السلام عليكم ورحمة الله وبركاته
بدخل بصلب الموضوع ع طول
هاي روايه من تأليفي وراح اتركم تكتشفون احداثها
ابطال الروايه
اسماء: عمرها 19 سنه رسبت فالصف الرابع بسبب وفاة ابوها وهالشي حطم نفسيتها وبنا شخصيتها القويه تعتبر نفسها مسؤله عن امها واخوانها خالد وخلود التوأم اصغر منها بـ11 سنه امها تعتمد عليها اعتماد كلي ودايما تمشي ع شورها
مواصفاتها: شعرهاا اسود حرير وقصير ملامحهاا حاده وجاده وهالحده إلي فملامحها ضايفتلها جاذبيه خياليه
عيونها عسليه وواسعه تميل لسمرا اكثر من البياض
هي مب قصيره ولا طويله بشكل عام جسمها متناسق بشكل حلو.
هدى: ام اسماء ومعتمده ع اخوهاا عبد العزيز إلي طول السنه مسافر برع البلد وكل شهر يرسللها مبلغ عسب تمشي فيه حالها وحال بيتها وعيالها
خالد وخلود: اخوان اسماء اصغر منها بـ11 سنه
وفاء: عمرها 18 سنه اقرب صديقه حق اسماء تعرفت عليها فالصف الرابع ومن يومها وهم كله ويا بعض
مواصفاتها: وايد حلوه ورقيقه حساسه لأبعد الحدود شعرهاا بني طويل وحرير بطريقه ملفته عيونها عسليه ضايفتلها جمال فوق جمالها وبشرتها بيضه وجسمها متناسق بطريقه حلوه
عبير: عمرها 18 سنه وهي من شلة اسماء تعرفوا ع بعض فالاعداديه
مواصفتها: دبه شوي شعرها اسود كيرلي وعيونها سوده بس هم ملامحا حلوه وبشرتها بيضه
ندى: عمرها 18 سنه وهي من شله اسماء تعرفوا ع بعض ع الاعدادي
مواصفاتها: ضعيفه شعرها اسود حرير وعيونها بنيه ضايفتلها حلى ملامحها ناعمه بشرتها سمرا
سعاد: عمرها 18 سنه بينها وبين اسماء عداوه من الاعداديه
موصفاتها: طويله وجسمها متناسق شعرها بني قصير وعيونها خضر << عوامل الوراثه خخ
وهي بيضه بياض
بشكل عام ملامحه حلوه
رغد: عمرها 18 سنه معجبه بشخصيه اسماء بطريقه جنونيه
مواصفاتها: بيضه وايد عيونها سوده على نفس درجة سواد شعرهاا وجسمها متناسق بشكل حلوو
سلمى: عمرها 18 ربيعه اسماء ووفاء من ايام الابتدائيه والاعداديه بس افترقوا ع الثانويه لانه سلمى انتقلت لمدرسه ثانيه
مواصفاتها: ضعيفه وايد وقصيره نوعا ما مايله للسمره وشعرها اسوود نفس عينها
منال: اخت سلمى عمرها 22 سنه علاقتها وايد قويه بأسماء
موصفاتها : سمرا شوي عيونها سوده وشعرها نفس الشي وجسمها متناسق
باقي الشخصيات راح تعرفونهم مع أحداث القصه……..
الجزء الأول
ايييييييييه انتي بلاج ع البنيه
وفاء رفعت راسهااا ماصدقت عينهاا اول مره احد يدافع عنها فحياتهاا
منى بعصبيه وحاطه إيدهاا ع خصرهاا : وانتي شلج رازه ويهج
اسماء طالعت منى بنظرة تهديد : برز ويهي وين ما يحلالي وهالبنيه لا تقربي صوبهاا فاهمه
منى والخوف بان بعينها : ليش هي تقربلج ؟!
اسماء بحتقار : اظن هالشي ما يخصج
هدى طالعت وفاء بنظره توعد وطلعت من الكلاس
____________________
بسم الله الرحمن الرحيم بلاج خرعتيني
اسماء : اناديج من الساعه قلت مافي حل غير اصرخ بويهج
وفاء وهي بعدها حاطه إيدها ع قلبها : الله يغربل ابليسج من يوم يومج دفشه
اسماء : ادري ما قلتي شي يديد .. إلا ما قلتيلي فشو سرحانه يا عمري ؟!
