اتمنى انها تعجبكم…..
شخصيات القصة:-
عائلة حميد حمد سيف حمد راشد
اليدة شيخة:هي كبيرة العايله ومحد يظهر عن شورها وهي طيبة وحنونةوعندها 3اولاد وواحد منهم متوفي اللي هو سعيد واولادها الي عايشين هم سيف اللي هواكبر عيالها وبعده خالد اللي هو ثاني اكبر وبعدين سعيد المرحوم و ايمان اللي هياصغر وحدة يعني عيالها بالترتيب هم(1-سيف_2-خالد_3-سعيد_4-ايمان)
سعيد تزوج قبل خالد مع انه الاصغر بس لان سعيد كان طايش فيوزووه بسرعة
عايلة بو عبدالله(سيف):-
سيف:هو الاب وهو طيب وحنون ويموت فيعياله
غايه:حرمة سيف (بو عبدالله) وطيبةوحنونة وعلى نياتها وما تحب الحش وغيره من سوالف الحريم وتحبريلها وعيالها وايد
حمدة:حرمةعمرها29 طيبه وحبوبة ومعرسة منواحد يقرب الهم من صوب امها وهو من العين واسمه محمد ويموت في التراب اللي تمشي عليهوماخذين بعض عن حب وعندها 3 عيال اللي هم حمدوعمره 8 وبعده راشد وعمره 6 وبعدينسارة و عمرها 2
عبدالله :ريال وسيم ويعتمدعليه وقد المسؤلية وهو معرس وعنده بنت اسمها الريم عمرها 3 وحرمته مهرة وعمره 27
خليفة:ريال والنعم فيه جمال واخلاق وطيبهوهو يدرس في بريطانيا وعمره 24
مريوم:عمرها17هي كلالجمال والخفة بس خساره فيها هالجمال لانها هبله وهي ثاني ثنوي ادبي وتدرس مع بناتعمها الثنتين نواري وفطيم واحلى شي فيها غمازاتها وظحكتها البريبئة
مطر:عمره 13والكل يشتكي من سوالفه وطبعاالفريج كله يعرفه من شطانته
علايه:عمرها 4 سنواتام لسان والكل يحبها والسبه لسانها الطويلاللي يشوفها يقول فديتها بريئة وكتكوتة لكن يوم ترمس اتخرب جمالها البرييء
عايله بو منصور(خالد):-
خالد:الاب وهوطيب ويخاف علىعياله وايد وبالذات بنته الوحيدة نواري
عايشة:الام حنونة وتحب عيالها واكثر واحد تحبه ولدها منصور لانهيعرف كيف يقردنها بكلامه الحلو
منصور:عمره25خقاق وله هيبته بين شباب العايله ووسيم ويحب يطفر بالبنات وخصوصا فطيم ومريوم
زايد:عمره22جماله محدود لكن طوله وعرضه محلينه ويدرس في الكلية يحب دراسته واااايدوهو من النوعالبلشتية اللي يموت ويتضارب ومحد سلم من عصبيته الزايدة عن حدها
ذياب:عمره 18 وهو ثالث ثنوي ادبي وفي مدرسةخليفة بن زايد للبنين يحب اخته نواري ومايرظا عليها اذا حد زعلها لانها مش بس اختهدلوعته ومخزن اسراره :d
نواري:عمرها 17بزايةالعايله وابوها يموت فيها لانها اخر العنقود والبنت الوحيدة عنده هي اجمل وحده فيالبنات عيونها سود ووساع ورموشها طوال هم اكثر شي فيها ملفت للنظر لان نظرتها وهيترمش تخبل بالواحد وطبعا اكثر شي فيها ينرفز بروود اعصابها
عايلة المرحوم بو حميد(سعيد):-
شمسة:هي الام وهي طيبة وتموت في عيالها
بسمة:عمرها 28 ومعرسة وعندها ولد وبنت سلامة سنة13 وجاسم سنة 11 وسعيد 3 سنوات وريلها اسمه راشدويموتون في بعض وهي حنونه واطيب اخت في العايله
عايشة:دلوعة وخقاقة عمرها27 وهي معرسة وعندها ثلاث اولاد ناصروسالم ومايد وريلها خالد وماخذين بعض عن حب
حميد:يموت في خواته وبالذات فطيم لانها دلوعته هو اكثر اخوانهحنية عمره 26
سيف: وهو جذاب وعمره 23ويدرس في لندنويا خليفة
فطيم:عمرها 17هي بنت لكن حركاتها شراتالاولاد بس هي جميلة وجمالها طبيعي لانها ماتحب تتعدل خشمها سيف وعيونها ناعسات وهيوايد شيطانه في المدرسة والمدرسات يموتون في خفة دمها
حارب:هيات ومايداني المدرسة ودلوع فطيم بسفطيم دوم تطفره وطلعه من طوره بس هو يموت في فطيم ويعرف يقردنها وعمره 13
واخيرا عايلة ايمان اختهم:-
ايمان: هي العمة مطلقةولسانها اطول عنها اتحب اتحش وتظهر رمسة عن الناس و الواحد بالمرة مايرتاح وياها
سالم:هو البجر عمره 23 وهو مش واايد مع عيالخواله لانه شي يخص امه وهو مايداني امه حتى لو كانت امه مايحب اسلوبها و اخواتهروضة وريم مايواطنهم في عيشة الله لو مش عنودة اخته جان
ولا فكر يسيربيت امه
روضة وريم :توأم عمرهن 21 وهم نسخة منامهم حشرة ويحبون الحش واااايد حلوات و من جي خقاقات ورافعين خشومهن على كل حد
العنود :هي غير عن امها وخواتها ومايخصها فيهمحبوبة وطيبة وجميلة ماشالله عليها احلى عن خواتها بس ماتحب الخقة شراتهن وخبالهاشرات قوم مريوم وفطيم ونواري واايد تحب اتسير عندهم اما في البيت محد يواسيها غيراوخوها سالم
………………………………………….. ………………………………………….. …
يتبع الجـــــــــــــــــــــــــــــزء الاول,,,,,
———————————–
يوم السبت
الساعة 10:30
في مدرسة ام عمار
—————————-
اثناء ماكان يدق جرس الحصة الثالثة
مريوم: اففف أخيرا دق الجرسعنبوها من مس هب ريج عليها متى ينشف وتفكنا من صدعة الراس
نواري:هههههههه هيهصدقج والله
مريوم: صدق اكره حصتها الله ياخذها
مريوم لاحظت ان فطيم مالها حس وسرحانه فشلت قلم وفرتهعليها
فطيم: علة تعلج يالعنز قطعتي عليه حبل افكاري
نواري: هههههياويل حالي ع السرحانين الي ماخذ عقلج يتهنابه
مريوم: طبعا اتفكر في حبيب القلبزيود
نواري: هيه صح نسيت اخبركم تراه زيود اخويه اليوم بيشلنا من المدرسة
فزت فطيم على طاري زايد فطيم : احلفي…. وبالرنج !!!!؟
مريوم : ههههه حمداللهوشكر حليله ولد عميه ماتحبينه الا عسب سيارته
نواري: فديته اخويه بلشوه بفطيمالدفشة
فطم : أييه انتي وده هو اصلا بوحدة شراتي
مريوم : افف يلا امشن بتخلصالفسحة وانا يوعانه ابا اكل
نواري: كله همها في بطنها زين يلا هذو وصلنا
—————————–
في ساحة المدرسة
