اغار عليها من نسمة الهوى لا جات تمر بجسدها ياهوى ليه تحظنها مابي احد غيري يحظنها 2024.

كانت تسوق سيارتها الجديدة الكمارو الي توها ابوها مشتريها لها
بتهور وحست انها مو مسيطره عليها لانها اتوها تعلمت السياقه
ومع انه ابوها ما سمح لها انها تسوقها ولكنها من تهورها وطيشها
قررت انها تركبها وتجربها حست ان نفسها بدى يضيق وهي
تشوف رجولها ترجف وهي تسوقها وايديها الي كانت يادوب
ماسكه المقود وتحركه كانت تمشي بين السرعه والبطئ لانها
موبقادره تحدد او توقف على سرعه معينه وبدت تتندم الفين مره
لانها خالفت ابوها وركبتها وفجاه وهي تمسك فونها عشان
تدق على اخوها ماحست الا بصدمه قويه وانصدمت بشي قدامها
والسياره وقفت وهي بترجف وخايفه وبتحس ان نفسها راح ينقطع
وقلبها يدق بسرعه وكانها بتموت لاحظت الناس واصحاب
السيارات الي وقفوا عند سيارتها ويطالعون في شي بالارض وهي
صافنه وجالسه خلف المقود ماكان في سياره قدامها يعني انها
ماصدمت سياره وفجاه قطع ذهولها وصمتها شخص وهو يدق زجاج السياره عليها
واحد من الماره :ياانسه انت اصطدمتي بشخص تسمعيني ..ياانسه
فجاه فتحت باب السياره ونزلت حتى تشوف الشي الي اصطدمت
فيه …..انصدمت وهي تشوف شخص كان على موتور سيكل وهي
صدمته كان الموتور مرمي بجهة على يسار الشارع بعد الصدمه
وصاحبه كان مستلقي على الارض كان لابس خوذه للقياده
وملابس جلد برضو لقيادة الموتور سيكل …..انصدمت اكثر وقت
الي تشوفه مايتحرك والناس تحررك فيه ..ظنت انه مات وبدت
تبكي بقوه بس فجاه قام هذه الشخص الي صدمته من الارض
..حست انها ارتاحت شوي لانها قام بحيله وكانت الخوذه بعدها
على راسه وجسمها كان رياضي بشده وطويل ووقفته توقف قرب
منها وبلش يصارخ بوجها
……….:هي انت ياانسه انت ماتشوفين ولاشوو""كنت بتموتيني
يالخبله انت ..
رفعت حاجبها وهي تسمعه يهزئها بصوت عالي قدام الناس

وحست انه كرامتها انهانت وماقدرت تتحمل لانها متعوده على الدلال وبعمرها ماتهزئت بالشكل ذااا ……

ظلت ساكته وهي تطالعه

……طالعها بقوه وماكان باين شي عليه لان وجهه كان لسا مغطيه
بالخوذه ..ناداها بصوت اقوى يدل على عصبيته:انت ياانسه انا
اتكلم مع نفسي ….اذا ماكنت بعارفه تسوقين ليه تخاطرين وتطلعين
بالشارع وتسوقين..والله حلوه ماتعرف تسوق وتتبلى على الناس
..انا كنت بمووت بسبتك لو لا ستر الله …الووووو انت ياانسه انت
يالخبله
بعدها بدت تسترجع ثقتها وهدوئها وجاوبته وهي معصبه:انت كيف
تحكي معاي كذا ماتستحي انت..بعدين انت الي طلعت قدامي فجااه
كيف تسمح لروحك تقول عني خبله ومااعرف اسوق
مع انها كانت خايفه وترجف وعلامات الخو لسه مبين على وجهها الي صار اصفر من الخوف
انصدم من الي قالته ومع انه كان عارف انه موبغلطاان حتى هي
كانت عارفه ان هو غلطها بس غرورها ماخلاها تعترف
حس انه يبي يقوم يخنقها وبحركه فاجاتها شال الخوذه من راسه
ورماها على الارض ,,,,بان وجهه الاسمراني الطويل وشعرها
البني الفاتح وفكه وعضلات وجها القويه واكثر شي يخوف في
وحهه كان عيونه الواسعات الي تعتلوهن نظره حاده … و اللي
لونهن مابين اللون الفضي واللون الاخضر الفاتح
كان جذااب بشكل لايصدق بس هي ماكانت منتبهه لشي ..كانت
لابسه عبايه وايشارب اسود ومو مغطيه وجهها عيونها مو كبار وايد
بس هن سوود وجذابات الى ابعد احدود وانفها طويل وصغير مثل
سلة السيف وفمها الصغير الي يكون لونه احمر من دون اي روج
وبشرتها البيضه الجذابه بشكل …
كانت علامات الغضب باينه على وجهه الي خووفها وايد وحط ايدينة على رقبته ويتافف وهو ياخذ نفس عشان يقدر يسيطر على اعصابه ومايرتكب شي بتهوور
…….وهي خايفه من داخلها بس تتظاهر بالقوه:انت ..انت انسان سخيف واعمى بعد وماتشوف وماعندك تربيه وانا بشتكي عليك وشوف شو بيصير فيك

