اليوم جايبه لكم قصه جديده يارب انها تنال اعجااااااااابكم صراحه كل مااكتب قصه الاقي ردود كثيره ومشاهدات كثيره وهذا الشئ الي يعطيني دافع عشان اكتب لك قصه وعسى يارب انها تعجبكم
كنت استعد للصلاه وسمعت صوت دقه وصجه عند الباب عرفت انها حرمه ابوي وكان اسمها فاطمه تبي شئ مني
فتحت الباب وقلت لها ببرود : وش تبين
فاطمه تامرني : روحي ويلا نظفي البيت االيوم بيجون جاراتي ابي البيت يلق لق
قلت لها بسخريه: وين بنتك خليها تنظفه ؟
فاطمه بمكر : ان مانظفتي راح احرش ابوك عليك
وعطتني ظهرها وهي تمشي : وانتي عارفه وش يسوي اذا يعصب كم مره ذقتي ضربه
حقدت عليها هي الي دايم تحرش ابوي علي وتخليه يضربني على اشياء سخيفه سكرت الباب بكل غضب ورحت اصلي وادعي الله ان يفرج همي وينصرني على العائله الظالمه هذه
رحت المطبخ وطلعت دجاج من الثلاجه وجهزت الخضار عشان اسوي سلطه بعدها رحت انظف البيت بعد ساعتين انتهيت من كل شئ ورجعت المطبخ عشان اكمل الغداء طالعت الساعه لقيتها 3 العصر فقلت ارجع استريح شوي في غرفتي
دخلت غرفتي ولقيتها حوسه وش الي صار ؟ عرفت انها فاتن بنت فاطمه هي اصغر مني بسنه رحت عندها بغضب ودقيت الباب عليها
فاتن وهي خايفه : وش تبين مني لاحظت ان ساعتي كانت في يدها
قلت لها بعصيه: ليش تحوسين في غرفتي على شنو تدورين؟
فاتن : مالك شغل وخري عني
قرب منها بسرعه و مسكت يدها وضغطت عليها : قلت لك وش تسوين في غرفتي
فاتن : وخري عني مالك شغل هذا بيت ابوي اسوي فيه الي ابي
بققت عيوني : بيت ابوك مع نفسك مره ثانيه اذا تبين شئ قولي لي وانا بعطيك اياه ماحب شغل السرقه انا فاهمه ولا لا
سمعت صوت من وراي : شفيكم تتهاووشون اسمع صوتكم من تحت وش صاير؟
خفت منه وقلت : فاتن دايم تسرق اغراضي
ابوي وهو معصب ويطالع فاتن : كم مره قلت لك اذا تبين شئ تقولين لي وانا اجيبه لك
فاتن : هو اصلاا الساعه حقتي مو حقتها هي سرقتها مني
مامداني ادافع عن نفسي الا عطاني صفعه على وجهي : حطيت يدي على خدي طبعا ماستغربت هذا دايم طبعه مايتغير يصدم كلام زوجته وبنتها ويكذبني
ماقلت ولا شئ عرفت انه ماراح يصدقني وراح يصدق العقربه هذه وامها قررت اني انسحب واني اتوجه لغرفتي وارتبها
وانا امشي سمعت ابوي يقول لها بحنان : ماعليك يحبيبتي متى ماتحتاجين شئ اطلبيه مني لا تطلبينه من اختك فاهمه؟
ماسمعت وش ردت عليه لاي حقدت عليه ماكنت ابي حتى اني اسمع كلامهم دخلت غرفتي بقوه وسندت ظهري ع الباب كنت دايم اسوي هذه الحركه اذا كنت مخنوقه او متضايقه
ع المغرب فاطمه بخرت البيت عشان تستقبل ضيوفها وكالعاده كنت في المطبخ وجهزت لها الشاهي والقهوه على بال ماجهزت كل شئ رحت الصاله وسلمت عليها لقيت عندها جارتها حرمه حبوبه عمرها نفس عمر فاطمه تقريبا في 35 اسمها ام محمد
ابتسمت لها وسلمت عليها
ام محمد : مشاء الله يابنتي الله يحفظك كبرتي وصرتي عروس كل ماشوفك تحلوين اكثر
ابتسمت لها بخجل : الله يحلي ايامك خالتي
سمعت فاطمه ترد بسرعه : وين حلوه اعوذ بالله اجل كيف لو شفتي بنتي فاتن وش تقولين
ام محمد : وهي تغير الموضوع : كيف الدوام معك عساك مرتاحه فيه
رديت عليها : والله الحمدلله بس هذه الايام ضغط شوي عشان نهايه الترم وكذا
ام محمد : الله يعطيكم العافيه يارب سنه كم تدرسين الحين؟
رديت عليها وانا اصب لهم الشاهي : ادرس الابتدائي اولى وثاني وثالث ماده رياضيات
ام محمد بحنان : الله يكملك بعقلك يارب
ابتسمت لها كانت هذه الحرمه هي الوحيده الي تطيب خاطري الله يسعدها استاذنت منهم وقررت اني اروح اجهز عشان دوامي بكره
رحت غرفتي وجهزت اغراضي وكويت عباتي وجلست احضر لدروس بكره
بعد صلاه العشا انفتح الباب بسرعه وشفتها فاتن : قلت لها بدون نفس: وش تبين
فاتن : امي تقول سوي العشا
خزيتها بعيني قلت لها :انتي ليش ماتسوين عشا ياحظي انا مشغوله ااحضر لدروس بكره
فاتن بدون اهتمام :انا بعد مشغوله ولا نسيتي اني اشتغل معك في نففس المدرسه
رديت: عليها يا سلام؟
شوي الا سمعت صوت امها فاطمه : بنت قومي اطبخي العشااااااء الله يلعنك
حسيت انها لو صارت طيبه يمكن تطلع روحها ابتسمت على افكاري :
فاتن انتبهت لي اني اابتسم : شفيك بعد لايكون انهبلتي ترا مو نااااااااااقصين مجانين في البيت
سكرت دفتر التحضير ورحت عند الباب وابتسمت : لا حبيبتي يكفي انتي وامك مجانين في البيت
شفت فتون فتحت عيونها على كبرهم ضحكت عليها ورحت المطبخ اطبخ العشاء عشان افتك من لسانهم
خلصت عشا وغسلت المواعين وقلت اروح انام ارتاح شوي طبعا كنت اتضايق من معالمتهم القاسيه لي لكن ماهتميت كنت مستمتعه بدوامي ع الاقل نص اليوم كله برا مع زميلاتي ومع طالباتي
اليوم الثاني صحيت ووصليت الفجر ورحت المطبخ عشان اشرب كوب قهوه وسرحت وانا افكر في اختي فاتن كانت طيبه معي لكن امها كانت تحرشها علي دايم فصارت تكرهني اذكر مره كنت العب في غرفتي بالعروسه
شفت فاتن وهي جايه عندي وحاطه اصبعها على فمها عرفت من حركتها انها تبي تلعب معي
سالتها : فاتن تبين تلعبين معي؟
ابتسمت وهزت راسها بايوه
عطيتها لعبتي باربي وطلعت عروسه ثانيه عشان العب معها كنا نلعب بيت بيوت
فاتن : روان انا احبك بس ماما ماتخليني العب معك
كنت مستغربه هذاك الوقت وسالتها: ليش؟
فاتن تهز كتفها : مدري تقول انك مو زينه
ابتسمت لها وسالتها: وانتي وش رايك
فاتن بخجل : انتي حلوه
قمنا نلعب ونضحك شوي الا جت فاطمه :
فاطمه معصبه : انتي هنا وانا ادورك
فاتن خافت : أي كنت العب بالعروسه
لاحظت ان فاطمه كانت تبي تضربني مثل كل مره فقمت عشان اهرب لكنها مسكت شعري
قلت لها وانا اصيح : اااااااي يعوووووور فكيني باااااااااااااباااااااااااااااااا
فاتن وهي تبكي: ماما لا لا
شوي الا جا ابوي وشاف فاطمه وهي تضربني وفك يدها من شعري : والله يا فاطمه ان باقي مديتي يدك عليها ياويلك مني
ماصدقت انها تفك شعري ورحت عند ابوي واضمه كانه احتمي منها