وفاء وهي تبتسم : ماشي بس تذكرت موقف مستحيل انسااه
اسماء ببتسامه احلى :كلي اذان صاغيه علميني شو هو الموقف ؟
وفاء : اممممممم انزين بقولج تذكرين قبل 7 سنوات يوم دافعتي عني
اسماء وهي تضحك : ههههههههههههههههه الله يقطع ابليسج ها هوو الموقف إلي مستحيل تنسيه وانا طار فكري بعيد
وفاء وهي تهز راسها : طول عمرج جيه والله كنت متوقعه ردت فعلج بس ع فكره هالموقف وايد اثر فيني ما تتصوري شقد كبرتي فعيني هااك اليوم .
اسماء وهي تتعدل بيلستها : وفوي فديتج والله مو قصدي بس تدرين اول ما تذكرت منى الدبه ما رمت ايوود روحي ياتني ضحكه
وفاء : اوكيه اسووم خاطري اسألج سؤال بس تجاوبيني عليه بصراحه
اسماء وهي ترفع حواجبها بتعجب : تفضلي افاا عليج ما بينا اسرار
وفاء : ليش دافعتي عني هاك اليوم رغم انج ما كنتي تعرفيني وانا كنت توني يديده ع المدرسه ؟
اسماء تمت ساكته قبل لا ترد وتقول : والله مادري وفوي ! بس ما عيبني اسلوب منى وياج استفزني
وفاء بترقب : بس !!
اسماء : اممممممم وو يمكن لاني حسيتج وحيده فالمدرسه ومالج احد مادري حسيت اني اعرفج شي من هالقبيل حسيتج قريبه مني ورتحتلج وايد
وفاء : تسلميلي والله اسوووم من يومها ما فترقناا ولا يمكن نفترق
اسماء : اقول بشويش علينا شويه وبتنزل دموعي هههههههههههههههههههههههااااي
وفااء وهي مبوزه : قسما بالله انتي ما ينحكى وياج ابد مادري ليش ع طول تقلبي الجد مزح
اسماء وهي تتعدل بيسلتهاا : ههههه طيب خلاص انا اسفه بس غصب مني
إلا شويه ويرن تيلفون وفاء ( انت اول انسان اعشقه في حياتي والحين تبغي الصدق ما عدت الاول … )
وفاء : هلااا والله سلوووم
سلمى : هلابج زوود غلايه .. شحالج عساج بخير ؟
وفاء: بخير ونعمه ومن صوبج ؟
سلمى: ماشي حالناا اهم شي حالكم
وفاء: تسلميلي قلبووه
سلمى : يسلمج ربي إلا بسألج اسووم وياج ؟
وفاء : هيه وياي ..
سلمى : والله كنت متوقعه عسب جيه دقيت عليج
وفاء : ايووه وانا اقول سلووم ساس المصالح ليش بدق علي !!
