القصايد تتالى في طريق المصيف 2024.

ياخـشـيـر اللـيـالـي بـاالـظــلام الـمـخـيـف
……………….. وش بقا ما نقلتـه فـوق عظـم الكتـوف
الـمـبـانـي قـديـمــه والـمــقــاول ضـعــيــف
……………….. والأراضـــي بـعـيـده والـخـواطـر ضـيــوف
والقصايـد تتالـى فـي طـريـق المصـيـف
……………….. كــل مـاطـق بـابـي فــي غيـابـك طـيــوف
أول الحـب عهـدن فـي حياتـي عفـيـف
……………….. كلمتـن تسلـم عليهـا بااليـهـود الألــوف
لـيـش راحــوا وشــدّوا للـمـكـان النـظـيـف
……………….. لـيــش خـلّــوا بقـايـانـا فـواصــل حــــروف
ليش مـا علمونـي ويـن بيـت الشريـف
……………….. لـيـش مــا ودّعـونـي سلّـمـوا باالـكـفـوف
وش تبي يازمانـي مـن عظـام النحيـف
……………….. تكفـي سنيـنـي الـلـي دمّرتـهـا الـظـروف
مابقـى دمـع كافـي فـي عيـون الكفـيـف
……………….. أطرف العين بأصباعي غديها تشوف
أمسك الصيف لا يطلع علينا الخريف
……………….. خلّنا نرتاح لحظه من عـذاب السيـوف
آخـر الحـب عقـلـن مستريـحـن خفـيـف
……………….. ما خذا من حياتـه غيـر جلـد الخـروف

بقلمي
خ/الرشيد

رووووعه
نص عانق الابدآآآآآآآع
صح لسانك وعلا شأنك
دمت ودام إبداعك
نترقب جديدك بكل شوووق

مرورك الاروع يابعد حيي وصح بدنك ولاهنتي

مشااااءالله
جميييله القصييده
صح لساانگ يااخي
قممه ف الابدااع
انتظرر جديدگ
بگل حماااآس
تسسلم ي رب
ربي يسععدگ
وددي
لگ

صح لسانك
و
اعتلى شانك

ونعم يـ ابن الرشيد
كفيت و وفيت
لاهنت و لا هان غاليك و مغليك و مغليك

مرورك الاجمل . شكرا وصح بدنك

صح بدنك وكلك , وماعليك زود يابعد حييّ ولاهنت

روووووووووووووعةةة

صصح لسانكك وعلا شانك

تسلمين صح بدنك ولاهنتي

صح لسانك واعتلى شانك قصيدة تجاوزت حد الابداع في رايي الشخصي وراااااااقت لي كثير واعدت قرائتها
وملاحظتي فقط على الشطر ( كلمتـن تسلـم عليهـا بااليـهـود الألــوف ) يا انه فيها خطاء مطبعي او املائي او انا ما عرفت اقرا الشطر كما يجب لانه ما مشى معي وزنا .
واعتقد ان الخطاء مني لان القصيدة كااااااايفه مرة فبالتالي مو معقول يطلع العيب في الشطر .
تقبل احترامي الشديد