البدر شاعرية أحساس 2024.

*

*

يسـعـد أيآمكمـ وأجـوإأآكمـ يآرب
وتحيـه طيبـه لأروحكمـ الطيبـه

’/

/’

مـآفـي أحـد أتـوقـع مـآيـعرف . .المبـدع فـي نـبض القصيـدهـ
وفـي عــزفـ الحـروف وفـي شآعـريـة المـعنـى وفـي رقـة الأحسـآس
[بـدٌر عبـد ـآلمحـسن]
الشـعر الأول والأخيـر بالنـــسبه لـي
جمـعت لـكم قصآئـد كثيـرهـ لـه
حبيـــت تشآركونـي في قرآءتــهآ والأستمتآع بـِ المـعآنـي الجميلـه والرائـعه إلـي فيـهآ

*

*

"ـأنتي قصيدة"
مثل الوسن إنتي ..
حبك سرقني .. وانتبهت
وتوي أعرف ان الزمن فرقه ووعد ..
وان الهوى ماله ثمن .. ***
باكر تجين .. أو ماتجين ..
أرجوك سوِّي اللي تبين ..
بس انتظر .. وعدك نعم ..
ما خلى للدنيا طعم ..
*** الا الحنين ..
باكر تجين .. أو ما تجين ..
أرجوك سوِّي اللي تبين ..
, ,

" تحت المظله "
مطـر.. معـلق .. بنـصف السـما .. لا ينـهمـر.. ولا يرتـفع ..
وكل ما بغـينا نجـتمع.. تحـت المصابيح الزرقـا.. يطيح منه رذاذ ..
اما انـهمـر فرقا .. و الا تـقـطع وصـل .. يا مـاطـر الليـل ..
لا تاقـف بوسـط الـسـما ..

لك هـالـشـوارع .. انما تـكـفيـك.. سـاعـه .. سـاعـتيـن ..
بنـشـيب وحـنـّا واقـفين.. تحت المظله .. ماهو خـوف من البـلل ..
لكن حـنيـن .. للمصابيـح الزرقـا.. ولليلةٍسـمراء.. سـماهـا صافيه..
ومـوعـد لعـيونهـا..

والله غـرفنـا دافـيه..
ولهـا شـبابيـك وسـتايـر..على البـروق .. لكن .. زهـقـنـا بيـوتنـا ..
واللي يخـليـك .. اما انهـمـر.. والا ارتـفـع ..

تـمـرّ.. سـاعـه الا ربع .. وتـو الـسـحـاب.. مـا يـدري وش يبـي ..
أخاف أسـأل صـاحبـي .. ويقـول .. خـلـّـنا نـسـري..
ويـن نـسـري.. بـدري..
بـدري على المـسـرى ورا الـسـحاب قمـرا .. وقمرا ورا الأبواب..
تبـي المطـر يـرقـا .. وتهـطـل نجـوم .. وتظهر علي ..أنا لـو علي..
تحـت المصابيـح الزرقـا .. قـلبـي بيحـوم .. مثل الفـراش ..
تحـت الرشـاش .. والا الصحو .. لين أشـوفـك .. مـقـبـله ..
والله .. ضـلـوعـي مـبللـه.. بالـشـوق ..
ومـا ودي احاكـي صاحبـي .. ولا أسـاله .. بيقـول .. خـلنا نـسـري..
ويـن نـسـري بـدري .. سـاعـه وربع.. وحـنا واقـفيـن تحت المظله..
اما أنهمـر فرقـا .. والا تـقـطع وصـل .. يا ماطر الليـل ..
لا تاقـف .. بوسـط الـسـماء ]

, ,

"ـاوراق الزمن"

ادفن يدي .. تحت الثرى ..
واسقيها من جفني ارق ..
يذبل مابين اصابعي ..
عشب و ورق ..
ادفن يدي .. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن ..
وانام ..

في حلقي الليله جفاف ..
شربت أيامي .. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام ..
كل ما اشد اصابعي ..
على العيون المتعبه ..

جرحٍ ينام .. وجرحٍ شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد .. جاني قصيد ..
ادفن يدي تحت الثرى .. فوق الثرى ..
واعيش انا بباقي يدي ..
نصفٍ يموت .. ونصفٍ درى انه يموت ..
يا سيدي .. ربي انا نقطه فـ بحر ..
علمني كيف اهوى الحياه ..
علمني كيف اهوى القدر ..
علمني بإماني اكون ..
يارب .. اكثر من بشر ..