سلمى: افاا والله وفوي الحين انا استويت ساس المصالح مقبوله منج
وفاء: انزين يالمصلحجيه قوليلي شو تبين منها ؟
سلمى: بل شو هو تحقيق اقول خلصينا عطيهاا التيلفون بكلمها
وفاء: نوو قبل قوليلي شو عندج ؟
سلمى: صبرك يا رب وفوي خلصيناا عاد
وفاء : بشرط إلا تقوليلي شو ……. إلا اسووم تسحب التيلفون من إيد وفاء وترد
اسماء : هلااا سلووم فديتج ما عليج من سوالف وفوي الحشره
سلمى : الحمد لك يارب زين سويتي إلا تعااااالي ويا راسج ادق عليج ليش ما تردين علي ؟؟
اسماء : وربي التيلفون مفضي
سلمى : اوكيه هالمره بعديهاا لج المهم بغيت اقولج انه منال ردت وتبغي تشوفج
اسوم فزت من مكانها وهي ترد : حلفي منوول ما غيرهااا
سلمى : هيه منووول ذبحتني من اول ما يت وهي كله تنشد عنج
اسماء : فديتها فديت روحهاا خلاص انا بيكم البيت اليوم المسا
سلمى: البيت بيتج حياج بأي وقت
اسماء: فديتج سلووم
سلمى : by the way قبل لا انسى يبي ويااج الدبه وفوووي
اسماء: افاا عليج غالي والطلب رخيص بيبها لج من اذنيهاا
سلمى: ههههههههههههههههههههههاااي زين تسوين
اسماء: هههههه
سلمى: عيل اشوفكم اليوم المسا يالله بااااايووو
مدت اسماء التيلفون حق وفاء وهي تقول: وفوي زهبي روحج بنسير المسا عند سلووم البارحه اختهااا منال ردت من السفر
وفاء وهي تاخذ التيلفون من إيد اسماء وتوقف: سيري انتي انا بشوف منول بيوم ثاني مب لازم اليوم
اسماء وهي توقف وياها: أفااااا وفووي ترا سلوووم وصتني قالتلي ان ما يبتي وفوي وياج ماراح ادخلج البيت
وفاء وهي تضحك : احسن
اسوم وهي منزله راسهاا مسويه روحها زعلانه: اهون عليج
وفاء: لا عااد كله ولا اسوووم خلاص يا بوج بكنسل كل مواعيدي هههههههههههههههههاااي عشان خاطرج
اسوم وهي ترفع واحد من حواجبها : امحق مواعيد
في بيت سلمــــــــــــى
منال : ياويل حالي والله مشتاقه حق يلسة البنات وسولفهم
سلمى : اقول اقول وانا شو موضعي من الاعراب ولا خلااااص من سافرتي نسيتي انه عندج اخت مافي منهاا اثنين على وجه الكره الارضيه
منال: لا حول انتي بلاج الحين تصدقين من سافرت لين هاليوم إلي انا يالسه وياج فيه وصوتج كله يرن بإذني
سلمى: لا والله شو تيلفون هو !!
منال: لا ياعمري مب تيلفون بس مشكلته صوتج مايتنسي
سلمى: بعتبره مدح ههههههههههههه
منال: دخيلج اعتبريه ذم عسب تخفي علينا
سلمى: ههههههههه مالت بس وانا كله انشد عنج
منال : هيه تيلفوني شويه ويحترق من اتصالاتج
سلمى: هههههههه حرام عليج انتي ادرى بالحال بس" انما الاعمال بالنيات" الرصيد كله مفضي
منال: بس بس بس ياربي ع التمثيل وين الاعلام عنج حرام هالموهبه تضيع
سلمى: هيه والله الناس لاهيه عني بس ما عليه قريبا بدخل فعالم الاضواء والشهره
منال: ان شاء الله من ترقدين كل احلامج بتتحقق
سلمى: مشكله محد فاهمني غيرج ههههههههههههههههههههههه
شويه ويرن الجرس ….