الكل من الناس الي كانوا بالطريق انصدموا من ردها تجاهه
وترفها العدواني كان ناوي يضربها كف روفع يده عشان يطبع
كف على وجهها لانه بعمره ما انهان بهالشكل

لما شافت انه بيضربها غمضت عيونها باستسلام لانها ماقدرت
تسوي شي وخصوصا انها فاجاها لما رفع يده وفجاه وقفت يده يد
واحد من الماره الي بالشارع طالع بالي مسكله يده كان رجل
بالعمر ومبين عليه الاحترام والشموخ مسك يده بقوه وناظره بنظره حاااده
الرجل::ياولدي لاتتسرع صلي على النبي ولاتتهور
…….وهو ياخذ نفس وشكله معصب لسه:عليه افضل الصلاة والسلام
نزل يده بهدوء وهو بعده معصب وعلامات الاحتقار مبينه على
معالم وجهه الاسمر :انت الغلط كله منك انت لازم تعتذرين مني
ماراح اتركك الا لما تعتذرين ..وهو يطالع بعيونها باحتقار
……حست انها انقهرت وهي مو متعووده انها احد يضغط عليها
ويحتقرها وبلشت دموعها تنزل كان ودها لو انها تضربه كف على
وجهها وتطلع ىكل حرتها فيه بس ماتقدر للاسف
………بغرور وهي رافعه انفها بتعالي وتطالعه ببرود:لا والله
انت الي لازم تعتذر مو انا ..وكملت باسترسال :انا صار لازم اروح الحين
ولفت ناحية سيارتها بخطوات سريعه وبارده بس كان التوتر والخوف باين عليها …….
…….ظل فاتح حلقه ويطالعها بانصدام كبير وكان راح يلحقها بس الناس الي بالشارع مسكوه ووقفوه بمحاوله انهم يهدوه وهو يصارخ عليها ويحاول يفلت من الناس الي ماسكيه …صار يصرخ وهو يحس انه راح ينفجر من الغيض :انت وين بترووحين ..احاجيج …وقفي يالمجنونه انت ..

كانت تسمع كلامه وتحس انه سجاجين بظهرها لكنها كملت
وصعدت سيارتها بدون ماتلتفت ومشت فيها وسارت بعيد

…وهو بينفجر من التعصيب ….وين مفكره انك لورحتي بتفلتين
هاه …بس والله راح تعتذرين مني مابتركك انت ماتعرفين انا منو …..
صارخ بالناس الي ماسكيه:اتركووني
تركووه لانها راحت وماكو بداعي يمسكووه بعد
حس انه بده يهده وبلش يغلط عليها ويسبها في نفسه انحنى عشان
ياخذ خووذته الي طاحت منه على الارض اخذها ومشى ناحية
موتوره الي كان على الارض وكان مكسر تماما من الناحيه
الاماميه حاول انه يشغله بس مااشتغل حس انه بينفجر والعالم كلها تطالع فيه بالشارع
الرجل نفسه الي مسك يده :ياولدي خير شكله مايشتغل شرايك
تطلب تكسي وتتركه يمي نصلحه
………..باستغراب من ردة فعل الرجل المحترمه:بس يا عمي مابي
اكلفك واعذبك انا بصلحه
الرجل بابتسامه تريح الانسان الي قدامه:لا ياولدي انا عندي محل
لتصليح السيارات والموتورات ذاك هو قريب من هنا
ابتسم ……… وهو حاس انه الناس الي حواليه محترمين ولطيفين
عكس الي كان متوقعه
:اوك طيب هذا رقمي وان شاء الله بس تصلحه كلمني

