الصدمه : وش هو خالد اكيد انت تمزح لا لا اكيد تمزح
خالد: ياليت كانت مزحه ياليت لكن راشد خلاص انتهى آآآآآآآآآآه ياراشد
موضي تبكي :طيب هاله وش صار عليها؟
خالد :هاله بالعنايه المركزه
موضي تبكي : يالله لاحول ولاقوة الا بالله وصبا (ماقدرت تكمل ورجعت تبكي)
>>>بعد نص ساعه
خالد بحزن: صبا رح تنام هنا والله الله فيها ما اوصيك
موضي تمسح دموعها :لاتوصي حريص اللحين بنزل اخلي الشغاله تحضر لهم العشا نزلت واول ما شافت صبا حست بغصه ودها تحضنها وتبكي راحت على طول المطبخ وقالت للشغاله تجهز العشا طلعت للغرفه وهي تبكي : خالد والله ما اقدر اطالع فيها مدري وشلون تتلقى الخبر
خالد: مو اكثر مني الله يصبرها ويصبرنا
موضي:يله انزل قولها اكيد هاللحين خلصوا اكل
خالد بحزن :الله يعيني يارب
نزل هو وموضي وهم محملين اثقال كالجبال جلس وهو يتصنع الابتسامه صبا حبيبتي شخبارك؟
صبا :مبتسمه الحمدلله عمي انت شخبارك؟
خالد بقلبه ماني بخير دام ابوك راح وخلاني بحزن /……الحمد لله بخير حبيبتي
صبا بترجي:عمي اتصل على ابوي تأخر حييييل هو وامي
خالد طالع بموضي اللي تتظاهر انها مشغوله بسلطان ويحاولون يخفون دموعهم
دخل نايف بهاللحظه السلام عليكم
الكل وعليكم السلام
جلس نايف وهو يطالع بصبا :انتي للحين هنا متى تروحين ان شا لله؟؟
سطام رافع حاجب ومنزل الثاني :وانت وش دخلك قاعده على راسك مثلاً؟
صبا: تكفي عمي ابي اروح بيتنا
نايف وهو يلعب بمفتاح السياره: تكفين ياشيخه تبين تروحين بيتكم يله انا اوديك
خالد ماقدر يتحمل وبصوت مرعب وعالي: نايف ورا ماتنطم ابرك لك وبعدين ليه متأخر للحين هاه؟
الكل كان خايف من انفعال خالد ومن بينهم صبا
نايف متعجب :يبه الله يهداك وين متأخر اللحين الساعه عشره
خالد وهويفرك جبينه : صبا انتي الليله راح تنامي عندنا
صبا:ليه ماما وبابا وينهم؟
خالد :حبيبتي اهلك رح يتأخرون وقالوا تنامين عندنا
صبا :عمي طيب خلني اكلمهم وبعدين اغراض المدرسه في بيتنا
خالد وهو يتنهد: الجوال مقفل وبكره مو لازم تحضرين المدرسه حتى نسرين لاتحضر (قام من مكانه يله انا بطلع تصبحون على خير طالع بنايف بقهر(صبا اذا نايف ضايقك قوليلي خلص جملته وطلع لغرفته
صبا:الله ونااااسه بكره مافي دوام (طالعت موضي)خاله ممكن تخلين سطام مايداوم بعد
موضي ابتسمت بحزن: خلاص سطام بعد مارح يداوم
سطام:وناااااااسه ليتك كل يوم تنامين عندنا
نسرين:ايوالله صدق
نايف ناظر صبا وهو مقطب حاجيبه مقهوره منها طلع على طول غرفته
سطام وش رايكم نطلع الحوش
نسرين وصبا اي والله وناسه
>>>غرفة خالد دموعه على خده :آآآآآآآآآآآآآآه وشلون ياراشد تتركني وتروح وشلون تخليني بهالدنيا لحالي من يقعد يشاكسني بالمكتب لمين اشكي همومي واحزاني من يشاركني فرحتي من بيوقف معي لاصارت مشكله وياي مين؟ياتوأمي آآآه ياخوي آآآآآه