——————————
وهن يتمشن يتهن ميرو ربيعة نواري عسب اتسلم عليها
ميرة وبعد ماوايهت نواري : شحالج الغلا
نواري: بخير يسرج الحال انتي شحالج
ميرة : دوم يارب انا بخير دامج بخير غناتي
صدت ميرة على فطيم ومريوم عسباتسلم
ميرة: هلا بنات شحالكن
مريوم: بخير والله نسأل عنج
ميرة :سألتعنج العافية حياتي
فطيم وهي تغمز حق ميرو : ها ميرة محلوة اليوم
نواري : اصلا ميرة امبونها حلوة
ميرة استحت وابتسمت بخجل : مشكورات والله عيونكن الحلوة
نواري ابتسمت و فطيم وهي ترمش بعينها : احم اعرف ههههه
مريوم : دخيلج فطيمههههه مشكلة الثقة
ساروا ويلسن على طاولة عسب ياكلون وبعد ماخلصت فطيم ضرب فيوزالخبال عندها وقالت الا اسوي حشرة واربش المكان
فطيم: يلا بنات نبا شويه جوبسكن سوالف انا بدق ع الطاولة وانتوا غنوا
البنات: هههه افا عليج فالج طيب
فطيم وهي ترمس مريوم: يلا رقاصتنا نشي هزي
نشت مريوم وركبت ع الطاولة : يلابنات اطربونا باصواتكن الحلوة ههههه
فطيم: يلا ا 1 2 3 ابدأ
واسططربن البناتعلى اغنية ياحمد لانه حمد العامري فارس احلام فطيم واتمووت فيه هههههه
وفي عزالربشة والرقص يت المديرة وسحبت مريوم من شعرها وهي تنعش
مريوم : هيييي شوشايفتني جدامج عنزه
الميرة وشرار ظاهر من عيونها : ولج عين ترمسين بعد
مريوم استوعبت شو قالت و شو كانت اتسوي وباحراج : مس انا مايخصني فطيم امرتوانا نفذت
المديرة صدت على فطيم
المديرة : يافطمة متى بتيوزين عن سوالفجاخر شي بطنتردين وبتروح عليج السنة كلها وعلى شو على ربشة ومشاغبة مسويتنهاانتي ويامريم كيف ترضين على عمرج ترقصين جدام البنات ما تستحين
فطيم وهي تقاطعالمديرة : بس مس رقصها حلو صح يعني مافيها شي<<<متفيجة
مريوم وهي تبتسم : احم احم اشكرفنج فديت بنت عمي والله
نواري : صدق ماعندكن سالفة
مريوم : افا نواري يعنيقصدج رقصي مش حلو
نواري: لا افا منو قال رقصج يجنن غناتي
المديرة: صدقماتستحن واتقاطعوني وانا ارمس بعد
فطيم : اوه اسفه مس كملي كلامج كلنا اذانصاغية
المديرة وهي صدق مفولة : انتن ما تفيد معاكن الرمسة نشن ثلاثتكن يلا علىمكتبي يلا
نشن البنات ورا المديرة لا ويليت ساكتات ومحترمات اعمارهن قصدي يليتمريوم وفطيم ساكتات ومحترمات اعمارهن داقين سوالف ولا عليهن وفطيم تعق تعليقات علىلبس المديرة ومادري شو ونواري حليلها ساكتة وتتحرطم في خاطرها على بنات عمها اليلازم يمشكلنها معاهم
يوم وصلن المكتب
المديرة: ايلسن وكل وحدة فيصوب وانتي فاطمة تعالي ايلسي عدالي عسب اشوفج عدل
كل وحدة يلست في المكان وفطيم ولا عالبال متعودة الحبيبة على مكتب المديرة بس متحسفة انهم ما بيتمن لين اخرالدوام يعني ما بتشوف زيود
نواري ساكتة و تقول في خاطرها هاي الهنتين لازميبلشني وياهم
ومريوم بدت اتخاف وفيها الصيحة توها استوعبت انه المديرة بتسويلاهلها يعني عبدالله اخوها اكيد بيعرف وبيهزبها هزبة محترمة
المديرة كانت تتصلعلى بيوت البنات بس محد يشلها بس بيت فطوم والبشكارة قالتلها انه محد موجود لانه امفطوم سايرة صوب عزبتها و ام مريوم سايره بيت اختها وام نواري سايرة بيت اليران وجييعني تعرفن الحريم مايقرن في بيوتهن الصبح والرياييل محد سايرين العين و الي فيدوام ومادري شو
المديرة : احينه شو اسوي اتصل فمنو اقول مريم عطيني رقم ابوجولا اخوج ولا حد من هلج وانتي بعد فطيم
مريوم صدق زاغت لا لا تبا رقم عبداللهاكيد بتقوله كل شي ويبحرج عليه مابا مابا ونزلن دموعها
فطيم تبا تضحك على مريومبس مسكت عمرها نواري غمضتها مريوم فقترحت انهم يسون لليده لانها ماتظهر الصبح واكيدموجودة فسوت المديرة على بيت اليدة
ترن ترن …..ترن ترن
ميري: hello
المديرة : هلو وين مدام
ميري: صبر شويه
سارت ميري تزقر اليدة
اليدة: الووو
المديرة: الو السلام عليج خالو
اليدة : وعليكم السلام منو؟
المديرة: خالو انا مديرة مدرسة ام عمار الي يدرسن فيها بناتكن مريوم وفاطمةونورة
اليدة: انزين و جي متصلة شو مسويات مسودات الويه
المديرة: البناتشاغبن وهاي مش اول مرة حق فاطمة ومريم ونحن محذرينهن ان عادوها بنفصلهن
اهنيمريوم زاد صياحها ونواري تهديها و فطيم ويها خط ماتعرف شو اتسوي
اليدة: انزينشقايل امشاغبات شو مسويات هاي اكيد بنت سعيد ام المشاكل هاي البنية يبالها ضربمسودت الويه فاضحتنه جدام الناس….الخ
اليدة يسلت تتحرطم و ناسية عمرها وانتواتعرفون العيايز يوم يرمسن محد يروم يسكتهن هههههه والمديرة حليها اعتفست مب عارفهكيف اتسكتها
اليدة:….نحن نربي ونتعب واخر شي يسودون ويوهنا
المديرة وهيتقاطع اليدة: انزين خالو لازم حد أي يشلهن لانهن مفصولات ولازم يردن البيت
اليدة: وشعنه تردونهن البيت نحن انوديهن المدرسة عسب ادرسونهن و اتعلمونهن شو منمدرسة انتوا
المديرة: خالو هن مشاغبات و شاغلين البنات عن دروسهن حتى نورةالهاديه استوت شراتهن ولازم نفصلهن كم من يوم عسب انأدبهن
اليدة: وابوي عليهمعلى ايامنا الي تشاغب يزيد عليها الشغل وتنضرب هب يطرشونها البيت عسب تاكل وترقد عكيفها ونعم المدرسة الصراحة انتوا.. نحن الغلطانين الي حاطين بناتنا عندكم
المديرة خلاص طفرت من اليدة
المديرة: خالو هاي هي القوانين وانا ماروم اغيرهاولازم حد اي يشلهن
اليدة: امايه بنت منو انتي
المديرة عفست ويها و فيخاطرها يالله شو هل عيوز الحشرة وهي شو يخصها
المديرة: انا خولة بنت محمد بنثاني ال…..
