الى روح غزة التي ترتقي الى مصاف لم ولن استطيع ان اطالها بكلمة او بيت ..ولكن لعلي على اقل تقدير اتجرا ان انظر الى نفسي في المرآة فقد والله هانت علي حتى لم اعد اجرؤ على رؤيتها فيتساقط وجهي كسفا
#poem_558f27bf0c38e td { font-family: tahoma, verdana, arial, helvetica, sans-serif; font-size: medium; font-weight: bold; }
النفوس اللي خذاها للوجع لون الكسوف |
| وش جداها لاغدى لون الكسوف جلالها؟ |
| مابقى فيها لذاك الوقت وقت انها تشوف |
| غير ياكلمة اسف،والا مراثي حالها!! |
| لحظتين وتنتهي منها المواجع والحسوف |
| تندثر مابين طيات الحياة اقوالها |
| من كثر لطم المهانة صارت تسب الظروف |
| ودها باية سبب ترمي اليه اغلالها |
| حطها الله يوم صارت في مراعيها تطوف |
| همها هم المعيشة لو تبيع عيالها!! |
| نسيَت اسباب المعزة نسيَت المجد الطنوف |
| نسيت عصور الرجال اللي تخل خلالها |
| وان خذا ذيب الخلا من طارفتهم كم خروف |
| قالوا اش جاب الخروف يروح صوب جبالها؟؟!! |
| مادروا بان الذيابه تاكل اطرف ماتشوف |
| وان عدوا،والا غدا مابينهم منزالها |
| هيه ياعز الخلود اللي غدا ضرب الدفوف |
| بين(عشتار)و(نزار)وقوم يادلاّلها!! |
| والف شاشه والف نجم مثل(ابو الهش) و(هنوف) |
| والف مليون احتفال بكذبة استقلالها!! |
| وين الاستقلال يامن ظهره(لسام)امعسوف |
| (كونداليزا)تسهج خشوم القروم نعالها!! |
| يذبحون اطفالنا ونطالع بعين العطوف |
| ياحراااام الطفل مات..!!!الله يصبر آلها!! |
| إهب ياصبرالضعوف الله لايبيح الضعوف |
| وش بقى يخسر ضعيف النفس عقب اذلالها؟؟ |
| ياخطيب القوم قم ماعاد لك فينا وقوف |
| رحلة الكذب انجحت ياذنب كل اجيالها!! |
| هذي شعوب تموت وحن نطالعها بخوف |
| خابت بطون النسا من عقب عقم رجالها |
| من دما(غزه)لبسنا احرام حج به نطوف |
| (منسك)للبيت الابيض(والهدي)يجبى لها |
| تدري وش صرنا نسوي لاعجزنا في الوقوف؟ |
| نرزع(العود العراقي)لاارتكى طبالها |
| نشرب عيون البنات ونحرق الوان الحروف |
| بالقصيد وبالغزل يالله تدقّ جلالها |
| نزرع الصحرا اماني للمزاين (اوف،، اووووف) |
| ياخي خل ننسى الهموم،،الناس شانت حالها!! |
| وان كسانا لحظة الواقع عباة من كسوف |
| لارحم جد الضعافه والكسوف جلالها |
بقلمي
صح لسانك ملايين احييك على هالشموخ والهدف السامي اللي توجت به جمالية مثل هالنص
والله يرفع البلاء عن اخواننا في فلسطين
احييك من كل قلبي على مشاعرك الاخوية
في انتظار جديدك
.. تقديري ,,,ْ~
الله يكثر من امثالك
قصيده رائعه تسمو بسمو مضمونها
صح لسانك مليار
لاهنت شاعرنا الاصيل
عوآآآفي ~
لارحم جد الضعافه والكسوف جلالها 0
صح لسانك وعلا شانك قصيده
تجعل الشخص يشعر باحراج
في انتظار جديدك
يعطيك العافيه شاعرنا
مبدع اينما حللت ،، طرح موفق ونظره هادفه اخوي
الله ينصر اخواننا في فلسطين
صح لسانك مليون ولاهنت
ولاهان إبداعك
تقــــــديري..~
هنا تنثني لك قمم الكلمات
إحتراااامـا لهذا النص الشـامــخ
نــــــــص
راااااائع حــد الوجــع
قرأتـــهـ أكثر من مــرهـ
وفي كل مرهـ
زلزلت كلماتــك
أركـان فؤادي
أبـدعت بكل ماتحمل هذه الكلمة من معنى
وفيت وماتوقعت الخيانة
ألف شكر لك على هذا الإحساس الراقي
والإلتفــاتـهـ الإنســانـيــــهـ
لهمووومـ أمة محمد
لك ولقلمك ودي واحترامي
دمت بحفظ المولى
عبدالمجيد
صح السانك صح السانك
عبد المجيد الشهاده من جهتي في واحد مثلك مجروحه فلذالك مالها داعي
عمومآ ياعبدالمجيد انا براسي الشي الكثير لكن والله مرضان واعذرني على التقصير وانا اخوك
تقبل تحيات وتقدير
اخووووووووووك
أســــ الغنج ــــير
ابدعت بحرووووفك
وتهت معاااااهااا
لك وووودي
سلطااااااانه