الله يسهل لقلبك سكة الفرقا / بقلمي 2024.

روايتي(الله يسهل لقلبك سكة الفرقا) راح أنزل جزئين أتمنى اني ألقا التفاعل المطلوب وتحوز على شوي من اعجابكم

(الجزء الأول)

فتحت عيونها بكسل تحس اليوم بكسل فظيييع
جت بتكمل نومتها بس قومها صوت أخوها وهو ينادي
:"ياااارا..ياااارا..وييينك يالله
فتحت عيونها بقوة ناظرت الساعة أوووه الساعة 6 ونص..كل هذا من السهر أمس
ركضت تلبس مريولها وخذت شنطتها بسرعة

خالد:"ياارا بسررعة وينك تأخرتي على المدرسه
يارا:"معليش خاالد تووني أقوم مدري وش فيها الساعة ما قومتني
خالد:"ما قومتك الساعة واﻻ السهر على الفلم تالي الليل مع نوف بدال ما تفتحين الكتاب وتذاكرين لك كلمتين
يارا:هههههههههههههه..عااد وش اسوي من الزهق
خالد:"على الأقل نوف عاطلة باطلة ما وراها شيء بس أنتي..قومتوني بضحككم تالي الليل

قطع كلامهم قومة محمد ولد نوف ..كان شكله يضحك
شعره كششه وبجامته مقلوبة وحااالته حاله
شالته يارا:"هههههههههههه حموودي مصبح
خالد:"وديه عند الشغاله..خلها تنتبه له وانا أنتظرك بالسيارة
راحت يارا لغرفة نوف شافتها بسابع نومه :"ههههههه ايه بسابع نومه وش وراها مشاء الله عليك يا نوف أكيد ماراح تقومين اﻻ بعد الظهر عقب السهرة الي سهرناها
ودت يارا محمد ولد نوف للشغاله وركبت السيارة

يارا 19 سنه بثالث ثانوي مفروض انها بالجامعة بس تأخرت سنه لظروف موت أمها واختها بحادث قبل سنتين وهالشي أثر على حاله يارا النفسية كثير وعاشت بعزله عن العالم مده طويلة لكن مع أخوانها وابوها الي يحاولون يطلعونها من الي كانت عايشه فيه قدرت تعيش حياتها لكنها أحيانا تحس بحزن عميق لفقدانهم بس ما تحاول تبين هالشي

خالد 24 سنه أخو يارا الكبير يدرس ماجستير ادارة أعمال شاب وسيم وطموح يحب يارا ويخاف عليها مررة ويحاول انه دايم يسعدها وهو مقدر انها تفقد الأم والأخت فيحاول دايم انه يعوضها عن هالشي

:"يارا انتبهي على نفسك طيب
:"ان شاء الله
:"عسا ما عندك اختبار
:"لااا ما عندي
:"طييب يالله انتبهي على نفسك
:"مع السلامه
:"يالله مع السلامه