اليدة:هي ثرج بنت ام ثاني من المرور
المديرة: هي خالو
اليدة: الي اعرفه عن ام ثاني انها حرمة عاقلة و هادية وبناتها الكبار شراتها بس انتوا بناتهل ايام كل شي على هواكن محد يروملكن لسانكن اطول عنكن لا تحشمن لا كبير ولا صغيرتعلمي من امج استوي شراتها حرمة سنعه اقول امايه انتي معرسه ؟<<<اسميها عيوز
المديرة وهيعاقدة حياتها : لا خالو مش معرسة
اليدة : وابوي عليج كم عمرج انتي الحين…. بسماينلامن الريايل يوم مايبونكن هم يبون الحرمة السنعة مش وحدة بزاية ماتنفع
المديرة خلاص وصلت حدها : خالو لازم حد أي يشل البنات احين والسموحة خالو بس ببندعنج لاني مشغولة
اليدة: خلاص امايه انا وميري احين بني صوبكم بس صح أي صوبالمدرسة
المديرة: خالو اندوج نورة بتخبرج
وعطت نورة السماعة وظهرت من المكتب
بعد ماخلصت نواري سارت ويلست عدال مريوم ويت فطيم ويلست على الارض جدامهن ويلسن يسولفن لين ما يت يدتهن وراحن وياها
<<يتبع
——————————————————————————–
في بيت بو عبدالله(سيف)
الساعة 3:00 العصر
———————————
فتح بابغرفتها وحصلها باردة ثلج سار صوب المكيف وبنده بعدين سار فتح الليت وسحب عنها الحافوزاعج
مطر: مريوم يالدبة بسج ارقاد نشي
مريوم: مطوور يالسبال اظهر و خلنيانام (نشت وسحبت اللحاف وردت ترقد)
مطر وهو يسحب اللحاف مرة ثانية : فاصلينج ولج عين ترمسين بعد مسودت الويه يلا نشي ابويه من الصبح يتخبر عنج
نشتمريوم بكسل و صدت على مطوور وطالعته بنص عين : مب جنه تو الناس عسب اتكون راد منالمدرسة… ولا شارد؟؟
مطر بنظرة سخرية : ياماما تدرين احينه الساعة كم احينه الساعة 3 العصر هيه صح وعبدالله اخويه محرج عليج وشكله بيرد يهزبج شرات امس هههه تستاهلين مسودتالويه عيل تترقصين جدام الناس هلج ماربوج عسب اتكونين رقاصة ….
وقبل مايكملرمسته نشت وراه مريوم بس هو نزل تحت وهي وقفت عند الدري اتزاعج
مريوم : ماعليهيالسبال وين بتروح عني
من تحت عبدالله باعلى صوته: مريوم مريوم
مرويم زاغت : ن… نعم عبدالله
عبدالله : نعامة ترفسج قولي امين ماسدج سواد ويهج الي امسمسويتنه بعد راقدة لين العصر لا صلاة ولا ديانهيلا انزلي ابويه يباج
مريوم:انشالله بغير ملابسي وبصلي وبنزل
يوم نزلت تحت كانوا كلهم يالسينداخل الصالة دخلت وسلمت عليهم وباست راس ابوها وامها واخوها عبدالله وسلمت على حرمةعبدالله مهرة…. بعد ماسلمت ويسلت مطر كان توا ياي من المطبخ
مطر: ها الرقاصة مريمواخيرا شرفتي
مريوم حرجت عليه : ابويه شوف مطوور
مطر وهو يقلدها : ابويه شوف مطوور
مريوم: ابويااااااه!!!
مطر وهو يقلدها: ابويااااااه !!!
خليفة اخوهم اليكان راد من لندن البارحة يوم درى عن اللي مسوينه فالمدرسة نقع من الضحك علىاخته وبنت عمه الدقاقة فطيم وعلى خبالهم
عبدالله محرج : استكوا اثنينكم لا اكسرالعصاعلى ظهوركم مطوور يوز عن اختك ولم السانك لا اقصة لك وانتي مريوم عن البزاوالدلع الزايد واكلي وانتي ساكتة والله اعيال اخر زمن احنه يوم كنا كبركم كنامانتجراء نرمس جدام امايه وابوبه احشموا شوي عيال اخر زمن صدق ما عرفنا انربيكم
مطر بصوت واطي بس مسموع شوي: دخيلك يالشيبة
عبدالله بنص عين: شووو قلت؟؟؟
مطر برتباك : ها لا سلامتك ماشي
عبدالله: هيه تحريت بعد
خليفة يضحكعليهم وعلى سوالفهم يالله شكثر وله على حشرة مطوور و خبال مريوم
ام عبدالله: خليفة امايه بلاك ماتاكل ماعيبك الاكل
خليفة توه انتبهلامه: لا افا أي شي من ايدج الحلوة حلو وتراني يالس اكل
مريوم: خلوف انته شفتشقايل شكلك استوى غاديلي قلم بنسل واونك تاكل
مطر: ارمست الرقاصة اسكتي وكليبهدوء
مريوم: ابويا شوفه انتوا ليش خبرتوه . وبوزت اونها زعلت
عبدالله: توجاحينه حسيتي بسواد ويهج ويوم رقصتي مافكرتي
مطر: هيه والله مسودت الويه
عبدالله عطى مطر نظرة خلاه يسكت ويكمل اكله بهدوء
مريوم: تراكم وايد مكبرينالسالفة الي يسمعكم ايقول راقصة في دسيكوا هب في المدرسة عند البنات يعني في الفسحةوملانات وونسنا عمرنا حتى من الوناسة بتحرمونا .ونشت وسارت غرفتها
مطر: وتتغلىبعد والله بنات اخر زمن… .ما وحاله يكمل الجملة ولا حصله كفخه على راسه من ابوه
بو عبدالله: انته متى بتيوز عن اختك عيب هاي اكبر عنك ( وصد على عبدالله ) زينلك احينه زعلت البنية حتى لقمتها ماكماتها يعني صدقها البنية بنات ويبون يونسناعمارهن شوي مافيها شي .
