السلام عليكم و رحمة الله و بركاته ، طبعاً بعد تفكير طويل قررت أكتب لكم هالرواية و هي اول رواية لي
اتمنى انها تعجبكم و انكم تشجعوني أكتب روايات ثانية ..
اول شي راح اعرفكم بالشخصيات :
1/ – أبو فهد ( محمد ) متقاعد من الديوان الملكي و متزوج بنت خاله
– أم فهد ( منيرة ) كات مدرسو رياضيات بس تعبت و تقاعدت
– فهد 26 سنه متخرج حاسب يشتغل في بنك طويل نحيف و حنطي و رومانسي
– الجوهرة 23 سنه متخرجة حاسب تشتغل بمستشفى التخصصي تفنية و معلومات ( I.T ) طويلة و جسمها حلو و شعرها حلو و ملمسه عادي يعني مو ناعم مره ولا خشن مره ، هادية < يدلعونها جوجو
– فيصل 21 يدرس هندسه مدنية طويل و يعتبر نحيف ملامحه عادية بس عيونه جذابة و مرجوج
– عبير 19 سنه تدرس فرنسي طويله و نحيفة و شعرها ويفي و طويل ، هبلا ولا يهمها أحد اجتماعية و لسانها متبري منها
– ريما 16 سنه أول ثانوي مملوحه بشكل و شعرها كيرلي مرجوجه مره و تجيها حالات هدوء تنرفز الواحد و طولها حلو < ريوم
2/ – أبو نواف ( حمد ) متوفي من ثلاث سنين من سكته قلبية
– أم نواف ( مريم ) كانت تشتغل إداريه بس استقالت لما توفى زوجها
– سارة 28 سنة متزوجه و عندها بنتين ( في 6 سنين ، مي 3 سنين ) طويلة ملامحها هادية نحيفة و ما تشتغل
– نواف 25 سنة متخرج محاسبة يشتغل مع فيصل في نفس البنك و هو توأم روحه ، رومنسي و جذاب جسمه رياضي
– مها 22 سنة آخر سنة لها في الجامعه قسم إدارة مالية متوسطة الطول شعرها تحت رقبتها بشوي لونه لون التشوكلت مرجوجه بس خوافه
– مشعل 18 سنة آخر سنة له بثالث ثانوي طويل و وسيم و كلمة خبل شوي عليه و مهوي و شعره آفرو < يعني كدش
3/ – أبو خالد ( عبدالعزيز ) يشتغل بالوزارة الماليه
– أم خالد ( فوزية ) ربت منزل
-خالد 27 سنة يشتغل بشركة سابك طويل و عريض شوي جذاب و وسيم و هادي نوعاً ما
-عبدالله 24 سنة ما بعد اشتغل متخرج هندسة معمارية مغرور طوله عادي نحيف و ما يقل وسامه عن خالد
-نورا 20 سنة تدرس ترجمة تعشق شي اسمه رسم طولها متوسط نحيفة شعرها طوله لوسط ظهرها لونه لون التشوكلت ناعم و مرجوجه < يدلعونها نوني
-لورا 20 سنة توأم نورا و تدرس مع اختها ترجمة بس تحب ترسم تصاميم فساتين و بالشكل ما تفرق عن نورا كثير < يدلعونها لولي
-فارس 15 سنة ثالث متوسط مروجووووج مره شعره آفرو < مثل ما قلنا قبل يعني كدش و بس ينحاش من المدرسة
4/ – أبو مساعد ( عبدالإله ) يشتغل بأحد الشركات
– أم مساعد ( فاطمة ) مدرسة عربي بمدارس حكومية
– مساعد 28 سنة توه متزوج بنت عمه طويل و وسيم يشتغل بوزارة النقل و هو الحين بشهر العسل
– مرام 25 متزوجه و عندها ولد ( عبدالعزيز عمره ) و حامل و طولها متوسط
– عبدالرحمن 22 يدرس هندسة كيميائية خبل طويل و نحيف ملامحه عادية بس حنون و حبوب و يجذب الواحد له
– لينا 19 سنة تدرس عربي متوسطة الطول مليانة شوي مرجوجة و اذا اجتمعت هي و عبير تصير كارثة في المجتمع السعودي هههه و شعرها لكتوفها < يدلعونها لينو
