اليوم اتيت ومعي مجموعة ( سُحُبْ ) لشاعر فريد جداً ,
هو الشاعر عاطف الحربي .. !
|.. بطاقة تعريف ..|
..
.
الإسم : مجهول الوطن والهويّـه
……… العمر : غصـه من (ثلاثه وعشرين)
اعيش : في كل الجروح النديّـه
…….. و ليَ القصـايد ـ عن سواها ـ : عناوين
هوايتي : قطف الحزن في يديّـه
……….. من كل وجـه ٍ من وجيـه المساكين
احلم : بـ صبح ٍ للمحبـه و ليّـه..
………… مابه سجون ولا ظـلام ومسـاجين
أحب : كل الناس ..لو هم عليّـه
………. اثقل من الديَن ان لفى راعي الديَن !
موتي : بـ (ضحكة طفلة ٍ ) سرمديّـه
…… تسري .. واثر ضحكة صداها / بساتين
..
هذا انا , وحـدي اكون الضحيّـه
………. يوم اسـأل الجدران عني ..: أنا مين ؟!
الحب والاشعار عندي قضيّـه
……….. ياذا البلـد .. لاتجرح الجرح وتلـين !
مالي من الاسرار مقدار فـَيـّـه
… من صاحبت (رمضاك)(بوحي) من اسنين !
نويت اهجر وطن واقصد وطن والعالميَن اغراب
// على ضو الجروح اتبع خَطايه واكتبه تصحيح !
تعبت اطرد ربيعي , وآتشرّب من خُطاي اتعاب
// تعبت امشي على سكة خطاوي سابقه .. وآطيح
تعبت اخفي عن عيوني حقيقة ماورا الابواب
// تعبت اتعب , وتهديني حدودي زيفها.. وآسيح :
على لوحه بلا لون وملامح .. من حزن تنساب
// تسولفني على بعضي (شظايا) في مهب الريح
…صديقي ماورى ضيقة قصيدي غير افك الباب
// وألـوّح للعصافير الحزينه , وابتسم , واطيح .!!
تغيّـرنا / كبرنا ماقدرنا نستريح اطفال
ولابه من طريق يردنـا لـ اجمل ليالينـا
صرخت انده على حظي معك من كثر ماقد مال
وردّ الصوت مكسور الصدى .. يرفض تلاقينا !
تعبت الجرح نزفه ماكفاه يزيدني ترحـال
خذى حتى السنين بـْ ضحكها وبْـ دمع ماضينا
ولين الحين شوفي وش بقى!! .. منهااار هذا الحال
اسامينا .. بقت فـ ااااخر حكاياته .. اسى مينا
!
.. واخذ يكتب جروحه وانكساره في طرف ( بوفيه )
…………….. يذوب من القهر وسط الزحام فـ كاسة الشاهي
يبلله الحنين , ودرب ماضي ماتعب يمشيه
…………….. عتب مدري تعب كانت ملامح .. عذره الواهي
سرى به حلم يتشرّب سرابه , يكتبه يمحيـه
…………….. على مهله يموت من اختناق آصابعه , ياهي ..
..غريبه حالته وان قلت الاغرب منه لا مافيه ..
…………….. صدقني شِـعره اللي ماتعثر .. غير بـ شفاهي
على رمضا ظنونه قال : يلـّه سمّ ياباغيــه
…………….. قصيد ٍ … ماتمل الناس تقرى شيـنـه الزاهي !
بدى يكتب : بلادي يابلادي , واعرقت كفـّيه
………….. سِكْت .. فكـّر يعيد .. وطال صمته , بالسما ساهي
تساقط من أعالي خيبتـه لين اسفلـه , ويديـه ..
…………….. يحاصرها سكوتـه والحزن بـه حييييل متباهي
كأن الطاوله والشارع اللي يعتريـه التيــه
…………….. هم اكثر من شعر بـه يوم ضاع فـ زحمة اشباهي
بكاهم لين صاحو في لسانه : من انا ؟؟ طب ليه ؟!
…………….. واخذ يدوي صداهم في مكان الكل به .. لاهي
ومن فوقـه تطير الذكريات من العطش تسقيه
…………….. تناديلـه .. ولا في داخله من صاح به : ناهي !
على هالحال ظل , وبـ ارتباكه ترتكب رجليـه
…………….. دروب اغبـا ذنوبـه , والخـَطا في جعبته باهي
……..
……….