, ,

"انا إنت يا إنت أنا"
لو سألوا حبيبي .. عن إسمي حبيبي ..
قل هذا أنا ..
تشبهني عيونك .. سميني المدى ..
غطيني برموشك .. عن عين العدا ..
ظفرني جدايل .. واكتبني رسايل ..
وانسى من أنا ..
واعدني المدينه .. أوقات الغروب ..
امواجي سفينه .. ورمالي دروب ..
بأمشي لين أشوفك .. لين أقرا بكفوفك ..
إسمي .. ومين أنا ..

, ,

"نبي نطفي قمرنا"
لو يعذبنا السهر .. والخوف ..
نبي ننثر قهرنا .. يا حبايبنا ..
على مد النظر .. والشوف ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..
سامحينا يالمحبة .. لو جرحنا وانجرحنا ..
س امحينا لو نسينا .. في الهوى ضحكة فرحنا ..
وآه يالنصل الحرير ..
ياهوى القلب الضرير..
يالجروح اللي مضت .. واللي بتصير ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..

, ,

"أركض ورا الشمس" ..
اللي تغيب ..
ابي النهار .. وينتحي ..
أخاف أنا وجهي الى طاح الظلام ..
فوق الملامح .. ينمحي ..
كافي سواد العين والظل الحزين ..
وشمسٍ تبين .. وماتبين ..
ورا السحاب ..
كافي بَعْض ليلٍ يجي .. قبل الغياب ..
عن ليل الغياب
يا موقد الشمعة ..
وجهي أنا .. أو نور ذا الشمعة ..
قاسي الشحوب ..
في رعشة الضي العليل ..
وتكبر مسافات الهروب ..
يا صاحبي الشمعة غروب ..
به قريةٍ .. تحت الظلام .. مريتها ماجيتها
وبنيةٍ .. تحت الظلام ..
ورسالةٍ في الليل ..
خانتها الحروف .. من القهر شقيتها ..
كلي عيون .. وماتشوف
والناس .. ياظل .. وطيوف ..
والظلما .. نسيان .. الحبيب .. لحبيب ..
أركض ورى الشمس اللي تغيب ..


, ,

"وتِرحَل"
صَرخَتي تِذبَل
في وادي .. لا صدى يوصل
ولا باقي أنين
زمان الصمت ..
يا عُمر الحُزن والشكوى
يا خطوة ما غدت تقوى
على الخطوة … على هم السنين
حبيبي .. كتبت اسمك على صوتي
كتبته .. في جدار الوقت
على لون السما الهادي
على الوادي ..
على موتي … وميلادي
حبيبي .. لو أيادي الصمت
خذتني … لو ملتني ليل
أنا عمري .. انتظاري لك
لا تحرمني .. حياتي لك

, ,

"صعب السؤال"
.. ليه نفترق !!
صعب السؤال .. وين نلتقي
إنتي الجنوب .. وأنا الشمال ..
وما بيننا .. بحر .. ورمال
لكن نحب .. والله نحب .. وفوق الخيال
.. صعب السؤال
يا اللي اجمل من كلامي عنك وأقرب من سكوتي
آه يا طول المسافة بين احساسي وصوتي
ما هو غريب .. إني أسألك
و إنتي أنا .. كيف أوصلك !!
لا مستحيل .. هذا الرحيل

من يقطع الصمت الطويل
ويــدلنـــي ..
قصيدتي .. وين الحروف .. جف القلم
يا ضايعه .. ببرد الكفوف .. رعشة ألم
قصيدتي .. إلا الندم .. إلا الندم
بتسافرين .. وانتي معي
وبترجعين .. وانتي معي
قصيدتي .. لا تسمعي .. غيري قصيد
يا ساكنة افـ ورق الحشا .. وحبر الوريد

, ,

"غديت انا"
.. وانتي .. طفلة وطفل ..
تبكين فـ وداعي .. وانا كني مفارق أهل ..
وبيتٍ صغير .. ودربٍ كهل ..
ياللي على خدك كحل .. لوتمسحيه
وتتبسمي .. مال البكا داعي
ياللي سنا عيونك أمل .. لا تقتليه
تتألمي .. مال البكا داعي
يا اول مواعيدي .. ويااخر مواعيدي
انتي فرح عمري .. وجرحي وتسهيدي ..
افارقك ليله .. يا طولها ليله ..
واجيك انا باكر .. وقلبي على إيدي ..
ومادري سبب خوفك .. وانتي العمر شوفك ..
ياللي على خدك كحل .. لوتمسحيه
وتتبسمي .. مال البكا داعي
ياللي سنا عيونك أمل .. لا تقتليه
تتألمي .. مال البكا داعي
وغديت انا .. وانتي .. طفلة وطفل ..
تبكين فـ وداعي ..