– مشاعل 15 سنة ثالث متوسط طويلة و عصلا و عربجية شعرها بوي مرجوجة بس عند الناس تصير هادية < يدلعونها ميشو
– عبدالملك انسان مره كيووت 10 سنين رابع ابتدائي
– هيفاء 5 سنين < فوفو
هاذي تقريباً كل الشخصيات الي في القصة
و طبعاً ملاحظه صغيرة البنات يتحجبون إذا جو العيال لكن بدون مكياج
//
أول خميس في الإجازه الصيفية الكل كان مجتمع في قصر الجد ( في الصالة )
لينا : جدو بنسافر بهذي الإجازة
الجد: و الله ما ادري يا بنيتي نشوف ان شاء الله وين بنسافر
نورا : طيب ايش رايكم في تركيا ؟
لينا : ايه صح تركيا ما عمرنا رحنا لها
لورا : ها ايش رايك جدو ؟
الجد : على خير ان شاء الله اذا ودكم تركيا ما عندي مانع و انا ما عندي أغلى منكم في هالدنيا
نورا : ياي وناااااااااااااسه
لورا : ثانكس جدو الله يخليك لنا ان شاء الله
و قاموا البنات يبوسون راسه
مها : بنات يالله تعالوا نطلع فوق
البنات : اوكي
فوق في الصالة
عبير : هيييه بنات اسمعوا
ريما : عليك اسلوب
عبير : مالك دخل اسلوبي و انا حره فيه ، الموهيم
لينا : خلصينا
لورا : أنتم اسكتوا و هي تتكلم
عبير و هي تمد يدها للورا : بعد قلبي بنت عمي
لورا : ولو اعجببك
مها : خلصينا انتي وياها ( و هي تناظر عبير ) يالله عبير اتحفينا باللي عندك
عبير : ههههه طيب اسمعوا بكرا الساعه 4 كلكم تكونون هنا
البنات بصوت متفرق : لييييه ؟ وش فيه ؟
عبير : عشان بكرا كلنا نطلع و ونقضي للسفره
نورا : اهاا اوكي ان شاء الله
عند الشباب
فارس و هو يصارخ : شبااب سمعتوا اخر خببر
فيصل : خير وش عندك
فارس : بنسافر في هالإجازة تركيا
فيصل : كذاب مين قال لك ؟
عبدالله : وع ما لقو الا تركيا عاد
فارس : ابوي صالح قايل اننا بنروح تركيا و طبعاً الراي راي الآنسة الكريمة نورا ( قالها بإستهزاء )
هو سمع اسم نورا ولا ما سمع نواف بهدوء : عادي وش فيها تركيا ما قد رحت لها
ناظره فيصل و هو ماسك ظحكته
نواف انتبه لفيصل و عطاه نظره يحبها قلبكم
عند الشياب
أبو محمد : أقول يا عيالي وش رايكم قبل ما نسافر بكم يوم نروح المزرعه نغير جو
أبو فهد : الراي رايك و الشور شورك يبه
أبو محمد : يعني محد عنده شي
العيال : لا
أبو محمد : على خير أجل خل نروح نبلغ الحريم و الشباب
أبو خالد : على خير يلا
أبو فهد : درب درب
أم مساعد : حياك ما فيه أحد
أبو مساعد : وين البنات ؟
أم نواف : فوق قاعدين بالصاله
أبو خالد : فارس يا ولدي قم نادهم
فارس : ان شاء الله يبه
و راح يناديهم
بعد فترة بسيطه نزلوا البنات
أبو محمد : قررنا نروح المزرعة كم يوم قبل لا نسافر ان شاء الله
عبير :اماااااااانه جدوو
أبو محمد ابتسم
عبير : وااااااااو وناااسه
الجوهرة و هي تقبصها : يا بنت استحي العيال هنا
عبير بصوت مسموع : و اذا العيال هنا هم عيال عماني و متعودة عليهم من يوم و انا صغيرة بعدين خلي اللقافة على جمب
الجوهرة ناظرتها نظرة تهديد سكتت بعدها عبير
عبير : طيب يبة متى بالضبط ؟
الجد :يعني على يوم الأحد ان شاء الله
عبير : يعني بعد بعد بكرا