فاطمه منصدمه : الحين تهاوشني عشان البنت هذه
ابوي : انتي زوجتي على عيني وراسي لكن ماراح ارضى عليها لاتنسين انها بنتي وبنت المرحومه
فاطمه وهي معصبه وتمسك يد بنتها بقوه : والله يا فاتن لو باقي شفتك معها ياويلك مني وسحبت منها بالقوه وطلعو من غرفتي
عم الهدوء غرفه شوي بعدها ابوي قال لي وهو يرتب شعري وقال لي بهدوء : انتي ليش تضايقين عمتك؟
قلت له وانا ابكي : ماسويت شئ كنت العب مع فاتن بالعروسه وهي جت تضربني
مسح على راسي بهدوء وقام : اانتي خليك شاطره ولا تسوي مشاكل خلاص واعتذري لعمتك بعدين
هزيت راسي بايوه
بعدها طلع وانا فكرت انه اذا اعتذرت راح يصير كل شئ تمام وترجع فاتن تلعب معي رتبت شعري وقلت اروح اكلم فاطمه شفتهها هي وابوي وفاتن جالسين في الصاله ويتكلمون بصوت واطي
فاطمه : والله يا قلبي انا ماسويت كذا الا لاني كذا مره اشوفها تقول لفاتن كلام وصخ البنت ابدا مو متربيه صح فاتن؟
فاتن بضعف : ايوه ماما
فاطمه : هاه شفت
ابوي بصرامه : انتي من جدك تتكلمين ؟
فاطمه بكذب : أي والله العظيم سمعتها باذني ولا كان خليتها عادي تلعب مع فاتن لكن اخلاقها ابدا مو زينه
سمعت ابوي يقول بعصبيه : بروح اربيها انا
انا هنا طاح قلبي ورحت غرفتي ركض وجلست في زاويه الغرفه انتظر العقاب الي راح اتعاقبه من دون ذنب فجاه سمعت باب غرفتي ينفتح بسرعه وشفت ابوي واقف وهو معصب طالعت عيونه حسيتا لرحمه طلعت من عيونه مو نفس ابوي الي كلمني من شوي طالعت يده كان ماسك العقال
خفت منه وجلست ارتجف وتقدم مني بخطوات سريعه : انتي وش كنتي تسوين مع فاتن
قلت له وانا ابكي من الخوف : والله ماسويت شئ
مسك شعري بسرعه وقال بغضب: لاتكذبين يا روووااان
كنت ماسكه يده ابي ابعدها عن شعري لكن مافي فايده لاني انشغلت اني اغطي جسمي عن شحطات ابوي بالعقال
جلست اصارخ وانادي : باااااااباااااااا بااااااباااا خلالالالالالالاص
حسيت في هذا الوقت ان الرحمه رجعت لقلبه لما سمع صراخي وفك شعري ورماني ع الارض
ابوي : عشان تتادبين مره ثانيه
هزيت راسي بايوه ماكنت ابيه يضربني مره ثانيه لاني عرفت ان رديت عليه راح يرجع ويضربني من بعد هذا اليوم وفاطمه كل شوي تغسل مخه كل ماسويت شئ مايعجبها كبرنا وكبر معنا حقدنا وكرهنا لبعض انا وفاتن لدرجه انه ماصرنا نطيق بعض
انتبهت لصوت فاتن وهي تهز كتفي : هي انتي يلا قومي بنروح الدوام
بعدت يدها بقرف : ترا لي اسم يكون في علمك ماخليت لها فرصه ترد علي لاني رحت البس عباتي ع طول عشان اروح الدوام
ركبنا انا وفاتن مع السواق كنا نركب في باص معلمات تقريبا 4 معلمه يعني مجموع كله 6 معلمات انا و فاتن و هيفا و نوره و سوزان و رانيا
رانيا معلمه التدبير وكنت حيل صاحبات انا وهي اقرب زميله لي بين المعلمات
جلست في مكاني وكشفت عن الغطوه بما ان في ستاره بينا وين السواق وفي تضليل يغطي السياره يعني ماخذين راحتنا
ابتسمت لها قلت :السلام عليكم
رانيا بابتسامه: وعليكم السلام كيفك اليوم
رديت عليها مبتسمه :والله بخير ربي يسلمك
رانيا : كم عندك حصه اليوم
قمت افكر: عندي 5 حصص
رانيا :اها الله يعينك
ابتسمت لها :امين اجمعين جلسنا نسولف حتى وصلنا المدرسه نزلت من السياره وعلى طول رحت غرفه المعلمات عشان استقبل طابور الطالبات ووقفت قدام طابور صفي شفت فاتن تستعد عشان تدرس صفها شفتها تطالع لي من غير شعور مديت لساني عليها
لاحظت ان رانيا تبتسم شكلها انتهبت لي والله انحرجت بس يلا قلت ماعليه
دخلت ورا الطالبات الفصل واستعديت اني اعطيهم الدرس طبعا اليم حببني في شغلي انه كلهم اطفال وانا اموت في الاطفال صراحه
كانو الطالبات بعد يحبون حصتي وهذا شئ ثاني سهل لي وظيفتي في المدرسه بعد ماخلصت حصتي رجعت لمكتب المعلمات عشان افطر واشرب شاي لما كنت امشي لاحظت ان في احد سكر عيوني فجاه
خفت :منوووووووووووووو
:تتوقعين منو؟
ضربت على يدها بخفه وقلت لها: رانيا مالت
رانيا : هههههههههههههههههه
قلت لها بجديه : تر حرمه متزوجه انتي وش تحسين فيه وانتي تسوين الحركات هذه
طالعتني بنص عين وقالت : نفس الي تحسين فيه لما مديتي لسانك على ابله روان
صراحه حسيت ان جبهتي طارت ول عليها ردها جاهز قلت لها: طيري بس مو فاضيه لك
دخلنا المكتب وكان فاضي شكل باقي المعلماتت عندهم حصص احسن بعد
اخذت كوبي ورحت اسوي لي شاي
رانيا وهي تذكرني : لاتنسين الاسبوع الجاي اجتماع الامهات جهزي عمرك يمكن احد الاهمات تشوفك وتخطبك لولدها ولا شئ ونفتك منك
انحرجت منها : وانتي الحين وش دخلك اعوذ بالله
رانيا : ههههههههههههههه طيب اهدي ترا ماقلت شئ يخليك تعصبين
رديت عليها : ه ه ه بايخه ترا تذكرت وسالتها : انتي كتبتي تقرير الطالبات ولا باقي؟
رانيا وهي تحاول تتذكر:تقرير شنو؟
قلت لها : التقرير الشهري ولا نسيتي لازم نعبيه ونكتب عليه ملاحظات عشان اولياء الامور وويتابعون بناتهم
رانيا: يوووه والله ذكرتيني الله يذكرك بالشهاده والله باقي مابديت فيه
ابتسمت لها: اجل يلا شدي حيلك لازم نوزعه الاسبوع الجاي ترا
جلسنا نسولف حتى بدت حصه رانيا اللي عليها وانا حصتي تقريبا بعد الفسحه
عدا اليوم عادي مافيه أي مشاكل ورجعت البيت مع فاتن
بعد صلاه المغرب رحت اتوضا واصلي العشا وبعد ساعه انتهبت من كل ئ ورجعت غرفتي انصدمت من الي شفته غرفتي مقلوبه فوق حدر وش الي صار
شفت اكسسواراتي وثيابي ومكياجي كلها طالعه وعرفت ع طول انها فاتن
رحت معصبه لغرفتها حاولت افتح الباب بسرعه لكن كان مسكر
صارخت عليها :افتحي الباااااااااب
سمعت صوتها من برا الباب وكان باين عليها خايفه : وش تبين مني
قلت لها :ليش خربتي غرفتي مليون مره قلت لك اذا تبين شئ عادي خذيه بس استاذني مااحب الحوسه
شوي الا فتحت الباب وقالت لي: خفت انك تعصبين علي
كسرت خاطري : قلت لها مارا اعصب بس اكره لما تاخذين شئ بدون استئذان
