*يابحر .. فيني من الحزن .. گثر مافيگ ..
من حزن .. وأوجاع .. وغياب .. وغرايب !!
لاتلومني إليا شفتني .. دايم أجيگ ..
ولاشفتني دايم .. على الشط .. ذايب !!
حزني گبير .. أگبر من حدود .. شاطيگ ..
وأقسى من جروح الزمان .. العطايب !!
وإن گان تنشدني فأنا .. مقدر أخفيگ ..
دايم اظن .. ويطلع .. الظن .. خايب !!
في هالزمن .. أقرب حبايبگ .. يشقيگ ..
إلين تدفع في غلاه .. الضرايب !!
ه
من بعد هذا .. يبتعد .. عنگ .. ويجفيگ ..
ماگنه .. بجنبگ .. قضى الوقت .. طايب !!
وإلا .. الخوي اللي توقعت .. يفديگ ..
يفديگ عمره .. لاغدت بگ .. نشايب !!
صد .. وتصدد .. مايبي .. سمع .. طاريگ ..
وياما .. أنت .. دونه .. أتعبتگ .. الطلايب !!
لاتقول لي .. بدري .. وتوگ .. ويمديگ ..
وتعال .. وأسمع باقي الهرج .. صايب !!
خلگ بحالگ .. وأطلب الرب .. يهديگ ..
ولاتنشد اللي غاب .. وين أنت .. غايب
وإن شفتني غايب .. عن حدود .. شاطيگ ..
أعرف تراني .. تحت .. ذيگ .. النصايب !!
وأعرف تراني .. دايم إن ضقت .. بآجيگ ..
لأني .. أنا .. والموج .. صرنا .. حبايب !!
لكن المعذرة منك
يُنقل إلى القسم الأنسب " منقولات ادبية
’،
وتقبل مني ارق التحايا مع خالص الود والاحترام..