الرجل بابتسامه وهو ياخذ الرقم :ابشر..
بلشت الناس تخف وتروح كل من لشغله بعد ماكانوا كلهم ملتمين
على الهوشه والحادث
اجو عمال اثنين وخذوا الموتور للورشه تبع التصليح الي كانت
قريبه من مكان الحادث
شال خوذته بيده وودع الشيخ واشر لتكسي وركب فيه

التاكسي :اخووي وين تبي اوديك
…….::لفندق************
التاكسي :تامر ….
……كان شكله متضايق وراح يموت من القهر
التاكسي :اخوي سامحني على التدخل بس فيك شي شكلك مو طبيعي
…………الي كان بينفجر بلش يحكي للسايق الي صار معاه والسايق يكتم ضحكته من انفعالات …………وحركاته وهو يحكيله

في فيله عبدالله ال************
دخلت *******البيت وهي معصبه بعد ماركنت السياره بالموقف وحمدت ربها ان سيارتها ماصار فيها شي والاكانت مضطره تواجه ابوها لما يعرف
فاتت الفيله وحمدت الله انه مافي احد بالستينج روم وصعدت غرفتها وهي تركض
دخلت غرفتها وقفلت الباب وهي تبكي بحرقه من الي صااار
كانت غرفتها لا
هي عباره عن سويت كامل ولون الحيطان بيج وابيض وكانت
مليانه خزاين ملابس وشوزات وصورها هي وامها وابوها ماليه المكان
رمت نفسها على سريرها العريض الي كان مغطيه شرشف باللون
البيج وعليه نقوشات ذهبيه فخمه وهي تتذكر الي صار وخايفه من
ردة فعل الشخص الي صدمته ..يعني معقول يكون صادق انه
بيلحقها ويخليا تعتذر واكثر شي كانت خايفه هي ردة فعل ابوها ذا
درى وخصوصا انه كان مانعها من الطلعه وحدها بالسياااره
بس ضحكت على نفسها وهي تقول انه مستحيل يعررف يعني
كيف بيعرف وخصوصا انه كان راكب موتور وشكله من عايله
عاديه ومستحيل تلاقيه وحست انها ارتاحت اخذت نفس وهي
ترتاح على السرير لين ماغفت ……

في مكان ثاني في شركة عبدالله ال*******للعقارات والي كانت من اكبر شركات الخليج
تفاجى بو طلال الي هو عبدالله ابو بطلتنا ………… بدخول اعز
انسان على قلبه فجاه
وقف من الكرسي الي كان جالس عليه وحده في مكتبه وظل
مصدوم لما شاف اخوه الكبير خالد وهو يدخل عليه
ابو طلال : خالد …….هذي الساعه المباركه وهو يتقدمله ويبوسه من راسه ويحضنون بعضهم بوله الاخوان الي صارلهم سنين مو شايفين بعض
ابو ……….: و يجلس على الكرسي الي قبال مكتب بوطلال
وهو يطالع اخوه الي جلس على الكرسي الي مقابله ويطالعه وهو مو بمصدق انه اخووه رجع
ابو *********:والله قررت ارجع المملكه لان ولدي كبر وصار
لازم يدير شركاتي هنا ويكبر لاني مابيه يبقى بايطاليا اكثر
ابو طلال بفرح وتاييد لكلام اخوه:وهذا احسن قرار يعني بتتمون هني
ابو***********:ان شاء الله
ابو طلال والفرحه مو واسعته:ابشر اجل اكيد تجلسون عندنا بالفيله
بعد والله مشتاقيلكم موت وطلال وام طلال كله يسالون عنه
ابو********:بابتسامه :ههه الله يسلمهم والله احنا بعد مشتاقين
ابو طلال:خلاص يالغالي اجل عشاكم اليوم عندنا ومن الحين ارسلولنا كل اغراضكم للفيله
ابو********:ماقصرت يالغالي

ابو طلال وهو تذكر شي وابتسم :اجل صج وش اخبار
********** والله مشتاقله مووت ابي اعرف كيف صاااار شكله اللحين اخر مره شفته كان عمره 6 سنين بعيد ميلاد بنتي
********

