الليل هم وحزمة جروح وأوراق
وأنا اتناثر بـ آخر الليل وأبقى
ما غير اولّع كل تناهيد الأشواق
واللي بقى من الشوق دمعات حرقى
ما أقول ضاق الصدر لكن إذا ضاق
تنكسر ظلوعي على الروح واشقى
وحدي وعيوني تمتلي وجيه وفراق
كان البكا فرقى ورى دموع فرقى
يا طيب! تاخذني على الناس بعناق
والحين أنا وياك والحزن نبقى
معقول ما مرّوا على بحر الاحداق
ولا شافوا دموعي من الشوق غرقى!
هذا انا من الليل واقف ومشتاق
وهذي كفوفي من الوله دوم عرقى
من ليل واشراقٍ الى ليل واشراق
وارجع..اعيد حكاية الليل وارقى
وارقى انتظر بالليل نجمي اذا فاق
واصاحبه حتى السما تصير زرقا
وابقى وحيد ولا معي غير الأوراق
اكتب جروحي وسط الأوراق و ابقى
::
اهلاً بكِ
سلمتِ على المشاركه
يُنقل للقسم الانسب
تحيتي
,
يعطيك الف عافيه
على الذائقة والانتقاء
وأهلاً وسهلاً بكِ بمنتدى غرام
على الذائقة والانتقاء
وأهلاً وسهلاً بكِ بمنتدى غرام
إستمري بـ اتحافنا بكل ماهو جديد
تقديري
آنتقآء عذب
ربي يعطيك العافيه
ربي يعطيك العافيه
/