بما اني مالقيت تفاعلكم في روايتي الاوله قلت انزل الروايه الثانيه واتمني الاقي تفاعلكم اتوقع ان البدايه ماراح تكون مشجعه لكم بس انا اوعدكم اذا كملتوها راح تعيشون معاها
كل واحده في هالعالم تتمنى تعيش قصه حب ونهايتها سعيده….
وماتبي تعيشها للنهايه وتكتشف ان اللي تحبه ما يبادلها الشعور نفسه او بالاحرى يحب غيرها بتكون صدمه كبيره بالنسبه لها وبتكره الانسانه اللي يحبها حتى لو كانت اقرب انسانه لها ليش نتكلم بس عن البنت حتى الولد له دور كبير في حب انسانه ويكتشف في النهايه انها مو من نصيبه من نصيب انسان ثاني راح يضمها بين ضلوعه انسان ثاني بيكلمها انسان ثاني بيحقق الحلم اللي كان يتمناه مع حب حياته مو بس بيكره هالانسان الا بيكره العالم كله وبيتمنى الموت الف مره ولا يشوف حلمه بين ضلوع انسان ثاني ……
قصتي تتكلم عن ناس عاشو الحب لكن ماعاشوه لنهايته وناس عاشو الحب ولاكن على ظلال انسان ثاني وناس عاشو الحب لنهايته ……
وانا اكتب قصتي عشت ومت معاهم وحسيت فيهم وتأثرت معاهم ويليت كل من يقرا قصتي يعيش احداثها ….
ماطول عليكم ……
البارت الاول (1)
في ليله من ليالي 14 او 15 جلست اشجان تناظر القمر
اشجان بنت رقيقه شفافه بسرعه تزعل عمرها 18 سنه حبوبه الكل يحبها واكثر شي ولد عمها بتتعرفون عليه في الاحداث الجايه … اشجان وهي تناظر القمر دقت عليها بنت عمها امال
امال : بنت دلوعه تحب السوق عمرها 19 سنه علاقتها بأشجان قويه لدرجه انهم اكثر من خوات
كانت امال جالسه على الكنبه اللي بالصاله وكان جنبها جالس فارس اخوها الكبير عمره 23 سنه يحب الرياضه جسمه رياضي رومنسي يحب الكشخه والرزه وكانت جالسه جنبهم ام فارس : طيبه وحنونه وتاخذ الشي بالسياسه
امال دقت علىاشجان بس كانت في عالم ثاني …… عالم الخيال بعدين انتبهت للجوال وردت
اشجان : الو؟؟
امال : اخيرا رديتي ؟؟ كيفك
اشجان : تمام
امال : شفي صوتك متغير؟؟
التفت فارس على امال وجلس يناظرها باستغراب
اشجان : متملله
امال ك كلنا متمللين مو بس انتي
اشجان : نفسي اصيح
امال : تصيحين ليش تصيحين؟؟
فارس زاد فضوله يبي يعرف منو اللي تبي تصيح ؟؟
فارس: منو اللي تبي تصيح ؟؟
امال تقول لفارس : لحظه
اشجان : شفيك؟؟
امال ك اكلم فارس
اشجان : فارس جنبك؟؟
امال: أي هني جالس جنبي . شوفي اقري قران اكيد بترتاحين
اشجان : طيب اللحين انا اخليك
امال: طيب يلا باي
اشجان : باي
امال تلف على فارس
امال : هذي اشجان
فارس : ليش شفيها؟
امال : مافيها شي بس يمكن نفسيتها تعبانه
فارس: كان خليتيها تروح معك السوق
امال: ماراح ترضى
فارس : ليش؟
امال: مدري بس اعتقد انها ماراح ترضى
فارس: تعتقدين يعني ماسألتيها
امال: (بستغراب) اللحين انت فاتح لي محاضره ليش؟؟
فارس: موفاتح محاضره ولا شي بس انتيب تروحين تستانسين ليش ماتاخذينها معك؟
( ورن جوال فارس وكان المتصل نواف )
نواف اخو اشجان عمره 22 سنه نكوتي وسوالفه ماتنمل وراح تتعرفون عله اكثرفي الاحداث الجايه
فارس : هلا والله
نواف : هلا فيك
فارس: ها؟ بتروح عند الربع؟؟
نواف: في غيرهم؟
امال تأشر يصبعها انها تبيه يوديها السوق (فارس شافها)
فارس: اوووه نسيت
نواف: شنو؟؟
فارس" هذي تبيني اوديها السوق
نواف: منو؟؟
فار: امالوو
امال عصبت على اخوها
امال: الين صرت امالو ( وسكتت عشان مايغير رايه على روحه السوق)
نواف: ضحك
فارس: انا موغلطان عدل؟؟
نواف: حرام عليك اكيدالحين شابه نار
فارس: تصدق شابه نار ع الاخر
نواف: غريبه ماردت عليك
فارس: لان من مصلحتها ماترد علي
نواف: صراحه كسرت خاطري
فارس" خلها تولي
(امال في هالحظه ودها تصفع اخوها كف على وجهه بس تحاول تتماسك اعصابها وتلهي نفسها باي شي عشان ماتعطيه وجه )
فارس: (ضحك)
نواف: شفيك؟؟
فارس: امالو
نواف: شفيها بعد؟؟
فارس: جالسه تلهي نفسه بأي شي عشان ماتحترق اعصابها زياده
نواف: ماتنلام
فارس: يالله كم الساعه بتروح للربع؟؟
نواف: تقريبا ع الساعه تسع
فارس ok اجل اشوفك هناك
نواف: واترك اختك في حالها
فارس: تدري ودي اطول المكالمه معاك عشان احرق قلبها
نواف: والله انها مسكينه شمسويه لك؟؟
فارس: ماسو تشي بس خاطري اتخانق معاها
نواف: حرام عليك.. اخليك انا الين .. في امان الله
فارس: في امان الكريم
(امال شابه نار والعصبيه والنار طالعه من عيونها)
امال: حضرتك متى بتوديني؟؟
فارس: اممممم افكر
امال: تفكر في شنو؟؟ انا ماتحملت عباطتك كل هالمده عشان تقولي افكر
فارس: شتبين الحين انتي؟؟
( امال خلاص دمعت عينها وبتنزل من الاسلوب اللي جالس يعاملها فيه)
امال: بتوديني ولا لا
فارس: لا…( وهو يناظر الساعه ) انا تأخرت عن الربع يالله باي
(وطلع)(امال شبت نار اكثر واكثر وراحت غرفتها وهي تصيح من القهر)
س1 شنو رايكم في بدايه القصه؟؟!
س2نواف شنو موقفه من اللي سواه فارس بأمال؟؟!
| 16 / أي كاتبة تطرح رواية أخرى لها..والأولى مازلت معلقة من دون أتمامها فـ ان الـرواية الثانية لها تغلق وذلك لـ الحفاظ على حقوق القارئ .. |
تغلق الروايه الى ماتكملي روايتك الاولى
محتاجة ضمة حبيبي تدفيني / بقلمي