عبدالله تلوم وبعد الغدا خذ شوية اكل معاه لمريوم وقال بيستسمح منها مرة وحدة لانه وايد قسى عليها صدق غلطانه بس هي ندمانة وصدقهاحليلهم يستانسون شوي هههه عبدالله مهما بين انه شديد و جاسي مع خوانه مايهونون عليهومايرضى حد يزعلهم ابكلمه ولا شي وخصوصا مريوم بس يبين انه شديد ومادري شو عسب اتكونله هيبة وشخصية في البيت هههه ومايظهر بشخصيتة الحقيقية الي معا مهرة حرمته وبنته
-=-=-=-=-=-=-=-=-=-=-=-=-=-=-=-=-=-
—————————
يوم الاحد
الساعة 4:30 العصر
في بيت اليدة
———————————
اليدة: فطيم يوزي عني لا اكسر العصا فوق راسجمسودت الويه
فطيم: يدو حبيبة قلبي انتي يلا عاد عسب خاطري اهون عليج تكسرينبخاطري
اليدة وهي تتنهد : لا ماتهونين يابنت سعيد بس انتي سيري احين ويصير خيرلين بعدين
نقزت فطيم على يدتها ويلست اتبوسها
فطيم: فديــــــــــــــــــــــــــت عيوزي انا
اليدة: عيز حيلج يام لسانين عيلاحينه انا عيوز خلاص ماشي سيرة تيلسين في البيت
فطيم : افا يدو اسولف وياج انتيفديتج بعدج شباب اتعقين الطير من السماء من حلاج
اليدة وهي اطالع فطيم بنص عين : تتطنزين مسودت الويه ماعليه يابنت سعيد هذا ويهي ان سويتلج شي
نشت اليدةاونها زعلانه ( ههههه دلع العيايز) و نشت فطيم وراها
اليدة: وهي تصد على فطيم: بس سيري بيتكم ما تملين من اليلسة عندي
فطيم وهي تلوي على يدتها هههههه
فطيم: وانتي يلستج تنمل ياشويخ
اليدة: شويخ فعينج خوزي عني ذبحتيني خوزيسيري بيتكم يعلج انشالله ذبحتيني ماروم اتنفس
فطيم تضحك على يدتها ونواري وزايداخوها شافوا اخر شي استوا وهم كانوا يايين صوب بيت اليدة وسمعوا اليدة وهي تروغ فطيم ويسلوا يضحكون عليهن و زيود عينه مافارقت فطيم
فطيم انتبهت على اعيال عمها ونشتعسب اتوايه نواري
فطيم: هلا وغلا يامرحبا يامرحبا خشمج نواري خشمج
نواري: هههههه شحالج يالخبلة
فطيم وهي تبتسم: بخير يسرج الحال انتي شحالج
نواري: بخير دامج بخير وسارت صوب يدتها عسب اتسلم عليها
زايد احترقت اعصابه وهو يتريافطيم اتصد عليه اتقوله أي شي حتى لو سلام متوله عليها
فطيم عقب فترة وهي تظحكعلى شكل زايد: ههههه هلا وغلا بولد العم هلا بالقاطع لا تتخبر عنا ولا عن احوالنااستوالنا دهر مش شايفيتنك و بعد مش مهتم مالت عليك من ولد عم
زايد: هههههافا منو قالج انه انا ما اتخبر عنج كل يوم اسال نواري عنج اصلا اذا انا ماهمتنيفطيم منو بيهمني وغمز لها ..نزلت فطيم راسها بخجل
ويلسوا ثنينهم
فطيم وهي مستحيه: هيه اونك حركات اصلا انت زين يوم انك تبات في البيت اربع وعشرين ساعة تهيت في الشوارع هيه صح بتخبرك (و الابتسامة شاقة الويه والمستحا مرة وحدة اختفا)
نواري وزيود كانوا يضحكون لانه يعرفون شو بتقول
فطيم وهي بابتسامتها الهبلة : شحال الرنج ؟؟؟؟!!!!
زايد: ههههه بخير والله يسرج حاله تبين تشوفينها هكياموقفنها في القراج
فطيم على طول فزت و ربعت صوب القراجات
وهي تربع دعمتمريوم
مريوم : فطيم بلاج وين سايرة
فطيم وهي شاقة الحلج سوت طاف حق مريومومشت مرويم ضحكت على بنت عمها الهبلة وكملت طريجها عند يدتها
مريوم : السلامعليكم
الكل: وعليكم السلام
مريوم وهي تحب يدتها ع راسها : شحالج يدو
اليدة: بخير يسرج الحال شحالج انتي امايه وينج ماتنشافين
مريوم : موجودةيدو بس تعبانة شوي مزجمة
اليدة: سلامتج امايه
مريوم : الله يسلمج يدو
بعد ماسلمت مريوم على اعياال عمها تذكرت فطيم
مريوم: هيه صح بتخبركم بلاهافطيم متخبلة اليوم شفتها قبل شوي تربع سألتها وين سايره سوتلي طااف
نواري: فطيمامبونها خبلة
زايد بنص عين : نورو عن الغلط
مريوم وهي تغمز له : ها زيووداستوينا مانرضى عليهم
زايد وهو يبتسم: زيود في عينج و طبعا هاي القلب اكيد مابارضى عليها
اليدة بنص عين : منو هم ليكون وحدة من هل خايسات اللي ترمسهن
مريوم: هههههههه لا لا يدو فديتها الي يرمس عنها عسل
اليدة : زيوود منو هاي
زايد وهو يتنهد ويحط راسه على ريول يدته: وحدة اموت فيها
اليدة: قم عنيمسود الويه انته غير فطيم بنت عمك مابتاخذ وهاي العنز اللي ترمسون عنها مابتسيرصوبها
الكل ضحك على اليدة ماتدري انه اللي يقصدونها هي نفسها فطيم
شوي ولافطيم يايه فرحانه والابتسامة شاقة الويه
فطيم: يالله ارتحت نفسيا بعد ماشفتالرنج (وتتنهد براحة و تيلس عدال يدتها(
مريوم: حمد الله وشكر الله يكون في عونج
فطيم: شقصدج اني مينونه
اليدة: وابوي منو مينون
مريوم: ونحنا عندناغيرها فطيم بعد منو
نواري : دخيلج يالعاقلة هنتينكن خبال الا انا فديتني
مريوم وفطيم: اونــــــــــــــــــــــــــــــه
مريوم: اسكتي اسكتي دخيلجصاحبة الحسن والجمال
نواري: هههه غصبن عنج
زايد : حدكن عاد كله ولا نواريشيختكن
فطيم: الا انا طبعا شيختها
مريوم: طاعوا هاي هههه مشكلة الثقة
زايد: هيه شيختج بعد شو
عاد فطيم ماصدقت عدلت يسلتها : احم احم
مريومبنص عين : عن اتصدقين عمرج واايد ترا يجاملج لانه خايف من لسانج
فطيم بكل غرور: اااه مشكلة اللي يغارون
مريوم: اغار على شو ياحسرة
فطيم بخقة : على جماليخفة دمي لساني العسل الكل يحبني اااه مالي مثيل فريدة من نوعي
زيود و اليدة: ههههه
نواري: هههههه والله انج تحفة
مريوم ضحكت وفرت على فطيم المخدة: انتحري فطيم
فطيم شلت المخدة وردت فرتها على مريوم بس بدال ماتي على مريوم يتعلى اليدة و حرجت عليهن ونشت بعصاتها وراهن هن يربعن وهي وراهن وزايد ونواري يضحككونعلى خبالهن.