طلعت موضي وتوجهة لنايف الموجود بغرفته:يمه وش قاعد تسوي
نايف:ولا شي بس والله مقهور من صبا هذي هاللحين ابوي اللي عمره مانفخ علي تجي وتخليه يسوي كذا
موضي والدموع بعيونها: تكفى ما ابيك تضايق صبا وبعدين معذور يمه اللي صار مو قليل ابد
نايف: وش صار يمه ؟
موضي وهي تبكي :عمك راشد وزوجته صار عليهم حادث
نايف منصدم:شنهو عساهم بخير
موضي بغصه:عمك راشد……..توفي وزوجته بالعنايه المركزه
نايف مصدووم: لاحول ولاقوة الابالله مستحيل مو مصدق والله مومصدق ابد
موضي: ما ابيك تضايق صبا
نايف بحزن والدموع بعيونه: والله يمه اني احبها مثل نسرين بس احب امزح معها ماقدر يتحمل وانهار يبكي
موضي ماقدرت تتحمل وطلعت من الغرفه بس لقت سطام وهو يبكي نزل بسرعه للحوش
كل من نايف وسطام يتذكرون كل مواقفهم مع عمهم راشد من وعوا على هالدنيا وهو موجود بحياتهم كان يعاملهم مثل عياله
موضي نزلت للحوش :وش رايكم حبيباتي تطلعون تنامون
نسرين :يله نطلع صبا احس فيني نوم
صبا :وانا بعد عيوني ما قدر افتحها
مرت ليله حزينه بيت خالد الكل كان متأثر وحزين كانت الدموع هي السبيل لتفريغ حزنهم وتأثرهم
بعد صلاة العصر صلو على راشد وتوجهوا للمقبره نزل قبره خالد وعبدالرحمن اخو راشد الكبير وولده صقر وزوج اخته حمد حثوا التراب على قبره كان الحزن سيد الموقف كان آخر واحد عند القبر خالد مسك التراب وهو منكب يبكي صديقه ورفيق دربه بكل ايامه وسنين عمره قضوها بحلوها ومرها
نايف مسك ابوه :يله يبه مارح ينفع اللي تسويه ادعي له بالرحمه وبالثبات يله مسك يد وسطام مسك يده الثانيه كان منهار جدا حتى لدرجه ان رجليه ماتستطيع حمله التفت للقبر وكانه يراه لاخر مره ركبوه السياره جا ابو عبدالرحمن :عساك بخير بابو نايف؟
خالد: والله مو بخير ياعمي دام راشد راح
ابو عبدالرحمن:الله يصبرك ويصبرنا بنتنا نبي ناخذها
خالد: بنتكم بالحفظ والصون وهذي بنتي ياعم
عبد الرحمن :خلاص رح نجي ناخذها
خالد :حياكم الله بأي وقت
>>>بعد نص ساعه كان الجرس يدق فتح سطام الباب كان عبدالرحمن
عبدالرحمن :ابوك موجود؟
سطام :ايه موجود تفضلوا بالمجلس هالحين اناديه لك
خالد نزل السلام عليكم
عبدالرحمن: وعليكم السلام صبا جاهزه؟
خالد :ايه جاهزه ترى للحين ماتدري عن اللي صار اترجاكم ماتفجعونها ببوها يكفي احنا انفجعنا فيه
عبدالرحمن :لاتوصي ابيك تناديها
خالد :اللحين القهوه جايه تقهو وبعدها الله يسهلها لكم
عبدالرحمن:تسلم يابو نايف قهوتك مشروبه تعرف اللحين المعزين موجودين ومانبي نتأخر
خالد :على راحتكم ناظر نايف روح خل صبا تجي
نايف :حاضر بيه (طلع من المجلس توجهه لصاله كانت صبا تلعب مع سلطان ناظرها بحزن مسكينه ماتدري وش صار لبوها الله يصبرها )قرب منها صبا عمك عبدالرحمن بيك بالمجلس
صبا مستغربه :عمي عبدالرحمن موجود ؟!