سمعت صوت من وراي: يا سلام تستاذن منك وليش يعني كفايه انك ساكنه في بيت ابوها
قلت في نفسي اللهم اكفني شر هذه الحرمه : قلت لها بهدوء لاتنسين ان ابوها هو ابوي ولا نسيتي بعد
فاطمه تبتسم بمصخره : حطي في بالك شئ واحد ترا ابوك صار مثل الخاتم في اصبعي يعني لو ابيه يطردك من البيت طردك من زمان
عصبت عليها ورفعت صوتي : احترمي نفسك فاهمه
فاطمه تسوي نفسها خايفه : لا يما خوفتيني بسم الله وحطت اصبعها على جبهتي وجلست تدق راسي باصابعها : ترا بكلمه وحده مني اخليك مشرده برا البيت فاهمه ولا لا
حاولت امسك اعصابي وبعدت اصبعها بهدوء وقلت لها : نشوف من الي يطرد منو ولا نسيتي ان البيت مكتوب باسم امي الله يرحمها
لاحظت ان فاطمه انصدمت من كلامي لانها ماردت علي
حسيت اني منتصره حتى اني زدت بهارات من راسي : اي شئ تظنين انك تملكينه هو ترا في الحقيقه ملك لي انا يعني باصابع مني ارميك انتي وزوجك برا البيت فاهمه
فاطمه بحقد : والله لاخليك تندمين على كل كلمه قلتيها لي
قلت لها باصرار : الي ماتطوله يدك تطوله رجلك سوي الي تبينه
فاطمه : هين انا اوريك يابنت ال****** ان ماربيتك مااكون انا فاطمه
طنشتها كنت بمشي لكني سمعت صوت فاتن : ترا امي ناويه عليك
طالعت لها : الي يشوف كانك مهمته يعني وحذرتها : مره ثانيه ان بغيتي شئ قولي لي انا اعطيك اياه لا تجلسين تحوسين في غرفتي فاهمه
لاحظت انها سكتت ماردت علي قلت في نفسي قلعه تقلعكم انتي وامك رجعت غرفتي ورحت ارتبها مره ثانيه من الحوسه مدري ليش دايم تسوي هذه الحركه تاخذ اغراض ولاتستاذن
وصلت عند التسريحه والعطور شفت صوره امي في اطار زجاجي صغير ابتسمت لما شفتها كانت جميله وعيونها عسليه وباين عليها الطيبه صح اني مامداني اعيش معها لكن يكفي انها جابتني لهذه الدنيا مرات احس انا الي موتتها لان ابوي كان دايم يقول انها ماتت لما ولدتني طاحت دمعه حاره من عيني وحرقت خدي ااه بس يا يما ياليتك معي كان ع الاقل افتكيت من النسره وبنتها
انفجعت لما سمعت صوت الباب ينفتح بقوه عرفت انه ابوي مسحت دموعي بسرعه عشان لحد يشوفها ويتشمت فيني
ابوي وهو معصب : وش قايله انتي حق عمتك ؟
خفت منه وكذبت : ماقلت لها شئ تكذب عليك هي
ارتعبت لما شفته ماسك العقال في يده عرفت اني اليوم بنجلد
سالني مره ثانيه بتهديد : وش قايله لعمتك فاطمه
قلت له بصوت منخفض : هي تهددني تقول انك صرت خاتم في اصعبها وانها راح تطردني
ابوي يصارخ : اي عشان كذا قلتي لها ان البيت بيت امك وراح تطرديني انا وهي هااااااااه
رديت عليه بصراخ بعد : اجل هي ليش تهددني مو كل شئ ولا اي مشكله تصير على راسي انا نفسي في يوم تصير عادل معي وتشوف حركات حرمتك الي ماانت داري مامداني اكمل كلامي الا حسيت ان خدي احترق من صفعه ابوي
ابوي بعصبيه وهو يصك على اسنانه : انتي شكلك ماتربيتي وانا الي بربيك مره ثانيه
حطيت يدي على خدي وجلست اصيح : اشرت بيدي على الباب : قلت له اطططططططططلع بررررررررررا
ابوي مو مصدق : تطرديني من غرفتك بعد ؟
رديت عليه بصراخ : اطلع براااااااا مابي اشووووووووف احد
شفته يقرب مني فرحت اركض عند الزاويه الي كنت دايم اجلس فيها تذكرت طفولتي دايم انضرب في هذا المكان
لاحظت انه رفع يده عشان يضربني سكرت عيوني وقلت خلاص راح انضرب وفعلا ماخاب ظني لما بديت احس باللسعات الحارقه للعقال اضطريت اني اعطيه ظهري ع الاقل راح احمي نفسي
جلست اصارخ واصيح وخررررررررر عني وخرررررررررررررر
ابوي : انا راح اربيك عشان تحرمين تحطين لسانك على لسان عمتك يا قليله الحيا
مدري كم مر كذا دقيقه وهو يضرب فيني وانا جالسه وساكته حتى اني مغمضه عيوني لاحظت انه وقف اخيرا
وتنفست الصعدا حسيت ان ظهري خلاص احترق من كثر الضرب الي جاه
ابوي بتهديد وهو يتنفس بسرعه : عشان تتادبين مره ثانيه
انتظرت حتى يطلع الغرفه عرفت انه طلع لما سمعت صوت الباب يتسكر جلست كم دقيقه وانا جالسه في زاويه الغرفه ابكي بصمت ياربي وش العيشه هذه حسبي الله ونعم الوكيل
قمت بكل ثقل عشان اسكر باب الغرفه بالمفتاح انصدمت لما شفت الباب ينفتح مره ثانيه على بالي انه ابوي لكنه كانت فاطمه
فاطمه تتشمت : تستاهلين عشان تتوبين تحطين راسك في راسي
ماتحملت سخريتها مني فسكرت الباب على وجهها بالقوه لكني انقهرت اكثر لما سمعت ضحكتها من ورا الباب جلست ورا الباب ببطء وانا اصيح واتالم طفشت من عيشه الذل هذه الله يعين بس
اليوم الثاني صحيت وانا مصدعه من البكاء الي بكيته امس في اليل حسسيت بالقهر والظلم حسبي الله ونعم الوكيل بس وقمت اجهز نفسي عشان الدوام
طالعت وجهي في المرايه حسيت وجهي متنفخ وحالته حاله اوف بس يعني لازم اليوم اكثر مكياج مابي المعلمات يشوفوني بخشتي كذا ونزلت المطبخ اشرب لي اي شئ رحت افتح الثلاجه لقيت فيها عصير فقررت اني اشربه ورجعت غرفتي ومعي الكوب حق العصير شفت فاتن نازله من الدرج لما شافتني حسيت انها خافت مني حتى انها ماقدرت تكلمني او تطالع في وجهي لكني سمعتها لما قالت : تستاهلين عشان تحرمين انك تردين على اامي
ماقدرت استحمل فرميت الكوب علي ثيابها
فاتن وهي تصرخ ؛ ااااااااااااااااي يا حيووووووووووووانه
فاتن حسيت انها قربت تبكي " والله لاتندمين
قلت لها ببرود : روحي بس غيري ملابسك راح نتاخر ع الدوام
شفتها تروح ركض عشان تغير تتسبح وتغير ملابسها قلت لها بدي كش عليك يا الخبله
ورحت غرفتي قبل مايجي ابوي ويتوطا بطني بعد خخخخخخ مااتوب من بعد حركه امس وش اسوي هي تستفزني
لبست عباتي وطلعت برا في سياره السواق وانتظر الخبله حتى ترجع
دخلت السياره شفت رانيا ابتسمت لي جلست جنبها وشلت غطوتي ابتسمت لها وسالتها: وش اخبارك
رانيا مبتسمه: والله بخير حركات اشوفك حاطه ميك اب وش عندك؟
كذبت عليها : ابد قلت تغيير نيولوك وش عرفك انتي اصلاا
رانيا تهمس : نيولوك ولا كنتي تبكين ترا شكلك باين عليه الحزن تخبين على منو انتي
تفاجات من كلامها لكن مارديت عليها