الجد : ايه ان شاء الله
لينا : عبير عبييير تعالي معاي بسرعة
نورا : الله يستر ما يجتمعون الا على بلا
< طبعاً في واحد من اول ما جلسوا و هو ما غير يراقب فيها
لينا : اقول اسكتي بس
عبير و هي تمسك يد لينا : يلا بالإذن
الكل : اذنك معك
و راحوا لينا و عبير يخططون على المزرعة
ريما و عبير و الجوهرة كانوا قاعدين عند أبوهم في الصاله و يسولفون :
عبير : شخبارك يبه
ابو فهد : و الله عايش يا بنتي بشرينا عنك
عبير : بخير دامك بخير يبه
أبو فهد : عبير
عبير : سم يبه
أبو فهد : سم الله عدوك
عبير : تفضل يبه وش عندك ؟
أبو فهد : ما عندي شي بس إنتي الي وش عندك باين تبين شي
عبير : ههههههه ما يصير دايم تكشفني
أبو فهد : بنتي و تربيتي
عبير : يبه طيب طلبتك
أبو فهد : إذا قدرت عليه ان شاء الله
عبير : ايه يبه تقدر عليه ، بس نبي نروح عند لينا
ريما : ايه يبه تكفى
الجوهره : لا انا اعرف ابوي بسم الله عليك ما يرفض لنا طلب
أبو فهد : طيب روحوا وسعوا صدوركم
راحوا البنات يحبون راسه
أبو فهد ابتسم ، و البنات راحوا يتجهزون
بعد ساعه خلصوا البنات و راحوا
الجوهره لبست بنطلون اسود سكيني و تيشيرت ابيض مرسوم عليه بالأسود و حطت طوق ابيض
عبير لبست بنطلون جينز و تي شيرت احمر و ربطت شعرها
ريما لبست برمودا ابيض و توب تفاحي و شعرها مسكته من قدام بكلبسه
طبعاً ما تكشفوا لأنهم بيروحون السوق و السوبرماركت
كانت جاهزة ولابسه عبايتها تستنى البنات بعد شوي دقت عليها عبير و قالت لها تطلع ، طلعت لينا و ركبت السيارة قالت : لا كان ما جيتوا احسن
عبير تستهبل : كان قلتي لنا انك ما راح تجين ههه
لينا : اقول لا تستهبلين يلا تأخرنا
و بدو يسولفون عن الجامعه و معطين ريما اكبر طاف و ريما ساكته
المهم وصلوا السوبرماركت ، و طبعاً البنات كلهم جاين ما عدا المتزوجات ، و تقسموا على الشكل التالي :
لورا + نورا —> للمشروبات و اللآيس كريم
الجوهرة + مها —> للتسبسات و عرق السوس
مشاعل + ريما —> للبساكيت و الألعاب
عبير + لينا —> للتشوكلت و العلوك
عند عبير و لينا ، في واحد قعد يلاحقهم شكله تحفففه شعره يوصل لأكتافه و مجدله و خشن و كان لابس بلوزه صفرا و زبيريه سودا ، عبير يوم شافته ما قدرت تمسك نفسها من الظحك و لينا تناظرها مستغربه و قعدت تتحمد ربها على نعمة العقل عبير من الغباء الزايد أشرت على الولد هنا لينا خلاص ماتت من الظحك و هو يا حياتي استحى على وجهه و راح
عند لورا و نورا في نفس الوقت
نورا : أنا بروح أجيب اللآيس كريم و انتي المشروبات
لورا خلاص اوكي مو مشكله
نورا : بس أول ما تخلصين دقي علي
و راحت نورا عند ثلاجة اللآيس كريم عشان تاخذ لهم ، كانت متنحه و تفكر تختار أي واحد و يوم مدت يدها عشان تاخذ النوع الي عجبها كان في واحد برضو بياخذ نفس النوع و هي ما انتبهت له الا يوم صقعت يده
بعدت يدها على طول و قالت من دون ما تناظره : أووه سوري تقدر تاخذه
ناظرها منصدم و هو مستحيل ينسى هذا الصوت : نورا
رفعت راسها و انصدمت هي بعد :نواف !!!
