مساءكم قطعة سكر
ياراحله عن عين عاشقك لاباس |
| يبقى مكانك في فؤادي محله |
| تبقين طهراً ما دخل جوفه ادناس |
| تبقين عزٍ ما تخضّع بذله |
| تبقين عطر ٍداعبه شم الانفاس |
| تبقين طبع ٍ ما حصل فيه خله |
| تبقين ورد ٍ داعبه هب نسناس |
| ورد ٍ فراشته طرب يرقصن له |
| تبقين حبٍ صادق ٍكله احساس |
| تبقين عين الشوق خل ٍ لخله |
| تبقين في عيني مثل جوهر الماس |
| تبقين انثى بالحلا مستقله |
| تبقين سر الحب ما بين الاقواس |
| يقراه من يقراه محد ٍ يدله |
| تبقين حب ٍ ما دخل فيه وسواس |
| ينبوع طاهر بالصفاء مشفق ٍ له |
| تبقين فكري والقصائد وهوجاس |
| تبقين شوقٍ في فؤادي يتله |
| تبقين وجد اللي تعرض للافلاس |
| كنه من الفرقا على نار مله |
| انا وجودي وجد من صاح يادباس |
| شاف المذله ما لقى مسندٍ له |
| حدوه رديان الجماعه على الساس |
| بعد المعزه صار يمشي بظله |
| يمشي بظل الساس ضايع ومحتاس |
| هذا بعض وجدي ولا هوب كله |
طايل
دباس وابو دباس لهما قصة وقصائد
|
المشاركة الأساسية كتبها مس لحسه
 صح منطوقك يـَﮱـَٱ شنب تقبل مروري
|
صح بدنك ياصبية
مرورك راقي
وصح الله لسانك ولايهينك على
المبدعه يالمبدع تحياتي لك اخوك ناصر
|
المشاركة الأساسية كتبها شاعرأحزانه العجمي
الله يعطيك العافيه اخوي طايل
وصح الله لسانك ولايهينك على المبدعه يالبمدع تحياتي لك اخوك ناصر |
الله يعافيك اخوي ناصر
وصح كلك ولا هان شانك والابداع منكم واليكم
مساء الأشعار الجذابة والكلمات الخلابة
تبقين حبٍ صادق ٍكله احساس
تبقين عين الشوق خل ٍ لخله
تبقين في عيني مثل جوهر الماس
تبقين انثى بالحلا مستقله
/
رائع يا طايل
سلم نبضك وقلمك الرائع
ودي
وجدنا شعر واستمتعنا
لاعدمناك دووم
نواف
|
المشاركة الأساسية كتبها ؛؛همس الروح؛؛
وعليكم السلام ورحمة الله وبركاته
مساء الأشعار الجذابة والكلمات الخلابة تبقين حبٍ صادق ٍكله احساس سلم نبضك وقلمك الرائع ودي |
سلمتي ودمتي كما انتي رائعة
حضورك كذاتك جميل
تحياتي لك
|
المشاركة الأساسية كتبها نواف بندر
طايل صح لسانك وعلا شانك
وجدنا شعر واستمتعنا لاعدمناك دووم نواف |
صح بدنك وشان عالي
لا خلا ولا عدم على هذا الكرم من كريم
تحياتي لك من الاعماق