ابو *******:والله كبر وصار رجال يعتمد على نفسه بس بعده
مشيطن الله يسلمه
ابو طلال :هههههههههه نفس طبع ابوووه مو مصدق انه ولد
اخوي الصغير كبر وصار رجال
ابو ************:المهم استاذن الحين بروح للفندق اشوف
******* واخبره عشان يستعد للعشا اليوم
ابو طلال:لا والله ماهقيتها منك اجل تسكنون بفندق انت والغالي
وماتجون عندنا
ابو *******:ماصارلنه يومين الله يهداك ماصار الشي المهم انه
بنبقه عندكم بعد بنلزق فيكم لين تملون
وضحكوا الاثنين على كلام ابو *******

وطلع ابو ******* وهو رايح للفندق عشان يخبر ابنه *********
ويجيك اموره بالفندق وينقل غراضه ويهيئ امووره

ابو طلال الي ظل واقف بمكتبه هو مبتسم وفرحاان كان يحس انه
بيطير من الفرح لان اخوه الكبير الي حيه ويعزززه رجعله بسلام وماهو براجع للغربه
________________________________
في بيت عبدالله (ابوطلال) ال**********
كانت **********نايمه عالسرير بعد مرور ساعتين على نومها

فاجاتها امها وهي تفوت عليها وتفتح الباب بعجله من امرها

ام طلال بنتي قعدي حبيبتي *********
بلشت *********تفتح عيونها وتقعد من النوم وهي تطالع امها
استقامت جلستها وجلست باستقامه على السرير
**********باستغراب :خير ماماتي في شي !!
ام طلال :قومي حبيبتي عمك وولده جايين اليوم عالعشا وبيتمون
عندنا بسرعه قومي جهزي حالك
***********سارا بدهشه وهي توقف قدام امها :يعني لحظه
ماماتي بيتمون هني للابد
ام طلال :اي !!
***********:ليه! عمي مو كان بيتم في ايطاليا هو وابنه !!!والله
نسيت شو كان اسمه
ام طلال وهي تطالع بسارا وتبتسم :اسمه *********** تذكرتي الحين
*******:ايوه ايوه ….اف لما كنا صغار كنت اكرهه مااطيقه
انسان مغرور ومتعالي
ام طلال بحززم:عيب تقولين على ولد عمك كذااا

*********** بتذمر :اوك ماما سوري
كان باين عليها الانزعااج وخصوصا انه كانت تشوةف عمها كل
سنه كان يجيهم يقضي اسبوع عندهم…كان حنون ومحترم وكانت
تحبه وتشوف ابوها كيف يحيه بس ولامره جاب ولده او تكلم عنه
لهالسبب اتضايقت
قامت واخذت دووش وبعدها طلعت تشوف شو بتلبس واختارت فستان لونه نيلي غامق بكمام طويله وشفافه كان ضيق شوي من على الصدر ويبدي يوسع من عند الخصر ويوصل تحت الركبه ب4سم
وكان من شانيل وعليه نقوش باللون الذهبي من عند الخصر وفيونكه ذهبيه انيقه عند الصدر من الجهة اليمنى ماكان فخم وايد كان مناسب لحفله عائليه بسيطه
وتركت شعرها الاشقر الطويل الي يوصل لين نهاية الخصر سايح بنعومه من دون ولاشي واكتفت بروج احمر وميك اب خفيف جداا
وكعب عالي ذهبي برضو من شانيل واكتفت بحلقات اذن الماس
بلون احمر قاتم وخاتم الماس بالماسه كبيره باللون الاحمر برضوو
وطلعت ىناعمه وحلوووه وخصوصا ميك ابها الخفيف الي كان
مبين سواد عيونها بشكل اكبر ورموشها كانت كثيفه من دون اي
ماسكارا وبشرتها البيضه الصافيه وجسمها الممشوق
ابتسمت للمرايه ابتسامة رضا وهي تطالع شكلها الهادي والجذاب للمرة الاخيره وطلعت من جناحها ورقت الدرج بهدوء ونزلت
الطابق الاول من بيتهم الي كان فخم جدا عباره عن كنفات ايطاليه
وكوكتيل من التحفيات الاسبانيه الي كانت هواية امها انها تجمعهم
وكانت الحيطان مغطايه باللون الذهبي وكان باختصار فيله واسعه كثيررر وفخمه الى ابعد الحدود ال انها قاربت تكون افخم فيله
بالشرقيه كلها ….
امها الي كانت ملتهيه بالمطبخ تشرف على الخدامات لاول مره بحياتها
دخللت ………..المطبخ الواسع بهدوء والي كان فيه 5 خدامات يشتغلن فيه باست راس امها والقت السلام على الكل وجاوبها
بالسلام
ام طلال وهي تطالع بنتها بنظرة اعجاب من فوق لين تحت :ماشاء
الله حبيبتي حولج وحواليج تخبلين يومه هنياله الي بياخذك
…………بابتسامه :ييييي حبيبتي يا ام طلولي الغاليه اكيد اطلع اهبل على امي انا ..
كانت الساعه حوالي الساعه 5 العصر
دخل ابو *********الفندق الي كان فيه ولده ***** جالس فيه
وكان مسترخي ونايم هلى الكنفه الي في شقتهم بهدوء وكان باين على وجهه التعب والاعياء
قرب ابو ******** من ابنه وجلس جمبه على الكنفه وهو يشوف
حراراته مرتفعه شوي وفجاه انتبه انه كاحل رجله تتزف دم وملابسه كلهن تراب وفي جرح صغير في خده

