الحلقه الثالثه والرابعه من ليه ما كنتش عايز اكمل 2024.

وفضلت استناه لكن مجاش ولقيت نفسى فى الموقف وحدانى
احترت ساعتها انا ف امرى لكن مش كتير قوى يازمانى
اصل انا قررت انى مش هروح لانى عارف ان الخجل هيسيطر على لسانى
وساعتها هغرق فى شبر مايه ومش هلاقى مين اللى يشلنى من مكانى
الحيره كمان زادت علىّ وخوفت لا تفتكر انى بايع وهى اللى شريانى
واحنا كنا لسه فى اولها ما لحقتش تفتكرنى عشان من الصعب تنسانى
كمان دول شافونى وهما رايحين وانا بلعب كوره مع واحد تانى

وساعتها وبسرعه فكرت انى اكون جرىء ولو لثوانى
وعلى بال ما فكرت احصلهم مالقتلهمش اثر ولا اللى فى زمن تانى
راحم فين مش عارف وبلقاس واسعه وانا فى بدايتها الحيره وخدانى
عارف على كلِ رجعت وبعد ما رجعت قررت انا من تانى

وساعتها عرفت ان دى الانسانه اللى بحلم بيها وبتيجى فى منامى
كل ده من ابتسامه دخلت قلبى وعلطول ترجمها وجدانى
لكن كان نفسى اكلمها ودى المشكله اللى كانت موجهانى
رغم انى كتير كنت بشوفها لكن الخجل اه منه يازمانى
وفين على بال ما كلمتها واتفكت عقدة لسانى

وحصلت اول كلمه

يوم الحبيب البعيد لو كان قصير فى بعده يكون طويل
وم الحيره تتوه فى دُنيته نهار ومعاه كمان الليل
ويعزبك اكتر لو كان حبيبك ده رقيق وكان جميل
أصل على بال ما تتعلم لغته تكون شوفت فى حبه الويل
حاكم العيون الجميله ليها لغه زى الفن الاصيل
تتوه فى جفونها تسحرك رموشها
ولا تعرف تكلمها اصلك تخاف وتخجل لما تشوفها
تقف صامت ثابت خايف تتحرك شفايفها
خايف تتحرك تسمّعك كلام ماسمعتوش لاف نهار ولا ليل
ولا تقدرش ترد عليه بكلام زيه معناه جميل
وايه تكون منك اول كلمه لعيون رمشها كحيل
رغم انك ولد فاهم والكلام عندك كتير وقليل
لكن جمالها ثبتك والخجل سيطر عليه ولا قدرتش ليه تزيل
وايه اول كلمه تكون عاديه؟؟ ولاّ؟؟ م اللى ليه معنى جميل؟
وياترى تكون فى مقابله؟؟ ولا فى صدفه فى نهار او ليل؟؟
اللى عايز الناس تعرفه انها من ناحيتى كانت صدفه
ماكنتش عارف كانت هى عرفه
رغم إن أنا اللى صنعت الميعاد واللى جت منه الكلمه
لكن ماكانش ليها المهم حصلت اخيرا والنعمه
واتقالت الكلمه كانت فى ليل
باشاره منها واجابه منى طارق الجميل

اول كلمه

كان نفسى اكلمها ؟؟؟؟؟؟؟ واعرفها اكتر وتكون عرفانى
رغم انى كتير كنت بشوفها لكن اه منو الخجل يازمانى

انا بعتزر عن كتابة بعض الابيات هنا لعدم ذكر اسمها

عشان كدا كنت بالصدفه بشوفها لكن كلام مافيش ودى الحاجه اللى تعبانى
وفضلت اكتر من شهر ع الابتسامه والصدفه اللى ف ثوانى
وبقه الحب مجرد سلام وابتسامه عن طريق الصدفه لما تكون شيفانى
التقصير انا عارف انه كان منى والخجل والكسوف اللى فى لسانى
لما كنت بشوفها كنت اخجل اكلمها وهى الجريئه وانا ملوى لسانى

لكن هى كانت جريئه ومعترف بجرئتها يازمانى
لما كنت أجى من دراستى تدور فى شارعنا ساعات ودقايق وثوانى
نفسها فى مره تشوفنى نفسها كلمه منى أنا التانى
أو عايزانى اشوفها وتعّرفنى إنى إللى ناسى وهى إللى فاكرانى
ونفسها اننا نتكلم وانا نفسى كمان انا التانى
لكن بره البلد مُستحيل.. الظروف كدا يازمانى

وصاحبى كان يجبلى منها السلام لكن الكلام فين يازمن انانى
الكلمه جت عن طريق صحبتها حبيبة صاحبى التانى
اللى كان عمها صاحب محل وف صلاة العشاء يروح يصلى
وهى اللى تقف فيه ونتحجج انا وصاحبى
ها نشترى اى حاجه ونروح نقف معاها لثوانى
نتكلم معاها لصاحبى وتظهر ساعتها جراءة لسانى
ما انا من كتر الكلام اخت عليها يوم بعد التانى
وانا اللى اخد عليه يعرفنى جرىء صريح لكن بحدود يازمانى

كانت تسألنى إمته هاتكلمها أقولها مش عارف أديكى شيفانى
لكن سلميلى عليها وقوليلها بلاش تنسانى
الزنب مش زنبى وانا نفسى اكلمهاوتسمع منى كلامى
وفضل الاتصال يادوب سلام او جواب تعبير عن الشعور والنبض اللى ف كيانى
لكن عرفت هى حجة المحل وجت فى ليله كنا مشينا فيها بقالنا ثوانى
ماكناش بعدنا كتير ياعنى اللى ينده يسمعه التانى

ندهت على صاحبى ماهى تعرفه وقبل ماتكون عرفانى
وواخده عليه اكتر منى مهو لصاحبتها المعجيانى
وهو اللى سمعها انا ماسمعتش قاللى دى بتنده وانا سامعها بودانى
ماهو يعرف صوتها ياما كلمها وبجد عبرلها كتير عن الحانى
قاللى دى جت المحل.. تعالى دى فرصه نرجع إتكلم لحظه إتكلم ثوانى
بينى وبينكم كنت مكثوف ومش عارف ايه اول كلمه ممكن تخرج من لسانى

لكن رجعت كانت فوق وانا تحت قولتلها باسمها اذيك
قالتلى وهى بتبتسم جريئه الله يسلمك
حسيت إنها كانت بتجرى ولما سألتها عن السبب
قالتلى اصل ماما تعبانه وانا جايه اشوفلها الدكتور
قولتلها مليون سلامه روحى وشوفيه

وكان هو ده أول الكلام كلام حبيبى

وبعدها شوفت اجمل ضحكه ضحكت حبيبى

أه لو كان الحبيب حبيب فى جماله انت تحتار
والشفايف جريئه وبرده ف سحرها تحتار
فى ضحكتها البريئه فى عيونها اللى بتلالى فى ضى الليل وف نور النهار

ضحكت حبيبى

ونكمل فى الحلقه القادمه