نايف:ايه تعالي معي بسرعه
صبا مشت مع نايف ودخلت المجلس شافت عمها تقدم بخطوات خجوله لانها ثالث مره تقابل عمها سلمت عليه
عبدالرحمن سألها عن اخبارها هاه جاهزه
صبا مستغربه:ليه وين بنروح عمي؟
عبدالرحمن:بنروح على بيت جدك
صبا: طيب بس ليه؟ بعدين ابوي وامي للحين ماوصلوا من امس وهم طالعين ابي اروح عندهم والله اشتقت لهم ياعمي
عبدالرحمن ماعرف وشلون يرد عليها حس بغصه خالد مو افضل حال منه حاول انه يمنع دموعه لكن ماقدر طلع من المجلس
عبدالرحمن : يله حبيبتي خلينا نروح هاللحين لبيت جدك وبعدها يصير خير
صبا :خلاص ياعمي انا جاهزه
طلعوا من المجلس وكان نايف معهم
سطام : صبا امي تبيك
صبا :اللحين جايه(راحت لعند موضي اللي كانت تنتظرها )
موضي حضنتها وهي تبكي
صبا مستغربه :خالتي ليه تبكين رح اجي بس انتظر اهلي يجون
موضي ماقدرت تتحمل انهارات اكثر باستها ناظرت سطام :خذها عند عمها
سطام مسك يدها وكانه لاخر مره يمسكها :ان شاء الله ترجعين لنا ياصبا
صبا:اكيـــــــــد برجع بس مدري ليه انتو كذا والله برجع شفني حلفت وانا ما اكذب ورح تشووف (طلعت خمسين ريال )شوف علشان تصدقني بعطيك هذي الخمسين واسمي مكتوب عليها لجل اذا رديت تعطيني اياها ونروح انا وياك البقاله ونشتري فيها حلويااات كثييييييييره
سطام :لا ما ابيها خذيها
صبا قربت تبكي:سطاااام ترى اذاما اخذتها والله ازعل عليك وما اكلمك
سطاام :خلاص باخذها بس لاتزعلين
طلع لشارع وكان عمها بنتظارها خالد حضنها وسلم عليها والدموع بعيونه هذي قطعه من راشد وغاليه عليه والود وده كان اقعدت عنده بس شاءت الاقدار ان يفارقها هي وابيها بنفس اليوم
صبا والدموع بعيونها :عمي خالد ليه انت وخالتي تبكون والله برجع
خالد يمسح عيونه :ان شاءالله ترجعين حبيبتي
ركبت السياره بعد ماودعتهم خالد ناظر عبدالرحمن :تكفي لا اوصيك فيها تراها من ريحت الغالي وهي امانه عندكم
عبدالرحمن: افا توصينا على بنتنا هذي بعيونا يله نشوفكم على خير
ودعوها الحزن يسود بيتهم وصلو لبيت ابو عبدالرحمن كان المعزيين كثار دخلت الحوش ولقت جدها سلمت عليه ودخلت عند الحريم اخذتها جدتها بحضنها وهي تبكي كانت علامات الاستفهام تدور براسها سألت جدتها :لييه كل الناس بس تبكي كل ماقابلت احد بكى حتى جدي وشفيكم؟
شيخه زوجة عبدالرحمن القت القنبله:ليه مافي احد قلك ان ابوك مااااااات
صبا ناظرتها منصدمه: لالالاانتي كذاااااااابه ابوي ما مات ابوي جاي بالطرق اهو وامي صح جدتي صح (ماقدرت تتحمل بكت وطلعت تركض)
سعاد عمتها ناظرت شيخه :مدري الين متى هالحقد في قلبك فجعتي البنيه (طلعت ورها كانت الشغاله ماسكه صبا اخذتها وطلعو الغرفه الحت صبا على سؤال عمتها كانت ضعيفه امام إلحاحها جاوبتها
وكان الجواب وقعه كالضربه العنيفه على رأسها بكت كثيرا حتى انها لم تكن تأكل ولم تكن تخرج من غرفتها ذهبت للمستشفى عدة مرات بعد اسبوعين اتاهم خبر وفات امها وحتى الجنين فارق الحياه مع والدته كان الخبر اكبر من ان تتحمله فتاه في الحاديه عشر من عمرها لم تكن تصدق انها ققدت ابويها بتلك السهوله…..
بدأت حياه جديده مع جديها ولكن بصعوبه تأقلمت مع حياتها الجديده
اما خالد فقد باع بيته ونقل الى منطقه ثانيه لم يستطع ان يعيش بمكان كان يسكنه راشد ولا حتى مكتب كان به……
>>>نهااااية البااارت
♪♪♪
حياك الله ..
الاطلاع على القوانين مهم جدا =) ..
القوانين / الإطلاع هام و الإلتزام ضروري
وموضوع القضايا بيفيدك في تلافي أغلاط غيرك ..
قضايا
♪♪♪
بإنتظارك عزيزتي 🙂
.
.
حياك الله ..
موفقه بطرحك
.
.
ميهآري ،،،،،،،،
ضمني بين الاهداب,,,,,,,,,
يسلموا على مرورك الرائع ،،،،،فقد شرفتم روايتي المتواضعه
تقبلي مروري غاليتي
|
المشاركة الأساسية كتبها المااااااس
 ترااااااانيم الفرااااق،،،،،،عنوان يكفي ان يشدني الى قراءة روايتك عزيزتي ’’’بروووووق النهااااايه ’’’’’’’بدايه جميله والقادم أجمل أتمناه لك ،،،،،،،
تقبلي مروري غاليتي |
اشكر مرورك الرائع وحروفك الاكثر من رائعه التي اخجلت حروفي المتواضعه ……
ثقي ان القادم اجمل بإذن الله فنحن في بدايتها وربما البدايات لاتكون رائعه بقدر ماتكون النهايه رائعه وجميله ….