اذن العصر ونشت اليدة تصلي وزايد ترخص و اليدة قالت حقفطيم انه خلاص مابتوديها كارفور لانها ماتستاهل
فطيم بوزت و زعلت وقررن البناتيسيرن بيت فطيم وطول ماهن يمشن جدا بيتهم وفطيم تتحرطم على يدتها
نواري: ههههه احينه انتيحاشرة الدنيا بس عسب تبين اتسيرين كارفور
فطيم : حرام كان خاطري اسير
مريوم: ليش شو تبين منه
فطيم: مابا شي بس كان خاطري اسير اتحوط فيه
نواري: هههه حد يتحوط في كارفور خخخ
فطيم سوتلهن طااف وتمت زعلانه و تتحرطمعلى يدتها وهن حادرات البيت كان سيف اخو فطيم ظاهر من البيت و دعمت فيه ودشت البيت وماسوتله سالفة وكملت طريجها داخل البيت مبوزة
سيف عاقد حياته: بلاها هاي
نواري: شعرفني
مريوم: هههههه زعلانه على يدو لانه ماودتها كارفور خخخخ
سيف توه انتبه لمريوم و تم سرحان فيها ,سيف يدرس مع خليفة ولد عمه في لندنمحيرينله مريوم من يوم هم صغاربس هي ماتعرف وهو بدى يحبها قبل مايسير لندن كان مب جايفها هي ونواري تقريبا من3 سنوات ….. ماشالله كبرت وحلوت واااااايد بس اكثر شي يتذكرهفيهاغمازاتها يوم تضحك ولا ترمس كانت اتخبلهاما نواري فامس جافها وعرف انها نورة بنت عمه خالد لكن مريوم اليوم اول مرة يجوفها
<<يتبع
مريوم: احم احم ادري اني حلوة هههههه<<<لوح الاخت
سيف انحرج وابتسم ومرة وحدة انفتحالباب بدفاشة
فطيم: احلفن انتوا بس وانا يالسة امشي واتحرطم و ارمس شرات المينونة واتحراكن ورايه وما انتبهت الا يوم حروب قالي حمد الله وشكر منو تكلمين صديت ورايه جان اشوف محد
مريوم: ههههههههه احنا وقفنا انسلم على سيف
فطيمانتبهت على اخوها : اوه انت هني
سيف: هيه انا اهني حليلي متغرب عنكم سنتين وحتى شحالك ماقلتيلي
فطيم انحرجت شوي و سارت ولوت عليه و باسته على خده : ههههيعني لازم تحرجنا
سيف: ههههههه شحالج
فطيم: بخير والله اتخبر عنك انت شحالك
سيف: بخير يعلج الخير
نواري: ليش انتي ماسلمتي عليه امس
سيف : لايوم سالت عنها خبروني انه الهانم راقدة قلت باجر بسلم عليها
مريوم: ههههه اخوج ياي من السفر وهب شايفتنه من سنتين و الليلة الي بيي فيها تنامين عيل انا استقبلت خليفة في الحوي و سلمت عليه
فطيم وهي منحرجة : شو اسوي كنت تعبانة
ظحكوا على فطيم بعدين ترخص سيف و البنات دخلن داخل البيت
وجافوا حروب ومطور يلعبون بلاي ستيشن جان نواري تربع صوبهم
نواري:اللللللللللله ابا العب وننغ لفن وياكم
حارب:ايه انتي وين تبين هاي لعبة اولاد وبعدين انتي شعرفج فالكرة
مريوورم :تراك ماتعرف انها 24 ساعة تلعب ويا زيود لا وتراها حريفة
مطر:اقول حرووب خلها تلعب
حارب:يالله بنجربج
نواري: فدييييييت دبدبوبي
فطيم:الولد ظعف وبعدج تقولين له دبدوبي
مطر :مايخصج كيفها
مطر يحب نورة وايد لانها تعطيه ويه وتسويله سالفه وهي دووم تزقره خطيبي وهو بعد يزقرها خطيبتي
مع ان هو اصغر عنها بس جي يستهبلون واذا تبا اتدلعه تقوله دبدوبي لان يوم كان ياهل كان دب بس الحينه ظعف والسبه شطانته وحركته الزايده فالفريج هو وحارب ولد عمه
وهم في نص لعبهم نواري يابت قول على حارب وطبعا مريووم وفطووم يشجعون حارب ومطر يشجع
نواري خطيبته:d
مطر:وييييييييييييييييييييييييييييييو يالقفطه دقوه بقول
حارب:عادي بعدها ماخلصت المباراة وبتجوف اني بدقها ب41
وفجاه نواري يابت قول ثاني وهني (نقز مطور من مكانه من الفرحه)
مطر:وييييييييييييو لم ويهك يالقفطه بنت تفوز عليك بتجوف ان مافظحتك عند شباب العايله مااكون مطر ولد سيف
حارب:اصلا انا خليتها تفوز غمظتني
فطيم ومريوم وهن ناقعات من الظحك
مريوم:اوننننننننننه اعترف انك تهزات لو ادري انك فاشل جان شجعت نواري
فطيم:هييو حدكم عاد كلا ولا حروب وبعدين عادي نحن عيال سعيد روحنا رياظيه
نواري :لاتحاولوون انا اصلا لعيبه محد يروملي
مطر:هيه صح فديت نواري انا بيظت ويهي
نواري :بنات نشن يالله خلنا نسير ميلسنا عسب نقردنا لشباب يظهرونا لان انا لاعت جبدي من البيت
نشو البنات وساروا صوب ميلس بيت بو منصور
———————————————-
الساعة 5:00 العصر
في بيت بو منصور(خالد)
——————————————-
طبعا الشباب كانو محتشرين بسوالفهم وفجاه ينفتح الباب نواري اول ما دشت ربعت صوب اخوها ذياب ويلست في حظنه ومريوم وفطيم طبعا دشوا
فطيم+مريووم:السلاااااااااااااااااااااام
الشباب:وعليكم السلام والرحمه
زايد وهو يطالع نواري:ايه انتي وين تبين تتحرين عمرج خفيفه وبعدين الناس يسلمون يوم يدشون هب يسوون طاف
نواري:اولا ما يخصك ثانيا انا خفيفه ولا شو رايك ذياب
ذياب:هيه صح اصلا انت عسل عقلبي ماعليج منه هو يقول جي لانه يغار وماعنده حد يدلعه ويحبه
زايد:اععععع من زينها نواري انا اصلا عندي الف يحبوني ولا شورايج فطيم
سيف:وانت شو يخصك بفطيم اختي
زايد:كيفي بنت عمي واتخبرها حق شوراز بويهك
فطيم وهي مستحيه:وناسه كل هالحشرة عسب خاطريه
مريووم:اووووه فكونا نواري فطيم جنكم نسيتوا حق شو نحن يايين
منصور:انا اقول مايستوي تيون من دون سبب اكيد تبون شي
نواري:منصور هني وانا مااعرف وينك ما تنشاف
منصور:لاتظيعين السالفه…هيه صح ياللي ماتستحين تعالي سلمي عخليفه وسيف
نواري:هيه صح نسيت مساعه جفت سيف بس ماوحالي اسلم عليه
وهني نشت نواري وسارت يلست عالارض مجابل سيف وخليفه
زايد:اقول لاوالله تيلسوون عالارض دام الشيخه نواري يلست
نواري:هيهيهيهيهيهي مايظحك زيوود جب خلني ارحب بعيال عمي
خليفه:هههههههههه انزين اذا بترحبين فينا لازم تيلسين عالارض
نواري:هيه افا عليك لازم ها تواظع
