السلام عليكم
كيف الحال ان شاء الله بخير
اليوم جبت لكم كيف تعتقو جدرانكم بنفسكم
يلا نبدا
اختار اللون اللي تبغاه واشتري منو درجتين..فاتح وغامق.. واصبغ الجدار بالفاتح بطريقه عاديه
بعدين جيب قطعه قماش وغطيها باللون الغامق
بعدين دحرج القماش على الجدار زي الرول بهادي الطريقه
والاماكن الضيقه اللي ماوصل لها تعتيق اضربها بهادا الشكل
وهادي هيا النتيجه النهائيه
وهادي طريقه تعتيق تانيه
اخلط اللون الابيض مع اللون اللي اخترتو ازا كان غامق عشان يتفتح شويه
وبالوعاء الخاص تحط كميه من البويه وتمرر الروله فيها ثم تخفف من الكميه
اللي عالقه بالروله بهادي الطريقه
اصبغ منطقه ماتكون كبيره ولا صغيره
وقبل لا تنشف البويه جيب قطعة نايلون ومدها عالجدار
ومرر عليها الفرشاه عشان تثبت
وكرر العمليه بجنبها
وخليها اربع ساعات او اكتر وبعد ماتنشف شيل النايلون
وهادا هوا الشكل النهائي
طريقه التعتيق التالته
جيب علبتين من اللون اللي اخترته
وواحد منهم اخلطيه بالابيض عشان يتفتح
وبالفرشاه لون باللون الغامق اجزاء متباعده من الجدار
وبفرشاة تانيه تكون شعيراتها متباعده
تدمج الالوان على بعض
وهادي هيا النتيجه النهائيه
وهادي طريقه رابعه بعد ماتصبغ الجدار بالروله
وقبل لا تجف البويه تجيب مكنسه نظيفه
وتحاول تباعد بين شعيراتها
وتسحبها بشكل عامودي
وهادي هيا النتيجه النهائيه
وبس طال عمركم
اتمنى تكون عجبتكم
تحياتي
جن جن
يعطيك العافية
عواااااااااافي
^،^
طريقه مره مميزه ..
تسلمين غناتي ويعطيك العافيه ..
ع الطرح المميز ..
ما ننحرم جديدك ..
ابدااااااااااااااااااع
روعه ماشاء الله
يعطيك العافيه
نتظر جديدك
دمتي بحفظ البااري ورعايته