بعد كم دقيقه شفت فاتن تطلع من الباب البيت وهي مستعجله
فتحت الباب وسلمت وجلست عادي باين انها منحرجه لانها اخرتنا على الدوام
كانت تخزني بعيونها طول الطريق لكني طنشتها ومارديت عليها وصلنا المدرسه ورحت مكتبي وكنت اجهز التقارير عشان حفل الامهات الاسبوع الجاي
كنت مركزه ع الشغل حتى اني مانتهبت للوقت الا يوم سمعت الجرس معلن انتهاء الحصه اخذت اوراق الدعوات عشان اوزعها ع البنات لسنه اولى ابتدائي
مسكت جوالي وحطيته ع الصاامت وحطيته في الدرج ورحت فصلي
طبعا ككل فصول الابتدائي دخلت على اصوت البنات وهم يضحكون ويركضون في الفصل كانت دايم تفلت نظربي بنت بيضا صغيرونه شعرها مقصوص اسمها جوري كانت البنت حيل هاديه وخجوله لكنها مو شاطره كثير
لما شافوني البنات على طول جلسو ومسوين نفسهم مودبين ابتسمت لهم وسلمت
على نهايه الحصه قلت لهم : بنااات ترا اللاسبوع الجاي لازم يحضرون امهاتكم
قالت بنت اسمها مها : ابله ليش يجون ؟
ردت عليها زميلتها : انتي ماسمعتي كلام الابله عشان في حفل في كيك
ابتسمت على برائتهم وقلت لهم : يلا لازم تصيرون شاطرات عشان تاخذون الهدايا وراح نقول اسامي الشاطرات في الحفل بعد وقدام امهاتكم عشان يفرحون
كانو البنات مستانسين الا جوري مدري شنو سالفتها الا اني لاحظت عليها نفس النظره الي كانت على وجهي لما كنت ادرس معقوله ماعندها ام؟
قلت امسكها على جنب واسالها بعدين يكون افضل عشان ماااجرحها قدام صديقاتها
خلصت حصتي ورحت عند الفصل الثاني وبعد كم ساعه رجعت مكتبي ارتاح التدريس مهنه حلوه ونبيله لكنها شاقه ومسووليه احس
كان اليوم دوري اني اروح انتبه للبنات في الفسحه فرحت اراقبهم وادور في الساحات ووانا في الحقيقه كنت ادور على جوري واجلس معها شوي
شفت بنات فصلها جالسين في حلقه لكني ماشفتها بينهم
سالتهم وين جوري زميلتكم؟
مها ملقوفه مثل عادتها ابله ترا جوري ماتجلس معنا كل وقتها جالسه بروحها
استغرفت من كلامها وسالتها : ليش؟
جاوبت منيره : ابله هي ماتحب تجلس معنا
سالتهم: طيب وينها الحين ؟
شفت مها تاشر لمكان وطالعت لنفس المكان الي تاشر فيه مها : لقيت جوري جالسه حاطه راسها على رجولها متسنده ع الجدار
ودعت البنات ورحت عندها كان فيني فضول ابي اعرف شنو سالفتها
ناديتها :جوري؟
جوري التفت علي بسرعه كانها خايفه انها في مشكله ولا شئ : ابتسمت عشان اطمنها سالتها :وش تسوين؟
جوري بصوت منخفض: ولا شئ
سالتها ا:فطرتي؟
جوري تهز راسها بلا
قلت لها: ليش؟
جوري: مابي ااكل
حيرتني هذه البنت صراحه كنت ابي اقرب لها واوصل لقلبها يمكن اقدر افهمها واساعدها اكثر كانت حيل تكسر خاطري مدري ليش حسيت انها وحيده م
سالتها : ماما راح تجي الاسبوع الجاي؟
طالعت لي جوري وقالت برقه : لا ماما مو موجوده
احترت معها اكثر : وين راحت ؟
جوري وهي تاشر على فوق : بابا يقول ان ماما في الجنه
انصدمت ماتوقعت ان امها متوفيه عشان كذا كانت متضايقه وانا الي اغبيه كنت اجرحها بدون ماادري حسيت اني ببكي على حالها ابتسمت لها وقلت لها الله يرحمها
جوري ردت لي اللابتسامه
كنت ابي اتعرف عليها مدري شنو الي شدني لهذه البنت بالذات لكن قطع علينا جرس المدرسه وخلصت الفسحه
قلت لها : انتبهي لنفسك وشدي حيلك في دروسك خلاص؟
جوري تهز راسها بايوه
ابتسمت لها وشفتها تركض عشان تلحق ع البنات قبل مايدخلون والله انها قطعت قلبي قررت اني امر على المشرفه عشان اخذ منها تفاصيل سالفه جوري ابي اعرف كيف عايشه ومع منو وكيف حياتها كنت افكر فيها طول الوقت حتى خلص الدوام
لبست عباتي عشان استعد اني ارجع البيت ورحت اوقع للخروج شفت رانيا وهي توقع ضحكت على كرشتها كانت حامل في الشهر الخامس
جيت من وراها وهمست في اذنها : فديت البطه انا
انفجعت مني رانيا حتى انها كانت بتصرخ بس مسكت نفسها
ضحكني شكلها : هههههههههههههه شفيك انتبهي لاتطيح كرشتك علينا من الخوف
رانيا بضحكه : والله انك خايسه وخري عني مستعجله
سالتها ماراح ترجعين معنا ليوم؟
رانيا : لا زوجي بيمرني اليوم طلع من دوامه بدري وقال بنتغدا برا
ضحكت عليها عشان كذا مستعجله عشان الاكل
رانيا : هههههههههه مالك شغل شايفتني مشفوحه مثلك يالعصلاا
رديت عليها : والله عصلاا ابرك من بطه
سوت بيدها حركه يعني كش علي وراحت فديتها رانيا حبوبه حيل امون عليها لنا الحين اكثر من 3 سنين نشتغل مع بعض وقعت بدوري ورحت عشان اركب السياره
رجعنا البيت ورحت ع طول غرفتي و دعيت في سري ان النسره ماتسوي لي مشاكل اليوم والله مالي خلق لها ولا لبنتها
دخلست عشان اتسبح واغسل شعري بعد تعب اليوم هذا لاحظت ان باقي التصلخات في ظهري مااتاملت فعشان كذا طولت في الحمام الله يكرم القارئ كان ظهري مشوه بقوه من الضرب على مدى السنين هذه
خلصت وونشفت شعري وحطيته على جنب ماقدرت اخليه ع ظهري عشان الجرح باقي يحرق فقررت اني اخذ غفوه وارتاح شوي
مامداني اغمض عيوني الا سمعت صوت النسره فاطمه
رووووووووووووووووووووان وينك يالحيوانه
قلت في نفسي اوووووووووووووووووف وش تبي هذه العله الحين
قمت وفتحت الباب شفت فاتن معها عرفت انها قالت لها عن سالفه اليوم الفجر لما كبيت عليها العصير خخخ احسن بعد
قلت لها بدون نفس: نعم وش تبين
فاطمه : نعامه ترفسك قولي امين وش سويتي لفاتن الصبح هاه
قلت بهدوء ماسويت شئ
فاطمه بتهديد : اعقلي يابنت اسماء احسن لك ترا راح تجنين على نفسك وانا حذرتك
اخذت نفس عميق ورديت عليها : اولاا اسم امي لاتطنقينه على فمك ثانيا سوي الي تبيه وخليني انام ابي ارتاح
وسكرت في وجهها ابتسمت اني قهرتها قطيعه اعوذ بالله منهم
انسدحت على السرير وجلست افكر في جوري وشنو تسوي الحين هل ياترى هي مرتاحه او ان ابوها متزوج وحده ماتخاف الله مثل فاطمه وعلى وسط افكاري نمت
صحيت على دق الباب بقوه وول شكله ابوي قمت وانا مخترعه وفتحت الباب مامداني افتحه الا حسيت ان بطني تقطع من الرفسه الي اخذتها من ابووي حتى حسيت اني انكتمت ماقدرت اتنفس لمده كم دقيقه
