مرحبا….
احترت في اي كلمات ابدي فيها وارجع اسلم عليكم من جديد واقولكم اني مشتاقة للتواصل الرائع اللي كان بينا’’’
كنت محضرة مقدمة رائعة تناسبكم وتعبر لكم عن حبي لكم بس في النهاية حبيت اترك الجو يكون بسيط بينا وبدون اي مقدمات,,,
كان اخر لقاء لنا في رواية (من اعماق احضان مجنونة)
وكنت واعدتكم برواية جديدة وقريبة بس طالت المدة وابيكم تسامحوني على التاخير,,,
الرواية كانت جاهزة بس بصراحة كنت انا مشغولة وماحبيت اربطكم بالرواية واقطع وان شاءالله تكون بمستوى افضل عن كل رواية قريتوها لي وتعجبكم,,,,
بيكون تواصلنا يومي مثل قبل ماعدا الخميس والجمعة,,وماراح يكون في وقت ثابت يعني مرة بالليل ومرة بالنهار,,
وبس..ماابي اطول عليكم,,,,اختكم/ملح الحياة
///////////////////////////////
البارت الاول,,,,
,,,,,,,,,,,,,,,,,,,,,,,
كان ياكل بهدوءه المميز وقت الوجبات واللي يتعمد يتلحف فيه علشان يهرب لعالم خاص فيه بعيد عن زحمة المشاعر اللي حواليه ,,,
تركي بطبعه شخصيته ثقيلة وكتوم ومايحب يتكلم كثير مع أي احد ولا حتى اقرب الناس له,,,
كان يناظر في بنته اللي بتكمل سنة بعد ثلاثة شهور وهي تناظره وتبتسم…
ابتسم لها وقام من السفرة,,,
راح لمكتبه يجهز اوراقه ودق تلفونه…
شاله بثقل….
تركي/الو…
نورة/هلا اخوي شلونك..
تركي/هلا بك…
نورة/اشتقنا…شدعوة مااشتقت لجمالي!!
تركي/والله اذاعلى جمالك يعين الله مانبي نشوفه؟
نورة/حرام عليك,,دايم محطمني…انت فوق…
تركي/أي….
نورة/عفية اخوي انزل شوي ابي اشوفك….
///////////////////////////////////////////////////////////////////
سارة/أي كمل بعدين شصار…
نايف بنعس/ولاشي حقرت السالفة كل ابوها..
سارة بصدمة/من جدك؟ليه كذا؟؟
نايف/وش تبين اسوي لهم يعني..يقولون احسن دواء للي يحاول يستفزك تحقره…
سارة بنرفزة/ياليتهم يطيحون في يديني كان اعلمك فيهم..
نايف بضحكة/اوووف وش بتسوين يالخطيرة….
سارة بثقة/بذبحهم كلهم….
نايف/ووين نعومة البنات اللي فيك..
سارة/كله ولايقربون من نوافي….
نايف/على طاري نوافي نواف يوم الاثنين الجاي بيوصل بالسلامة..
سارة/تؤامك..
نايف/أي….
سارة/نايف ليه ماكملت دراستك في الاردن مع نواف…
نايف بتنهيدو/كنت ابي ننفصل….ابي تكون لي حياتي وهو كان يبي تكون له حياته….تعبنا من كثر ماتشاركنا كل شي بس علشان ان احنا تؤام…لبسنا مثل بعض واكلنا مثل بعض اصحابنا نفسهم والسيارة نفسها حتى الطبايع مجبرين تكون كوبي عن بعض.. شي قاتل ياسارونتي..لاهو كان عاجبه ولاانا عاجبني…الشي الوحيد اللي قدر يغير فينا انه يكمل دراسته بمكان واكون انا بمكان مختلف….
هذا اخوي ياسارة وصديقي وتاج راسي بعد بس لازم كل واحد فينا يختار حياته ويكون له طبايعه اللي تعبر عنه….بيتنا مزودينها مرة شوي ويجيبون لنا تؤام نتزوجهم بعد!!
سارة/هههه ها وش عندك مع العرس..