انصدم بو *******من منظر ولده وصحاه بهدوء
ابو ********* وهو يصحيه بهدوء وعلامات الخوف والاستغراب باينه على ولده
******* الي بده يفتح عيونه بهدوء وطالع ابوه
عدل جلسته وحس ان كل جسمه يوجعه وخصوصا ركبة رجله اليسرى
ابو…………:ابني خير وش فيك طمني رجلك تنزف وحرارتك مرتفعه وملابسك كلها غبره
******الي لاول مره انتبه انه في جروح بجسمه لانه من كثر
ماكان معصب ماانتبه انه كان في جروح خفيفه بجسمه بسبب
الحادث وان في جرح كبير شوي في رجله
بده يسترجع ذاكرته ويرجع يتذكر الي صار بعصبيه
******** وعلامات العصبيه باينه على وجهه:مافي شي ياالغالي
بس فس وحده غبيه اليوم صدمت موتوري في الشارع لا ولمن
وقفتها اكتشفت انها ماتعرف تسوق زين وتقولي انت ماتشوف
زين واني انه الي صدمت فيها وبده يكمل بعصبيه اكثر كلامه
والله لو بس كنت اعرفها كنت وريتها
طالع ابوه الي كان يحاول محاولات فاشله انه يكتم ضحكته على ولده
******باستغراب :يبة ليش تضحك
ابو ******** وهو يحاول يبين انه جدي بالكلام :لابس يعني مو بمستاهله كل هالتعصيب منك هي بنت وهو حادث واكيد ماكانت بقاصده انها تصدم فيك
********* الي تضايق من كلام والده وبده يحس بوجع فظيع بركبته الي تنزف دم وعلامات الالم والوجع تبان على وجهه شوي شوي
ابو ******بخووف :خلاص الحين بطلبك دكتور يضمد رجلك وجروحك لان الجرح شكله مو عميق جرح سطحي
********* ماجاوب على كلام ابوه وظل مسترخي وبعد فتره اجه الدكتور وضمدله جروجه كان في جرح صغير بوجهه اكتفى بتعقيم وبلاستر صغير عليه اما جرح رجله كان اكبر شوي اضطر الدكتور انه يضمده ويلفه بلفاف و******يحس بالالم لما كان الدكتور يضمده بس كان يعض على المخده الي جمبه عشان مايطلع صووت
كمل الدكتور وعطاه ابره عشان تخفظ حرارته وتساعد الجرح على انه يطيب
الدكتور وقف وابو ******كان واقف جمبه ويطالع ابنه الي كانت علامات الاعياء واضحه على وجهه
الدكتور باسف :للاسف يا ******* لازم تتكل على عكازه لمى تمشي من هنا لشهر على الاقل لانك ماتكدر تحرك رجلك لما تمشي
ابو ******انصدم :دكتور صج يعني لهالدرجه الجرح خطير
الدكتور :لا لا مو خطير بس رجله اليسرى الحين ما تتحمل ثقل جسمه هي لشهر وبتطيب لحالها
************وهو مصدوم ومو موافق على كلام الدكتور :بس……مستحيل امشي على عكاازه مستحييل
الدكتور :بس هذا عشانك واذا ما عجبتك العكازه احسن لك انك
تمشي على كرسي متحرك وهو يغمز لابوه عشان يقنعه
********وعلامات الصدمه تزيد اكثر على وجهه
ابو ********:اي يا ******سمعت احسن لك تتكي على عكازه من هنا لشهر بس يا ابني استحمل
*********حس انه ما يقدر يسوي شي ويقاوم وخصوصا انه ماكان قادر يحرك رجله
*******باستسلام:ماشي امري على الله

