شفت الفواكه بذاك السوق مجتمعه
وانا في السوق كني صالي الجمرا
اخذ لزومي بسرعه واطلع بسرعه
لكن بعض اللـوازم صعبه وقشرا
باب الصبر عندها لا بد من قرعه
البارحه حن صدر الليل للمسرى
رغم ان لاهو بذا حالي ولا وضعه
اعجبني الخوخ والرمان وكمثرى
من وارد الشام زين وزاهي اللمعه
بعض الفواكه حلاه يهيّض الصدرا
شرع الحلا يجبرك تمشي على شرعه
قمت انشد الناس ما لهل البلد مذرا
مستورد السوق ما يجلب لنا النفعه
قالوا لي اجود نتاج اهل البلد تمرا
في السوق غالي ثمنه وطيّب السمعه
شف حلوة الجوف زادت ع الحلا قدرا
عن سوق الارهاص محتشمه وممتنعه
والسكري في القصيم وحبته شقرا
نوعيه اسعارها في السوق مرتفعه
واللي ربا في المدينه واللي بهجرا
نخله غني العذوق ومستوي طلعه
قلت الروابي .. وقيل المملكه خضرا
ان كان لك في غروس اهل البلد طمعه
غرس ٍ يشيد القلوب وجرحها يبرى
وان صد زاد القلوب الموجعه وجعه
في روضها ورد نرجــس يشبه البـدرا
سبحان من يبدع التصوير في صنعه
والناس ما تستوي في البيع والمشرى
لولا اختلاف الذوايق بارت السلعه
اسهبت والعين تنشــد من لها يقرا
الشهد وينـه يبـــاع ووينهم ربعه
قالو لي الشهد غالي جوده وسعرا
لكن بتلقى صنوف ..انعدها سنعه
قلت العفو ما شريت الا عسل سدرا
ممنوع من شربه التدليس والخدعه
عسل مصفى جنوبي من عسل مجرى
طب الكبود العليله نسله وشمعه
بقلمي
….
لافض فوك ولا هنت ع هذا البوح الراقي
معزوفه شجيه وعذبه
مذهل في حروفك كل شكر لسمووك الأنيق
لولا اختلاف الذوايق بارت السلعه
الله عليك
حبكهـ شعريّهـ
وعذوبة معنى
,
صح نبضك حتى الرضى
إحترامي وتقديري
نَص فِي عَاية الروعه ،
أبدَعت وامتَعت
لِله دُرركْ
تَحيتِي ~
اي والله ما قصرت وصدقت
قلت العفو ما شريت الا عسل سدرا
ممنوع من شربه التدليس والخدعه
عسل مصفى جنوبي من عسل مجرى
طب الكبود العليله نسله وشمعه
قصيده جزله ولا جابها الا جزل
لك كل ودي واحترامي
صَح إِحْسَاسِك وَنَبْضَك
فِي انْتِظَار كُل جَدِيْد لَك
’،
مبدع لله درك
قصيده باذخه اخاذه بمعناهاا
بارك لك
موفق
حللللللللوه
يسلمو قلب
اخي في موضوعك أجتمعت فية ثلاثة أشياء ..
إبداع في الكلمة .. وجمال في التعبير .. وروعة الطرح
يعطيك ألف عافية على ما قدمتيه هنا ..
تقبلي مروري .
|
المشاركة الأساسية كتبها @ حــــــوووور @
 صح لسانك مليوووون ولايسدون
لافض فوك ولا هنت ع هذا البوح الراقي معزوفه شجيه وعذبه مذهل في حروفك كل شكر لسمووك الأنيق |
الغاليه حووور
صح قلبك وشكرا لمرورك واطرائك الجميل
….