انثر جروحي بين غبات الامواج

انثر جروحي بين غبات الأمواج
وتطلع لكم ما بين درً وماسي

صحيح جرحك سبب العام الإحراج
لكن راسي ماتزعزع وراسي

محبتي مثل القمر نور وهاج
ومشاعركـ مثل الحجر صلب قاسي

هذي سنة والفكر فالشعر دواج
قطفت منها ورود حزن ومآسي

الشوق زود في حياتي بالازعاج
وحرم على عيني لذيذ النعاسي

مارحت من ضيقة ولاجيت منعاج
لكنها قطره من دموع وماسي

ما اطرد ورى المقفي ولو كنت محتاج
طبعي كذا لارحت صعب انتكاسي

المسألة ماهي بلاعشق وهياج
المسألة ذكرى قديمه لناسي

اللي وفاء مابيني وبينه سياج
والي رحل مبغيه لو لان باسي

صحيح لا تاجر ولا راعي ابراج
لكن مهما كنت ما ذل راسي

معزتي اغلى من الدر والعاج
واغلى بعد من بعض ربعي وناسي

العام يوم الحب لبستك التاج
واليوم ذوق المر من مر كاسي

https://www.youtube.com/watch?v=_3Wk…E&feature=plcp

يعطيك العافيه على رووعه النقل
ويسلم لنا هالذووق الرفيع..
ننتظر جديدك بشووق..
لك ودي..

يعطيك العافيه انتقاء رائع
ودي