سيف:ههههههههه
نواري:انزين سكتوا خلني ارحب فيكم
منصور:يالله تفظلي
نواري:هلا والله بخليفه وسيف انا اقول ليش لبلاد منوره ثره انتو فيها والله انا اليوم اقول
حق ابويه شو سالفة حوينا منور وانا الخبله تحريت حاطين ليتات يداد
منصور:حمدلله والشكر اليوم انتي هب طبيعيه شي مستويبج
ذياب:تراهم مريوم وفطيم عدوها بالخبال
مريوم وفطيم يلسوا يظحكون
مريوم:الصراحه انا اليوم بعد مستغربه من نواري مادري شوياينها
فطيم:اففف يالله اذا مابتقولون انا بقول
زايد:قولي كلنا اذان صاغيه
فطيم:نحن يايين عسب نقولكم نبا نظهر
زايد: افا عليج تامرين امر انتي…..يالله شباب نشو خلنا نحاوطهم
نواري:فديت اخويه انا
زايد:الحين تتفديني
نواري:فديتكم كلكم خواني انا اصلا ماسوى شي من غيركم
نشوا كلهم وساروا صوب السيايير منصور وزايد وسيف وطبعا فطيم ساروا بالرنج
وذياب وخليفه ونواري وفطيم ساروا بسيارة خليفه وطبعا تحاوطو وتعشو وبعدين ردوا
يوم الاثنين
الساعة10:00 الصبح
في بيت بو منصور
———————————————-
كانن مريوم وفطيم عند نواري ماشي شغله مفصولات 10 ايام
نواري وهي توايج من دريشة حجرتها:آآآآآه خاطريه اسبح فالحوظ
مريوم:هيه عسب ابويه وعمامي يجتلونج
فطيم:والله قهر عندنا حوظين ومايخلونا نسبح
نواري:اقول مريوم سيري هاتي كيمرة الفيديو عسب نظهر فالحوي و نستهبل وانتي صوري
فطيم:هيه صح من زمان ماستهبلنا اخر مرة ستهبلنا فيها يوم انفصلنا من المدرسه
سارت مريوم يابت الكيمرة وبعدين ظهرن عسب يلعبون فالحوي حويهم كبير وفيه ثلاث فلل
وفله صغيره اللي هي فلت اليده وفي حوظين ومحاوطينهم فبيت زجاجي…..نواري وفطيم ومريوم
كانن لابسات جينزات وقمصان طويله ولابسين شيل عسب ياخذون راحتهم فالمرابع
—————————
فالحوي
—————————–
نواري:تعالن بنسير عند الحوظ عالاقل اجحل عيوني بشوفته
فطيم: هيه احسن عسب محد يجوفنا
وهم داشين البيت الزجاجي اللي فيه الحوظ نواري وفطوم تموا يناقزون ومريوم اتصور
نواري:فطيم يالله انا بغني وانتي معايه
فطيم :اوكي
مريووم:وناسه والله شكله الشريط بيظهرععجيب
نواري وهي تناقز وتراكظ حول الحوظ:فطيم…انا ادري اكثر من شهر
فطيم:حاول وحاول
نواري:وماقدر
فطيم:انه يخبرني بغلاي
نواري :قولوله واصلني الخبر
مريوم:ايه الخبول عن تطيحون فالحوظ ناقزن بعيد شوي
نواري:اقول شو رايكن تيي وحده فيكم وتدزني فالحوظ
مريوم:والله عسب يهزبونا نحن وانت تظهرين البريئه
نواري:تعرفون انا ببيعها وبسوي طاف حق الشواب وبنقز فالحوظ
فطيم :اتحداج
نواري وهي تعق نعالها:والله بتجوفين خوزوا عني
مريوم:ايييه من صدقج
نواري وهي ترد ريوس:يالله 321 وهني ربعت ونقزت فالحوظ
مريوم وهي بعدها تصور:اويييه ياويلج بيجتلونج
فطيم مرتبشه تصفق وتصفر حق نواري ومن الحشره سمعوا منصور وخليفه هالحشرة
اللي يايه من صوب الحوظ
منصور:خلوف قم خلنا نسير نشوف شوالسالفه
ساروا منصور وخليفه ويوم جافوا نواري فالحوظ انصدمو وظحكو في نفس الوقت
منصور وهو يطالع نواري:احلفي انتي قولي والله
نواري وهي تظحك بلواته:سووا فيني اللي بتسوونه بس خلني اتهنا
خليفه:والله انج تحفه عاد بشيله تسبحين فالحوظ
نواري:هيه عسب ماتقولون اني ماستحي حليلي جوفو والله اني حشيمه
منصور:والله بتجوفين دواج يوم بتظهرين
فطيم:تعرفون انا بتجرا وبسوي شراتها لان نحن بننهزب فالحالتين
وهني فطيم نقزت وطشرت ماي على منصور
منصور:اسميكن ماتستحن والله لاراويكن
خليفه وهو يطالع مريوم:وانتي تصورين بعد
مريوم:اقول اندوك يود الكيمرة انا بعد بعفد وياهم
خليفة خذ الكيمرة لان مريوم ماعطته فرصه يرمس فيها
ونقزت فالحوظ
خليفه:لابالله ينيتون والله لاراويكن نيوم السما بس ظهروا من الحوظ
فطيم:عيل مابنظهر
نواري:اقول يالله جلبوا ويوهكم خلنا ناخذ راحتنا ويوم بنظهر سوا اللي تبونه
منصور: انزين بنظهر لكن بنراويكن بعدين
وظهروا منصور و خليفه وهم يتحرطمون
خليفه:والله انهم مينن وجريئات
منصور:انا اللي مستغرب منه ان نواري اول وحده نطت انا احيدها فطيم الخبله
خليفه :ههههههههههههه
نرد للبنـــــــــــــــــات
طبعا كانن فرحانات لانهن سون اللي يبونه وماهمهم شو بيستوي بهم بعد مايظهرون من الحوظ
نواري:فدييييييييييييت الماي محلاته والله ان خاطري اتم فالحوظ الين باجر
فطيم:سكتوا يويلنا الله يستر شو بيسوون فينا الشواب اذا اعرفوا
مريوم:يالله انا مليت بس خلنا نظهر
نواري:هيه صح قبل لايون الشواب…. انا عندي منصور وخليفه يخبرونهم ولا ان هم يجوفونه ونحن فالحوظ
ظهروا البنات وكل وحده سارت بيتها بالدس عسب محد يجوفهم
-=-=-=-=-=-=-=-=-=-=-=-=-=-=-=-=-
——————————
الساعة 12:00 الظهر
في بيت بو عبدالله
——————————–
مريوم دشت من باب المطبخ وهي تتسحب عسب محد يجوفها لكن علايه اختها كانت
توها راده من الروظه فسارت المطبخ لانها تبغي البشكاره تعطيها ماي
مريوم وهي خرسانه ماي من راسها لين ريولها:علايه شو تسوين هني
علايه:اوييه شو هذا ليش جي كلج ماي
مريوم:هاه لا هاي مش ماي يتهيألج
علايه وهي تطالع مريوم بلواته:جذابه هاي ماي انا هب بيبي عسب تقصين عليه
مريوم:اقول علايه جلبي ويهج لاني بموت من البرد
علايه:بسير اخبر ماما انج خرسانه ماي
مريوم:لا دخيلج لاتخبرينها والله بعطيج حلاوة بس لاتخبرينها
علايه:انزين بس ابا حلاوة هااااااااااالكثر
مريوم:افا عليج كم علايه عندي …سمعي انتي الحين سويلي درب لين حجرتيه
وخبريني اذا في حد
علايه :انزين
