السلام عليكم ورحمة الله وبركاته…..
اول شي احب اوضح لكم اني انا ماني داعيه عشان انزل موضوع زي كذا بس حبيت اوضح ان وللاسف كل العالم تغير صرنا في فوضى عارمه من جد فكروا معاي شوي شوفوا كيف صرنا شباب فااضين شغلتهم المغازل فتيات وللاسف ماتطلع من البيت الا وريحة العطر ووووين واااصل واللثمه داقتها والعبايه المخصره والمشيه اللي اللهم استر شوي وتطيح من المياعه اللي فيها وووووو…………..الخ ماتلاحظون ابتدينا انفلونزا الخنازير وهذي من علامات الساعه الكبرى كما قال رسولنا عليه الصلاة واتم التسليم انو في اخر الزمان بيطلع داء يتعلق بالخنازير
بعدها حرب مع الحوثييين بعدها سيول جده وللاسف ماتبنا زدنا وابتدينا السنه الجديده بخسوف القمر ليلة الجمعه وبعدها كسوف يوم الجمعه وكانت اطول ساعات الكسوف وبرضوا ماتبنا الى متى..؟؟!
الى متى بنقعد كذا الى ماتطلع الشمس من مغربها ..؟؟!
الى مايخرج المسيح الدجال..؟؟!
الى مايخرج يأجوج ومأجوج..؟؟!
الى ………………………………….. الخ
ماراح نتوب لييش؟؟؟؟؟انا ماقول اني الحمدلله صلاتي في وقتها مااقصر بالصيام لا والله اني صلاتي اوقات ماتكون بوقتها صيامي مولذااك يعني كل وقتي اصلح الفطور مع الوالده وبالمغرب اتابع اللي ابي في التي في وفي ناس واالله لا صلاه تاديها لا صيام تصوم انا بقولكم حال واحد من اخواني اعتبر له انا اقرب وحده من خواتي هو في بداية العشرينات من عمره كانت الساعه تقريبا 4 الفجر وهو ماجاء وانا قاعده عالنت وامي بالصاله تنتظره يجي
المووهم دخل اخوي وقعد مع امي شووي وهو ياالله يشوف الطريق بالمعنى نعسان قامت امي تصلي الفجر بما نو
اذن وقام اخوي الله هداه راح يبي ينام مافكر يصلي قعدت انا شووي كننت متحمسه مع موفي لما اقام حست على دمي شوي وقمت صليت سمعت صوت بغرفة اخوي رحت وطقيت الباب لكن مايرد طقيت وكل ما طقيت يزيد صياااحه ونحيبه من جد انا خفت بس بالوقت نفسه استحيت ادخل الغرفه >>>ماكان وقته الحيا…الموهم خلاص ماتحملت صياحه ودموعي تنزل فتحت الباب مع تردد الموهم ولقيت اخوي ساجد ويبكي بكاء وربي اللي خالقني اني بكيت مع اني مدري وش السالفه بس وش اسوي والله بكاه يقطع القلب الموهم انتظرته يخلص صلاته عشان اساله وهو متعود انو يكتب مذكراته الموهم وهو يبكي فجاه انقطع صوته انا جتني رجفه مدري وش اسوي اقطع صلاته ولا وش اسوي الموهم هو ظل ساجد لمده ماتقل عن نص ساعه انا وش اسوي ماادري رحت وجلست جنبه هزيته ما يتحرك دفيته خفت صارله شي لكن الصدمه انه طاح على جنب وش معناته سلم روحه لبارئها ومات وراح وانا والله ثم والله ثم والله اني من الخوف ماتحملت فجلست يعني شي مرره يخوف تكون الغرفه ظلماء ونور الشمس يدخلها وشخص قدامك فاقد الحياه وش تسوي حسيت بنفسي وقمت وركضت رحت لامي وابوي توه راجع من الصلاه دخلت غرفة امي وكانت نايمه وصحيتها وانا اررررتجف وقلتلها رامي بالغرفه مدري طاح مات ايه مات يمه تكفين امي قاطعتني وراحت لغرفته وقالتلي وهي تبكي دقي على ابوك رحت اركض ادور الجوال مع انه كان قدامي الا اني مع الخوف مدري وينه المووهم وانا ادور دخل ابوي وشافني احوس هنا وهناك وسالني وش فيه انا ركضت وسحبته بايديه وووديته عند اخوي وابوي اول ماشاف اخوي شاله وركب سيارته وراح بدون مايسال او يتكلم او يقول اي شي الموهم جلست مع امي انا ابكي واهدي امي مع اني انتظر احد يهدني مع العلم انو اخواني 3 صغار نايمين