تطلع الشغاله وتفتح الباب حق اسماء و وفاء وتدخل للمجلس
وفاء : ياربي هالبيت من زمان ما دخلته
اسماء: سيم تو مي
وفاء: من خلصنا الاعداديه وسلوم سارت فصوب وحنه فصوب والله الايام تمضي بسرعه
اسماء: صدقج ماحسينا فيها
سلمى : هلا والله تو ما نور البيت منورين منورين
اسماء : هلا وغلا ادري اني منوره البيت ههههههههههه
وفاء : لا عااد محد منور البيت كثري ههههههه
سلمى: هههههههه وربي ما تنعطن ويه
اسماء: اقول ويا فيسج وينهاا منوول ترا لا يكون حسبالج متعنين وياين لين هني عسب نقابل ويهج
وفاء: هههههههههههههههههه قنبله
سلمى ورسمت ع ويها ملامح الصدمه اونها زعلت: اوك انا بسير عنكم بااااي
وفاء : سلوم فديتج تعااالي ادريبج ممثله محد قدج فالتمثيل
اسماء: ان طلعتي من الباب بحش ريلج حش
سلمى وهي تضحك : ومنو قال اني بطلع من الباب يا قلبي عله يالسه على قوبلكم
وفاء: هههههههههه افاا سلوووم انتي عسل مافي منج ثنين
سلمى: هيه باين من الاستقبال المشرف
وفاء: ههههههههههه هاا كله من الشوق والوله بلاج عاكسه الامور تراج فاهمتنا غلط
سلمى: وربي محد غيرج انتي وربيعتج عاكسين الامور
اسماء : عاااااااااااد حدج تراني ساكته عنج من ساعه ويا غريب كون اديب
سلمى وتسوي روحها خايفه : ياا ويلي انا الظاهر بنام فالشارع اليوم
اسماء: اسويها ترا ههههههههههه
منال وهي ادش المجلس : بسم الله شو قامت الحرب العالميه الثالثه
اسماء: منووووووووووووووووووووووول
منال وهي تبتسم : بشحمها ولحمهااا
اسماء حضنت منااال ومنال شويه وتبكي لانه علاقه منال بأسماء وايد قويه صحيح انه اسماء اصغر من منال بثلاث سنوات لكن منال ع طول تشكي همومها حق اسماء الي لها وقفات ويا منال مستحيل تنساها
وفاء وهي تمثل دور الملانه : اقول منووول نحن هناا ترا مليت وانا واقفه اترياج
منال وهي تضحك بين دموعهاا : وفوووي فديتج يا قلبي تعالي هنيه تولهت عليكم حيل
سلمى وهي تضحك : خلاص قلبي ما يتحمل هالمشاهد ترا رهيف وبسرعه يتعب
اسماااء : سلوم انتي بعدج واقفه هني حسبالي سرتي
سلمى : لا يا عمري خفت تحشين ريلي حش
اسماء: لا خلاص غيرت راي هههههههههههههه
سلمى: لازم من لقى احبابه نسى صحابه
منووووول : فديت اسووومتي اناا
وفاء: سلووم يلسي وخلي عنج الكلام الفاضي
اسماء وهي تعاير سلمى : هع فديت احبابي اناااا
سلمى : امحق احباب وفوي حياتوو ترا بيلس عشان خاطرج
وفااء : ههههههههههههههه الله الله كبر راسي حبتين
مناال: وفووي ما عليج من سلووم هااي اكبر عياره مره وياج وعشره ضدج ههههاي
وفااء: لا تقوليلي ادري عنهاا هااي عشرة عمر
اسماء: يا عيني الي يسمع يقول عيايز اليوم وكل وحده تحكي عن ماضيها المشرف
وفاء: هههههههههههاااي لا فديتني توووني بنوته صغيرونه
منال : ههههههههههههههههههه الله بنوتات والله سوالفكم وناسه
سلمى : لا تنسي انا إلي محليه اليلسه خخ
منال: هيه ولا تزعلين روحج
الكل : هههههههههههههههههههههههههههههههههههههه
اسماء: انزين منوول ما قلتيلنا شخبار الدراسه وياج ؟!
منال: اه من الدراسه وهمهاا والله يا اسوووم اني احسب الايام وادعي فكل يوم اني اخلص منهااا اليوم قبل باجر
اسماء: اافااا منوول احيدج شاطره والدراسه لعبتج
منال: "دااا كان زمااان يا حبيبتي" ههههههاااي زمن الشطاره ولا وراح
اسماء: ليش غلاااي شدي حيلج والله يسهلها عليج
منال: ان شاء الله خير
وفاء: ليش هي الدراسه الجامعيه وايد صعبه منوول ؟
منال: لا وفوووي لا تتعقدي بس الدراسه الجامعيه تحتاج تركيز وانضباط واناا خبر خير تنعد الكلاسات الي احظرهن كله اعتمد ع النوتات إلي تكتبها ربيعتي
وفاء: ليش منووول ؟
منال: شو اقولج اخذت ع اللعب بس احاسب ع درجات الحظور عسب لا انحرم من اختبارات الفاينل
وفاء : لا منوول خلي عنج اللعب عسب تخلصين بسرعه وترديلنااا اسرع
منال: ان شاء الله من عيوني بس تصدقين وفوووي هالنصيحه تناسبج انتي والشعب إلي وياج اكثر
اسماء: ههههههههههههههاااي منووول انا عن نفسي موضوعي خالص غسلت إيدي ورضيت بالأمر الواقع
وفاء: هيه والله منووول ترا اسووم خير شر ما تمس هالكتب يعني م الاخر بايعتهااا
سلمى وهي تغمز حق اسماء : ههههههههههههااااي ربيعتي ادريبهاا إلا ما تكون مضبطه الوضع
منال: شوو قصدج سلووم ؟!
