………………………………………….. ………….
الحزينه
يالحزينه …..
ضاقت دروب المدينه
وانطفا نور الشوارع
في عيوني ..
والنخل له طول فارع
في المزارع
عن شمالي وعن يميني
اشتعل شوقي وحنيني
يالسجينه …
وسط قلبي
اختلف رسم الزوايا
وانعكس نورك مرايا
في بيوت كلها احلام خبز او حكايا
في سفينه ..
ابعدت بالحيل عن شاطىء سنيني
في دف قمرا وليل
السهر اصبح خليل
والشروق اللي تأخر
صار ناكر ويتعذر
اختلط شكي ويقينه..
والسواد اللي في عيوني
انتشر في كل كوني
صار قلبي
مثل جمره
مثل عود تشعلينه
يالحزينه ……
………………………………………….. ……
بقلمي
وكلمات غاية في الروعة
يقف خلفها شاعر قادم بقوة
حياك الله وبمشاركتك العذبة
في انتظار المزيد..~..<
على مرورك وتعطيرك لمتصفحي ورأيك المشجع
شكرا
هلابك وبمشاركتك
كلمات حلوه وجميله
ونتطلع لجديدك اخوي
أســــ الغنج ــــير
قصيدة جميلة ..
كلمات ٍ وبوحاً وشعورا ..
والآتي أجمل ..
لك تحياتي ..
**************************
القلم الظاميء
كل كلمة تأخذني لذروة الإحساس
أبدعت وأبدعت
ننتظر منك المزيد
لاهنت
اخي القلم الظاميء
شكرا على مروركم الرائع ورأيكم المشجع
لكم كل الشكر
لا تدركين كم اسعدني مرورك ورأيك المحفز لكل ماهو جميل
لك كل ازهار الفرح
شكرا