اللحظات القاسية تدعوني لارتمي بحضنك / بقلمي ، كاملة 2024.

ههههههه لا بالطبع لم اخبر امي بانه ليس طفله .. لا تنسى امي تريد ان تستولي على امواله وهذا الامر يريحها
حس بقهر وده لو يفجر فيها بس لا راح يخليها هي اللي تطلب الطلاق راح يطفشها لين تكره الساعة اللي عرفته فيها
انتظرها تخلص مكالمة وبعدها دخل وهو مبتسم
لؤي : سمر ماودك نروح البيت
سمر : اكيد حبيبي … وين بنسكن
لؤي : في بيتي اكيد
سمر : ليش انت عندك بيت غير بيت ابوك
لؤي : اكيد او انتي ناسية اني املك ثروة
ابتسمت له … جمعوا اغراضهم استعدادا للانتقال الى عش الزوجية
………………….
عبدالاله
طلع من المستشفى واخذوه عيال عمه معاهم للبيت
خالد منسدح على رجل حلا ويعبث بجواله ورجله رافعها فوق مسند الكنبة
حلا : اقول تومي ما ودك نطلع السوق
خالد : لا ليش
حلا : لاتنسى الاجازة قريب وبنسافر مع محمد بالاجازة هذه يعني
خالد : مافي مجال انا نطقم باللبس
حلا : ايووووووة
خالد : انا ماعندي مشكلة بملابسي
حلا : بس انا ماعندي لبس مناسب يعني لازم اشتري لي لبس او بنحرم من المتعة
خالد : وشفيها ملابسك
حلا : كلها للدوافير ما تنفع
خالد : خخخخخ اتخيل محمد يعلقك بحبل لو شافك بالملابس هذه
حلا : ايه اضحك شعليك انت انا اللي بخذها علقة مو انت
رمته من رجلها وراحت تركض على الدرج
خالد وهو يحك راسه : ااااااااخ يالخبلة عورتيني
عبدالاله وهو يحرك كرسيه : هههههههههههه مسكينة اخترعت مني
خالد : ههههه تستاهل الخبلة قايل لها تنزل عبايتها معاها ما طاعت
نزل راسه عبدالاله : مسكينة مراح تاخذ راحتها بوجودي
حلا وهي نازله من الدرج : ويش هالكلام عبود ترى ازعل منك بعدين
اذا ماشالك البيت تشيلك عيونا .. احنا الطالعين وانت الداخل
عبدالاله : تسلمي يابنت العم من طيب اصلك
خالد : اوووووه وطلعنا نعرف نتكلم بالاصول تومي
حلا : هههه افا عليك اعجبك
محمد وهو داخل : يالله عاد قام الصبغ
خالد : الا قول غيران
محمد : ومن ويش اغار ياحظي
حلا : لانك مو لاقي لك احد يمدحك
محمد : هههه الحمدلله والشكر مو باقي الا انتظر صبغكم الحمدلله واثق من نفسي
خالد : ام الثقة .. ارحمنا شوي يالمغرور
عبدالاله : لا عاد في هذه مالك حق يا خالد محمد متواضع والكل يشهده له بالشيء هذا
محمد : احم احم … لا داعي لاداعي عارف اني محبوب واني
حلا : يوووووووه بدينا غرور
محمد : يحق لي والله
ضحكوا عليه وعلى ثقته الزايدة
………………
وصل لؤي وسمر البيت كان في منطقة معزولة وباين عليه محتاج صيانة
سمر متقززة من الريحة والاوساخ اللي مالية البيت
غطت فمها وانفها : لؤي متأكد انه هذا البيت ماغلطنا بالعنوان
لؤي : متأكد ليش مو عاجبك يا
وطالع فيها بنظرات احتقار
خافت سمر من نظراته ورجعت خطوة على ورى الا ان صوت لؤي وقفها
لؤي : على وين يامدام
قرب منها ومسكها من ايدها بقوة لدرجة تركت اثر عليها
لؤي : يالله ابيك تنظفي البيت كله ومن اليوم ورايح مافي طلعة من هنا فاهمة ياحقيرة
ورماها على الارض
سمر تفجأت من تغيره واسلوبه الجديد
لا مو معقول هذا مو لؤي اللي اعرفه
صرخ عليها : فزي تحركي شوفي شغلك
سمر : بس … بس انا ما ..ما أعرف اسوي شيء
لؤي : هذا الشيء مايهمني تعلمي يالله تحركي
وشالها ووداها الغرفة
بنبرة تهديد : الحين تنظفي الغرفة لك ساعة لو ما خلصتي راح تشوفي شيء ما يسرك ورماها وقفل الباب
ماهي مستوعبة اللي يقوله لا لا شلون انظف القذارة هذه انا عمري ما لمست شيء في بيت ابوي الحين هذا يخليني اخدمه وانظف المزبلة قامت بتردد وخوفا من انه ينفذ تهديده حاولت تشيل الاوساخ كانت في اشياء لزجة ولونها غريب بني على اخضر على اسود تقززت من شكلها ومن ريحتها الكريه