نواف ( يا حلو اسمي من فمك بس ) بعدين قال و هو منفعل : ليش تمشين لحالك ؟ افرضي صار لك شي لا قدر الله
لمعت عيونها و رفعت راسها له : لا تصارخ علي لو سمحت بعدين انا مو اصغر عيالك
قهرته و قال : بنت عمي و هذا جزاي بعد خايف عليك احد يقرب لك او شي
نورا : شكرا أخ نواف ما تسوى علي كل هذا عشان آيس كريم ، و ترا انا مو لحالي لورا هناك و راحت عنه بدون ما تسمع ايش رد عليها
نواف كان يناظرها إلين ما اختفت من بصره و هو مقهور من نفسه ! بس وش يسوي غصب عنه انفعل
و عند ريما و مشاعل في نفس الوقت
ريما : مشاعل وش رايك تروحين انتي تجيبين الألعاب و انا اروح عند البساكيت
مشاعل : خلاص أوكي
ريما : ok c u
راحت ريما جهت البساكيت و احتارت ايش تاخذ و كانت ما في في القسم الا هي لأن القسم منعزل شوي
سمعت صوت رجولي : تبين اساعدك
ما عطته وجه
قال الثاني : يا حلو انت عطنا وجه شوي
و نفس الشي سفهته ولا ردت عليه
الأول : أووه ما يمديني انا على الثقل الي مثل كذا
الثاني : اقول خلنا نقرب لها شكلها ما تسمعنا
و هي ماسكه نفسها لا تصيح و مره خايفه
جاء الأول قرب منها و جاء بيمسك يدها ، سمع صوت صرخه من وراه : خييير وش عندك
لف عليه الأول : خير في وجهك ياخي ، بس مالك شغل من تكون انت
الرجال : انا زوجها
و هم توتروا شوي و راحوا عنه
و هو ما يدري كيف طلعت منه هالكلمه
راح عندها و قال : لا تخافين أنا دايم معك
ريما : مشـ .. مشـ .. مشـعل شكـرا و هي تشاهق من الخوف لأن الرجال مسكها
مشعل قال بهدوء و رومانسيه : لا شكر على واجب هذا واجي يا بنت العم
انتبهت لنفسها و استحت و راحت من عنده بسرعه و هو ابتسم و لوح لها بيده يعني مع السلامه و راح
و عند الجوهره و مها في نفس الوقت الي قاعد يصير فيه كل الأاحداث
الجوهره : أقول مها
مها : قولي
الجوهره : خل ناخذ تشبس ليز ملح و خل
مها : لااا و الله ريحته تصك الراس
الجوهره : ههه طيب او برنقلز راميس الحار و الله شي لذيذ
مها : اييه شي من جد لذييذ
الجوهره : طيب اخلصي علي روحي جيبيه
مها : ان شاء الله عمتي تامرين أمر طال عمرك اي شي ثاني ؟
الجوهره : هههه شاطره
بعد ساعه و نص تقريبا الكل كان قاعد يحاسب
و بعدها كلن راح لبيته
( ريما مفهيه بالسياره و ساكته و هم يكلمونها و ياليالله ترد عليهم نورا منقهره من نواف ليه عصب عليها ، و الباقين عادي معاهم و يسولفون )
اتمني إنـه عجبكم و أكيد أي ملاحظه منكم راح اتقبلها
و اهم شي توقعاتكم
1 هل راح يصير شي في الطريق للمزرعه
2 ريما و مشعل هل راح يصير شي بينهم
نواف و نورا بعد الي صار بينهم ايش ممكن يصير بعدين ؟
تتوقعون حب ؟
بسم الله
و عليكم الســـلآم و رحمة الله و بركآته
يعطيك العــآفية
موفقة إن شـــآء الله
قوانين قسم الروايات / تحديث جديد 23 / 1 / 2024 ~ الإطلاع هام و الإلتزام ضروري ~
,’
هلآ والله
يعطيك العافيه
بالتوفيق ان شاء الله
..
وعليكم السلام والرحمه
نورتي 🙂
بدايه جيدهـ آستمري
موفقه آن شاء الله
’,