اخوي بثار خلاص 2024.

السلام عليكم
انا عندي اخوا بثاااااااااااااااااار ثقيل طييييينه مرييييض محد يحبه منبووووذ كرييييه كل الصفات الشينه فيه تحاول تقنع نفسك انه زين ماتقدر شكله وجه كل شي مبثر قد شفتوا اب ام يبون يزوجون ولدهم عشان يفتكون منه والله ان امه تبي يتزوج عشان تفتك منه والله سامع امه تقول ابيه يتزوج ولا يجي الا كل شهر تزوج اول مره بعدين زوجته بعد سنه طلبت الطلاق. تبي تهج ماتنلام بعدين تزوج ثانيه وكل يوم هواش وهي متحملته يااااله اصبرت سنه والحين هجت منه مريييض بثر الحين هو في البيت يالله الصبر مو قادرين نتحمله خلااااص بثر بس يتكلم ولا يسكت وكلامه يجرح على اساس انه يضخك ولا يسكت ابد ابد ابد بس يهرج وتقعد معاه ربع ساعه يجيك دوار مدري وش يقول المشكله انه ماله اخوياء محد يبيه بثر هو المشكله مو هنا فوق البثاره الي مستحييييل احد يتحمله فيها محد اذا امه ماتحملت وزوجتين واهله حنا مين يتحمله حتى الخدامات يكرهونه بثر المشكله ان له ثلاث.شهور صار مريض يقول فيه ناس تبي تذبحني ويقول ان السياره مراقبه ويقول اني انا اخوه متامر عليه ويقول ان السرائيل تبي تذبحه ويقول داعش يبون يغتالوني ههههههه قسم بالله مازل عليكم جابلنا المرض قبل اسبوع اخذني معاه طلع رامي ثلاث سيارات له كل سياره في حي ورامي جواله يقول عشان الي يراقبوني يضيعوني اااه مو قادر اتحمل اكثر خلاااااااص تحملناه سنين وهو صحته زينه كيف نتحمله وهو مريض لحد يقول اخوك خلااااص مو قادري نتحمله قبل امس ضرب خمس عمال في الحاره يقول هم صارقين بوكي وقعد يضرب بالناس في الحاره وفشلنا وجوا الجيران يشتكون عند ابوي اني ماقلت ولا 1% من الاشياء الي يسويها بلااااوي بلااوي انا ضربني مره لييين قلت بس هجيت في الشارع وانا كلي دم ولبس نوم اخر شي ماقدرت اتحمل طحت وجوا ناس الله يخليهم واخذوني لبيت عمي عيت اروح المستشفى انسان مرييض من يومه وهو بثر انا مو حاقد عليه انا ضربني الف مره كيفه يضربني مو مشكله بس انا مو قادر اتحمل بثارته مدري كيف اوصفلكم البثاره يعني يقعد يسولف معك واا يسكت ولا تدري وش يقول اشياء مااصخه وهو غبي يفشلنا انه اذا سولف معي بعض الاحيان يسولف في اشياء غبيه المفروض مايتكلم فيها عن زوجته وكذا غبي فضيييحه عند الناس مايروح العزايم حقت الاقارب انا ماودي اروح بس اجامل ابوي والناس بس هو فشلنا بثر اذا شفت وجهه يجيني اكتأب نفسي عمي مات قبل فتره انه ماراح العزى مو كذا وبس ينافخ على ابوي ويرفع صوته على ابوي جاه ضغط منه ومعرض لسكر منه امه مسكينه ماعندها الا هو وبثر جاب لها المرض قبل ثلاث ايام كنت بروح المزرعه كنت باخذ اختي معي وقال هو لاختي ابيك تروحين معي انا ركبت السياره على اساس انه تبي تروح معاه وانا راكب الا وهي تفتح الباب علي وتقول يله بسرعه هج ماتبيه محد يحبه بثر انا موقادر اتحمل اكثر مره غلطت انا في شغله جاء هو ماقال شي لي بس يوم رحنا لعماني جا وضربني قدامهم فشلني وكان قاصد يضربني عندهم كذا يعني مدري وش اقول هو طبعه اصلن بثر بس فوق البثاره في الاونه الاخيره صار مريض جمع الشين كله يمكن تقولون اني ابالغ امه تقول ياليت يموت وازعل عليه ثلاث ايام ولا اتعب كل ذا التعب مريييييييض يالله هو الحين في البيت ماكل هم يشوفني مالي خلق هواش يمكن يقول اني من داعش ولا شي ويذبحني ترا هو صدق كذا مريض هو اصلن حتى قبل لايمرض كان بثر من الحين اكثر لانه مرض اخاف يذبحنب ولا شي تخيل واحد بس يتكلم بصوت عاااالي وكلامه مبثر ولا يسكت ابد انسان لايوصف لايوووصف مقدر اعبر عنه اكثر لازم تقعد معاه راح تفهم كل شي
وشكرا

الله يشفيه ويصبر امه وابوه ويصبرك معه تراه مهما كان بيضل اخوك م يصير تحكي عنه كذا والله لو كان عاقل مستحيل بيسوي كذا الله يهديه ويعافيه
قال الرسول صلى الله عليه وسلم (لا يتمنين احدكم الموت ……….) م لمفروض تتمنيوله بالموت انا مقدره الموقف بس مهما كان بيضل انسان له حقوق وعليكم واجبات نحوه بيتم اخوك من نفس الدم