________

يممه..يمممه
:"هاااه وجع وش فيك تصارخين
ريم:"متى بنرووح لجدتي
نورة:"اﻻ جت العطلة ان شاء الله
ريم:"عاارفة انه اﻻ جت العطلة بس متى بأي وقت
نورة:"عااد مدري عن أبوك متى ما قال يالله مشينا
ريم:"مشتاااقة ليارا مرررررة
نورة:"اي والله يا حليلها هاليارا عساك تدقين عليهاا
ريم:"اييه يمه أكييييد
نورة:"زييين لا تقطعيينها
ريم:"يممه وش جاك اليوم..أكيد ماراح أقطعها أنا اصلا ما أصبر عنها يوميين هاذي يارا يا يمه
نورة:"مدرري والله وش جايني كاااسره خاطري هالبنت مرة تدرين ان اليوم مر على موت أمها وشوق اختها سنتين..اليوم قاعدة أتذكر تفاصيل الحادث وشكلها
ريم:"يممممه تكفيين خلاص لا تضيقين صدري والله يا مررت عليها أياام الله لا يوريك
نورة بحزن:"ااي والله يا بعد عمتها..الحمدلله ان خالد وأبوها مهوب مقصرين معها
ريم لقتها فرصة تكلمت بابتسامه:"يمممممه
نورة:"هممم وش عندك
ريم بابتسامة عريضة:"وش راااايك نرووح عندهم..بالشرقية
نورة:"هوو وش شرقيته واخوانك؟والمدارس؟
ريم:"يمممه اليووم الثلاثاء تكفيييين نبغا نروح وبكررا نغيب ويوم ماراح يأثر ان شاء الله..تكفيين يممه خلي يارا تفررح
نورة:"لااا ويين ما نقدر وأبوك والبزارين والحاله ومن بيودينا أصلا
ريم:"يممممه وش بزارينه؟فيصل وفرح الحين أجهزلهم كم بنطلون على كم لبس وخالي عبدالعزيز يقول ان عنده شغل بالشرقيةهالويك اند يعني ماشي ماشي
نورة وكأنها بدت تقتنع:"مدرري بس صعبه
ريم انبسطت يوم شافت أمها بدت تقتنع:"لاا يممه لا صعبه ولا شيء بس أنتي قوولي تم
نورة:"مدررري عنك أنتي وتفكيرك شوفي أبوك
ريم بفرررح:"يممه أبوي اذا واافقتي بيواافق
نورة:"مدرري عنك دقي عليه
رييم خذت الجوال بفررح:"ألوو
:"ألو هلا بنتي
ريم؛"هلااا يبه شخبااارك
ناصر:"الحمدلله تماام وش عندك
ريم:"يبه وينك فيه؟
ناصر:"بالشغل يعني ويين
ريم:"طييب يبه ممكن طللب
ناصر:"وانا أقول هالمقدمات الطويلة العريضة مو لله ..وش عندك؟
ريم:"يبه أنا فكررت يعني انا وأمي اناا نروح الشرقية هالويك انند ونغيب بكررا
ناصر:"لااا صعببه وانا أبوك
ريم:"يبببه والله مهييب صعببه ولاا شيء
ناصر:"طييب مين الي بيوديكم؟أنا وراي شغل
ريم:"لا تخااف موب أنت..خالي عبدالعزيز
ناصر:"وخالك عبدالعزيز فاضي لكم
ريم:"لااا لااا يبه هو قال ان عنده شغل بالشرقية وهو أصلا رايح راايح
ناصر:"ههههههههههه يعني طابخينها؟
ريم:"خخخخخ لا ما طبخناها ولا شويناها أصلا الروحة ما تصلح اﻻ بموافقتك
ناصر:"طييب سووا الي تبونه
ريم:"صددددق يبببه أحبببك
نااصر:"خخخخ الله يستر عليكم بيفقدكم
ريم:"حتى حنا يا أحللى أبو
سكرت ريم من ابوها والفتت لأمها بفرح
:"هه كل شيء خلللص
نورة:"طييب ما دامك الحيين أنتي الي اقترحتي هالاقتراح وبسهوولة كذا خليتي الكل يوافق أنتي الي بتجهزين ملابس فيصل وفرح
ريم:"بس كذاا تاامرين أمر
ورااحت لغرفتها تدق على خالها تبشره بنجاح العمليه

"وش فيه ذا ما يررد
عبدالعزيز:"هلااا
ريم:"عزوووز وجع ويينك فيه من اليوم وانا أدق عليك
عبدالعزيز:"وججع وش عزوز أنا واحد من اخوانك تراني خالك تخلخلت عظامك
ريم:"ههههههههه طيب يا خالي المحترم عبدالعزيز ماا قلتلك
عبدالعزيز:"هاااه بشرري وش قالت أمك
ريم:"وفيه شيء يجي بيد ريم وينقاله لا واافقت
عبدالعزيز:"والله حلوووو..خلاص أجل خلكم جاهزين السااعة 5
ريم:"اييه ان شاء الله يالله بس كنت بقوولك
عبدالعزيز:"طييب طييب يالله فمان الله
ريم:"مع السلامه
—————
نورة عمة يارا لها 3 عيال
ريم 18 سنه بثالث ثانوي صديقة ياارا مررة
فيصل:11 سنه
فرح:7 سنوات

‘‘‘‘‘‘‘‘‘‘‘‘‘‘
دخلت البيت ااف اليووم حرر
طلت على نوف لقتها ناايمه هههههههه ما تشبع هاذي من النووم طييب والله لأنكد عليك
:"نووووووف نوييييييف نوووف
نوف بخوف:"هااااه وييش
يارا:"وووجع كل ذاا نووم قومي
نوف:"حراام علييك تووني أناام ما خلاني ذا الولد أنام زي الناس نكد علي نومتي
يارا؛"غرييبه عطيته انا الشغاله
نوف:"قوومني الله يصلحهه
يارا:"طييب قوومي تغدي معنا
نوف:"زيين زييين

