الدمـــــــــــــعه
يردها الموق بس الجفن حدرها
سمعت صوتك مع العالم يناديني
وأزريت لا أردها بالعين وأسترها
وصديت ما ودي إن الناس توحيني
مثلي يموت ودموعه صعب ينثرها
يخنقني البوح بس القلب يعصيني
ويبقى بوسط الصدور وفي خواطرها
الحزن لوني خفيته واضحٍ فيني
وارد على القلب والفرحات صدرها
والبسمة اللي تبيني بس تخطيني
متى على الله يجيها يوم وأظهرها؟
ألاحي الورق مدري هي تلاحيني
أون وتسجع ووناتي تكررها
لبيه يا ذكرياتي وأجمل سنيني
وياقصةٍ عايشه لو مات آخرها
وين أنت يا أول غرامي يامعنيني
وين أنتِ يا أغلى ذنوب القلب وأطهرها
أصحى وطيفك معَ زولي يباريني
وأرقد وأشوفك مع أحلامي تباشرها
ما أدري تناسى غصب أو أنت ناسيني
ما أدري عهودك وش اللي صدق غيرها ؟!
واليوم وينك بها الدينا وأنا ويني
طالت ليالي الفراق بعين ساهرها
كم قلت ترى ما عاد تعنيني
إن جات للنفس نفسي يمكن أقدرها
واليا أظلم الوقت هوجاسي يسريني
ويضيق صدري وكل أ يامك أذكرها
وتبيني أنسى وأنا ما عاد يمديني
لو شفت حالي قسم بالله تعذرها
أصّبر الحال في قولت بياتيني
وأنا أدري إني اببطي لو أصبّرها
وقصايدي في غيابك ما تسليني!
لو تطرب الناس تشكي جرح شاعرها!
والنفس تشكي زمانٍ صدق مشكيني
حتى أنت ياغلى البشر تبعد وتحقرها
والدمعة الي من الوحده تواسيني
الي من آخر لقاء بالله خابرها؟!
شفها تكابر وترجف في طرف عيني
ولاني عقب شوفتك ياالزين ذاخرها
ودام هتانك
رائعه عزيزتي بروعة طرحك
والسموحه يالغلا القصائد المنقوله يحتضنها قسم المنقولات
تحيتي ~
ابيات جميلة وذوق رائع وبداااااااع يفوق الوصف
واسلوووووووووب راقي
ارجو تقبل مروري
إختيار جميل وذوق راقي
سلمت يمينك وسلم نقلك
//