اسماء ترد ع سلمى : جب انتي شو مضبطه ما مضبطه
وفاء: ههههههههههههاااي صدقج سلوووم اسميج يبتيهاا اكيد الاخت معتمده ع الغش
منال: اسوووم وربي الثانويه غير وسالفة الغش ابركلج تنسيهاا داخل لجنة الاختبار محد يعرف حد هههههههههههههههاااي قيامه
وفاااء : صدقج منوول عااد البنات كل وحده تباا تيب نسبه اعلى من الثانيه
سلمى : عقليات متخلفه وربي يا كرهي لهالصنف من البنااات يرفعن الضغط
اسماء: يحلها ألف حلال انتوا ليش ماكلين همي
منال: ما تهمج النسبه اسووم ؟
اسماء: انا مؤمنه فقرارة نفسي انه محد ياخذ إلا رزقه فهالحياه واذا ربي كاتبلي ايب نسبه معينه بيبهاا لو سويت العجايب
منال: اكيد بس هم هاا ما يعني انج تهملي دراستج وتقولي المقدر بيصير
اسماء : ومنوو قال اني هامله دراستي وفوووي تبالغ
وافاء وهي تستنكر كلام اسماء: لا ابالغ ولا هم يحزنون وترا اسووم حنه ننصحج لانه نحبج ونبغي مصلحتج
اسماء رفعت عينهاا وشافت ع وفاء نظره غريبه وردت نزلت راسهاا : عسى خير
سلمى وهي اطالع ع اسماء: بس وربي ترا اسووم شاطره بس هي وايد مهمله من النوع الي يهمل طوول السنه واذا ياا ومسك الكتب يسوي العجب
اسماء : يالله ع الحسد خفي عليناا شوي
وفاء: صدقج سلووم بس الثانويه غيرر عن كل السنوات يعني اسووم لازم تشد حيلهاا من البدايه
منال : يالله عاااد اسوووم كلناا متفائلين فيج هههههههههههه وانشالله تصكيهاا الـ 99%
الكل: هههههههههههههههههههههههههههههههههههههههههههااااااي
اسماء : "أبقي قابليني" ههههههههههههههاااااي زين بس لو اقرب صوبهاا بعشرين درجه
الكل: هههههههههههههههههههههههههههههه
منال: وربي تحفه انتي قولي يارب وهو يسهلج الباقي
اسماء: ياااااااااااااااااااااااااااااااااااااااااااااااار ب
منال وهي تبتسم حق اسماء: شاطره خلج دووم متفائله يا قلبي
اسماء : اكيد تفائلوا بالخير تجدووه
وفاء: هههههههههه انا متفائله فيج اسووم
اسماء وهي تضحك : صدقيني مب اكثر من تفائلي فيج
منال وهي توقف : سوري صبايه بس باخذ اسووم شوي
سلمى : الله الله انزين ممكن اي وياكم
منال : روحي زين خلج وياا وفووي
اسماء وهي توقف ويااا منال وتغمز حق سلمى عسب تغيضها: اسرار يا قلبي
سلمى : يا كثر اسراركم ما قوول الا "يااااااا خبر بفلوس بكره ببلاش"
منال وهي تطلع من المجلس: ههههههههههه عيل ياقلبي ليش مستعيله ع رزقج تري ع باجر
اسماء : اوو سلووم يالدبه خلي بالج على وفوووي
سلمى : ههههههههههه ترا باكلهااااااااا
اسماء طالعت ع وفاء وقالت : اذبحج هااي وفووي
وطلعت ورا منال إلي كانت تتريااها فحجرتها
سلمى : وفووووي
وفاء : …………………………….