نايف/والله نبي نقهر بعض الناس اللي كل ماجبنا طاري الارتباط تحججوا بالثانوية اللي ماهي راضية تخلص…انا خبري الثانوية ثلاث سنين انتي عندك عشرين سنة؟
سارة/يالعيار انت من عرفتني تونا مكملين سنة وكنت بثاني ثانوي ودخلت ثالث انتظر اخلص وبعدين يصير خير…
نايف/شوفي انا متابع جدول اختبارات السنة ذي اخر يوم للاختبارات بعد اربع شهور ونص يصادف يوم الاربعاء بنفس الليلة بجي اخطبك ومافيها نقاش…
سارة/أي ان شاءالله حبيبي بس مو قايلة لك وين بيتنا فيه ههههه,,,
////////////////////////////////////////////////////////////////
عند نقطة التفتيش…
ريناد/عساف..
عساف/هلا ..
ريناد/انت وش رايك..
تنهد وسكت…
ريناد بخوف/ماابي احس انها نهاية حياتي لو صارت…
عساف/هذولا اهلك ياريناد..عمامك….وجدك وجدتك…
ريناد بحسرة/جدي..عمامي…كم صار له ابوي من توفى…توهم دروا اني معك بروحنا ومالنا احد بها الدنيا…
عساف/كانوا فاكرينا مع خالي و
ريناد بعصبية/لاتكمل…كذب ماصار ها الشي..
عساف/خلاص ريناد لاتضايقين عمرك محد بيزعلك واخوك موجود….
ريناد/عساني ماانحرم منك ابدا يالغالي….ويرحم اللي جابوك ويغفر لهم…..
وصل الشرطي بها اللحظات عند سيارة عساف واثنين كانوا يدورون حول السيارة ومن وراها…
دق الشرطي على نافذته ونزلها عساف بسرعة…
الشرطي/بطاقتك…قالها بشوية صرامة وهو يتفرس بوجه عساف…
طلعها عساف وناظر الشرطي بينها وبين عساف….
الشرطي/تفضل معنا القسم..
شهقت ريناد وقال عساف بسرعة/خير…
الشرطي /اظنك تعرف….
عساف بنرفزة/وش اللي اعرفه؟
الشرطي بصرامة اكبر/تفضل معنا القسم…
عساف/طب بس لااوصل اختي البيت و..
قاطعه الشرطي وهو يفتح الباب ويتقربون منه الشرطيين الثانيين/مااتوقع يمديك تفضل معنا بالاول…
عساف بعصبية/أي بس
الشرطي/خل أي احد يجي ياخذها…
عساف/اختي ماعندها احد واذا فيه شي قول شعندك اخاف بس تشابه اسماء انت شاك فيه؟
///////////////////////////////////////////////////////
وعد…وعد….
لفت وعد لصوت سمر اللي يناديها/بتظلين واقفة هنا كثير…
وعد تنهدت ولفت عنها…
سمر/وعد….ماتعبتي من ها السكوت…ترى كلنا نبي نسمعك…قولي شفيك…..
رجعت للنافذة تناظرها وصورة المجهول تلاحقها….
سمر/يقولون عمي محمد الله يرحمه عياله بيجون عندنا اسمهم عساف وريناد…مدري وين كانوا طول ها الوقت عايشين واحنا ماندري عنهم….
رفعت راسها تشوف اختها وهزت راسها وطلعت وعد مو معها..مو مع احد في ها الدنيا…..ياترى وش اللي صار لك يااختي ..صار لك فوق السنة و الاربعة شهور وانتي عايشة بحالة انهيار عصبي فقدتي فيه القدرة على النطق ياترى بيرد صوتك الحلو من جديد ولا مابنسمعه؟
بترجعين وعد بكل مافيك من شخصية جذابة تفرض علينا ننتظر طلتك وحضورك….ياترى ياوعد منو سبب تعبك وحزنك والمك؟وهل هالانسان يستاهل العذاب اللي انتي عايشة فيه؟
///////////////////////////////////////////////////////////
محمد/ها نويت الرجعة خلاص..
نواف وهو يحط ثيابه بالشنط/وانت ناوي تجلس هنا علطول وماترجع لبلدك؟
محمد/انا ماقلت كذا…
نواف/يوم اني خلصت دراستي وطبقت والحمد الله واخذت شهادة خبرة وش يخليني اظل بعد خل ارجع وانفع بلدي بللي تعلمته ابرك لي ولبلدي..