وواحد باول ثانوي جالس معنا ويهدينا هو اصلا قام من صياحنا وخواتي الثنتين كبار ومتزوجات وكل وحده بديره وحده بالحفر وحده بالشرقيه الموهم دخل ابوي البيت عالساعه 9 الصباح وشافنا ودخل غرفته من دون يقول شي امي راحتله وبعد تقريبا نص ساعه طلعت لنا وقالت ان رامي مات وماان قالت كذا الا اخوي ريان ضامني وهو يبكي بحياتي ماشفت دمعته على اي كان بحياتي مات عمي مابكى ماتت جدتي ومابكى مع ان عمي كان اقرب واحد لريان وكنت جامده مكاني اعز شخص من بعد امي وابوي راامي ومات وش بتكون ردة فعلكم لو انكم مكاني لكن لما قريت مذكراته بالفعل مت بكي هو كان يحب وحده من بنات خالتي وكانت محيره له من واهي صغيره واهي تحبه وتوفت بمرض السرطان الله يكفينا ويكفيكم شرره ومن بعدها حياته انقلبت 180 درجه ماعاد اعررفه كاتب في مذكراته :
كل من حولي ابتعد ……. مابقى منهم احد …….. كلهم راحو بعيد ………. لاعضيد ولا سند
في الرخاء ياكثرهم……. حولي وما عدهم…….بس لن احتجتهم……..كان ماعندي احد
………………………………………….. ………………………………………….. ………
والله لما قريتها بكيت لما قلت امين من جد انسان عاش حياته كااابه في كااابه تخيل غدر الاحباب جاه موت الاحباب جاه وبالنهايه رجع لربه وبسجوده مات ااااااااااااااااااه كم تمنيت تجيني اقوى الاحزان بس اموت وانا ساجده لربي تخيل تدخل الجنه والله شي ادفع حياتي واللي قدامي ووراي وادخلها ومن فينا ما يحلم يدخل الجنه حلم اشترك في كل البشر حلم يتحقق لبعض والبعض يمكن مايتحقق جاهد اخياختي المسلمه بكل شي على دخولك للجنه من كل عبادات تؤديها حرصا لدخولك للجنه …… جعلنا الله واياكم من المبشرين بالجنه ……… لا تحرموني ادعيتكم لي ولأخي بالرحمه والتوفيق لي
بارك الله فيكي وجزاكي الله كل الخير
|
المشاركة الأساسية كتبها أسترليني
 نسأل الله حسن الخاتمة اللهم نسألك رحمتك
بارك الله فيكي وجزاكي الله كل الخير |
مشكوره اختي اتمنى دعاك لخوي بالرحمه محتاجته منك والله ولي التوفيق
عظم الله أجرك وجبر مصابك بأخيــــــــك
وأسأل الله أن يجعل قبره روضة ً من رياض الجنـــة
وأن يسكنه الفردوس الأعلى من الجنــــة
كماأسأله سبحانه أن يربط على قلب والديه وأن يخلفكم خيـــراً
ومرحبـــــاً بك معنى أختـــأ وصديـــقة
وجزاك الله خيراً على النصح
ولا حرمك الأجر
الله يرحم اخوك وسكنه فسيح جناته
جزاك الله خير
وجعله الله في موازين حسناتك
ورحم اخيك رحمة واسعه وجبر مصابكم
|
المشاركة الأساسية كتبها كل هذا ماوحشتك
جزاك الله خير
وجعله الله في موازين حسناتك ورحم اخيك رحمة واسعه وجبر مصابكم |
مشكوووووره وجزيتي خيراا والله ماني محتاجه الا ادعيتكم له والله انه غالي علي بشكل ماينووصف
|
المشاركة الأساسية كتبها صفاااااء
وعليــكم الســـــلام ورحمة الله وبركاتـــه
عظم الله أجرك وجبر مصابك بأخيــــــــك وأسأل الله أن يجعل قبره روضة ً من رياض الجنـــة كماأسأله سبحانه أن يربط على قلب والديه وأن يخلفكم خيـــراً ومرحبـــــاً بك معنى أختـــأ وصديـــقة وجزاك الله خيراً على النصح ولا حرمك الأجر |
مشكوووره الله يعطيك العافيه الله يخلي لك كل غالي على قلبك
|
المشاركة الأساسية كتبها لؤلؤه حائل
وعليكم السلام ورحمه الله وبركاته
الله يرحم اخوك وسكنه فسيح جناته جزاك الله خير |
تسلمين والله يرحم كل مسلم هم السابقون ونحن اللاحقون تسلمين جزيتي خيرا باذن الله
وجميييع مــوتى المسلميين
/