نوف عمة يارا الصغيرة عمرها 25 سنه ساكنة عند اخوها من شهر وزوجها مسافر يكمل دراسته وبتلحقه هي بعدين
عندها ولد واحد
محمد عمره سنة ونص

++++++++
:"سلاااام ياابو
:"أهليييين هلا والله شخباارك يا القاطع
عبدالعزيز:"أنا عمك يعني أنت المفروض تدق
خالد:"قل قسم بس ههههههههههه
عبدالعزيز:"اسممع هماني قلت لك انني بجي الشرقية
خالد:"ايووه اليوم هو صحح
عبدالعزيز:"اييه اليوم..بتجي معي عمتي نورة
خالد:"صددق زيين خل يارا تستاانس
عبدالعزيز:"ياا حبييلها اسممع انتببه لا تدرري خلها مفاجأة طييب
خالد:"زيين افا علييك

عبدالعزيز عم يارا الصغير 24 سنه كبر خالد ويعتبر أقرب صديق له

اااخ تعب اليوم المدرسه
دخلت غرفتها وخذت لها شاور سريع انسدحت على السرير بكسل
تنهدت بحزززن:"اليوم أمي وشوق كملوا سنتين ميتين
حست بدمعة حااره تنزل على خدها مسحتها بسررعة ولبست وصلت ودعت لهم كعادتها
________

:"يالله الغداا وين ياارا؟
نوف:"هلاا أخوي
أبو خالد:"هلااا وين يارا
نوف:"مدرري شكلها تعبانه وبترقد
أبو خالد:"أفااا لا ﻻزم تجي تدري هي ما آكل اﻻ وهي موجوده
قطع كلامهم خالد:"افااا وانا يبه ولد البطة السوودا
أبو خالد بابتسامه:"لااا أنت الخير والبركه
خالد:"تووقعوا اليوم من بيجي
نوف:"نوورة اختي
خالد:"بسسم الله الرحمن الرحيم وش دراك
نوف:"تووها مكلمتني نورة وقالت اننهم بيجون
أبو خالد:"زييين الله يحيههم مع مين بيروحون
خالد:"مع عبدالعزيز
أبو خالد:"الله يسترر علييهم
خالد:"بس اسمممعوا ياارا لااا تدرين بالخبر
أبو خالد:"لييش ما قلتوا لها
نوف:"مخليتها ريم مفاجأة
أبو خالد:"يا حليلها هالريم
دق جوال أبو خالد
أبو خالد:"هاذي نورة
نوف:"أكيد تبي تقولك انها بتجي
أبو خالد:"هلاااا والله بأختي الغاليه
نورة:"هلاا والله بعبدالله أخوي شخبارك
أبو خالد:"الحمدلله بخييير يا الغاليه
نورة:"عبدالله..ولا عليك أمر أبيك تشوف لنا شقة حليوة حول بيتكم لأنا ناوين نقعد عندكم هالعطلة
أبو خالد:"لااا وش شقة لا شقة ولا خرابيط بيتي مفتوح لكم وأنتم الداخلين وحنا الطالعين أفا عليك بس
نورة:"الله يكثرر خيرك بس أنت تعررف خالد ما ياخذ راحته خصوصا ان ريم بتكون فيه دورنا لنا شقة تكفى
أبو خالد:"لااا أبد خالد عنده شقته يتجمع فيها ويا أخوياه يقعد فيها ذا اليومين
نورة:"لاا يا عبدالله تكفى مانبي نكلف عليك
أبو خالد:"لا كلااافة ولا شيء افاا علييك بس أنتي اختي والعين اوسع لك من المكان
نورة:"الله يكثر خيرك
أبو خالد:"الله يستر عليكم ان شاء الله متى بتمشون؟
نورة:"مدري عن عبدالعزيز متى ماقال يالله مشينا
أبو خالد:"الله يسترر عليكم ويحفظكم قولي لعبدالعزيز الهيس لا يسررع أعرففه بيتفلت والطريق خطر الله يستر
نورة:"ان شاء الله تامر على شيء ياخوي؟
أبو خالد:"سلامتكم فمان الله
نورة:"مع السلامة