ابو ******رافق الدكتور عشان يطلع من الفندق
وظل *******يتافاف وهو يطالع العكازه الي جابها واحد من موظفين الفندق قبل شوي
*********بعصبيه وهو يتذكر البنت الي صدمته ويزيد حقده لها
:اف اف كله بسببك والله لو شفتك مره ثانيه اخليك تدفعين الثمن غالي وايد بس وين بلقاك اووف
وبعد خمس دقايق دخل ابوه عليه وهو يضحك
ابو *********:هههههههه كيفك الحين

**********وهو منقههر من ضحكة ابووه:يبةة ليش تضحك
ابو ********وهو يحاول يضم ضحكته :لابس شكلك لما قاتلك الدكتور انك لازم تمشي على عكااز كان يضحك
*******بنبرة قهر اكبر:يبةةةةة وشدد على الهاء
ابو *******وهويبوس راس ولده :ههههه خلاص خلاص سكتت السموحه يا طويل العمر
*******:لا ساتغفر الله انا لازم اطلب السموحه منك سامحني يالغالي
ابو********:::المهم بعد ساعتين راح ننتقل لبيت عمك عبدلله ونتعشه هناك وبعدها بنتم هناك راح يجوون الخدم ينقلون كل غراضنه لهناك
******بعدم رضا :بس
ابو*********بنبره حازمه :لابس ولاشي الي بقووله بيصير
***********باستسلام:طيب
ابو*******:الحين جهز روحك بنروح
**********:طيب
وقام بصعوبه على عكازه ودخل غرفته عشان يبدل ثيابه

في بيت عبدالله ال************
دخل طلال البيت وهو الابن الكبير لعبدلله واخو *******الكبير
طلال :عمره 26 سنه اسمر وطويل بجسم رياضي حلو ووسيم جدا وجذاب عيونه عسليه وكبيره وشعره اسوود فحمي وانفه صغير وفمه واسع شوي المهم جذاب ووسيم جدا وهو خريج هندسه يشتغل في شركة والده ويكون الصديق المقرب ل********* لانه قضى 5سنسن يدرس بايطاليا عند عمه وكان عايش مع عمه خالد أبو***** ومع ولده ******* وصارو صحبه وايد

فات للبيت والقى السلام
*********الي كانت جالسه تطالع تلفزيون قامت وباست راسه وهي ترد السلام مسك يدينها بلطف وهو يطالعها ويضحك :هههههههههه طالعه حلووه يالدووبه
*******وهي تضرب كتفه وتمثل انها معصبه:كم مره قلتلك لاتقولي دوووبه ……..دووب
طلال بضحكه قويه :هههههههههههه اجل خلاص بناديك فيله من هنا ورايح
********الي تضحك وهي تحضنه :هههههه وان بعد بسميك فيل
قطعت عليهم ضحكتهم ام طلال الي طلعت من المطبخ وضحكت عليهم
ام طلال :الله يخليكم لبعض
طلال و*********:امين
وقرب طلال وباس راسها باحترام ………تسلمين يالغاليه

ام طلال:اسمها خلوود عمرها 46 لكنها تبان اصغر من عمرها لانها محافظه على جمالها ورشاقتها عيونها عسليات وبشرتها بيضه وشعرها اسوود
طلال :الحين بعتذر منكم ابي اروح اغير ثيابي عشان العشا اليوم …..والله اشتقت لعمي وخصوصا هالمغرور**********

********الي حست انها تفكر ب********حتى من قبل ماتشووفه وكانها مهتمه انها تشووفه
رقى طلال لغرفته يبدل ثيابه ودخل ابو طلال لبيت وبعد ماسلم على زوجته وباست راسه بنته راح يغير ثيابه هو بعد

في شقة خالد ابو********
كان *************لابس بدله رسميه سوده وقميص ابيض وحذاء اسوود يتماشى مع بدلته طلع لابوه الي كان لابس ثوب وشمااغ
وكان يمشي على العكاز بصعووبه التفت ابوه له واصار يطالعه باستغراب
ابو*********:!!!!!!!!!!!!!!!

