السلام عليكم ورحمة الله وبركاته
الشاعر الرائع / خالد بن مطلق الردادي الحربي أمبراطور الشعر او النهر الخالد شاعر له أسلوبه الساحر في سبك قصائده بماء الذهب مظلوم أعلامياً تناقل الناس قصائده الرائعه عرفه الناس من خلال شعره المميز والرائع ولم يشاهدوه من خلال الاعلام فقط لانه لم يتنمق قط 0 سُرقت العديد من قصائده في المنتديات 0 لا أحب أن أطيل
وأترككم مع بعض قصائد النهر الخالد
(وضــــــح القصائد)
وضح القصايد.! لامتى وانتن رقاد..؟
شاب السكوت .. وخّوة الصمت صلفه
لعـلّ مايقـدح علـى كفّـي زنــاد
لاسقيتكـن بعـد الضمـا ذلّ وطفـه
لاوالله الا توّ مابانت ( سعـاد ) . !!
وتو الهوى مـاوّرد (زهيـر) حتفـه
قالت من انت..؟ وقلت يابنت الاجواد
انا القويّ اللـي قتـل فيـك ضعفـه
وانا السهير اللـي تعـداك .. نشّـاد
يطرد نهار ويلهـث الصبـح خلفـه
نجمه يغيب وضيعتـه فيـك تـزداد
ولااشعل سراجه يصرخ الليل.! طفّـه
سجين هـم ولابـس.. ثيـاب جـلاد
نصفه ذبيح .. وذابح الموت نصفـه
تلميذ مهمل يشرح الدرس ل استاد ..
بليد . ! واذكى مـن تلاميـذ صفـه
وانا الموقع جرحي ادناه .. من غـاد
الشاعر اللي طّـوع الشعـر حرفـه
اصعب حروفي لاركب راسـه عنـاد
يلّـذ لـي لاعسعـس الليـل عسفـه
اعزف لموتـه اغنية..عيـد ميـلاد
واسمع صدى صوت النغم قبل عزفه
بالصدر طفل يسحـب خطـاه بركـاد
وبالعجز ريح يرعب الكـون عصفـه
لي صدفة احلى مـن الفيـن ميعـاد
ولي موعد احلى من الفيـن صدفـه
وبالناس لي انصاف واقران واضداد
وكـل يفسرنـي علـى قـد عرفـه
وبي جرح ماله غير نزفه له ضمـاد
وشلون اطيب..؟؟ ولابعد كّف نزفـه
واللي بعث هود ل(ارم ذات الاعمـاد
انا بزمن يشبه زمـن عـاد وصفـه
أصدق من الدمعه على خّد.. بغـداد
واكذب من اللي شافها وغض طرفـه
غربه. وهم. حيره. ألم. هم. واجهاد
طالـت وضاقـت نسـأل الله لطفـه
ويابنت انا.. طارق مثل طارق زيـاد
لولا الذي قضبّنـي الجمـر كفّـه.!!
والله يلولا. خاطـر عيـون الاوغـاد
ل اقطف لك اللـي ماتمنيـت قطفـه
(سيداتي)
سيداتي .. انساتـي … سادتـي
الاحبـاء . الاعـزاء . الكـرام
من يفسر لي خيوط وسادتي .!!!
ومن يغمض لي عيوني لين انام
بشروا صـدر السمـا بقلادتـي
وبلغـوا عنـي لخلانـي سـلام
سيدي مـن يعتـرف بسيادتـي
ينحني لي وانحني لـه باحتـرام
عادته يدمـح خطـاي وعادتـي
لاذكرته .. فاحت اسراب الحمام
وامي قالت لـي بيـوم ولادتـي
لاتموت وباقي بصدرك كلام ..!
غادتي . ! ياغادتي . . ياغادتي
والله ان اللي .. تسوينه حـرام
صبي لسكر حـلاك .. زيادتـي
ياحلو طعم الرضا بعد الخصـام
(دكاان عدنان اليمااني)
يـوم كنـت( صغيّّّـر) يقولـون جنّـي
ماخبر واحـد علـى امـي مااشتكانـي
:: كنت مـوذي والـوذا مخلـوق منـي
كنـت اشقـا طفـل مولـود بزمـانـي
:: اتشخّـص ب(الطقـيّـه) ياعنّـنّـي
صرت اغازل واعرف اسلوب الغوانـي
:: كل بنـات الحـارة كانـن يعشقنـي
ابتسام..وهنـد… واحلام….وتهـانـي
:: من قبل لااقول .. طيـري.! يلحقنـي
ويحبشنّـي مـن قبـل لااصـل مكانـي
:: كنت بـ(الحاره) من الطيش احسبني
سندبـاد اللـي عـرف سّـر الموانـي
:: كنت أوسوس بالشعر من صغر سني
والمس جروحي علـى شانـه واعانـي
:: لين في مّره .. وانا ماشـي واغنـي
رايح لدكّـان .. (عدنـان اليمانـي ) ..