أبو خالد:عبدالله رجل عمره 50 سنه أبو يارا حنوون مررة وكلش شيء عنده ولازعل يارا وما ياكل اﻻ اذا صارت فيه ..ما فكر يتزوج بعد موت زوجته لمحبتها الكبيرة له والي لا يزال موتها مأثر عليه وخوفه انه يصير عنده مرة أبو تظلم عياله
عياله يارا وخالد

_________

:"يممه وش فيك
نورة:"خالك عبدالله معيينا نروح للشقة يقول تعالوا لبيتي
ريم:"وخالد؟
نورة:"يقول خالد عنده شقة مدري ويش وانتم اقعدوا
ريم:"زيين الله يكثر خييره
نورة:"بس أخااف انا نضيق عليهم الله يهديك بعد ياريم أنتي وعبدالعزيز
ريم:"يممه لا نضيق عليهم وﻻ شيء
قطع عليهم كلامهم صوت اتصال عبدالعزيز

:"هلا نوورة جاهزين؟
نورة:"اييه جاهزين
عبدالعزيز:"يالله أنا عند الباب
نورة:"منتب جااي تسلم على ناصر
عبدالعزيز:"فييه؟
نورة:"اييه توه وااصل
عبدالعزيز:"زيين يالله افتحوا لي

نورة:"ريييم افتحي لخالك عبدالعزيز
ريم:"طييب

فتحت ريم الباب لعبدالعزيز ودخلته على أبوها ورجعت لأخوانها تقول لهم يتجهزون

&&&&&&&&&&&

بعد الغدا قاعدة منسدحة عند عمتها وتسولف معها وتلعب حمودي
يارا:"أقول نووف شخبار نايف عسا دراسته ماشيه
نوف:"الحمدلله تووني مكلمته يقول ان كل شيء تمام
يارا:"أنتي متى تروحين له
نوف:"إذا جت عطلتهم بيروح للسعوديه ونروح مع بعض
يارا:"يوووه يا نوف ما أتخيل البيت بدوونك بيفضاا علي مرررة تعودك عليك
نوف:"يااا حبيلك حتى انا والله بققدك
يارا:"حتى بفقد حمودي وقومته معي كل صبح
نوف:"هههههههه الله يصلحه

•••••••••••••••

:"أنا مدرري ذا الولد متى بيعقل تعبت معه
:"خف عليه شوي يا أبو سعود
أبو سعود:"يا حصه ما صارت حاله ذي مستهتر وغير مبالي واذا قلنا له تزوج كنا ما أدري وش قلنا له..يحسب ان حلال أبوه بيبقا له
أم سعود:"الله يصلحهه ان شاء الله
أبو سعود:"لاازم أفاتحهه جديا بموضوع الزواج ما صارت حاله ذي مستهتر لأبعد درجة خلي الزواج يمكن يعقلة ويخليه مسؤول
أم سعود:"الله يصلحهه ان شاء الله
أبو سعود:"قولي له اذا شفتيه أبوك يبيك
أم سعود:"ان شاء الله

طلع أبو سعود وهو معصب على ولده يبغاه يعتمد على نفسه وﻻ يتكل عليه

<<<<<<<<<<
بنص الطريق ريم في قمة الزهق عبدالعزيز مع أمها يسولفون سواليف مملة من وجهه نظرها
مسكت جوالها ودقت على مشاعل بنت خالتها تحرها
:"هلااا مشااعل
مشاعل:"أهليين شخباارك
ريم:"تمااام
مشاعل:"وش ذا الصوت؟كنه صوت طريق
ريم:"هههههههه ايه أنا ليش داقة عليك تووقعي وين حنا فيه
مشاعل:"وييين؟يا الخايسه لاا تقولين
ريم:"ههههههههه ايه
مشاعل:"يا الشيينه برووح معكم
ريم:"اسكتي كل شيء جا فجأة
مشاعل:"وليش ما قلتي لي يا الخايسه هييين مردودة
ريم:"خخخخخخخ نشوف
مشاعل:"مشااء الله علييك ووه سلمي لي على يارا مشتاقة لها مررة
ريم:"والله عندك جوال دقي عليها وكلميها
مشاعل:"كم بقالكم وتاصلون؟
ريم:"يمكن ساعتين
مشاعل:"الله يستر عليكم
ريم:"يالله انقلعي بغيت أغايرك
مشاعل:"أقوول انقلعي أصلا الشرهه علي الي رديت
ريم خخخخخخ وجع ما فيه لباقة على طول سكرت بالوجه