سلمى: اقووول وفووي !!!
وفااء: ……………………..
سلمى وهي تهز وفااء : وفوووي شو بلاج فشو شارده !!
وفاء توها تركز ع كلام سلمى : شو فيج ترا اسمعج
سلمى : لا صدقتج من ساعه اناديج وانتي خبر خير
وفاء بضيق : شو سلووم امري شو بتقولين
سلمى بتعجب : بسم الله عليج وفوي توج تضحكين وحدج مستانسه شلي قلب حالج !!!!!!
وفاااء وهي اطلع تيلفونها من الشنطه وادق على رقم : سوري سلووم والله مو قصدي
سلمى وبعدها مستغربه : مسموحه فديتج بس شو فيج
وفاء توها بترد ع سلمى بس قطع عليها رد الشخص الي دقت عليه : ألو اقوول ميري قولي حق السايق يخطف علي انا فبيت سلمى قوليله بسرعه
انزين يالله اتريااه
باي
سلمى وعلامات التعجب تزيد على ويهاا: وفووووي خير شو صار حد زعلج وين بتسيرين تو الناس وبعدين انتي يايه وياا اسمااء ليش تردين ويا السايق ؟!!!!
وفاء : لاني مستعيله وابغي ارد البيت الحين
سلمى : ليش وفوي ما عيبتج يلستناااا
وفاااء: لا فديتج يلستكم حلووه بس اناا صابتني اليضيقه وما ودي اخرب عليكم اليلسه
سلمى وهي تقرب من وفاء: اافاا والله شو هالكلام إلا ما تقوليلي شلي قلب حالج
وفااء : بليزز سلمى لا تضغطين علي وبعدين هاي طبيعتي مزاجي ينقلب فلحظه
سلمى: طول عمري ما قدرت افهمج !!! انتي بالنسبالي لغز
وفاء: احسن خليني لغز مثل ما اناا لا تحاولي تحليه لانه بيصدمج
شويه ويرن تيلفون وفوووي ( انت اول انسان اعشقه في حياتي والحين تبغي الصدق ما عدت الاول … )
وفااء : يالله سلمى انا استأذن واعتذريلي من مناال وياريت ما تقوليلها عن اي شي
سلمى : ان شاء الله وفوي بس هااا ترا بدق عليج عسب اطمن عليج
وفاء وهي توقف وتسير صوب الباب : اوك يالله اشوفج ع خير
سلمى : ربي يحفظج غلاي وهالله هالله ع روحج
وفاء : ان شاء الله
(((((((((فـــــــــــــــــــــــــــــــــي السيـــــــــــــاره ))))))
وفاء تكلم روحهاا : ياربي انا ليش تصرفت بهالاسلوب الغبي بس والله غصب عني تعبت والله تعبت وصلت حدي من هالوضع لين متى بخفي احساسي لين متى بصبر على التجريح وعدم المبالا …
طالعت ع صف السياير إلي واقفه تترياا الأشاره وكملت سرحانهاا : لين متى بتم اترياا بهالطابور الطويل فحياتج ؟؟
ليش انتي غير بالنسبالي ليش ؟! ياربي ليش … ونزلت دموعهاا على خدهااا وسط انفاسها المتقطعه
وإذا ما لقيت راح اوقفهاا
تحياتي لكم
راحت عليك يا قلب
بسم الله
و عليكم الســلام و رحمة الله
يعطيك العــافية
موفقة إن شـــاء الله
,’
بس من جد رواية حلوة خاصة شخصية اسماء عجبتني حيل واتمنى الشخصية هذي ماتتغير او الظروف تعكس شخصيتها دمتي حبيبتي
متابعه لك بصمت خلف الكواليس
| 3 / إغلآق الموآضيع : تُغلق الروآية في حآل طلب صآحبـ / ـة الموضوع الأصلي ‘ تأخره ‘ توقفه ‘ تجآوزآت في االردود |
يُــــــغـــــلــــق