صباح يوم مشرق بالأمل والسعاده لكم،،،،
صباح مشرق بالحب والشوق لكم،،،،،
صباح الخير اتمناه لكم جميعاً سواً من اعضاء او قراء
سنبأدى منذ اليوم بالبارتات الشيقه ،،،لان البارت الاول كانت مرحله مفصليه في حياتي بطلتنا وستتعرفون عليها من خلال البارتات القادمه ،،،،اتمنى منكم النقد البناء الذي يخدم الروايه ،،،،واتمنى ايضاً تفاعلكم الرائع معها ،،،،،وتقييمها دون مجامله
موعدنا الاربعاء بنفس التوقيت بإذن الله
البـــــــــــــــــــــــــــارت الثـــــــــــــــــــاني
مرت سبعة اعوام على وفات والداي رحمهم الله ….لقد كانت صدمه بالنسبه لي كنت ومازلت حزينه على فراقهم … كنت لست مستوعبه ماقد حدث ….فقدتهم بين لحظة اخرى …كنت انتظر عودتهم في كل لحظة …كنت اظن ان ماحدث لي كابوس سيئ وسا أستفيق منه واجدهم امام عيناي ثم اركض لهم وارتمي بحضنهما واقول اني اشتقت لكم كثيرا ….وسأعتبهم لفراقهم لي كل تلك السنوات …… ولكن علمت وايقنك بأن ذلك سراااااااااب عندما فقدت جدي العزيز قبل سنه من الان ….بل وايقنت ان ذلك حقيقه مره فقد تيتمت ثلاث مرات المره الاول عندما فقدت ابي والمره الثانيه عندما لحقت به امي بعد اسبوعين ….والمره الثالثه عندما فقدت جدي الغالي ….رحمكم الله جميعا ًوجعل مثواكم الجنه …واطال الله بعمر جدتي اوكما يحلو لي ان اناديها (امي)لاني اخاف ان اتيتم للمره الرابعه وتفارقني فاللهم اطل بعمرها وامددها بالصحة والعافيه ياااااااااااااااااارب
قفلت مذكرتها وسندت ظهرها على كرسي مكتبها الصغير مسحت بعض الدموع وهي تفكر في اهلها ومستقبلها .قطع سلسلة افكارها صوت جدتها قامت وتوجهة لها :نعم يالغاليه وش تبين؟
الجده: خلصتي المذاكره يمه.
صبا : إيه جعلني فداك خلصتها
الجده :الله يوفقك يمه وتتخرجين من الثانوي يتقدير ممتاز وتدخلين الجامعه
صبا تحضن جدتها :آمييين يمه وارفع راسك
بعد سواليفها مع جدتها نامت في حضنها لان هالحضن يحسسها بالامان والحنان بعد مافقدت اهلها.
الساعه 6صحت صلت الفجر ولبست مريولها وتجهزت بعدها نزلت جدتها كانت مجهزه الفطور
حبت راسها : صبحك الله بالخير ياحلى ام بهالدنيا
الجده: صبحك الله بالنور والسرور يله يمه افطري بسرعه لجل يوديك عمر وستي المدرسه.