جا ابوي معصب عندي وشد شعري بقوه : كم مره قلت لك لاتعاندين عمتك ولا اختك هااااااه
كنت في حاله مايسمح فيها اني اتكلم صراحه حسيت اني بموت والله بعدها ماعاد حسيت بنفسي وحسيت بالخمول وسكرت عيوني ونمت
القصه روووووعه مرررررره كمليها الله يخليكِ
القصه حلوووه وااايد
ابوها يقههههههههههههر اففففففف على كل شي يضرب وفاطمه ذي بعد تقههر
هههه متحمسه حدي
انتظر التكمله
تقبلي مروري
ودي لك
|
المشاركة الأساسية كتبها يلي عنده غرام وش يبي اكتر
 بليييييز كاملي القصة روعههه ابوها يقهر كانووو خروفه وران مسكينها الله يعينها كيف مستحملها ما اهر بانتظر ك يا قمر
ودي لك |
فديتك ابشري ولا يهمك يا قلبي راح اكملها لكم باسرع وقت ويارب البارت الجديد يعجبكم يارب
ثاني شي بنتظر وبشوف انشالله تطلع نهايه حلوه لا اذبح ابوها وفاطمه ذي <براا
المهم انتظرج لا تطولين
جبت لكم البارت الجديد ياااااااليت اشوف تعليقات وردوووووود
اتمنى لكم قرائه ممتعه
فتحت عيوني شفت نفسي اني مو في غرفتي غريبه وين انا وش صاير انتبهت ان في مغذيه في يدي عرفت اني في المستشفى حاولت اتحرك لكني ماقدرت كنت احس ان جسمي ثقيل حيل كانت في ممرضه تقيس ضغطي لما انتبهت لي اني تحركت ابتسمت لي
الممرضه : كيفك مدام
وخرت الاكسجين الي كان في فمي رديت عليها بخير بس دوخه
الممرضه : اي هذا عشان مافي اكسجين
شوي الا شفتها طلعت من الغرفه وبعد كم دقيقه جت دكتوره عشان تفصحني وتكشف علي
سالتها: من جابني؟
الدكتوره ابتسمت : انا الدكتوره ايمان انا المسووله عن حالتك خلي الحين نكشف عليك بعدها ااسالي الي تبينه
لاحظت ان في مممرضه ثانيه جت بعد عشان تساعدها لكن خلال كشفي قامت الدكتوره تسالني
الدكتوره : ممكن اعرف كيف وصلتي للحاله انتي كنتي فيها ؟
فكرت قبل ماااتكلم خفت انه يسوون لي مشاكل مع ابوي فاطمه
ابتسمت لها وقلت لها :طحت على الدرج
الدكتوره بنظرات شك : متاكده انه ماصار شئ غير كذا ؟
ارتبكت منها وقلت لها بصوت منخفض :لا
الدكتوره بهدوء : اها واابتسمت اهم شئ انتي بخير
ابتسمت لها لكن ماعلقت على كلامها
تابعت الدكتوره فحوصات وقالت انتظر ع السرير حتى تجي الممرضه مع العلاج حتى ارجع البيت لكن الي مستغربه منه لحد الحين منو الي جابني هنا
الدكتوره : عموما اختي الحمدلله الفحوصات تمام بس كان فيك سوء تغذيه ونقص في الدم فقط لاغير
حمدت ربي في سري انه مااكتشفو اي شئ ثاني ولا شافو ظهري واثار الجلد الي فيه
ابتسمت لها وقلت لها مشكوره ماقصرتي
الدكتوره بهدوء : اختي روان انا راح اتكلم في شي مايخصني واعذريني لهذا الشئ لكن اذا كان هناك اي عنف منزلي من ابوك او امك او اي احد ساكن معكم في البيت ياليت انك تكلمين الاستشاريين هنافي المستشفى او يتم تبليغ الشرطه بالموضوع حتى المشكله ماتتفاقم اكثر
انصدمت من كلامها وفتحت عيوني على كبرها
لاحظت الدكتوره ملامحي وابتسمت : هذه هي بطاقتي ورقمي ي المستشفى متى ماحبيتي تتصلين اتصلي وانا اكون في الخدمه
جاوبتها بصوت منخفض :مشكوره ماقصرتي
الدكتوره : العفو ولو واجبنا ماتشوفين شر يلا تامريني على شئ؟
هزيت براسي وقلت لها : ابي سلامتك بس
طلعت الدكتوره من غرفتي وانسدحت ع السرير على بال مايخلصون اوراقي وعلاجي حسيت بالوحده القاتله وانا جالسه بروحي كان مالي احد في الدنيا لا ام ولا اب الله كريم
شفت الوقت لقيتها 12 الليل ول من متى انا هنا مستحيل ابوي يجيني في هذا الوقت فقلت اني اخذ تاكسي ابرك لي من مذله ابوي وجلست احسبها انا هنا من يوم تهاوشت مع فاطمه بعدها جا ابوي يعني تقريبا الساعه 1 او 2 اول ماجيت من دوامي اوف بس حسبي الله ونعم الوكيل
كنت ابي ادور على غطوتي لكن شكلهم ماعطوني الا الطرحه بس تغطيت فيها اصلاا زين انهم لبسوني عباه وهم جايبيني هنا صرت اخاف على نفسي منهم والله بس وش نقول
بعد حوالي نص الساعه جت الممرضه ومعها العلاج والاوراق وانا طلعت عشان ادور لي تاكسي يرجعني البيت مع اني ماودي ارجع فيه بس وش نسوي مالي مكان ارجع فيه طلعت عند البوابه وكانت الدنيا حيل هاديه والمستشفى تقريبا فاضي مافيه الا كم سياره وبس
وقفت قريب من الرصيف عشان اي سياره فاضيه تشوفني لاحظت ان في سياره جمس مضلله كل شوي تدور في الشارع الي انا واقفه فيه حسيت بالخوف منها والله تعوذت من ابليس وقلت الله يعدي هالليله على خير يارب
قربت من عند عامود الكهرباء كنت ابي احس بالامان شوي ع الاقل انصدمت لما شفت السياره جايه عندي ووقفت قدامي انا جلست اطالع منصدمه وش ناوين عليه كنت ادور حولي على سكيوريتي ولا شئ لكن لسوء حظي ماشفت احد حوالينا كنت ببكي من الخوف
وقفت السياره قدامي ووانفتحت شبابيكها كلها الي قدام والي ورا وكان فيها شباب وكانو يتكلمون بصوت عالي
سمعت السواق يقول : اقول شباب وش رايكم نستهبل عليها هههههههههههههههههه
الي جنبه يقول : هييييييييييي يا حلوووووووووووووو عطينا وجه فديت زولك انا
حسيت انه بيغمى علي حتى اني ماقدرت اسند عمري عدل فاضطريت امسك العامود حتى اقدر اوقف على حيلي
السواق : ياااااااليتني العمود وتمسكيني كذا يالبى بس
الشباب : هههههههههههههههههههههه
سمعت واحد يقول منهم : اقول خلينا نمشي احس البنت مسكينه
والله على كلمته هذه حسيت اني كان ودي ابوس يده وراسه
السواق : يا رجال لو مسكينه ماجلست في الشارع بروحها في اليل
الشاب : اقول تعوذ من ابليس وخلينا نررررجع ترا ميت جوع
وسكرو الشبابيك وراحو وسط ذهول مني ان ربي رحمني وماسوو لي شئ الحمدلله يااااارب ربي ستر علي بعد ماعمري راح انسى هذه اليله ماصدقت اني لقيت تاكسي وعلى طول رحت اركض له
قلت له : تعرف حي ال *******
السواق وهو يهز راسه : اي هذا معلوم
مانتظرت اصلاا رده على طول ركبت السياره وماسالت بكم راح توديني قلت في نفسي لو يطلب مليون راح اعطيه اياه اهم شئ ارجع البيت بالسلامه