هنا …
… قام بـ ثقل , لملم جراحه والتعب ماليه
…………….. سأل بعضه على بعضه وراح فـ عذره الواهي
نسى نفسـه وراه وماتدارك .. في ظهر كرسيـه
…………….. نسى يدفـع بعد .. حق البوفيـه وكـاسة الشاهي
>>>>>>>>>>
ورقة مدهشة :
عساك سالم بس هـذي ضروفي
……………. ازريت ابيّـنـها لغيرك من الناس
وانا لو انـْـهـا طايعتني حروفي
………… ماكنت مثل ( اللحين ) بالحيل محتاس
قلت : اكسر الروتين لابُـد توفي
…………… كم للورق ذابل ,, تمرّه بلا احـساس
لكنّ شوفي مو على قـد شوفي
………….. مرمي على شط السهر , واطرد انعاس..!
.
.
ماشفتني …؟!
ماشفتني كيف اختـنقت ابـ كفوفي :
………….. حبر ٍ يعرّيـه السطر / يـزفر الباس
و ماشفت ذاك الوقت كيف ابـ وقوفي
………….. دمع الشوارع سال في دفتر الياس ..؟؟
.
.
لـلـه .. دامك حيّ .. هذي ( سيوفـي )
………….. خذهــا معاك وهات لي ارض و انفـاس ..
وللأرض ناس تموت , واليوم خوفي ..
………….. لاماتت ارض وعاش من بعدها ناس ..!
لعيونها والله اني مانويت انكتب
……….. لكنّ شي ٍ ..يراودني ويحلا لها
أحبها وآآآآآه ..ليته بيننا من نسب ..
……. واكون طفل ٍ لها , وآكون ابوْ عيالها!
ياااااااه احبك , واحبك حُب لـ امي وابي
……………. بايع الناس , كل الناس , بس اشتريك !
أحس فيني شـي ّ ( دونـك ) ولاشـيّ
غيـر السـواد يحيـط شكـل الزوايـا
فينـي بقيتـي وانعمـى خافقـي حـيّ
فينـي رحلتـي و المرايـا عرايـا
فيني بكيتـك وانطـوى شاعـرك طـيّ
فيني رسمتك : خوف / حُـب وحكايـا
….
آآآآه كم صـارت قلوب الآوادم خبوت
…….. لا عشب روح , لا رحمـه ولا حب .. ليـه ؟!؟!
آآآآه يـ انتي
ليه احبك بعد ماخنتي .. كثيييير
ليه مااقسى ؟!
ماعلى الباقي سلام .. الا عليك
وماعلى قلبي ملام .. ولا عليك
عادتك تقسين ..
وعادتي …. أنسى .!
………………………….
طريق الليل موحش لاخلى من ريحة الاحبـاب
………… وانا الانسان ـ وحدي ويش اكون؟ـ ان ماشعر بـ اهله !!
تعبت اتعب .. مللت استسلم لصبري .. كرهت ارتاب..
……………… و انا قلبي علىْ اشواك السهر يمشي على مهلـه
خذيني يالقصـايد .. لو غدينا فالعيون اغراب
……………… مشاوير الاماني مقفـره .. تحيي بنا العزلـه !
كتبتـك .. مقصدي حرية ٍ غابت ورا الابواب
……………… فـ ليش ابقى مع اللي يشتكي جهله على جهله !
طريق الليل قاتل .. لو ورى هذا الغياب غيـاب
……………… منين ألقى لـ حزني .. قلب .. يشبهني واشبه له ؟!!
وسلاااامتكم
لشاعر عاطف الحربي
بوحميد الكعبي
سلمت يداكـ على النقل
إحترامى لكـ
كل الشكر لهكذا ذائقه
لاعدمناك ولاعدمنا جديدك
ننتظر جديدك
تحاياي
|
المشاركة الأساسية كتبها ؛؛همس الروح؛؛
 مساءكـ رائع كإختياركـ
سلمت يداكـ على النقل إحترامى لكـ |
مسااء الورد..
الله يسلمج اختي
ومشكووره على الطله
وأشكرك ع النقل
روووووعه الشاعر
تسلم
|
المشاركة الأساسية كتبها tornado soon
كل الشكر لهكذا ذائقه
لاعدمناك ولاعدمنا جديدك ننتظر جديدك تحاياي |
العفوو..
ومشكووره على الطله الحلوه
نورتي
مختارات جميله
صح لسان شاعرها
ولا هانت يمينك ع النقل
//