صبا تشرب كوب الحليب: ان شاء الله بس هم جاهزين او كالعاده ؟
الجدة :لا جاهزين لاني وصيتهم
صبا تاكل :خلاص يمه خمس دقايق وانا جاهزه
حبت راس جدتها يله يمه ادعي لي فديتك
الجده : الله يوفقك وبيعد عنك كل سوء ويسخر لك خلقه
>>بالمدرسه الحصه الاولى
الجوهره: اووووف هاللحين علينا ابلى ناديه وماطيقها لا وبعد رياضيات
دينا: ومن سمعك مو طايقتها ابد ما تنبلع لي
صبا: بسيطه اشربي ماي وتنبلع خخخخخخ
دينا بسخريه: ههههه باااااااايخه لاتعيدنها
الجوهره :خلاص بنات سكتو ابلى ناديه اوصلت
ابلى ناديه :السلام عليكم
الطالبات وعليكم السلام
ابلى ناديه:يله طلعو الواجب
الجوهر تدور على دفترها بالشنطه : ياويلي لايكون ناسيته بالبيت
دينا :دوري عليه زين
الجوهره :يالله ان شاء الله انه موجود
أبلى ناديه: الجوهره وشفيك يله طلعي الدفتر
الجوهره :ابلى هذا انا ادور عليه طالعي واجبات البنات على بال ما ادوره
أ- ناديه:وش عليه ياست (وهي معصبه)اذا ماجبتيه رح توقفين الحصه كلها فهمتي
صبا :جوجو عطيني شنطتك ادور عليه طلعت كل اللي بالشنطه ههههه مافي شي الله يعينك
وقفت الجوهره وهي تتحلطم : ابلى مالقيته الظاهر ناسيته
أ ناديه باستهزاء :لاااا الظاهر مو متاكده يعني خليك واقفه
صبا ودنيا يضحكون عليها
>>الفسحه
الجوهره: ياربي متى تخلص هالسنه ونروح الجامعه ونفلها
صبا :وييييه باقي على وشهو مستعجله ياحظي وبعدين وش حلوها المدرسه
دنيا وهي تجعد وجهها: قالت وش حلوها انا بصراحه لا ابي مدرسه ولا جامعه (ابتسمت )ابي اتزوج واقعد بالبيت
صبا :وع عليك انتي وتفكيرك ذا بصراحه انتي انسانه ماعندك طمووووح ابد
دنيا: اخ يا ام الطمووووووووح انتي خفي علينا اشوي انتي وطموحاتك
الجوهره وهي تطالع اللي جايه :صبا ناظري من جا
صبا بخوف :لا تقولين هناء تكفين جوجو
الجوهره :هههههههههه ومن غيرها
صبا بقهر :اوووف من هالبنيه ماتفهم ماعندها كرامه ابد
هناء :هاااااااااي
البنات بطنازه هااااااااااايااات
هناء :شلونك صبا ؟
صبا تتصنع الابتسامه : تمااام
هناء :ممكن تجي معي شوي
صبا: وليه وش تبين؟.
هناء :بغيتك بسالفه
صبا مالها خلق :ok خلينا نمشي
مشوا بعيد عن البنات
هناء: صبا اشفيك؟
صبا مستغربه: وش فيني مافيني شي ولله الحمد
هناء :لا بس ماصرتي تقعدين معي
صبا بنفسها اصلا من متى قعدت معك: والله تعرفين ثالث ثانوي ولازم اشد حيل
هناء تناظر عيون صبا تنهدت:آآآآآآآآآآآآآآه تهبلين الا ملكة جمال وقليله بحقك
صبا تنرفزت: هنا وبعدين معك قلتلك اكثر من مره هالكلام ما احبه فهمتي؟
هناء:فهمت sorry بس والله صدق
صبا : يله ابي اروح لان مابقى شي ويضرب الجرس ابي اكمل فطوري
هناء :ok (مشت صبا وهي تناظرها )يابعد عمري والله
صبا وصلت للبنات وهي واصله حدها البنات ضحكو عليها
دنيا :هاه وش سويتي يامحطمه قلوب العذارى
صبا :دنيوووه اسكتي احسن لك تراني واصله حدي
الجوهره :هههههه اكيد كالعاده كلام غزل وهيااام
صبا: اعوذ بالله المشكله اعطيها كاش بس عبث مافي كراامه
الجوهره :من حقها جمال وطول وجسم وبياض والعيون رماديه واسعه وناعسه بعد
دنيا تكمل: والا الرموش كثيره مثل المضلات (يعني دعجاء العيون)بين قوسين والشعر عسلي فاتح وجذابه ورقيقه
صبا :قل اعوذ برب الفلق يمه من عيونكم
الجوهره :هههههه ماشاء الله تبارك الرحمن وش دعوه بننظلك مثلا انتي صديقتنا
دنيا :ايه صح مالت عليك بس
صبا :وش دريني عنكم يمقن تصير ويمقن لا
دنيا تضربها بكتفها : اقول يله ضرب الجرس
>>آخر الدوام
صبا: دندون تجين معي ؟
دنيا: لا ابوي بيمرني لان بروح المستشفى عندي موعد عند طبيب الاسنان
صبا :هههه الله يعينك على هالسوس ناخر اسنانك نخر وانتي بصراحه طايحه بهالشكولت مااقول الا الله يصبر ابوك ودكتور الاسنان كل اسبوعين وانتي مرتزه عنده ما كان عنده الا انتي
دنيا معصبه :اقول لا يكثر انقلعي عن وجهي سواقكم وصل
صبا :ههههههه يله مع السلامه
>>بالعصر
الجدة : صبا حبيبتي قومي صلي العصر
صبا بكسل : طيب يمه هاللحين قايمه
صلت العصرونزلت بالصاله
الجدة ماسكه سماعة التلفون: الله يحيك ياوليدي ومانبي شي الله يسلمك سلم على ابوك وامك مع السلامه
صبا: يمه من هذا اللي تكلمينه
الجدة: هذا صقر ولد عمك عبدالرحمن يقل جاي بكره للرياض
صبا:وليه يجي؟!