محمد/على راسي ياابو النوف…..بس خلك من ها الثياب لاحق عليهم عندك اسبوع ترتب فيهم وقوم نسوي لك حفلات وداعية ماتنساها يالله قوم…
.ترك نواف الثياب اللي بيده وقال بحزم/ولينا بتكون هناك؟
محمد/…..اكيد بتكون يانواف مو معقولة الشلة كلها تجي الا هي؟
نواف/………….
محمد/انت مانسيت اللي صار يانواف؟
نواف بلامبالاة/بلى نسيته ولاهو في بالي بس كان بودي اني ارجع وانا ماشفتها من جديد….
محمد/طنشها لاشفتها مو مشكلة….
//////////////////////////////////////////////////////////////
هدى/قول بسرعة…
لف لها نايف وقال/وش اقول؟
هدى بتهديد/منهي هاذي اللي كنت تسولف معها قبل ساعة؟
نايف/كنت اكلم واحد من الربع..
هدى/نايف..صار لي ساعة واقفة عند باب غرفتك وسمعت كل الكلام وعرفت ان اسمها سارة…جاي تقولي واحد من الربع؟
نايف رفع بطانيته وقال وعيونه بتطلع من قمة الغضب/انتي منو عطاك الحق توقفين وتسمعين اشياء ماتخصك؟
هدى بلامبالاة/انا عمتك…..وقلت يمكن تبيني اضبطك ؟
قال بعصبية/طلعي برى…
هدى/تطردني يانايف….
نايف بقهر/انا الا خصوصاياتي مااحب احد يتدخل فيها..وبعدين كبري على ها الحركات يابابا ترى عيب الشي اللي تسوينه… وقفتك ورى الابواب وتسمعك للشي اللي مايبون اصحابه يطلع…
هدى قامت بلامبالاة وقالت/من صدقك تبي تتزوج ها السارة البزر؟
نايف بعصبية/طلعي برى…
هدى/ترى انا طقة بنات ثانوي مااحبهم واذا مادخلت بالي بوريها نجوم الظهر….
طلعت وجلس على فراشه يتنهد….ها الانسانة ترفع الضغط بشكل مو طبيعي….والله زين انك مو هنا يانواف كان طلعت عيونك من افعالها,,,الحمد الله انها ماتعرف سارونتي ولاكان ابتلشت بنت الناس فيها,,,,
قام من فراشه ونزل الصالة….لقى امه جالسة..
ام التؤام/انت مو قلت بتنام..مالحقت..
نايف بتملل/طارت النومة…
ام التؤام/أي اكيد طيرتها بنت الناس؟شسمها….
رفع عيونه لاامه….
ام التؤام/من متى تكلم ها البنت يانايف؟
مسك نفسه لانه اذا قام بيذبح عمته لامحالة…الحقيرة…
نايف بهدوء/لمنو بعد قالت ها الشي غيرك؟
ام التؤام/انا اكلمك جاوبني؟نايف يمه اذا انت ماءمن على وحدة تكلمها بالتلفون شيل من بالك انها تفتح بيت…هاذي لعوب تكلمك وتكلم عشرة غيرك…وانت اعقل من انك تربط مصيرك فيها……
توه واقف بيقوم يرتكب جريمة الا ابوه داخل….تنهد ورد مكانه…
////////////////////////////////////////////////////////////////
كانت جالسة بالسيارة مع دموعها بعد ماسحبوا اخوها معهم…
ياترى وش اللي مخبيه لكم القدر انتي وعساف….شتسوي اللحين,,,
تظلين في السيارة؟طيب لمتى؟
تروحين البيت,,,كيف تروحين وانتي ماعندك ولاريال في شنطتك وحتى اذا عندك كيف تركبين مع احد غير عساف اخوك؟
ياربي وش اسوي….الطف معي يارب..وسهلها مع اخوي تراه طيب ومايستاهل….