حطيت راسي على شباك السياره وجلست اطالع الشوارع معظمها فاضيه وهذا الشئ الي خلاني اوصل البيت تقريبا بعد حوالي ربع ساعه
اول ماوصلت البيت قلت للسواق انتظر بس اجيب لك فلوس
السواق : حاضر ماما بس مافي تاخير
قلت له: طيب ونزلت ركض عشان اعطيه فلوسه وارتاح من هم هذه اليله
دقيت الباب كذا مره لكن محد رد عرفت انهم نايمين ورحت عند الجرس قمت ادقه عل وعسى ابوي يفتح الباب لي
سمعت السواق يدق هرن السياره يعني استعجلي خلصينا ارتكبت من الموقف وماعرفت وش اسوي رحت عند بيت جارتنا ام محمد ودقيت الباب عليها
بعد دقائق الا شفت عمي ابو محمد يفتح الباب : قلت له بسرعه السلام عليكم عمي
ابو محمد مستغرب: منو انتي؟
قلت له انا روان بنت منصور جاركم
ابو محمد : اها هلا بنتي حيااك لحظه بس انادي ام محمد
دخلني الصاله وجلست انتظر ام محمد حتى تجي
ام محمد وهي خايفه : هلا يابنتي شفيك جايه في هذا الوقت صاير لكم شئ؟
نقزت عليها على طول وقلت لها : خالتي ممكن تعطيني فلوس التاكسي ترا واقف برا
ام محمد باستغراب اكثر : ولا يهمك يابنتي كم يبي السايق؟
رديت عليها بسرعه : 20 ريال
ام محمد : ابشري ولا يهمك شفتها تقوم وتروح برا الصاله اكيد انها رايحه تقول لزوجها
بعد كم دقيقه رجعت ومعها القهوه والشاي
ام محمد وهي تجلس : الله يحييك يابنتي زارتنا البركه والله
كنت حيل منحرجه منها لانه من جد الي يشوف موقفي ياخذ عني فكره غلط : الله يبقيك خالتي
ام محمد: وش صار لك يابنتي وين كنتي في هذا الوقت؟
كذبت عليها : كنت في المستشفى تعبانه شوي وتوهم طلعوني وماحبيت ازعج اهلي
ام محمد بشك : اها طيب يابنتي اهم شئ وانتي كيف صرتي عساك بخير
ابتسمت لها ابتسامه بارده : اي الحمدلله بخير
استاذنت منها وقلت اني بستعمل التلفون حق البيت عشان اهلي يفتحون لي الباب
اتصلت وبعد ربع ساعه رد ابوي
قلت له : السلام عليكم
ابوي : وعليكم السلام روان؟
جاوبته : ايوه روان ابوي افتح لي الباب انا في بيت خالتي ام محمد الحين
ابوي وهو معصب : وش تسوين عندهم في انصاص الليالي ماتعرفين الساعه كم الحين
انحرجت من كلامه لانه اكيد ام محمد سمعت صراخه والدليل انها استاذنت وطلعت من الصاله
قلت له : انا طلعت من المستشفى ورجعت البيت ودقيت الباب لكن محد فتح الي
ابوي بتذمر : الله يلعنك من بنت فضحتينا عند الجيران ياليتك مارجعتي بس وسكر السماعه
انصدمت من كلامه يعني ماهمه الا كلام الجيران ليش ماكان يهمه الكلام لما تركني في المستشفى بروحي وجايه للبيت بتاكسي
شفت ام محمد رجعت مره ثانيه وقالت لي : بنتي شفيك تبكين في شئ يوجعك
استغربت منو الي يبكي ماحسيت بنفسي الا يوم شفت دموعي تطيح على يدي
ام محمد بشفقه : والله يابنتي مدري وش اقولك لكن الله يفرج همك يارب
مسحت دموعي وابتسمت لها وقلت امين يارب
شوي الا سمعنا صوت باب بو محمد يندق بسرعه انا هنا طاح قلبي خفت ان ابوي يكسرني بعد في بيت بو محمد مو ناقصين فضايح بعد
من غير شعور مسكت يد ام محمد الي استغربت الي من حركتي
سمعت صوت ابوي وهو يتكلم مع بو محمد بعد شوي نادى خالتي
ابتسمت خالتي تطمني وتركت يدي بهدوء وراحت تشوف شنو يبي منها كانو يتكلمون لكني ماسمعت كلامهم حسيت اني ميته من الخوف مع اني ماسويت شئ غلط بعد دقائق رجعت خالتي وقالت لي ان ابوي جا وبياخذني معه
تغطيت وصلحت عباتي وطلعت برا شفت ابوي مع عمي بو محمد لما شافني ماقدر يمسك نفسه ومسك ذراعي بقوه قدام الله وخلقه
بو محمد : يا منصور شوي شوي ع البنت
ابوي يجامله : لا ماعليك يا الغالي
همس في اذني انتظري حتى نوصل البيت بس وجلس يسحبني معه حتى وصلنا البيت
جلست اطالعه هذا الحين شنو يبي مني مايكفي انه هو سبب هذا كله ولا يبي يعاقبني بعد ياربي بس
حسيت ان قلبي زادت نبضاته من الخوف لما وصلنا البيت دفني عند الباب ماكان فيني حيل اصلب عمري وطحت من طولي عند رجوله
ابوي وهو معصب : الحين وش موديك عند الجيران ابي اعرف
رديت عليه : طلعت من المستشفى محد عندي وماعندي فلوس ووقفت سياره والهندي قال بيوصلني والدكتوره سالتني وش صار معك لكني قلت اني طحت
جلست ابكي حتى اني جلست اخربط بالكلام ماكنت ابي ابوي يضربني تعبت من الضرب
ابوي غير لهجته حسيت اني كسرت خاطره : يلا روحي غرفتك مابي اشوف رقعه وجهك
قمت بسرعه كنت ابي اوصل غرفتي واتخبى فيها عن العالم حسيت اني تعبانه حيل واني انام خاصه بعد اليوم الطويل هذا اطول يوم في حياتي
وصلت باب غرفتي سمعت صوت فاتن من وراي :
فاتن وهي تبتسم : الحمدلله ع السلامه ماشاء الله مثل القطوه بسبع ارواح
حقدت عليها كرهتها من كل قلبي لكن ماكان لي خلق حتى ارد عليها دخلت غرفتي وسكرت الباب بقوه بالمفتاح حسيت اني مابي اشوف احد انسدحت على سريري وحطيت مخدتي على مخدتي وجلست ابكي هذه المخده تقطعت من كثر مااشدها واحضنها من القهر الي فيني وعلى وسط تعبي ودموعي غفيت
اليوم الثاني صحيت وانا جسمي مكسر ماكنت اقدر اتحرك حتى فقلت باخذ كم يوم اجازه على ع الاقل يمكن اصير احسن شوي
نزلت في المطبخ اسوي لي قهوه شفت فاتن تشرب قهوتها في المطبخ وشكلها كانت بتروح المدرسه اخذت الكوب وحطيت فيه القهوه وحطيت عليها المويه الحاره
فاتن وهي تتمصخر : اشوفك شكلك مو ناويه تروحين الدوام اليوم
قلت بصوت واضح اووووووووووف اسكتي عني مالي خلقك
فاتن : هههههههههه شكلك انتي ماتتوبين نفسك نفس الحمار تمشين بالضرب
والله لولا الخوف من ربي كان رميت عليها كوب القهوه بس هذا الشئ راح يسوي لي مشكله اكبر حاولت اضبط اعصابي ورديت عليها بهدوء : لا حبيبتي الحمار عارف نفسه
بققت عيونها علي وسعها ابتسمت ابتسامه بارده واخذت كوبي ورجعت غرفتي
جلست ع جهازي وجلست اشوف اليوتيوب وتعمدت اني احط مقاطع تضحك عشان اتونس عليها انتظرت ع الساعه 9 عشان اتصل على دوامي واقولهم اني اخذت اليوم اجازه لكن بكره لازم اروح عشان تحضير لحفل الامهات