, ,

"لا تسأله ناسي" .. خله مثل ما هو
ياقلبي إحساسي .. ماهو معي هو
والله لا أمر .. صوبه لا امر
أصرخ بامر .. أبكي بامر
ما التفت .. لو هو العمر
وما ينحني راسي ..
كافي .. ترى ذل
يا خل .. ياخل
مكسور انا الخاطر
في نظرة الكل
لا تذكرني .. وجه مع الناس
لا تصبرني .. ما في الجفا إحساس
ضاع العمر .. وانت لا شمس لا ظل
والله لا أمر .. صوبه لا امر
ما التفت .. لو هو العمر
وما ينحني راسي ..
جف الكلام ..وسكت الدمع
الليلة .. با طفي الشمع
باترك ملامح .. صورتك تحت الغبار
واترك شوارع ديرتك .. لارض النهار
با نساه انا … ما ادري متى
بالصيف يمكن .. او فـ الشتاء
والله لا أمر .. صوبه لا امر
أصرخ بامر .. أبكي بامر
ما التفت .. لو هو العمر
وما ينحني راسي ..

, ,

" قصة حب "
فـ كل قصة حب أحلام ومدينة ..
ليل ونخيل وهبوب ..
لكل قصة حب لو كانت حزينه ..
أجمل ألوان الغروب ..
ناظري ضيّ الحوانيت القديمه ..
ونقش أبواب البيوت ..
كلها شعر ومواعيدٍ قديمه ..
وصوت قلبـي اللي يموت .. وما يموت ..
لكل قصة حب .. عذال وحسود ..
ليه تخدعنا الأماني .. والليالي السود .. سود
إشعلي جمر العناد .. قربـي معاد أشوفك ..
لا يفرقنا السواد ..
ارسمي وجهي بكفوفك ..
ولا تجرّحنا عيون الليل .. وحروف النميمه
ولا يعذبنا السكوت ..
إن عطشنا أو شربنا الدمع ديمه ..
للهوى بنحيا ونموت ..
لكل قصة حب أشواك وورود ..
وليه نصرخ من ألمها .. وكلها تنبت في عود ..
ناظري هذا قمرنا لو تغطيه الغيوم ..
وناظري هذا شجرنا مهما تحرقه السموم ..
ولو تجرّحنا عيون الليل وحروف النميمه ..
ولو يعذّبنا السكوت ..
إن عطشنا أو شربنا الدمع ديمه ..
للهوى بنحيا ونموت ..

, ,

~|. . وللبـــــــدر بــقيـهٌ. .|~

, ,

"خطأ"
تبخل ..وأنآ كلي عطآ..
خطأ
ابتدينآ..
وأن نهينآهآ ..خطأ!!
تزرع طريقي ..بآلألم
يآخوفي ..لآ توطآه آلقدم..
تجرح ظلآيل..فيتك..
وتدمى ..أمآني جيتك..
لو فرحت ..بجيتك!!
بعد الظمآ..بعد آلهجير..
تخفي حنآنك..بآلضمير..
لو مآجنت..
عينك علي بنظره..لومآجنت
ولو مآرضيت ..تحدني..
روح آلشقآوى ..مآعنت..
وآستهونت درب آلهوى
ولو مآغدآ جرحي دوا..
ليته غدآ..
إثر الهوى..مثلك غريب..
مآله..على نفسه حبيب..

, ,

((سارة))
من كتب الحب العتاق وتاريخ القراق
وستاير الدمع الرقاق ..
جمعت قلبي غبار وقطع فخار ..
ومن على المرمر البارد ..
ومن ما نسته النار من غيمي المحروق ..
وحملت عيوني وركبت أول سفينه تبحر ..

على وجهي الاصفر خريف طال ..
وسلال من رذاذ وملح ..
وفي صدري حجارة نسيوها بحاره ..
مروا علي ف يوم ..
وقالوا تعال معنا وما كان يجمعنا ..
إلا الضياع والريح ..