كانت نظرات الرايح والجاي لها هي اللي خلتها تقوم من السيارة وتستجمع شتاتها وتمشي….لوين…ماتدري هل بتقدر توصل البيت ولا ماحتقدر؟؟؟؟؟؟
/////////////////////////////////////////////////////////////////
هذا كان البارت الاول,,,
وش توقعاتكم ووش تعليقكم,,,
اشوفكم يوم السبت ان شاءالله,,,
موفقه حبيبي في روايتك ..
حسيت ان روايتك راح تكون حلوهه ..
نزلي البارت الاول ي قلبي و ان شاء الله تشوفين تفعال ..
ودي .. سوس الخطابي ..
استمري ي قلبي و اعتبريني من اول متبعايك ..
ودي .. سوس الخطابي ..
قرات البارت الاول
والاسلوب كان بسيط وسهل
بانتظارك البارت الجاي
بداية رائعة وجميله
وكملي روايتك لانها واضح عليها انها مرررة تجنن
عدنا من جديد,,
اول شي انا الظاهر عقلي مروح كله فما انتبهت اني نزلتها الثلاثاء وان امس الاربعاء مانزل على بالي الخميس
معليش ماكان قصدي اطنش امس بس انا ملخبطة بالايام شوي كله من فعايل الاجازة والبطالة ههههه
خلونا نشوف البارت الثاني وقبل كل شي تسلمون حبايب قلبي على تواجدكم الرائع عسى الله لايحرمني منكم,,,,
/////////////////////////////////////////////////////////////////////////////////////////////////////////////////////////////////////////
البارت الثاني,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
كانت فاتحة كتاب الادب تقراْ فيه وجاها مسج من نايف وفتحته وهي تبتسم,,,
0(خذيني حكيما كما اناْ….
ومجنونا كما انا..
وصارخا..وغاضبا كما انا,,
فاْنا بدوي لايجيد التنكر ولايعرف استعمال المساحيق والاقنعة!!)
ابتسمت….حست بنشوة غريبة….مجنون ها النايف…
علاقتهم مع بعض اكبر تهور صار….
قامت من سريرها وراحت عند المرايا تناظر شكلها…
فتحت شعرها البني اللي يوصل لنص ضهرها وابتسمت..طيف نايف مر في خيالها ها اللحظة ورجعها لااول علاقتهم,,,,
مدرستهم تكون قريبة من كودو وهو المكتب اللي كان يتدرب فيه جنب كودو وكل يوم بريكه يطلع ياكل هناك وهي تروح مع صديقتها بنفس وقته..
والتقوا هناك…
كانت تصد بنظراتها عنه وهو عيونه بس تناظر بعيونها وماتقول ولاشي…ولاتجراْ لسانه اصلا ينطق بشي….
يوم ورى يوم وتعلقت النظرات في بعض بسكوت..كانت تترجى صاحبتها كل يوم تروح حتى اذا ماتبي شي بس علشان تشوفه..وهو بعد كان مسوي الشي رسمي عنده لازم يروح ويشوف عيونها…صارت ها العيون وها النظرات تعني له الشي الكثير,,,,
ويوم استجمع شجاعته وقرر يكملها بعد اكثر من شهرين من شوفته ..ارتبكت ..خافت…كانت ماخذة السالفة نظرات تهيم فيها وبس…اما انها تكلمه..لا..ابدا ماكان عقلها مستوعب ها الشي…
صدته…وتمنى لو ماكلمها…
رغم انه ماقال الا (لو سمحتي) حست بالخوف وان دمها ثار بلحظة من اللحظات..طلعت تركض وطلع وراها وصلت لعند المدرسة ووقفت بين البنات بس ماغابت عن عيونه,,,
صار شغله الشاغل يجي كل يوم عند ها المدرسة علشان يشوف العيون اللي جذبته لها واللي كانت تناظره بنظرات مافهمها او يمكن فهمها وفسرها على انها خجل بنات!!!
سمح لنفسه يتجراْ ويكلمها رغم انه مو من عوايده ها الحركات بس قال يجرب ويشوف النتيجة,,
الغريب انه لمى كلمها ماتجاوبت وتجراْ يمشي وراها بسيارته لين بيتهم وماانتبهت الا يوم ناداها قبل لاتدخل ويوم لفت حست بالخطر,,,
(نايف/لو سمحتي…
سارة بصوت عالي/اه…
طاحت الشنطة من كتفها..