سارت مريوم حجرتهامن غير ماحد يشوفها وسبحت وبعدين عقت عمرها عالشبرية عسب ترقد شوي لكن مايها رقاد فنشت من مكانها وسارت الصالة الفوقية ودقت على فطيم
مريوم:الو السلام عليكم
سيف:وعليكم السلام
مريوم وهي مستغربة لانها اول مرة تسمع هالصوت في بيت عمها:منو انته … لحظة(وجافت الرقم فالكاشف عسب تتأكد انها داقة صح وتأكدت)اكيييييد انت سيف محد صوته غريب علية فبيتكم غيرك
سيف:هههههه هيه انا سيف … شحالج
مريوم وبكل هدوؤ:طيبة طاب حالك … وين فطوم
سيف:انتن ماتشبعن من بعظ توها كانت وياج
مريوم:ويييه تريا بشبك الخط الثالث وبدق حق نواري فديتها نسيتها
سيف:ههههه كيف هاي بعد…..انزين فطوم راقدة تبيني اقولها شي يوم تنش تراني حاظر
مريوم وبدت تنحرج منه :لالا خلاص بدق حق نواري فطيم مامنها فايدة
سيف:بخبرهاااااااااااااااا
مريوم:لالالا ياويلك تراني بزعل
سيف:هههههه خلاص كلا ولا زعل بنت سيف بس بشرط
مريوم:يتشرط بعد …. يلا قول
سيف:اتمين تسولفين وياية لين مامل
مريوم استحت لانها مب متعودة عليه وهي من الصبح تحاول ترمسه على انها عادي
مريوم:كيفك انت اللي بيصدع راسك
سيف:هههههههه لا فديتج عادي <<<<مانتبه ععمره خخخخ
مريوم صار وياها خط وسيف فقط وحاول يغير الموظوع
سيف:يلا خبريني عن دراستج وكم علاماتج وظهري كللللللل سوالفج انا ماعندي شغلة خخخ
مريوم:انزين انا بقول سوالفي وانت بعد بتسولفلي عن لندن
سيف:ولا يهمج
وتموا يسولفون لمدة ساعة وبعدين بندوا ومريوم سارت تصلي الظهر وبعدين رقدت شوي
——————————
الساعة 8:00 فليل
في بيت اليدة
——————————-
كان الكل متيمع في بيت اليده وطبعا نواري ومريوم
وفطيم كانوا يتهربن عسب مايسيرن وينهزبن عاللي سووه بس اليدة دقتلهن وخبرتهمن يون …
البنات وهن حادرات بيت اليده
نواري+فطيم+مريم:السلام عليكم
الكل :وعليكم السلام ورحمة
تمن البنات واقفات فمكانهن لانهن زايغات من الشواب يخافن انهم عرفوا
عن سالفتهن….وطبعا كل وحدة تدز الثانيه
فطيم وهي تصاصر نواري:يالله امشي انتي اللي نقزتي فالحوظ قبلنا
نواري:لا والله يعني بتعقون السالفه عليه
كان صوت نواري عالي والكل سمعها
اليدة:بلاكن واقفات تتصاصرن من الصبح تعالن يلسن
منصور وخليفه كانوا ناقعين من الظحك على اشكالهن
البنات:انشالله يدوه
ساروا البنات يلسوا عزاويه وطبعا لاصقات في بعظ….ههههه يبان انهن مسويات
جريمه
اليده:لا اكيد شي ياينكن اخاف فيكن يني ولا شي بسم الله تعالوا خلني اقرا
عليكن
الكل تم يظحك عاليدة وفي نفس الوقت كانوا مستغربين من تصرفات البنات
منصور وهو يطالع البنات بلواته:لا يدوه مافيهن يني هاييل هم اللي يركبون الين
هب الين يركبنهن
اليدة:لاتقول عن بناتي جي فديت اسمهن انا
منصور:ثرج ماتعرفين شو سوو اليوم لو عرفتي جان بتجتلينهم
خالد(بو منصور):ليش شو سوو
منصور وهو يطالع البنات:اقول
نواري :لا لتقول انا بقول وامري لله لان اليوم بننهزب يعني بننهزب
خالد (بومنصور):قولي يالله شو مسويه
نواري:ابويه انا بقول بس لاتهزبني وبعدين صدت ععمامها..وانتو بعد لا تهزبون فطيم ومريوم
سيف(بوعبدالله):ليش مريوم بعد شو مسويه مسودت الويه<<<ماقالتله شي يوم رمسته فالتلفون
نواري: انتو سمعوني بالاول وبعدين سوو فينا اللي تبون
منصور: يالله اذاماقلتي انا بقول
نواري:بسم الله ….الله يسلمكم اليوم انا وفطيم ومريوم سبحنا فالحوظ والله قهر انجوفه جدامنه وماتبونه نسبح فيه فانا قررت اني انقز وبعدين فطيم ومريوم نقزن ورايه
وبعد ماسكتت نواري فطيم شلت بعمرها ربعت بره الصاله عسب ماتنهزب لكن
سيف اخوها لحقها وسحبها من كندورتها وردها لصاله
اليدة:حسبي الله عليكن من بنات فظحتونا الله يفظحكن
مريوم:نحن ما سوينا جريمه وبعدين الحوظ مغلق يعني محد يروم يجوفنا حليلنا حتى شيلنا ماعقيناهن شو تبون اكثر …….والله عيل حلال عالاولاد وحرام علينا
عبدالله:ولج عين ترمسين مسودة ويهنا فالمدرسة والحين هني
بو منصور وهو يطالع بنته نواري:انتي يظهر منج هذا كله ماصدق لا وانتي اولهم فالحوظ بعد
نواري وهي تدلع على ابوها:ابويه والله الماي اغراني ومارمت اقاوم شكله فعقيت عمري فالحوظ
فطيم:والله ياهو وناسه تمينا ساعتين
حميد:ماعليه يافطيم ان ماادبتج مااكون انا حميد اخوج
عايشه(ام منصور):الحينه ماشي فايده خلاص هم سوو اللي يبونه
شمسه(ام حميد):والله ان فطيم مسودة ويهي فكل مكان اسيره
فطيم:امايه حرام عليج
اليدة:حرمت عليج عيشتج
فطيم:بل قويه الصراحه يدوه… ماعليه يا شيخوه الايام بينا وبتعرفين غلاتي زين
نواري:افا يدوه كيف تخلينها تقولج شيخوه
اليدة:هاي منو يروملها تقوليلها كلمة ترد عليج بعشر خلاص انا من يوم
وساير مابرمسها لانها مسودة ويهي عند العرب
فطيم وهي تلوي على يدتها وتحب راسها:فديييييت يدوتي اناوالله اني ماروم اعيش اذا مابترمسيني
انا احبج تعرفين شو احبج لاتخليني اسويلج فلم هندي الحينه
اليدة:المشكله اني ماروم ازعل منج ……على طول السانج بعد احبج
فطيم:علني افداج دنيا واخرة قولي امين
اليدة:بسم الله عليج يفداج عداج انشالله
الكل تم يظحك…….تموا يسولفون الين الساعة 12 وطبعا احلا شي فاليلسة
كان مناجر فطيم ومريوم
يوم الخميس
الساعة 6:30 المغرب
———————————–
في هاليوم كانوا بومنصور وبو عبدالله مسوين عزيمه كبيره وعازمين فيها كل العرب اللي يعرفونهم بمناسبة رجوع خليفه وسيف من لندن طبعا خليفه تخرج لكن سيف باقيله سنة ….اما الحريم فكانوا مسوين عزيمة
صغيرة بس عازمين الاهل
………………………..
