احلى القصيد 2024.

احم احم
للـــــــــرومنســــــيــــــــن بــــــس
غرام

ههههههههههههه اهـــــــــداااء لكل رومنسيه او رومنسي فالمنتدى

عسى ماازعلتك البارح وزودت الجراح جراح
عسى مامرت الدمعه على اهدابك من اسبابي

جرحتك من كثر شوقي وخليت الكلام رماح
ولاادري شلون ياعمري طعنتك حيل بعتابي

بدون شعور صدقني ترى كثر الغلا ذباح
تعال وشوف بغيابك غلاك شلون سوا بي

حرام تغيب من عمري وتعطيني الفراق وشاح
حرام الدمع في عيني مناديله هي اهدابي

غيابك يشغل عيون الزوايا وامتلي اشباح
وانا انثر صوتك بقلب المكان واشعل ابوابي

تلفت للامل دام الرجا في عمري المنواح
اناديلك ولو شرهك وصولك تقطع اعصابي

ابيك الجاي من عمري انا ماابيك شي وراح
مدامك اجمل واخر مدامك اول احبابي

ابي ارتاح ياعمري انا ادري هم تبي ترتاح
تعال وقبل ماافرح ترى تفرح بك ثيابي

احبك يابعد عمر الحزن والجرح والافراح
احبك كثر مانامت عيونك داخل اهدابي
………………………………………….. …………..

اكتب ومرة امسح ومرة امزع مرة
وكلمة حبيبي دايم اول كتاباتي
ابدأ بحرف الحاء واتراجع وارجع
ودي بكلمة تميز به غناتي
ابدأ بحرف الميم ويبدأ القلم يدمع
واجلس اواسي القلم لجل اكمل رواياتي
ابدأ بحرف النون ونور القمر يخضع
نوره حبيبي فاق نور السماتي
ابدأ بحرف الدال ويبدأ النجم يلمع
من بسمته نفس ظبي الفلاتي
ابدأ وابدأ وابدأ وفي الأخير ارجع
عن وصف غزال خلق ربه السمواتي
ودي بكلمة في وصفها ابدع
واصبح عديم الوصف حاضر وآتي
اقسم وأضرب واطرح وأجمع
ويبقى غلاه علم يفوق لمعادلاتي
حتى في صلاتي لحظة أكبر واركع
طيفه في خشوعي يسبب شقاتي
ماني بشاعرة واكتب الشعر واطبع
هذي مشاعر صادقة وفيها مماتي
آخذ المعنى وأجر وأنصب وأرفع
وفي أبيات الشعر ابوح بوح حراتي
………………………………………….

لن أكتب إليك قصائدا"
حتى لا يقال شاعر
لن أدون لك أحرف
حتى لا يقال كاتب
بل سأشعر بك
حتى يقال إني عاشق
يا من جعلتيني أعشق الليل
لأنك مجرته
ولأنك فارسه
لا أرى غيرك
لا أحب غيرك
كل مسامي تتنفسك
كل مشاعري تكتبك
ضع يدي ما بين
عنقك وخزانة قلبك
وضميني الى صدرك
لكي أقول
أحبك …
………………………..

محبوب قلبي كم اداريك…مدراة عينى دايم اداريك
ع البال دايم دايم اطريك…وافرح الى من مر طرواك
واحب اشوفك دوم وابغيك….ويرتاح بالى يوم بلقاك
حبك تشربك بي تشربيك….خذت العقل والروح جدواك
يا طير بوصل لك وباجيك…من كثر حبك مالي أفكاك
يا زين لي حلوه معانيك..والحسن لي كمل وغطاك
ببيع أنا عمري وبشريك…ماريد في حبك لي اشراك
عندي حبيبي من يساويك….ماحد أبد في الكون يسواك
اطلب عيوني والله اعطيك….وكل لي بغيتة كلة افداك
روحي غناتي شو بيرضيك….مني وانا لك عبد أملاك
ولو قامت العدوان تشنيك…عندي فأنا والله ما شناك
عزيز أنته عندي غاليك…يا من وسط الفواد سكناك
بد الدهر ما ظني اسليك …..قلبي يحبك كيف يسلاك
انته حياتي هوب ناسيك …..لا تفتكر باصد وانساك
من خافي في الروح بهديك…تحية من القلب يهواك
…………………………………

على هالليل تحوم نجوم سهرانـه تنادي بشوق للي ما غفـت عينـه
تصيح تون كأنه صـوت إنسانــــــه عجز منها الزمن ما رجعت دينـه
على وسع البحر كم صارخت دانه عجز غواصنـا يمسكهـا بايدينـه
ومع وجود الحبل والناس تعبانـه تريد تقول هذا الشخـص يعنينـه
وقف غواصنا وأشـر عميزانـــــــه وقال النوم في حضن البحر زينه
يا طول الليل كم عشنا مع أحزانه نقاسـي الهـم والأيـام تطوينـه
نغذي قلوبنـا بأوهـام عطشانة حرام المـوت يقتلنـه ويمحينـه
سكت وتسارعت الحبال غرقانـه ياليت الموت قابلني على المينـه
وداعيـة يـا أول يـوم ملقـانـه وداعيـة قلـب وادع محبيـنـه
يا بنت العـم قلبـي مـل خلانـه ولا غيرج تـرى زادوا مضانينـه
حبيبة خاطري عمـري وأشجانـه عيوني والهوى والقلـب وسنينـه
ترى حمد يحبـج والعشـق بانـه ولـو مـات العمرأيامـج تزينـه

مو انا الي كاتبتهن
غرام

شكرآ على الطرح المنتآز ^_*

يا زين لي حلوه معانيك..والحسن لي كمل وغطاك
< < اتوقع لهجة قصيد عمآني او اماراتي
.. تقبلو مروري ^_^

اقتباس:

المشاركة الأساسية كتبها حفرآوي

شكرآ على الطرح المنتآز ^_*

يا زين لي حلوه معانيك..والحسن لي كمل وغطاك
< < اتوقع لهجة قصيد عمآني او اماراتي
.. تقبلو مروري ^_^

العفـــــو خيوؤ
ثااانكس ع الرد
غرام
والله ماعرف الي كاتبنها من وين

اختي دلوعه
هلابك وبمشاركتك يالغاليه
وحياك الله اختي
بس ياليت تسمحين لي بتوضيح بعض الحاجات الضروريه في القسم ومنها تحديد مصدر المشاركه يعني التوضيح هل القصيده او القصائد بقلمك او انها منقوله؟؟؟
وانا عارف ان القصائد هذي منقوله اصلآ لمعرفتي ببعضها ولكن ابغى يكون عندك درايه عن هذ الشرط وانا اخوك
طيب النقطه الثانيه وهي
ان قسم همس القوافي لايقبل الاماكان من ابداع العضو نفسه بينما المنقول له قسم خاص فيه وهو قسم المنقولات الادبيه
فياليت تسمحين لي بنقل موضوعك للقسم المناسب له
وتقبلي تحيات وتقدير اخوك
أســــ الغنج ــــير

اقتباس:

المشاركة الأساسية كتبها أســــ الغنج ــــير

غرام
انزين انا كتبت مو انا الي كاتبتهن