نايف بسرعة وارتباك/لاتفهميني غلط انا جاي اخطبك بس ابي اعرف بس انتي بها البيت تدرسين ولاعندك اخت ثانية ولابتقولين لي اسمك وتريحيني؟
سارة بخوف/امشي…تكفى امشي لايشوفك احد…)
ابتسمت سارة لها الذكرى لان نايف كان من البداية صريح وخطبها وها الشي فاجائها,,
كان جري وصريح من البداية…رغم انه كان مايتكلم ولايقول ولاشي..
الجراة كلها بنظرة عيونها اللي تلاحقها وين تروح,,,
تنهدت بارتياح ورجعت مسكت كتابها تقولب فيه من جديد,,,,
////////////////////////////////////////////////////////
نورة/تشرب قهوة فرنسية؟
تنهدت امها وابتسمت نورة لها على شكل تركي اللي كان شارد ومو معهم,,,
ام تركي/مدري وش اللي شاغل باله؟طول وقته شارد وسرحان وماهو معنا…
نورة/فديته وش بيكون شاغل باله يعني..ياشغله يابنته ياولده يازوجته…
ام تركي بتنهيدة/الله يريح بالك ياوليدي ياتركي….
نورة بصوت عالي شوي/تركي….
رفع راسه لها وقال/موجود جنبك ليه بعد رافعة صوتك!!
ابتسمت وقالت/أي معك حق…مالي سالفة ارفع صوتي واسمع الشرقية بس الحق على اللي باله مو معي وانا ساعة اناديه…
تركي/وش كنتي تقولين؟
نورة/كنت عارضة عليك اسوي لك قهوة فرنسية..
حط رجل على الثانية وقال/وش تعني كلمة كنت؟
نورة سوت مثله وقالت/انتهى العرض…
تركي لف لاامه وقال/بذمتك هذا كلام..
ام تركي /انا اسويها لك بيدي يابعد طوايفي…
تركي باعتراض/والله ماقمتي يالغالية…نوير ماعندها شي…
نورة/خلاص انتهينا من القهوة لاتحاول….الا شلونا لجوري ..وينها ورى مانزلتها اشوفها؟
تركي يكلم امه/بنتك تبي تضيع السالفة على بالها مو فاهمها,,,,
///////////////////////////////////////////////////////////////////////////////
واخيرا..
.وبعد معاناة طويلة في المشي والتفكير بانها تاخذ لها تاكسي ولاتكمل دربها تمشي.
قدرت توصل لبيتها بعد ماتقطعت انفاسها من كثرة المشي….
كل تفكيرها بعساف ..وليه اخذوه عندهم المركز؟
وش مسوي ياترى؟مخالف؟في شنو طيب…واذا احد مخالف يسحبونه المركز معهم؟
لالالالالا اكيد السالفة غير….طب شنو سوى……ياربي قلبي مقبوض على ها الاخو..وش مسوي وليه ماخذينه؟؟؟
عساف….مشكلته ماتطلع منه الشينة,.,,,يعني اشتباه اسماء مثل ماقال لهم,,,,,
قبل لاتفتح الباب كانت عيونها تناظر في بيت الجيران,,,,تروح تطلب منهم مساعدة؟
طيب وش تقول اخوي ماخذينه الشرطة؟
طيب لو اسئلوها ليه!!! وش تقول؟
اسئلة كثيرة شالها عقل ريناد بس ماقدرت ترد على واحد منهم ماتدري ليش,,,
كل اللي سوته انها فتحت الباب وقفلته وتسندت عليه تبكي بحرقة وتدعي ربها ان اخوها يطلع بالسلامة,,,,
////////////////////////////////////////////////////////////////////////////////////////////////
اخذ فيه الضيق ماخذه من هدى ودفاشتها ولقافتها وطلع يمشي بالشارع اللي جنب بيتهم شوي,,,
كان متضايق….يمكن علشان القضية فيها سارة…لانه حبها بجد..ويمكن كلمة امه قبل لايدخل ابوه حسسته بصعوبة الارتباط فيها؟
شنو يعني لعوب؟شنو يعني تكلم غيري عشرة؟حرام ليش يحطون بذمتهم كذا!!