***********:يبة خير ليش تطالعني كذا
ابو***********:يوبه حنا ماعدنه بايطاليا لازم تلبس ثوب وشمااغ بعد انت بالمملكه

**********الي ما كان حاسب حساب هالشي :اوك يبة بروح اغير ثايبي
راح ولبس ثوب وشمااغ وطلع يهبل وبانت ملامحه العربيه اكثر
ابوه وهو يطالعه باعجااب
ابو*******:هههه نصدق انه الثوب والشماغ لايقات لك اكثر
*********:هه وانه بعد حاس كذا …المهم نتوكل
ابو**********:يلا امشينا
وطلعوا من الفندق بعد ماارسلوا اغراضهم لفيله ابو طلال ورتبوها في الفيله
ركبوا في السيارع ال bmwا لسوده الفخمه ركب ابو********* و******* بالمقاعد الخليفيه واشروا للسايق يمشي

في بيت ابو طلال

الكل كان جاهز وام طلال كملت التجهيزات الاخيرره وكمل العشا وكانوا كلهم ينتظرون جية عمهم وابنه

وصلت السياره فيلة ابو طلال ونزل ابو*********** و*********
***********ظل يطالع الفيله الواسعه مع انه عنده فيله اكبر منها واحلى بايطاليا بس هذي الفيله حسها غير مشى ابوه قدامه بالممر الامامي للفيله وانتبه انه ابنها ظل واقف يطالع الفيله وراه
التفت لابنه
ابو**********:يلا ابني تعال
******:اه ماشي جاي كان يمشي على العكااز بصعووبه وحاس انه معاق ويتذكر البنت الي صدمته وهو ناوي يقتلها اذا شافها
وفجاه اندق باب الفيله
ابو طلال والكل كان واقف وراه ومتزهب
فتحوا الباب وشافوا ************ وابوه
الكل استقبلهم بحراره ابو طلال سلم على اخووه وبعدها وقف يطالع ابن اخووه وهو مو مصدق كيف كبر وصار شاب وسيم ومحترم
وبعدين باس********* راس عمه باحترام
وباس راس مرة عمه باحترام بعد
وقف عند طلال وصافحه وبعدين حضنه

طلال :اشتقتلك يا وحش انت ….هههههههه
*********بضحك :شايفني وحش بهذي الحاله
طلال :الا صج يولد عمي شفيك عسى ماشر
***********:بعدين مو وقتها الحين
جلس الكل على الكنفات وظل يسولفوون وانتبهت ام طلال انه بنتها مو مبينه من وقت ما اجوا عمها وولده
ابو ******:صج ام طلال وين ********* اشتقتلها خل نشوفها
ام******:الحين بتنزل اكيد
وظلت ام طلال تتاني بنتها تنزل بس مانزلت
الخادمه اجت وقربت من ام طلال
الخادمه بهمس:نصب العشا الحين
ام طلال :يلا بلشوا بالصب
جهزوا لعشا وابو طلال قام على الطاوله جلس على راس الطاوله وابو ********* على راس الطاوله من الجهة المقابله
وام طلال جمب ابو طلال من الجهة اليسرى وطلال جنب عمه و*******جمب طلال
وفجاه نزلت ******* الدرج بعد ماكانت تعدل ميك ابها بجناحها
********الي قال لابو طلال مكان الحمام وهو دلاه راح الحمام وبهالوقت نزلت ********* وسلمت على الكل وجلست على الطاوله
ابو *********** :ماشاء الله كبرتي يا……..وصرتي بنت حلووه
*******الي وردت خدودها من الخجل:تسلم عمي
طلال:الا وين ********** مو كنه تاخر
ام طلال :الحين بيجي اكيد
*******بينها وبين نفسه :يلا وينه هذا ابي اشوف شكله بعد ماكبر ببموتت واعرف شكله
وفجاه اجه ********* وهو يعرج ومنزل راسه على الارض
طلال :هاه كاهو اجه
رفعت ********سارا عينها تشوفه وانفجعت لما شافته كانت مصدومه لدرجة انها تحس انه قلبها وقف يدق ولسانها انربط
و*********** الي وصل عند الطاوله ورفع عينه وسمع ام طلال تقول وهي توقف
********هذي بنتي :

ســـــــــــــاااارررةةةة

وبعدين صدت على جهة سارة وقالت
سارة اعرفك هذا ابن عمك :

فـــــــــــــهـــــــــــــــــــــــد

وانصدم فهد لما شاف سارة وظلوا يطالعون بعض بانصدام ……