اصبر ان الله مع الصابرين

قووووووووووس

من جد هو اخوي مهما كان.بس يعني شي لايوصف اقولك شغله يمكن اوصلك الشي الي احس فيه انا كنت في المستشفى كنت تعباااان بعد العمليه بكم ساعه كنت اتألم من العمليه هو كان جالس جنبي وانا اطلع صوت الام.هو تدرين وش يقول ( وراك ترا هذي نفسيه الالم نفسيه انت ماتحس بشي وعادي اسكت بس لو ماكنت تدري انك سويت عمليه كان ما حسيت بوجع ) وقد يبربر علي كذا وانا ودي انتحر احس بالم ومستشفى وتعبااان والبثر المبثر جنبي وهنا انا ماقدرت اتحمل اكثر قلتله انقلاااااع برااا يله وصارخ لين جو الممرضات وطلعوا ويقول يتدلع ولا يحس بشي اااه فيه احد يحب المستشفى القعده فيه يوم عن سنه وهذا يبربر على راسي

الإنسان خلق بعقل بتفكر ويتدبر ويتامل
إلى احب اقوله ان انتوا تتمنوله الموت لاانكم تثقون أن الله يقدر يأخذ روحه بس لو تعطو نفسكم مجال أن تفكيركم يتغير وتقوله الله يشفيه وتتمنانوله الشفاء
ترى الي خلقه وإلى ابتلاء بهذا المرض وابتلاكم به وإلى يقدر يأخذ روحه بيادر على أن يشفيه

وعجبتني مقوله واسرتني بكل معانيها وهي ::

قال تعالى :(وحملت الأرض والجبال فدكتا دكتا واحده )
أليس من دكهما….
ا بقادر على أن يدك همك دكا دكا
كن لله كما يريد يكن لك فوق ما تريد…..
أسأل الله أن يشفيه شفاء لا يغادر سقما

نصيحتي لك —الدعاء—*

والله كلامك فيه منه صح بس امه قالتها كذا مو من قلبها اكيد وكيييد انها تدعيله كل يوم يشفى من البثاره يعني ماتوقع الان طبع فيه من يومه بثر كذا ماتوقع الطبع يتغير

شكله أكبر الأولاد ؟
أنتم مقصرين معه بشي ؟
أمك وأبوك يعاملونه مثل مايعاملونكم أو في تفرقه ؟
طيب متوظف أو لا ؟ طيب اللي اقصده كل مايدخل بوظيفه يطلع منها مايصير له أسبوع ؟
في أحد قرايبي يشبه أخوك لكن الذنب من أهله مو منه
ولكن الحين أخوك قلت أنه مريض ودوه دكتور نفسي ياخذ ويعطي معه
لأنه بينكم ماحد يأخذ ويعطي معه الكل يوضح له أنه مايبيه وينفر منه
بيزيد حالته سوء هالتصرفات وماهو حل تجاهله !
أنا متأكده أن أهلك يفرقون بينكم يعاملونكم أحسن منه !
وأنتم أخوانه وأهل البيت ماحد يحترمه وأكيد قبل مايمرض كان يبي يثبت وجوده بينكم
إذا ماتبون تودونه دكتور نفسي انصحكم تودونه لشيخ يقرا عليه يمكن جايته عين او مسحور او شيء
لا جد اتكلم لاحد يقول وش دخل هذا أنا أعرف شخص نفس حالتك أخوك لكن هو أهون من أخوك

مشكله الأغلاط الاملائيه ˘ᵔ˘̩

اي مقصرين معاه هو مقصر معنى هو من ام غير امي ولا عمرنا سويناله شي قسم بالله ان امه.عسل والله عسل وابوي مايقصر معه بشي ابد اما الشغل مشاء الله عليه هو ماسك شغل ابوي كله يحب الشغل عادي من عمره 16 وهو ماسك لحاله ثلاث مصانع حديد بس الحين صار يسوي مشاكل مع الموظفين كل يوم مشكله هو بثر واكييد انه باثر الموظفين بس زينته انه نشبه وحشري يعني مايخلي موظف يتسدح مايشتغل انا ماعرف شي عن الشغل ماروح بس على كلام الوالده اما الدكتور وديناه يقول الدكتور تعرض لصدمه ايش الصدمه مدري بس هو يقول كذا وعطاه ادويه وخف معاه المرض بس انا والله مو قادر اتحمل وجوده اخاف اخربها بعاه واطقه طق لاني مره سويتها وندمت طقني بخشبه ليييين قلت بس ولا احد في البيت يحبه كلنا نهج منه اذا كان موجود وهو يكره امي كره مو طبيعي مدري ليه هو شكله معرض الانفصام في الشخصيه وهو يغااااار من اخوي الي اصغر منه مدري ليش وباين يعني غبي بطريقه غبيه يبان عليه كأنه بزر

نعم صحيح عندي اغلاااط انا كذا من يومي ماعرف املاء الاسف سامحوني

بعض تصرفات اللي في اخوك

يحتاج الى دكتور واخصائي نفسي لان اللي فيه مو بكيفه

وفي اسرع وقت