اصلا هم مايعرفون سارة…سارة ملاك مامثلها بها البشر اثنين,,,
طلع جواله ودق على نواف,,,,,
جاها صوت نواف الرايق بعد انتظار كان ذابحه,,,/نواف برواق/ياخي بسك اشواق خلني اتغلى شوي عليك؟
نواف بضيق/لاوالله !!هذا اللي ناقص بعد؟
نواف/ها ها ها,,علامك متضايق..
نايف بتنهيدة/والله شقولك ياخوي ..ها الدنيا….
نواف/ها..ترى اذا البيت اللي مضايقينك ماني راجع قولي من اللحين؟
نايف/ياسلاااااام..مو كفاية طول منت هناك انا اللي متحملهم؟خلاص عاد اللحين دورك تتحملهم وخلني اشوف حياتي عاد,,,,
نواف/ليش وش اللي ناوي عليه ان شاءالله…
نايف/ولاشي. بس بشوف لي بنت حلال وبتزوجها,,,وين المشكلة…
نواف بجدية/قول الصدق يانايف وش اللي مضايقك….
نايف/……….
نواف/انا حاس فيك…وحاس انك مااتصلت الا وانت متضايق من شي…تكلم انا اسمعك,,,,
نايف بتردد/هدى,,,
نواف/عمتك ها الماصخة,,,,,
نايف تنهد تنهيدة طويلة وسكت,,,
//////////////////////////////////////////////////////////////////////////////////////////////
حطت كاسات العصير على الطاولة ومسكت يد وعد اللي لفت لها باستفهام..
سمر بدون نقاش/تعالي شربي معي عصير وخلينا نوسع صدورنا ونفتح النت ونشوف وش اللي قاعد يصير في الدنيا…
قعدت وعد بهدوئها اللي صاروا يعتادون عليه…
فتحت سمر الاب توب وقالت /وش تبين نشوف….
كانت وعد تناظرها بهدوء وبدون أي كلمة,,,
رفعت سمر راسها وقالت/وعد…
ظلوا يناظرون في بعض..
سمر بالم/في شي يستاهل في الدنيا انك تظلين ساكتة ومنغلقة على نفسك,,,
كل اللي سوته وعد انها تنهدت وناظرت بالارض,,,
سمر بعتب/احد كسر خاطرك في يوم من الايام!!!احد جرحك ولاضايقك؟؟انتي ليه ماتبين تقولين لي وش فيك ياوعد,,,
كانت عيون وعد تناظر اختها بدون ماتقول شي,,,
ويمكن لو كان اللي قبالها احد غير سمر اختها وخبير بلغة العيون كان فهم وش اللي فيها,,,
سمر/في البداية توقعت ان شي كبير صار لك,,,مدري يمكن احد اعتدى عليك ولاشي من ها القبيل …بس طلعت ماهي سالفة ااعتداء,,,وعد قولي ريحيني وش اللي فيك يااختي؟
كان الصمت سيد القعدة…
انتي ليه ماتبين تتكلمين؟قالتها سمر بانفعال زايد…
كل اللي سوته وعد انها تركت المكان وقامت وهي تمسح دمعة نزلت منها وكل تفكيرها يقول,,,ياترى ياوعد صح هالشي ولاغلط؟
///////////////////////////////////////////////////////////////////////////////////////////////////////
نسرين/وين تركي؟
لفوا لها ام تركي ونورة ,,
نورة/الناس تدخل تسلم؟
ناظرتها ام تركي بمعنى اسكتي,,وسكتت,,,
نسرين بدون نفس/خالتي شلونك..ماشفتي تركي؟
نورة بتمتمة/تعبتي حالك يوم قلتي شلونك اذا وراها ماشفتي تركي؟
ام تركي/هلا يمه شلونك…
نسرين/انا لسه رادة من الصالون والشغالة تقول ان تركي نزل لكم تحت وينه؟
نورة بهمس/خليه يتنفس يااخي ؟؟واذا نزل وش فيها بالله؟
ام تركي/بلى يمه كان هنا بس قبل شوي قام..مدري هو ركب ولاطلع..والله ماقال يمه…حياك دخلي جلسي معنا منتي غريبة..