:: مّّرني خنجـر غـلا عشـق وطعنـي
جايني من وين ؟ مدري بس .. جانـي
:: وش تبون بقصتي .. ؟؟ يخرب مطني
مـا ضحـك غيـري علـيّ ولا بكانـي
:: اسمعوا بوح الحنيـن اللـي سكنـي
واعذرونـي لا خـذل حرفـي لسانـي
:: لا تعّـدون السهـام اللـي رمـنـي
وتسئلوني ويش كثـر عـوج المحانـي
::احسبونـي طفـل محـتـاج لتبـنـي
عن حسدهـم حافـظ السبـع المثانـي
:: وازرعونـي بالعيـون اللـي جفنـي
واقطفوني مـن علـى خضـر المعانـي
::اطعنوا صدر اليقيـن بسيـف ضنـي
واشربونـي دمّ لـو جرحـه نسـانـي
:: و اسمحوا لي بين( قوسين ) التجني
آخـذ المجنـي عليـه بذنـب جانـي.
:: أه منه . واه منكـم. واآ آ آ ه منـي
من نبش فيكم ورى الصمت وحكانـي.؟
:: ايه امـوت بدونـه .. وأحيـا كأنـي
عايش بدوني . ! غياب انسان ثانـي .
:: والله انّـه بالوهـم يـوم يحضـنـي
طيفه يصّدق . !! وانا اذوووب بحنانـي
:: أكذب الصدفه واصدقهـا !.. واهنـي
واجرح الساعه . لاجل خاطر ثواني ..!!
:: اسألـوا بنهايـة المـشـوار فـنـي
من وشم جرحي على صدور الاغاني.؟؟
:: وعلموني ويش يقول الشعـر عنـي
هو أخذ مـن حسرتـي.؟ والا عطانـي
:: بلّغـوه انـي تعبـت مـن التمـنـي
ولا لقيت اريـح مـن احـلام الا مانـي
:: وصدقوني موغـرور ان قلـت انـي
ماخلـق ربـي قصـيـد الاعشـانـي.
:: وسامحونـي بـس هالمّـره لانــي
طحت من عقلـي علـى قمـة جنانـي
(قال احبك)
قــــــــال : احــــبــــك ..
قـــلــــت : احـــبــــك .. !
قــال : احـبــك كـثــر حـبــك .
قـلـت : انــا اكـثـر مـنـه احـبـك
قـال : انـا اصــدق مــن يحـبـك .!
قلـت : انـا الصـدق الـلـي حـبـك !!
قــال : انــا بعطـيـك روحـــي ..
قلـت : انـا ابغـى مـنـك روحــي .!!
قال : والله ماتمنى تمـر لحظـه مااشوفـك
قلت : انا والله اتمنى تمر لحظه مااشوفك !!!
قـال : اجـل .. مـن ويـن احـبـك ؟؟؟
قـلـت : مــن ااااااااخــر محـبـك ..
قــــــــال : مــــقــــدر ..
قــــلــــت : تــــقــــدر ..
قــــــــال : انـــــــــا !!!
قــلـــت : ايـــــه انـــــا..
قال : ( خالد..!! ) .. قلـت : ( سلمـى )
كفّي رماحك ترا ماعاد فينـي قلـب يرمـا
(ريق السراب)
نشف ريق السراب.. ولا ملت عين الطريق خطـاه
قسـا طيـن الكـلام ولاقسـا..زاد البلـل طيـنـه
شرب مر السكوت من الحروف اللي تبـي تقـراه
وسجد كفر القصيد لدفتـري ليـن اعتنـق دينـه
غرقت اكتب كـلام مانجيـت الا ..عشـان اقـراه
ونجيت اقـرا عـذاب ماغرقـت اكتـب عناوينـه
ترا هذا الصواب اللي خطاه ان الصـواب اخطـاه
وانا هـذا الصويـب اللـي خطـاك انـك تحبينـه
انا هذا الحضـور اللـي غيابـه ماعـرف يلقـاه
واناذاك الغياب ..اللـي حضـوره ماعـرف وينـه
انا ذاك البعيد اللي يموووت..! ولايعيـش اقصـاه
واناهـذا القريـب اللـي مبعثـر بيـنـه وبيـنـه
انا (صوت السكون) اللي سمع غنج الصدى واغواه
بكى حتى. بكى حتى . بكى. مـن حسرتـه عينـه
عسى صبح الوضوح ليا سرى ليل الغموض وتـاه
يجي مثل الضرير اللي يمد الشـوف.. بيدينـه..!!
ذكرت اني نسيت اذكـر كـلام..! مانويـت انسـاه
ولكنـي ذكـرت انــك.. نسيـتـي ماتعرفيـنـه
انـا مـن معشـر الانـس الاوادم.. اولـيـاء الله
واعيـش بعالم:…(الجـن تعّـوذ مـن شياطينـه)
نشف ريق القصيد ولا نشف ريقـه شـرب معنـاه
سقا طين الكلام.. ولا بعد هـذا القسـا طينـه..!!!
قصائد مخمليه تسيدت الجمال بحبكتها
صح لسان شاعرها ولاهانت يمناك
والسموحه قلب النحيت لابد من نقل طرحك للقسم الانسب
تحيتي ~
من عبق احساسك
كل الشكر لهكذا ذائقه
إستمري بـ اتحافنا بكل ماهو جديد
تقديري