اذا المراجل لبسة شمـاغ وعقـال قـل للعـذاري يلبسـن العمـايـم
ماعاد يفرق زول حرمة ورجـال دام الفعايل تشبـه البعـض دايـم
المرجلة ماهيـب كلمـة وتنقـال وتروح ماراحت هبـوب النسايـم
ولا خشونة صوت اورفع الاثقـال او رزة صـدور وفعـل الزلايـم
ولاهي بعد مفتاح موتـر وجـوال والا ردى لسانـن حديثـة شتايـم
المرجلة شيمه عن القيـل والقـال رفيع نفسـن حـر باجـو حايـم
المرجلة عقل وزن وزنـه جبـال ودون العقل وش فرقنـا والبهايـم
يامسندي لومايل الوقت بـي مـال ياولـد أبويـه ياعظيـم العزايـم
يامعرب الجدين من العـم والخـال يانخوة المفـزوع وقـت الهزايـم
المرجلة ياخوي هي طولـة البـال هي العزم هي الصبـر فالظلايـم
فيها الكـرم عـزة دلـه وفنجـال فيهاالكرامه عن ردى الطبع شايـم
والدين لامنه خـذا القلـب منـزال مشي طريق الحق وابليـس نايـم
ومن لاعرف ربه في طيب الحـال لابد وقـت الضيـق بالهـم هايـم
حتى صلاتك مع جماعات ورجال في خيرها ياخـوي نعـم الغنايـم
ولامن نصف ليلك قم صفي البـال ياعظم اجرك بيـن ساجـد وقايـم
ولامن رفع ربي له كل الاعمـال حسن الذكر لاقالوا فـلان صايـم
وخلك شريف القصد ياطيب الفـال سوء المقاصـد فالبيـوت الهدايـم
واحذر تبيع النفس في دب الأنـذال وتتبع خـوي ابليـس راع النايـم
النفس خيل لـك اذا كنـت خيـال ومن لاقوى نفسه قوتـه الهزايـم
ولاصرت ماتدري لوش انت رجال والله خسارة فيـك ذبـح التمايـم
رااق لي ..~
تحياااتي وودي
ولكن القصائد المنقوله ياليت يتم طرحها في قسم المنقولات الادبيه لأن قسم همس القوافي لايقبل الا ماكان من ابداع العضو نفسه
لذلك اسمح لي بنقلها لقسم المنقولات الادبيه
وتقبل تحياتي واعتذاري
اخوووووووووووك
أســــ الغنج ــــير
وقد تم طرحه من قبل ولكن بتاريخ قديم
وبحسب قانون المنتدى لا يعتبر مكررا
ننتظر جديدك..
لك ودي..
اختيــار رااااائع
سلمت اناملكـ على هـذا النقــل
.gif "Graaam (276)")
.
تقـبلـ/ ي مروري
أختـك : Ī ĐỎЙ’Ṫ СẮЯЄ.gif "Msn (2)")
× ««
.gif "Graaam (294)")
يعطيك العافيـــــــــــــــــة
عبير الورد لروحـــــــك
عـــــــــــــــوآفي
/
يعطيك العافيه عالنقل
تحياتي,,