:"وش فييك منفعلة؟
مشاعل:"تخييلي خالتي نورة رايحين الشرقي
رغد:"أمااانه يا حليلهم
-وش عندكم
مشاعل:"يممه شفتي خالتي نورة ماشين للرياض
بدريه:"اييه يا حليلهم قالوا لي
رغد:"يممه وش رايك نروح بعد
بدريه:"هههههه ﻻ والله لعبه هي ان شاء الله اذا جت العطلة نروح لمزرعة جدتك كلنا
مشااعل:"وووه متى تجي العطلة
رغد:"يوووه على طاري جدتي نسيت أعطيها إبرة السكرر
بدريه بعصبيه:"فااالحه يالله بسررعة عطيها لا يرتفع سكرها أمي الله يهديها ما لقت تقول اﻻ لك
رغد بغرور:"اييه أصلا جدتي ما تثق اﻻ فيني
مشاعل:"أقول انقلعي لأعطيك كف..يا ردا حظ جدتي يوم انها تثق فييك
رغد بتغيض مشاعل:"هههههههه ياربي يا شين الي يغارون
رمتها مشاعل بكرتون المناديل وركضت رغد لا يجيها شيء ..
بدريه:"الله يصللحكم مدرري متى تعقلون
مشاعل:"ووش فينا بسم الله علينا كاملين والكامل الله
بدريه بتطنز:"اييه وااضح

راحت لجدتها بسرعة وهي تلوم نفسها انها نست موعد ابرة السكر لو صار لها أي شيء عمرها ما راح تسامح نفسها..
:"جده معليييش نسيت الإبرة
الجدة تبتسم بحنان:"لااا عادي يمي
رغد بندم:"سامحيني ياا جده والله مدري كيف راح عن بالي الشيطان نساني
أم عبدالله:"ماا صار اﻻ كل الخير يا بنيتي
مسكت رغد الابرة وبخفة غزتها
رغد:"عسا ما أوجعتك
أم عبدالله:"ﻻ والله الله يعاافيك ما حسيت فيها مشاء الله زي الريشه
رغد بابتسامه:"زييين

""""""
الجدة أم عبدالله(حصه)
جدة يارا مرأة حنونة ميت زوجها من زمان وبنفس الوقت قوية وما يروح لها حق تحب أحفادها وكانت رغد هي الحفيدة المفضلة عندها..
أكبر عيالها
عبدالله أبو يارا وبعده بدريه و ساره وأصغر واحد عبدالعزيز

بدريه أرملة ولها 3 عيال كانت دايم الجدة تقول ان بدريه نفسي..!بدريه تشوف نفسها في أمها مرررة
أكبر عيالها سعد عمره 29 وله ولد
رغد 20 سنه وأصغر وحدة مشاعل 17 سنه

>>>>>>>>>>>

بعد العصر يارا ونوف وأبوخالد متجمعين على الشاهي ويسولفون ويضحكون

:"يببه بتروح اليوم
أبو خالد:"ااي والله معزوم..نووف شخبار نايف
نوف والي ما كانت معهم تستنى متى ترسل لها ريم وتقول لها ريم وصلنا عشان تدخلها على يارا:"هااه..الحممدلله تماام توني مكلمته
أبو خالد:"الله يووفقه ان شاء الله كم بقا له ويجي
نوف:"تقريبا شهرين متى ما خلصت اختباراته
أبو خالد:"الله يستر علييه
نوف:"آآمين
يارا مستغربة:"نووف وش فيك منتب على بعضك وكل شوي تطالعين الجوال تنتظرين أحد؟
نوف:"أناا؟لااا ما أنتظر أحد
شوي ويرن جوالها بمسج من ريم تقول انهم وصلوا..نقززت نوف بررا
يارا باستغراب:"وش فيها نوف
أبو خالد والي كان عارف السالفة:"يمكن انها تنتظر مكالمة مهمة
يارا بدون اقتناع :"يممكن