الجده: يقول عنده شغل وبيقعد اسبوعين
صبا :اسبوعين !يعني الاسبوع الاول من رمضان بيقضيه عندنا
الجده :ايه كنه مو عاجبك؟
صبا:لا انا وش دخلني …….ياستي لو سمحتي جهزي القهوه بسرعه
ستي :حاضر صبا
صبا تفكر:يمه صقر كم عمره ؟
الجده :والله يابنيتي على ما اظن 33 سنه
صبامستغربه : الله 33 سنه مو متزوج غريبه حشى شايب…بس اللي انا اعرفه انه يشتغل مع عمي بالشركه وماشاء الله اصحاب بطره وش اللي منعه من الزواج!
الجده : النصيب يمه وصقر ما فيه شي يعيبه والكل يتمناه رجال كفو
،،،،،،،،،،،،،،،،،،،،،،،،،،،،،،،،،،،،
الطـــــــــــــــــائف
بيت كبيرجداً وفخم
صقر: يبه جدتي تسلم عليك توني مكلمها
ابو صقر: الله يسلمك ويسلمها هاه بكره السفر؟
صقر: إيه ان شاءالله
ابو صقر: ان شاءالله تجي الموافقه على هالمشروع
صقر :بإذن الله بيه نجيب الموافقه ولايهمك ازهلها
ام صقر تحط القهو والشاي:اقول عبدالرحمن ترى تعبت مع بنتك منى مو راضيه تصحى
ابو صقر: والله انا تعبت معكم من وين الاقيها منكم والا من الشركه لو مو صقر ماسك نص الشغل عني والا كنت انذبحت
صقر : بسم الله عليك وش هالكلام طال عمرك
ابو صقر: الله يوفقك ياوليدي (التفت لام صقر )وين اولدك عبدالله ماشوفه؟
ام صقر: طلع مع اصحابه
ابو صقر : هذا هو اللي فالح فيه يا بهالجو مسافر او مع اصحابه
ام صقر تعطيه الفنجان: حراام عليك هذا شغلته مضيف ومن ديره لاديره يعني اذا طلع مع اصحابه حرام؟
ابو صقر :والله مااحد ضربه على ايده وخلاه يصير مضيف هذي الشركه موجوده وش حاده على هالشغله
صقر:بيه الله يسلمك تعرفه يحب السفر
>>التلفون يرن
رفع السماعه :الو
نوره :السلام عليكم
صقر :هلا وغلا بنوره شخبارك؟
نوره: تمام وانت اشلونك
صقر: والله الحمد لله طيب شخبار ابو فهد
نوره :ماعليه خلاف اخبار امي وابوي؟
صقر :ماعليهم طيبين وهذاحنا قاعدين انتقهوا ….اشفيه فهودي يبكي
نوره :والله دبلن كبدي بس يبيكي خلنا منه انت وينك ماتمرني بصراحه قاطع
صقر :هههه حقك علي بس والله تعرفين الشركه وشغلها وبكره مسافر لرياض عندي شغل
نوره: الله يعينك بس لازم تجيني بعد ماترجع من الرياض
صقر :ان شاءالله اوعدك يله سلمي على ابو فهد وبوسي فهووود
نوره يوصل اذا امي قريبه من عطني اياها
صقر :ايه قريبه ….يمه هذي نوره تبي تكلمك
ام صقر اخذت السماعه : هلا يمه (التفتت لصقر يمه تكفي صحي منى اذا طلعت)
صقر :ابشري (طلع لغرفته بدل ملابسه مر على غرفة منى وهو يدق الباب): منى …….يامنى
منى بكسل: نعم
صقر: يله قومي وش دعوه الساعه 5ونص وانتي ماصحيتي
منى :ok الحين بقوم
ام صقر: صقر وين رايح ؟
صقر: بطلع مواعد الشباب عندنا عشا تعرفين بغيب عنهم اسبوعين تامرين انتي وابوي على شي
ام صقر :لا يمه الله يوفقك بس متى رحلتك
صقر: بكره الساعه 4 بالعصر
،،،،،،،،،،،،،،،،،،،،،،،،،،،،،،،،،،،،
الريــــــــــــــــــــااض
صبا :الو اخيرا رديتي دوموزيل دنيا
دنيا :يختي كنت بالغرفه بعد هذا انا رديت
صبا معصبه :بعد شنهو بعد مانشفتي ريقي انتي واخوك الدلخ حميدان
دنيا تمسك على فمها من الالم: هههههه عادي المفروض انك متعوده عليه
صبا شنهو اتعود عليه حشى ماكنه برابع ابتدائي كنه شايب بس اذا ماوريته
دنيا :تكفين صبا وش تبين ما اقدر اتكلم
صبا :ما ابي شي بس حبيت اتطمن عليك
دنيا :كالعاده مافي شي جديد
صبا: ههههه واكيد كالعاد مو مداومه صح؟