خلصت اتصالي وانسدحت ع سريري وسكرت الباب بالمفتاح ماكان لي خلق اليوم اي احد يعكر مزاجي ولو يكون منو
ع الظهر سمعت دقات الباب وصوت فاطمه تصحيني عشان اصلح الغدا لهم يطيرون ماراح اليوم اخدم احد مافيني حيل اصلاا اتحرك خير شر
قمت وصليت الظهر وجلست على التسريحه ابتسمت كان شعري حيل طويل واسود كنت دايم اتمنى انه يكون احمر او اشقر كنت اكره الاسود مدري ليش
نزلت المشط ومسكت صوره امي كانت بيضا وعيوونها عسليه فاتح وشعرها قريب للاحمر كنت ابي يصير شعري مثلها فكرت اني اجرب اني اصبغه بس بعدين مو الحين جلست امسح الصوره باصابعي نزلت دمعه من عيني وحطيت صورتها على صدري وجلست ابكي بصمت حبيبتي يا يما والله اني فقدتك وانا ماعرفك كيف لو عرفتك وعشت معك ياجعل يومي قبل يومك بست صورتها ورجعتها برقه ع التسريحه
الحين صاير عمري 26 ماعرف لا حنان ام ولا أمان الاب حسيت اني محرومه من اغلى اثنين في الدنيا يلا الله يجعمعني فيها في الجنه
انسدحت على سريري ورجعت انام وقررت في نفسي اني اقضى هذا اليوم كله نوم عشان استعد للدوام
اليوم الثاني صحيت نشيطه قرات قران شوي عسى ان الله يفرج همي ودخلت المطبخ اشرب لي قهوه ولا عصير دخلت المطبخ ماشفت فاتن قلت احسن نومه اهل الكهف بعد من زينها انتظرها جلست اشرب كوبي في هدوء حتى سمعت صوت فاطمه
فاطمه باستهزاء : اشوفك اليوم قايمه اعوذ باالله ابوك يقول انك تعبانه وما نزعجك واليوم اشوفك مثل الجنيه قدامي
شربت رشفه من كوبي ورديت عليها بهدوء : جنيه الي تاخذك قولي امين
فاطمه تفتح عيونها : بسم الله علي قولي الي تاخذك انتي
طالعت فيها بطرف عيني : لو انها بتاخذني بعيد عنك انتي وبنتك اجل امين يارب
حسيت ان فاطمه انقهرت من اسلوبي فقالت : مالت عليك من بنت
ضحكت داخل نفسي على حركاتها شفتها تطلع برا المطبخ ابركها من ساعه بعد
رجعت غرفتي ولبست ملابسي عشان الدوام
ركبت السياره ماشفت رانيا في مكانها شكلها ماراح تجي اليوم بعد دقائق جت فاتن وركبت ورحنا المدرسه
ومثل عادتي رحت مكتب المعلمات وفصخت عباتي ورتبت نفسي عشان استعد اعطي حصتي
شوي الا سمعت صوت من ورااااي : بوووووووووووو
طالعت ورا وانا مخترعه : رااااااانياااااا
رانيا : هههههههههههه بسم الله عليك شفيك
عصبت عليها: كم مره اقولك لاتسوين كذا ترا تطيحين قلبي
رانيا بابتسامه : بسم الله على قلبك وسالتني شفيك ماجيتي امس؟
رديت عليها وانا ارتب نفسي : ولا شئ ماكان لي خلق اجي
رانيا بمكر: مااكان لك خلق ولا الحيزبون الي عندك مسويه لك شئ؟
ابتسمت : عاد حيزبونه ؟
رانيا : اي والله
ضحكت عليها : ههههههههههههه وقلت لها ماتوقعت انك تجين اليوم
رانيا : لا والله زوجي اليوم عنده اجازه وقال انا بوديك قلت يلا زين بعد
رديت عليها : اها حلو والله يلا استاذنك بروح عند فصلي الحين
رانيا : لاتنسين اوراق التقييم معك
شهقت : والله كنت بنساها الله يذكرك بالشهاده
رانيا مبتسمه : اللهم امين يلا طيري عاد
دخلت فصلي وشفت البنات مثل ماهم شيطانيات طالعت جوري لقيتها تكتب شئ على ورقه رحت عندها
سالتها: وش تسوين؟
شكلها اخترعت مني لانها خبت الورقه في درج الطاوله بسرعه وقالت لي: ولا شئ
ابتسمت لها ومسحت راسها :وش كنتي ترسمين
طلعت الورقه من درجها وورتها لي : لقيتها صوره بنت مع ابوها وامها ومكتوب فيها احبك كان الرسم مره طفولي حتى اني كنت بضحك بس خفت على مشاعرها
قلت لها من هذولا؟
جوري وهي مستحيه : هذه ماما وبابا وانا
رجعت الورقه لها وابتسمت ورحت قدام عشان امسح الي ع الصبوره كانت الصبوره مليانه شخابيط والوان شكل كان عندهم حصه رسم
على نهايه الحصه ناديت كل بنت باسمها عشان اعطيها تقييمها الشهري
اخر شئ قمت ورتبت اغراضي عشان استعد للطلوع من الفصل واروح الفصل الي جنبه ولما سمعت صوت الجرس ودعتهم ورحت
مر اليوم هذا بصوره عاديه واهم شئ ان فاطمه ماسوت لي مشاكل قلت احسن بعد فكه منها
كان اليوم اجازه الويكند وكان نفسي انزل السوق يارب ابوي يوافق
شفته بروحه في الصاله قلت يلا فرصتي هذه بما ان محد عنده
دقيت الباب ودخلت شفته يقرا جرايد لما انتبه لي نزل نظارته وقال : شفيك تبين شئ؟
قلت له بتردد وحذر: يبا ابي اروح السوق تقدر توديني؟
ابوي : وش تبين تشترين منه ؟
قلت له: ابي اشتري تنانير ومكياج خلصو الي عندي والتنانير يبيلي جديده
ابوي وهو يرفع الجريده مره ثانيه :طيب خلي عمتك واختك يجون من عند جارتهم ويروحون معك
استانست على كلامه قلت له: مشكور ورحت غرفتي ركض عشان اتجهز ياررب انهم مايخربون علي
كان الوقت قريب المغرب فرحت عشان اتوضا ووانتظر الحيزبون فاطمه وفاتن ماخاب ظني لاني بعد دقائق سمعت باب غرفتي يندق
فتحت الباب ولقيتها فاتن : ابوي راح يودينا السوق
قلت لها ببرود : اي ادري انا قلت له
فاتن:مالت عليك وماكنتي تبين تقولين ؟
قلت لها عشان اخليها تعصب : لا مايشرفني اروح معكم اصلاا
فاتن : مالت عليك انزين الشرهه علي الي ابي اقولك كش عليك
سكرت الباب على وجهها ابتسمت المشكله ياكثر مانتهاوش واخر شئ نتكلم مع بعض عادي ومانتوب يلا هذه هي مهمه الاخوات انه نتهاوش مع بعض
لبست عبايتي ونزلت تحت بعد الصلاه وشفت فاتن وامها ينتظرون بعد
فاطمه وهي تخزني : وع وش موديك انتي معنا السوق بعد
رديت عليها: ليش حلال عليكم وحرام علي ولا كيف؟
فاطمه : لا بس الي مثلك حدها تكون شغاله في البيوت مو انها تروح وتتسسوق بعد
كنت برد عليها لكن مامداني لانه سمعنا صوت باب البيت ينفتح وعرفنا انه ابوي عشان كذا سكتنا كلنا
ابوي سالنا : وين تبون اي سوق؟
فاتن ردت بسرعه : يبا ابي الرياض جاليري سمعت انه حيل حلو
ابوي :وين هذا بعد ؟
فاطمه : هذا قريب من العليا على نفس الطريق تقريبا اظن
بعد حوسه وسوال الناس وصلنا للسوق كان مره كبير وشكله فخم وانا اصلاا ماكنت ابي اشتري الا مكياج واكسسوارات وكم تنوره وبس