راحت نوف للحوش وبسررعة سلمت على اخوانها عبدالعزيز ونورة وتحمدت بالسلامة
ريم ركضت لنوف تلمها:"نووفه اشتقت لك
نوف:"وانااا بععد يا حبيييلك
ريم:"عساا ما حست يارا
نوف:"حست انني مرتبكة بس مستحيل تكون حست إنكم جيتوا
عبدالعزيز وهو ينزل الشناط ومعصب :"وييينه ذا المخييس
نوف:"مييين
عبدالعزيز:"خاالد الله يقلعه حرقت الجوال وانا أتصل فيه قايله من زمان تجهز بنروح
نوف:"ناايم مهوب حولك
عبدالعزيز:"هذااهو ررد
ريم:"ياا ويلي عن ولد خالي
عبدالعزيز:"خااالد ووجع وش أنا قاايل لك من اليوم
خالد:"هذااني ناازل
عبدالعزيز:"قل والله بس حرقت الجوال ممن كثر ما أدق
خالد:"تررا برقد
عبدالعزيز:"أقوول انزل بس دام النفس عليك طيبة
خالد ببرود:"هاذي وهي طيبة أجل اﻻ تعبت وش بتصير
عبدالعزيز بعصبييه:"خااااالد
خالد:"ههههههههه خلاص جييت جييت

عبدالعزيز سكر بوجه:"ااف يا بروده أعصابه ذا الخالد
نورة:"أنت بعد هد شوي كلت ولد أخوي
عبدالعزيز:"لا تخاافين على ولد اخوك خافي علي أنا
خاالد من بعيد متجه للحوش :"شفتتي يا عممه أخوك الأقشر
نورة بفرح:"خاااالد هلاا والله
خالد وهو يحب راسها:"هلاا فيك يا عمة نورت الشرقية
عبدالعزيز وهو يحط آخر شنطة:"يالله يا خالد تأخرنا
خالد:اصبر ياخي الواحد ما يسلم على عمته وعيال عمته
فيصل:"شخباارك خالد
خالد:"فصييل شخباارك يا البطل ووش أخبار الدراسه
فيصل:"زينه
خالد:"فرووحه
فرح:"خلوودي
خالد:"ههههههه أصغر عيالك أنا خلودي..ريم وشلونك؟
ريم:"الحمدلله تمام
خالد:"وكيف الدراسه؟
ريم:"مااشيه
عبدالعزيز:"أقول لو نعطيكم وجه بسطتوا بالحووش
ريم:"لحظة عبدالعزيز ماراح تسلم على يارا
عبدالعزيز:"يوووه..المشكلة اننا مواعدين الشباب بالشرقية ومتأخرين عليهم ويارا يبيلي قعدة طويلة ان شاء الله اليوم اللييل بجيها
خالد:"عممه خوذوا راحتكم مررة البيت بيتكم أنا وعبدالعزيز بنقعد بالشقة
نورة:"الله يعافيك يا ولدي
خالد:"لاا أفا عليك يا عمة ما سويت اﻻ الواجب
يالله فمان الله
نورة:"الله يحفظكم من كل شر

نوف اسمعووا الحين يارا وعبدالله بالمقلط خليكم بالصالة واذا أشرت تجي ريم وبعدها على طول تجين يا نورة وبعدها أنتم يا فيصل وفرح
ريم بعجلة:"يالله بسس متحممسه مررة

بالداخل كانت يارا مستغربة المده الي قعدت فيها نوف بس كانت متوعدة تسألها
أبو خالد:"اييه يا بنتي عااد أبيك تشدين حيلك بالدراسه وترفعين راسنا
يارا:"ان شاء الله يا يبة..اﻻ ما قلت لي وين بتروح
أبو خالد:"وااحد أعرفه مسووي عزيمة وبيجون ناس ما اعرفهم وملزم علي واﻻ انا ما فيني حيل
يارا:"اهااا..
أبو خالد:"اﻻ يارا كم بقا على عطلتكم
يارا:"اممم شهر وزيادة
أبو خالد:"زيين شوي واﻻها قااضية
يارا:"ااي والله بتجي العطلة اشتقت لعماااتي مررة عمتي بدرية ونورة ورغد ومشاعل وررريم

نوف دخلت وماسكة بيدها ريم:وهاااذي ريم جبناااها

«إنتهى الجزء الثاني

يارا وش بتكون ردة فعلها اذا شافت وريم وعمتها
مين أبو سعود وأي موضوع الي بيفاتحه فيه؟

أتمنى انه يحوز على اعجابكم:)
وبكملها ان شاء الله اذا شفت تفاعل

~

,’

بالتوفيق ان شاء الله

يعطيك العافيه