دنيا :إيه صح يله ضفي خشتك
صبا:هههه هذا جزاتي متصله عليك اتطمن
دنيا: الا وانتي الصادقه تتشمتين
صبا :هههههه الله يشفيك صدق سلمي على خالتي وديما
دنيا :يوصل مع السلامه
>>بالمدرسه
الجوهره:يعني هالبنت كل مارحت عند الدكتور تغيب مو صاحيه ابد
صبا: بالله ماتعرفين دنيا هذي هي من عرفناها
الجوهره :بس هالمرحله غير ثالث ثانوي مافيها لعب
صبا: هههههه مر دنيا مهتمه الحين ما سمعتيها تقول ماتبي لاجامعه ولا غيرها عالعموم انا بروح لها اليوم تجين ؟
الجوهره :والله كان ودي لكن تعرفين اخوي مستحيل يوديني والسواق عنده اجازه اسبوع يحظك بيت مقابل بيتهم متى ما بغيتو تروحون عند بعض رحتوا مو مثلي مشوار
>>الساعه 4بالعصر
نزلت من الدرج يمه ………..يمه وينك؟
الجدة:انا هنا حبيبتي بغرفة الضيوف
صبا وصلت عندها :وش تسوين انتي وستي ؟
الجده :نجهز الغرفه نسيتي ان صقر جاي اليوم
صبا بعد اهتمام :إيه نسيت المهم فديتك ابي اروح عند دنيا
الجدة: طيب بس لاتتأخرين وكلمي دنيا تقول لمحمد ينتظرك عند الباب
صبا :تامرين اذا تجهزت بتصل فيها ولايهمك بعد مالبست واتجهزت كلمت دنيا :يله يمه انا رايحه تامرين على شي
الجده :لا يمه بس لاتتأخرين سلمي على سلوى والبنات
صبا :ان شاء الله (وطلعت سيده لبيت دنيا ،،،محمد كان ينتظرها عند الباب )
محمد :هلا بالدلخه صبا
صبا وهي تدخل :والله مالدلخ الا انت واشكالك
محمد: اقول لايكثر روحي عند دنيا انتي وجهك يالعنز
صبا ضربت بيدها على صدرها تشهق:انا عنز اشوفها طالت وشمخت ياحميدان
دنيا :لاحول يعني لازم انتي وياه مناقر كل ماشفتو بعض يله يابنت الحلال ادخلي واتركي عنك هالبزر
محمد:انا بزر دنيووه
صبا تقلد صوته:إيه بزر ونص ،،بعد سنه رابع اكيييد بزرر
محمد :طيب اذا ماوريتكم يالعنز
صبا حاطه يدها على خصرها وش بتسوي بعني الصراحه فرق بينك وبين عبود وش حليله يهبل
محمد:وشرايك تتزوجينه
صبا :/ياليته كبير بس للأسف بأول متوسط
دنيا:اوووووف بطوليين انتي وياه والله لدخل
صبا:لا خلاص بدخل مضيع وقتي هالبزر
سلوى ام دنيا :هلا والله بصبا
صبا تسلم عليها :هلا فيك خالتي اشلونك ؟
سلوى :الحمد لله انتي شخبارك واخبار امك نوره والله هالايام ماقمت ازورها تعرفين تعبانه من الحمل
صبا:تمام ماعليها وتسلم عليك
سلوى :الله يسلمك ويسلمها هاه بتقعدون هنا والا بتطلعون فوق
دنيا:لا يمه بنطلع لفوق احسن
طلعو ولقو ديما وعبدالمجيد يلعبون سوني
صبا :اشوف دمدوم وعبود يلعبون
ديما: اهلين صبا اخبارك؟
صبا وهي تسلم عليها:تمام انتي اخبارك واخبار ثالث متوسط وياك
ديما :تمااام وثالث على كيف كيفك
عبدالمجيد: وش رايك صبا تلعبين معي بدل هالدلخه
ديما :انا ما اعرف هين ياعبود بعدين لاتجي تترجى اني العب معك
صبا :ههههه ماعليك منها خلاص بلعب معك
دنيا:صبوه انتي لازم توقفين بكل محطه وبعدين جايه تسولفين معي او تلعبين ؟
صبا :يمه اعصابك خلاص بجي معك
دخلو الغرفه وجلسو يسولفون
دنيا :هام وش اخبار المدرسه اليوم؟
صبا وهي تشرب البيبسي :يالله فاتك اليوم صارت مشكله
دنيا :وش صار علميني
صبا: بدريه البوويه عرفتيها
دنيا :إيه وش فيها
صبا : تهاوشت مع ابلى مريم هوشه جامده
دنيا:احلفي ياربي مقهوره ليتني داومت وشفتها
ديما: يمه منك تحبين المشاكل
دنيا :اقول انطمي انا ما احب المشاكل بس احب اتفرج وخاصه بدر مشاكله شي ثاني
ديما :مسمينها بدر بعد!
