بلاني زماني بواحد اناني نسى طيب قلبي وعطفي وحناني

أقولكم ليش !!

في يوم من الأيام اللي هو يوم الاحد ..

في ذلك اليوم اللي …… إلخ كان ولد خالتي نايم عندنا والأخ مرابط على البلي ستيشن لدرجة انه ما يروح الحمام !!!

المهم اختكم في الله طلعت من غرفتها كشتها طايره و الكحل واصل لخدودها لانها جات من العرس وخمدت ما مسحت وجهها ولا شي !!

شافت ولد خالتها المصون شكله ينرحم وحالته حاله والظاهر من الأختبارات ما حلقوا شعره <<جاتها النخوه والشهامه
قلت عبود تبي فطور ناظرني بعيني البراءه وقال ايه والنظره هذي مو براءه الا مو مصدق اني اقوله تراني بجازف وادخل المطبخ ..

وبعدما اكتشفت مدى الورطه اللي طحت فيها بديت امهد !!

عبوووودي تبي توست كباسه وديووو..بعباره أخرى شي ما تقربه النار قال وبكل قسوه لا ابي شكشوكه!!!!

ياويل حاااااالي .. حامت بي الارض واردد في نفسي وشووو؟؟يعني اقطع طماط وبصل !! يخ

قلت وبكل شراسه لا الله لا يهينك تبي جبن تحمد العافيه وخلني اجيب قال خلاص ما ابي شي ..

رحمته وخنقتني العبره وبغيت اصيح << تنصب عليكم بس عشان الاثاره والتفاعل خخخخخخ
المهم قررت بعد عدة مداولات اني اجازف وادخل المطبخ بس بعد بنود وشروط ..

أولا : تجلس معي بالمطبخ!!

ثانيا : اذا تكسرت اظافري من التقطيع وربي لا أخذ هدايا النجاح حقتك وكلها بعد ..

ثالثا: اذا غسلت من البصل وما راحت ريحته ترى بتخدمني اسبوووع بدون رحمه ..

رابعا : اذا ما اعجبك تنطم وما تعلم أحد ولا احرمك من البلي ستيشن للابد ..

الولد طير عيونه وانا متأكده انه قال في نفسه الله لا يعيده فطوووور !!

المهم شمرت عن ساعدي ورحت لابوي جلست عند رجوله وجلست ابوس يده واقول لها يبه تكفا ادعي لي !!

قال وش فيك قلت لا لا تهتم هذا حوار مع النفس ومجازفه لاثبات القدرات..

وبعد المشهد اللي سويته .. رحت للمطبخ (( يله استعدوا للطبخه الفريده ))

اولا لابد من تلبية رغبات الزبون وتحقيقا للشرط الاول الولد دخل معي قلت له كم تبي بيضه <<< بالله يا شيخه !!

سؤال ما ادري وش يبي مسوي زحمه وبس..قال اي شي طلعت بيضتين و فتحت الثلاجه بطلع طماط ما لقيت شي يعجبني

جلست اقلب بالثلاجه تقول فار مضيع المهم لقيت الطماطه المنشوده سكرت الثلاجه و قمت وااااو ظهري يعورني ..حسبي الله عليك يا التفخ يا مال التخمه وراك ما قلت لا ..

طبعا كنت ادعي واستغفر وشوي اقول في عدوينك !!

الحين جا دور البصل جلست ادور برضو ما فيه شي حلو ومرتب << الاخت تبي مثل بصل افلام كرتووون !!

في هذه اللحظه اطلقت صرخه مدويه انادي شغالتنا..تينااااااااااااااااااا ..!!!

توكلت على الله وقلت اشتدي يا ازمه تنفرجي ..

المهم بعد مااكتملت المقادير ايه صح باقي الملح لا تنسون !!

طلعت الصاج اللي البعض يسميه تاوه والاخرون يسمونه هاوه عاد اللي مايعرفه يرجع لأيام الطفوله ويتذكر جيري شلون كان يكمخ توووم ..لا جا منطلز و صكه بالصاج على خشته !!

طلعت الصاج وصبيت الزيت وحطيته على النار !! تخيلوا الزيت على النار وبس خخخخخخخخ..في هذه الاثناء ..

كنت اقطع الطماط والبصل وه يا قلبي وه ..و اخفق البيض .. شميت ريحة شي يوم ناظرت لقيت الزيت متبخر و على وشك اني أتسبب بحريقه!!..

طفيت النار وكرشت الولد لا يعلم علي وتبئى فضحتي بقلاقل!!

المهم عرفت السالفه شلون و سويته بعد معاناة يوم خلصت بعد هذا الجهد دخل علي يتشرط !!

يقول : اقول بالله جيبي شطه وووع ديوو ما ابي ابي بيبسي !!

عاد انا فحمت حتى شكرا ما قال بس اشوى يوم شاف تعابير الغضب قال شكرا عاد انا مسويه ثقل ما رديت !!

اخذ الولد الصينيه مني وراح بياكل قلت في نفسي احمد ربك انك ما جلست تشوف شلون سويته ولا عز الله ماطب فمك ..

انا متأكده ان قشر البيض موجوووود مع الوجبه اللذيذه!!الله يعينه عاد ..

رحت لابوي قلت يبه ترى هذا رقم الاسعاف في حال احتجتوه ولا شي ..

ورحت لعبود قلت له عبيدان ..وانا عيوني دمووع ..ولد خالتي العزيز وشي امنيتك بالحياه ابي احققها لك قبل لا يصير شي ..

الطامه الكبرى قام اخوي قالي سوي لي شاهي بالياسمين !! قلت هااااه ؟؟ معصي مانب مسويه ..

قال ليش ؟؟ خلاص خلاص ما ابي اكلف عليك قلت مو كذا المسأله !! قال وشو أجل ؟؟قلت بدل ما هو شاهي ياسمين ترى بيصير شاهي بالتبن !!

خخخخخخخخخخخخخ رحمني عاد قال خلاص روحي ..

عاد هذي أحلى وجبه يقول عبد الخالق انه اكلها في حيااااته >> كثري منها !!

واللي يبي الطريقه يرسل لي رساله خاصه عشان اعلمكم شلون !!

وبالهناء والعافيه يالله