يع مجنونة انا حتى المس القذارة هذه يذبحني ارحم من العفن هذا
بعد ساعة انفتح الباب وقف يطالع بالغرفة ماتغير فيها شيء
قرب منها واعطاها كف خلاها تطيح على الارض وكمل بالرفس في انحاء جسمها
مسكها من شعرها : لما اقول شيء تسويه فاهمة او لا
كانت تبكي من الالم والاهانة وخايفة منه
لؤي وهو يصر على اسنانه : فاهمة او لا
ماردت عليه
قرب راسها للاوساخ اللزجة وحط وجها فيها حاولت تبعده بس هو زاد في الضغط
ابعد راسها : فاهمة او لا ياحقيرة
سمر وهي تكح ومتقززة من الريحة اللي بانفها واللزوجه عليها هزت راسها بايه
تركها : الحين قومي نظفي ولو عدتي الحركة راح اخليك تاكليه و ربي راح تاكليه
بكت من قلب على الاهانة طول عمرها تهين اللي اقل منها صحيح ماهم اغنياء بس وضعهم المادي جيد واهلها موفرين كل طلباتها
اخ ياسمر عمرك ما انهنتي والحين هذا يهينك كذا قامت وبدأت عملية التنظيف وهي كل شوي تحس بغثيان من الروائح والاوساخ وغير الحشرات اللي تطلع من كل مكان بعد ما خلصت جلست على الارض تبكي قهر وتعب
دخل عليها واخذ نظرة على الغرفة
لؤي : روحي نظفي الحمام ابي اخذ لي شور
سمر : بليز لؤي مابي تكفى انا تعبانة
قرب منها ومسكها من رقبتها ورفعها لمستواه
لؤي : لو مارحتي نظفتيه بيدك اخليك تنظفيه بفمك وطلعها لعند الحمام
مجبورة بدأت تنظف وهي موقادرة على الريحة …. كانت قذارة الغرفة ارحم من هذه
الظاهر اللي ساكنين هنا مايعرفوا اي شيء من النظافة واللباقة
اوساخهم في كل مكان وريحة الحمام لا تطاق حاولت تطلع من الحمام لانها ماعادت تتحمل الريحة والشكل بس الباب مقفل ضربته وبكت نادت لؤي الا انه مايرد
جلست تتوسل له يطلعها ويرحم حالها ولما ماشافت فايدة رجعت تنظف وهي تشهق بالبكي لين خلصت وهي منهارة ومخنوقة
فتح لها الباب وابتسم بخبث
لؤي : بدلي ملابسك ونظفي المطبخ وبعدها جهزي لي شيء اكله
ودخل الحمام يتروش
هي مو قادرة تتحمل اكثر مرهقة من الشغل وبدأت الام الحمل عندها
خوفها من العقاب ماسمح لها تفكر او ترتاح بدلت و توجهت للمطبخ وقبل ما تدخل فكرت
راحت تركض للباب الخارجي وحاولت تفتحه يالخيبة الامل الباب كان مقفول
حاولت بالنوافذ وكانت نفس الشيء مقفولة وعليها حديد من الخارج يمنع اي احد من الدخول او الخروج
فقدت الامل وراحت تشوف شغلها
…………..
جلنار كانت طول اليوم تمشي تائها و خايفة ترتاح ويجيها الرجال اللي كان يطاردها
التعب اخذ مأخذه وصلت لحديقة عامة دخلتها وجلست عند البحيرة وحطت راسها على ركبها وظلت تبكي واللي يمر عندها يتعجب من وضعها
من التعب غفت من غير ما تحس
حست بحركة جنبها وعلى طول فزت من مكانها كانت في بنت جالسه جنبها
كلمتها فرنسي وجلنار مافهمت فكلمتها انجليزي وهم مافهمت
ابتسمت البنت لها : يعني انتي عربية
فتحت جلنار عيونها على وسعها واخيرا لقت احد عربي
ارتمت بحضن البنت وطلعت كل الدموع
تعجبت البنت من تصرفها بس ايقنت انها ضايعة وخايفة ربتت على ظهرها وخلتها لين هدأت
بعدت جلنار عن البنت جلنار : انا اسفة ماكان قصدي
البنت : لاعادي …. شسمك
جلنار : جلنار
البنت : وانا احلام
اقول جوجو باين عليك التعب شرايك تجي معاي البيت ترتاحي وبعدين تقولي لي قصتك
جلنار : بس
احلام : من غير بس
ومسكتها من ايدها وراحوا البيت
وصلو للبيت كانت جلنار مبهوره بالبيت الكبير والجميل وخايفة من اللي ممكن يصير لها من الناس اللي فيه هل راح يتقبلوها او لا