اسهر بليل وليل الاحزان طالي
ماغير ابدّل حالة الضيق بالهون
وفكري بذهني للوساويس شالي
جريت صوت الحزن والقلب مطعون
كني على ظهر البسيطه لحالي
والفجر بيّن واكثر الناس يدعون
ربٍ كبيرٍ مايرد السؤالي
صليت فرضي مع عبادٍ يصلون
ودعيت رب البيت يستر خمالي
ورجعت داري ناوي النوم بسكون
والنوم عيّا.. لايقرب مجالي
والظهر قرّب واكثر الناس يمسون
وانا وبين الهم بألف احتمالي
والباب دق وصحت ابيهم يردون.!
توافدو عليه من جنوب وشمالي
والعم اقبل والحزن تقل مدفون
في وسط صدره وكن شيٍ طرالي
قال البقيه براسكم عل تبقون
هذا القدر مكتوب من عند والي
ماني مصدق مسمعي لاتقولون
ابوي عايش خل عنك الهبالي
ماني مصدق هالخبر لاتلومون
توه مكلمني وسائل بحالي
وضعه سليم وصحته ماهي بدون
حتى الورم عايش على وضع زالي
قالوا الاطباء تبقون تبقون
حتى الريه ادمت وفيها اختلالي
والكبد راحت والورم صدق ملعون
اللي تمكن فيه اول وتالي
قالوا توفا قلت ياناس تكفون؟
وشلون راح اللي به القلب سالي
جابوه يوم السبت نقل مشحون
وعصر السبت بيدفنونه بحالي
جابوه للمسجد وقاموا يغسلون
بالمسك والكافور يمن وشمالي
وحطو النعش فوقه وقامو يلفون
جسمٍ كريمٍ مايعوض بـ مالي
ناظرت وجهه مبتسم وجه مزيون
حبيت راسه ثم خشمه بعالي
صلو عليه وداخلي هم و حزون
ودعيت ربٍ مايرد ابتهالي
سلّم وسلمنا وقامو يشيلون
جثمان غالي مايفكّه جدالي
حطّوهِ في قبره وقاموا يهلّون
عليه دمعِ مثل وبل الخيالي
جلست صوب القبر والحزن مسجون
في وسط قلبي والمحاجر سيالي
وقمت اشتكيله حالتي وماهو جنون
ودي اسولف له بشيٍ ف بالي
ابوي محمد انا لاتخليني بهون
وشلون اعيش بدنيتي بانعزالي
ولامن رثتني دنيتي بحال مطعون
منهو يساندني بذيك الليالي
يابوي صارت دنيتي مالها لون
ماعدت افرق بين مرٍ وحالي
مرحوم ياللي بالسخيات مضمون
مرحوم ياللي بالمهمات جالي
شهمِ عزيزٍ للصعيبات مامون
كلن يحبك من عمام وخوالي
ماقد تأنى بالكرم لجل مخزون
مدّت يدينه من تحتها ظلالي
حتـى حلاــك يفقــدك دوم يبكون
ما الوم لو يبكي عليك الحلالي
مرحوم ياللي بالكرم كان مفتون
تبقى وتبقى داخل القلب غالي
مرحوم ياللي سمعته نعم مليون
يدفع ثمينه لجل ربط الوصالي
عساك تحشر مع عبادن يصومون
مع النبي المصطفى بالعلالي
عسا القبر روض به العز مصيون
يارب يامعبود ياذالجلال
أبيات ألمتني جدا وراقت لي جد
رحم الله والد كاتب هذه الأبيات وغفر له ورحم الله والدي وطيب ثراه ,ورحم جميع المسلميم والمسلمات
انتقآء رغم جمآله إلا انه آلمني
يعطيك العآفيه ،
وبإنتظآر إبدآع قلمك
ينقل للقسم الأنسب
تحيتي ../~
|
المشاركة الأساسية كتبها !i جَ’ــبَرِوِتْ i!
 آمين وجميع المسلمين ،
انتقآء رغم جمآله إلا انه آلمني يعطيك العآفيه ، وبإنتظآر إبدآع قلمك ينقل للقسم الأنسب تحيتي ../~ |
|
المشاركة الأساسية كتبها احبك بس لايدرون
ماشاء الله قصيدة روعة طيبة …
|
شكرا لتواجدكما وتميزكما بالرد الرائع
ابيات تنبض بالحزن والالم
الله يعطيك العافية
ننتظر جديدك الجميل
الاصيل
|
المشاركة الأساسية كتبها ~ الأصيل ~
صح لسان شاعرها وسلم ناقلها
ابيات تنبض بالحزن والالم الله يعطيك العافية ننتظر جديدك الجميل الاصيل |
حضور يدل على أنك فعلا اصيل
وابن اصول وتفهم الاصول
شكرا لك شرفني وجودك