ابوي : اانا بنتظركم في السياره ترا لكم ساعتين ولا 3 ساعات بعدها طلعو
فاطمه باحتجاج : منصور عاد وش عاد مايكفي والله
فاتن : من جدها امي والله ماراح تكفي اصلاا نشوف كم محل
ابوي : لاحول الله طيب انا بروح ومتى ماخلصتم اتصلو علي فاهمين
فاتن: هييي اخيرا وباست خد ابوي وراحت تلحق امها
كنت بروح وراهم لكن ابوي ناداني
ابوي وهو يطلع المحفظه من جيبه : روان خذي هذه انا عطيت اختك من قبلك وظلم اعطيها وما اعطيك انتي بعد
ابتسمت له سبحان الله طيبته ترجع اذا بعدت عنه الشيطانه هذه رديت عليه : ابي سلامتك يلا انا بروح بيروحون ويخلوني
ابوي مبتسم :الله يحفظك
دخلنا المحل شفنا زحمه ناس كثيرو شباب وحوسه
سالت فاتن: انتي وش ناقصك؟
فاتن وهي تفكر:بشتري مثلك ابتسمت من زمان فاتن احس انها عديمه شخصيه وانها بس تتبعني او تحاول انها تقلدني
قلت لها: تعالي نشتري مكياج اول
قالت: اوكي
دخلنا محل ماك وماكس فاكتور واشترينا اغراض كثيره بعدها رحنا نشتري كم قطعه ملابس شفت محل صغير لزينه الجوالاات اعجبتني الاغراض الي فيه
شفت زينه جوال عليه شكل دبدوب ابتسمت وتذكرت رانيا تحب الاشكال هذه اخذت واحد لي وواحد لها
سالتني فاتن : لمنو هذه؟
قلت لها: لي ولرانيا؟
فاتن : وانا؟
ابتسمت لكلمتها : تبين ؟
فاتن : ايوه عشان نطقم مع بعض
اخذت من الشكل ثلاث وحده لي وفاتن و رانيا وفرفرنا حتى حسينا ان رجولنا تكسرت اخر شئ مرينا على محل كوفي شوب عشان نجلس فيه وفشتنا بما ان كان المحل نسائي وعازل
فاتن : يما وش تبين ؟
فاطمه : عادي اي شئ يثلج القلب ميته حر وتعب
سالتني فاتن : وانتي روان وش تبين ؟
اخذت المنيوو طلبت عصير موكا بارد
واحنا ننتظر سمعت صوت بنت تقول لي : ابله روان
التفت ولقيتها جوري ابتسمت لها هلا: حبيبتي وقمت عشان ابوس خدها
سالتها :وش تسوين هنا؟
جوري بخجل : جيت مع عمه عنود
ابتسمت لها وقلت: وين عمه عنود؟
جوري وهي تاشر للطاوله بعيده شوي عن طاولتنا : هناك
قلت لفاتن :بروح اسلم ع الحرمه واجي
شفتهم ماردو علي لا هي ولا امها قلت براحتكم مسكت يد جوري عشان توريني مكان عمتها
ابتسمت: وقلت السلام عليكم
عنود وهي توقف تبي تسلم علي: وعليكم السلام ورحمه الله
عنود مبتسمه : جوري شافتك وجلست امسكها تقول تبي تسلم عليك
رديت لها الابتسامه : كان خليتها تسلم عادي والله مافيها شئ
عنود : والله شفتك جالسه مع اهلك قلت اكيد انها مشغوله وماجبيت ازعجك
قلت لها :لا بالعكس عادي والله
عنود : استاذه روان ترا جوري تتكلم عنك كثير
طالعت لجوري شفتها تشرب عصيرها مستحيه مني
ابتسمت لشكلها ورديت على عنود : جوري مره هاديه في الفصل وبصراحه يبيلها تشد حيلها اكثر من كذا
عنود وهي تطالع جوري وتبتسم : زين كذا فشلتينا
جوري بحماس : ماحب اشارك في كثير بنات استحي
ابتسمت على كلامها: سالتها كم عمرك
عنود : عمري 29سنه وانتي؟
رديت عليها انا 26 سنه
عنود مبتسمه : العمر كله يارب
رديت لها الابتسامه: تسلمين وتكلمت بجديه ممكن اسالك شئ اخت عنود ؟
عنود: تفضلي
فكرت ترددت اسالها ولا لا عن حياه جوري لكن الفضول كان بيذبحني واصلاا كنت بسال المشرفه عنها زين جت عمتها في الصوره عشان اخذ منها التفاصيل
اخر شئ سالتها : شنو سالفه ام جوري؟
حسيت ان عنود متفاجاه مع سوالي لكن مع كذا جاوبت علي وقالت بحزن : ام جوري توفت بعد ولاده جوري بكم شهر بسبب السرطان
بققت عيوني على وسعها وكنت منصته بكل احاسيسي مع السالفه وانتظر عنود تكمل
عنود وهي تمسح على راس جوري وتبتسم لها بحنان بعدها كملت السالفه : شخصو في السرطان من يوم حملها بجوري لكنها رفضت انها تاخذ ادويتها الكيماويه عشان صحه جوري
هزيت راسي بايوه : بعد ولاده جوري بكم شهر ماقدر جسمها يستحمل المرض لانه كان منتشر في كل جسمها لكنها سبحان الله ولدت بنتها بمعجزه حتى شكينا ان جوري ممكن تاثرت بالمرض لكن الفحوصات تقول ان جوري معجزه كبيره وولدت وهي بكامل صحتها
جوري وهي تشرب العصير وتاكل كيك : عمه عنود ماما في الجنه صح
عنود تمسح فمها بالمنديل : ايوه صح
جوري بخوف: عمه عنود ابله روان تبكي
طالعت لي بسرعه عنود وانصدمت: سالتني انتي بخير ؟
ماكنت اقدر ارد عليها حسيت العبره خنقتني ودموعي طاحت من عيوني ماعمري فكرت ان في ام تسوي مثل ام جوري ضحت بنفسها عشان تنقذ بنتها
عنود تبتسم بحزن : ابله روان ترا ماقلت السالفه عشان تحزنين او تتضايقين سامحيني
مسحت دموعي قلت لها :لا عادي بس تذكرت شئ عشان كذا تضايقت
دق جوال عنود شفتها ترد : الووو
:هههههههههههه هلا اخوي
:لا خلاص خلصنا اغراضنا احنا ننتظرك وين واقف انت
:بوابه 3 ترا اقرب؟
:اوكي خلاص اجل بس تخلص بنتك عصيرها ونطلع تعرفها بعد حياتها وموتها العصير هذا
:ههههههه يلا بس دقائق ونطلع
:باي
عنود تبتسم :جوري بسرعه خلصي يالدبه ترا بابا برا
جوري تصارخ بفرح : بابا جااااااااااا
شفت عنود تقوم عشان تلبس غطوتها وتصلح عبايتها كانت عيونها واسعه وكحيله ماعمري شفت عيون مثل كذا جلست اطالع عيونها مبققه خفت اني اصكها عين فقلت ماشاء الله عليها
عنود : يلا ابله روان تشرفت في معرفتك وان شاء الله نتقابل في حفل الامهات
قمت وصافحت يدها : باذن الله انتبهي لنفسك هذا رقمي ان احتجتي لاي شئ اتصلي علي او حبيتي تسالي عن جوري
عنود مبتسمه : جزااك الله خير وفرصه سعيده وسجلنا ارقام بعض
رديت عليها: انا الي اسعد والله
جوري : مع السلامه ابله روان
نزلت على طول جوري وبست خدها : يلا انتبهي لنفسك
جوري: طيب
رجعت لطاولتي شفت ان فاتن وفاطمه خلصو اكلهم
فاطمه : بدري كان رحتي معهم البيت بعد وش رايك؟
فاتن : شفيك كنتي تبكين ؟
رديت عليها :ولا شئ
شرب الموكا حقي في هدوء وانتظرنا تقريبا نص ساعه وجا بعدها ابوي ورجعنا البيت شفت ابوي يوقف عند مطعم عشان يطلب لنا اكل قلت يلا احسن بعد مالي خلق اطبخ
وصلنا البيت ورتبت اغراضي وانسدحت ع سريري ع طول ماكان لي خلق حتى اني اكل شئ