راجع من الايام من الاحلام ..
ومن الف سناره مغروسة بقلبي
لقيت لي بشارة ما اغلى عطا ربي ..
أثر العمر ساره وموج البحر ساره ..
وكل المدى ساره ..
سافرت كل العمر وراجع احب سارة ..
~ هـذهـ تـعنـي لـي الكثيـر

, ,

يسعد صباحك .. ليلنا تو ماجا
الشمس غابت واشرقت عندكم شمس

هى شمسنا اللي في جبينك تلاجا
والا قمرنا اللي فقدناه من امس

ليل السما برد وسحاب وعجاجا
يامن يشب النور في الخاطر العمس

, ,

"أفداك أنا كلي"عودي غصن يابس ..
لا تحرقيني اليوم ..
حر وسموم وصيف ..
إنتي إجلسي في ظلي ولا جا الشتاء يمدي
لا تجرديني اليوم خليني في غمدي ..
سيف الغضب ماضي خلي الكلام يموت ..
وقت الغضب ماضي لا ترجعيه بصوت ..
وش كثر أنا راضي حبيبتي عندي ..
قولي لي يا بعدي يومين ماشفتك ..
يومين مالي عيون ..
محروقه أجفاني بشموع إحساسي
كانت دموعي فوق وجهي وانفاسي ..
وظلي على كتفك وراسي على زندي ..
أفداك أنا والله لاتسمعي رعدي
ولا يزعجك برقي ..
انا لو شكيت أحلم ..
ما به زمن نندم ومابه عمر للخوف ..
إنتي احفظيني فم ولا تحفظيني حروف ..
ولو غرقت في يم ..
لا تعشقي بعدي ..

, ,

"وللكلام فصول"
.. ومناجل ..
قمح .. وحمامٍ زاجل ..
وقصة وله.. ونحول ..
وباقول .. باقول ..

****
مشقق الأسمال .. مغبر ..
اجيك .. مترنح ومصفر ..
بامراضي اجيك .. يالمورق الزاهي ..
ما عادبي أخضر .. وتتذكر أشباهي ..
تقول : انت فلان ؟ واهز راسي ..
واجمع حواسي كلها .. واضحك ..
في بالي إني أضحك .. مادري عن شفاهي !!

****
وللكلام أسفار ..
أوتار .. ومعازف ..
وللكلام أسفار .. جنحان وزعانف ..
وللكلام أعمار ..
مثل الزهر .. وذبول ..
وانا بقول .. بقول ..

****
في آخر الشاهي ورق ..
وتصب لي نفسي ..
مثل الذي في بريقك المعدن ..
من الماء .. والورق ..
اتنفس الفوح ..
واستمهل البوح .. عن حالتي ..
اسكت .. لآخر قطرةٍ في بيالتي ..
ويقول لا نزل العرق .. من جبهتي بقول ..
لا .. لانت أطرافي ..
من الرحيق الدافي .. يمدي الكلام ..
يطول .. وبقول ..

****
أحاكيك ..
عن كل المدى والبيد ..
أو .. ما في الشبابيك .. من المدى والبيد ..
عن شوكةٍ في الأرض .. خلقت لإ بهامي ..
أو أرض تحت الشوك .. مرتها أيامي ..
لو أدري وش يكفيك..
كلي على شفاهي
شوك .. وعطش .. ووحول
وللكلام حمول .. وقوافل ..
وارث الزمان الغافل ..
وباب على المجهول ..
بس قلي وش يرضيك .. ؟
وأنا أقول ..
وأنا أقول..

, ,

وبـكـذآ أكـون نـقلـت لكمـ القليـل مـن قصآئـد ـآلبـدر المبـدع
وأتمنـى تنـآل علـى أستحسآن أذوأقكمـ الحـلوهـ
~$

يسعدلي صباحك

اختيار موفق ، و قصائد رائعة الجمال

لشاعر لا يعلى عليه " البدر"

سلمت يمناك للاختيار و النقل

أرق نسمات صبا مني

وسط الريح

يعطيك ألف عافيه

مقتطفات جداً رائعه

لمهندس الكلمه

سلمت يمينك وسلم نقلك

//

كلمااات راائعه

الله يعطيك العااافيه

جمآل ورووعه
آنتقآء عذب وشفآف
ربي يعطيك العاافيه

/