صبا :ويييييه عندنا بدر وماجد وعبود وانتو؟
ديما :لا ماعندنا صح انو في بويات بس مومغيرن اساميهم
دنيا متحمسه :طيب وش صار لبدر
صبا :كالعاده فصل اسبوع وتعهد
دنيا:ههههه دايم على هالحال وترجع اردى من قبل
>>بالمطار
صقر:إيه يمه تو وصلت
ام صقر:الله يوفقك رايح لجدتك
صقر :هذا انا رايح لها مع عمر
ام صقر :زين يمه سلم عليها
صقر:يوصل سلمي على ابوي والجميع(قفل منها)ها اخبارك عمر؟
عمر:الهمد لله (الحمدلله ) بابا
صقر :ماتبي تسافر انت ومرتك؟
عمر:لا بابا انا في هنا مرتااح كتييير
صقر: كم لك سنه وانت عند جدي الله يرحمه
عمر :14 سنه بابا
صقر :ماشاءالله
بعد مده وصلو البيت دخل صقر ولقى جدته تنتظره ابتسم لها :مساك الله بالخير يمه
الجدة:هلا هلا بولدي الغالي مساك الله بالنور يمه
صقر حب راس جدته:شلونك وشخبارك يالغاليه؟؟
الجدة :الحمد لله طيبه وانت بشرني عنك وعن ابوك وامك وعبدالله وخواتك عساهم بخير
صقر :الحمدلله طيبين ماعليهم ويسلمون عليك
الجدة :الحمدلله يله صل المغرب لجل تتقهوا ترى القهوه والشاي جاهزين
صقر :ان شاء الله يمه سوي طريق
الجده :مافي احد ياوليد اخذ راحتك صبا راحت لصديقتها
صقربتعجب:راحت لصديقتها وبنص الاسبوع؟!
الجده:إيه يمه صديقتها هنا مقابل بيتنا
صقر هز راسه:طيب انا بروح اصلي
بعد ماصلى دخل عند جدته بالصاله وجلسو يسولفون
>>بيت دنيا
صبا:اووووف يعني هالادمي هو اللي بيوصلني خلاص ما ابي
محمد:اقول لايكثر امشي زيــــــــــــن
صبا:يمه منه هالبزر شرير حييييييل خلو عبود يوصلني
دنيا :هههه والله مامعك الا هالبزر
ديما :اذا ماتبين خلاص بنوقف لك عند الباب
صبا بيأس:خلاص مايحتاج الله يعين الشكوى على الله يله مع السلامه
البنات ههههه مع السلامه
وصلو عند الباب ضربة الجرس
بالصاله
الجدة :اكيد هذي صبا ستي……ستي وين راحت.؟ (تنهدت بضيق)اكيد انها عند عمر،، بقوم افتح لها
صقر مسك على يدها :والله ماتقومين انا بقوم افتح ،،،ارتاحي انتي جعل عمرك طويل
>>>>نهاية البارت
تقبلي مروري
|
المشاركة الأساسية كتبها المااااااس
صباااااح الابداااع والتميز اتمناه لك عزيزتي برووق النهايه…بارت اليوم حمل معه لي بعض من التشويق لما سيحصل بعده من احداااث في البارت القادم … باانتظار جديدك غاليتي
تقبلي مروري |
اشكرك تفاعلك الاكثر من رائع ،،،،،،،