نسرين/لاماعليه خالتي مستعجلة…انا بدق له بس لو مركم قولي له يصعد ابيه ضروري…
طلعت نسرين وقالت نورة بسرعة/والله ماتسوى عليه ينزل يشوفنا وانتي حضرتك ماكنتي موجودة؟
ام تركي بهمس/قصري حسك ووجع!!البنت مامشيت بعدها شفيك انتي؟
نورة بصراحة/وانا خايفة منها يعني يمه….
ام تركي/يمه الله يرضى لي عليك خلاص..
نورة بعمق/يمه شفيك..نسرين عمرها ما..
ام تركي بحزم/قلت لك خلاص….
نورة بتنهيدة/ان شاءالله….مسكت جوالها وكتبت مسج سريع وارسلته(وحشتني)
ام تركي/نورة يمه..
رفعت راسها لاامها وقالت/هلا…
ام تركي/قومي نطلع نجلس بالحديقة اليوم الجو حلو…
نورة/طيب…بس لااجهز لنا دلة قهوة نتسلى فيها..
ام تركي بلوم/انتي ماتتعبين من ها القهاوي ؟؟توك مع اخوك شاربة؟
نورة بضحكة/لا يمه ذيك فرنسية ..اللحين بسوي عربية…
ام تركي/الله يفكنا من الجميع..الا وين باسل؟
نورة/يمكن يلعب داخل انا ماشفته طلع من الغرفة,,
ام تركي/بطل عليه قبل لااطلع,,,
نورة/هذا انا قايمة معك اشوفه,,,
///////////////////////////////////////////////////////////////////////////////
فتح عساف عينه على وسعها وقال/شنو؟
الضابط/لاوالله تستهبل حضرتك؟
عساف بدون تصديق/مستحيل….انا مو راعي هالسوالف…
الضابط/الكل يقول ها الحكي….منت الاول ولابتكون الاخير…انتوا كلكم يللي تبيعون ضمايركم ووطنكم تقولون هالحكي في البداية وبعدين تعترفون؟
عساف/مستحيل هذا اتهام صريح..وانا بريء….
الضابط باستهزاء/أي وبعدين…
عساف/شنو وبعدين…انا ابي محامي…
الضابط/أي يصير خير…من هنا لين يجي المحامي بتكون موقوف على ذمة التحقيق…بس اللي لازم تعرفه يا…شقلت اسمك…اي ياعساف….ان السيارة هي هي وهذا الشي هو اللي بيلبسك القضية ومابيطلعك منها….
عساف بعده واقع تحت تاْثير الصدمة وماعرف ينطق..
الضابط/ها…بتعترف اللحين وبتريحنا بدل وجع الراس وبتقول من مشترك معك بالقضية؟
نزلوا دموعه بحرارة وقال بصدق/حرام..انا مالي شغل ولااعرف شنو عنه تتكلم….انا بريء والله العظيم بريء….
الضابط بعصبية/يا عسكري….تعال اخذه من هنا وخلهم يتوصون فيه عدل لين بكرة تتحول القضية للنيابة العامة,,,
عساف باعتراض/لا..تكفى لا….انا مقدر ابيت ليلة وحدة برى البيت….انت ماتعرف ظروفي…انا اهلي عطوك عمرهم وماعندي الا اخت وحدة…الدنيا صفعت فينا من كل جهة..لاقريب ولابعيد رحمنا…مقدر اتركها بروحها وهي بعدها صغيرة؟تكفى خلني 1اروح لها و……..
ماكمل كلامه لان العسكري سحبه وطلعه من الغرفة,,,
/////////////////////////////////////////////////////////////////////////
بنتظاركم يوم السبت ان شاءالله مع البارت الثالث,,,
وبنتظار توقعاتكم وتعليقكم الكريم…
|
المشاركة الأساسية كتبها نـهر من شـوق
 ملوحة يالحلوة متى ناوية تعرفينا بشخصيات الرواية ؟؟
|
هلا فيك غلاي,,,
منورة والله…كل شي بيجي بالرواية تدريجيا لاتخافين,,,