كانن فطيم ونواري عند مريوم عسب يتعدلون رباعه ولان عزيمة الحريم كانت في بيت بو عبدالله واما الرياييل في بيت بو منصور
نواري:مريوم شو بتلبسين
مريوم:ماعرف محتارة بين هالجلابيه وهالقميص والتنورة… منو احلا
نواري: انا اقول القميص والتنورة لان اصلا مابيون حريم وايد انا سمعت ان بس الاهل
فطيم:هيه صح وبعدين انا عندي التنورة والقميص احلا
مريوم:خلاص عيل
نواري :انا بعد بلبس تنورة وقميص مافيني عالجلابيه مارتاح فيها وبعدين اليوم الحريم بيكرفونا ولا نسيتوا ان هالعقاب
فطيم:افففف عاد انا ماعرف اظيّف ولا اعرف اسوي شي فالمطبخ ….مريوم جان تبون مواعينكم تتكسر برايكم
نواري :هههههههههه
مريوم:والله عاد مشكلتهم هم مالقوا غير هالعقاب تراهم مايعرفون ان نحن مايخصنا فالمطبخ ولا باللي يصير فالمطبخ
فطيم:تخيلوا وانا اقدم العصير حق الحريم ينجب على وحدة فيهم العصير كله هههههه
نواري:هههه والله هب بعيده عليج
مريوم:والله كيفهم جانهم يبونا نقوم بالظيوف يستحملن اللي بييهم منا
خذن ساعة لين ماتعدلن فيها لان كل دقيقة يظهرن سالفة كانن يخبلون بسيطات حاطين ميك اب عالخفيف وكلهن لبسوا تنانير وقمصان
نواري :ههههه والله شكلنا يظحك جنا قرسونات
فطيم:تهبين قرسونه انتي انا اصلا اكشخ وحدة فيكم:d
مريوووم:الصراحة الصراحة نواري اكشخ وحدة فينا
نواري:احم احم فديت بنت عمي انا
فطيم:والله قهر دووم نواري تظهر احلا وحدة واذا هب نواري مريوم الا انا مالت عليه
مريوم:انتي لو تخفين خبالج وتصطلبين شوي وتهتمين في عمرج هب بس بتستوين حلوة الا بتصكين علينا
فطيم:اونج يالعاقلة وبعدين انا جمالي طبيعي هب شراتكن
نواري:انزين خل عنكن…… انا بنزل قبلكن لامي مليت
مريوم:انزين نحن بنخلص وبنلحقج انتي سيري تفقدي الوظع فالمطبخ
فطيم:يتلي فكرة …. نورو الحين يوم بتسيرين المطبخ سوي عمرج تساعدينهم خخخ وبعدين اكسري شي اونه بالغلط وبجي بيهونون عن خدمتنا ومابيخلونا نكرف
مريوم:ههههههه لاتحاولين لو كسرنا كل المواعين بعد بيخلونا نكرف
نواري:هيه والله ماترزا علينا نطينا فالحوظ …..يلا انا بنزل(وظهرت)
———————————-
الساعة 7:30
فالصالة
————————————
كان خليفة يتريا امه عسب يتدخن وفهاللحظة نواري كانت نازلة من الدري وحاطه شيلتها عجتفها وطبعا رافعه شعرها بطريقه تخبل كانت هي بكبرها تخبل وكانت تغني (وينو حبيبي )ومندمجه عالاخر ومانتبهت عخليفه خليفه يوم جافها انبهر ابها وفخاطره تم يظحك عليها وهي تغني جافته نواري فنزل راسه طبعا نواري كان خاطرها الارض تنشق وتبلعها ارتبكت ولبست شيلتها بسرعه كان شكلها ينقع من الظحك
نواري وويها محمر:السموحة ماجفتك
خليفه:مسموحه الصراحه صوتج يخبل
نواري:والله تتطنز وياهالويه
خليفه:لا والله
نواري وهي تبا تشرد من القفطة: انزين خوز من جدامي خلني اسير المطبخ
خليفه:مابخوز كيفي بيتنا
نواري:عن السخافه وبعدين ها بيت عمي قبل لا يستوي بيتك
خليفه وهو يخوز عنها:انزين دخيلج اذا شفتي امايه خبريها اني نقعت وانا اترياها تيي عسب تدخني
نواري:افففف انزين
خليفة وهو يربع ويوقف جدامهها:شو قلتي..؟؟؟
نواري:ياربييي خليفة تراني مستعيلة لاتيلس تستهبل … قلت ان شالله
خليفة وهوي يستهبل:لا قلتي ..افففف انزين…انا خليفة بن سيف تقوليلي اففف
نواري وهي تحط ايديها عخصرها وتطالعه بتكبر:لا والله … عيل محد خبرك ان انا نورة بنت خالد واقول اللي ابا اقوله
خليفة:هههههه خقاقة بعد ..انزين اوقفي عدل عن يطيح نصج ولاتطالعيني جي
نواري وهي تبا تخطف بس هو كان واقف جدامها ووين ماتسير يوقف جدامها:اوووووو خليفة لاتغصص بي والله تراني بحرج ومابرمسك طوول عمري
خليفة وهو يخوز من جدامها:خلاص خلاص لاتحرجين كلا ولا بنت عمي خالد ……. لاتنسين اللي قلتلج عنه
نواري وهي سايرة جدا المطبخ:ان شالله عمي
سارت نواري وتم خليفه يظحك عليها وسرح بجمالها يا ويل حاله شكلها صابت قلبه
فالمطبخ
————————————-
نواري يوم دخلت المطبخ لقت امها وحريم عمامها يعابلون ومندمجات فالشغل
نواري:سلاااام
الحريم:هلا والله وعليكم السلام
نواري وايهت حريم عمامها وباست امها عراسها
ام عبدالله:عيل وين البنات عنج
نواري:بعدهن يتعدلن
ام حميد:حق شو يتعدلن هن حلوات من غير شي
نواري:والله مادريبهن….
ام منصور:انزين سيري بيتنا وهاتي الفوالة جان برزت انا خبرت زيود بس الخايس مايابها
نواري :ان شالله…اوووه صح نسيت حليله خليفه نقع ويترياج عموه
ام عبدالله:وحق شو يترياني
نواري:عسب تدخنينه
ام عبدالله:فديت روحه والله اني نسيت فديتج نواري هكو المدخن شليه وبتلاقين علبة العود عدال المدخن حطي كم كسرة وسيري دخني ولد عمج
نواري منصدمة واتقول فخاطرها ادخن خليفه ياويلي انا شو بلشني بهالخليفة
نواري:ان شالله عموه
ام حميد:فديتج بعدين ازقري بنات عمج عسب تساعدونا
نواري وهي عند الطاولة اللي عليها المدخن:من عيوني
كلهن:فديت عيونج
سارت نواري صوب الصالة وهي شالة المدخن وطول الدرب وهي تتحرطم واول ما وصلت الصالة جافت
خليفة بس كان يرمس فالموبايل. نواري ما حبت تقاطعه فقالت خلني ايلس لكن خليفة يوم جافها يالسة على طول بند
خليفة:انتي من متى هني
نواري:توني الحينه ييت ماوحالي ايلس خخخخ
خليفة وهو يبتسم لها:انزين خبرتي امايه
نواري:هيه وتقولك انها مشغولة عسب جي طرشت المدخن معاييه (وهي تمد ايدها له)اندوك دخن عمرك انت هب ياهل
خليفة بخبث:ماعرف
نواري:مشكلتك هب مشكلتي.. عاد اللي يقول فيزيا الحينه عسب ما تعرف
خليفة:انزين انتي حق شو بنت عمي عالفاظي تعالي دخنيني
نواري:اففففف الله يعين امك عليك تعال امري لله بدخنك
خليفه تشقق وطول ماهي تدخنه يتفداها فخاطرة
خليفة:تسلمييييين بنت العم
نواري وهي عافسة ويها:حاظرين فاي وقت
خليفة وهو يستهبل:عيل كل جمعة الساعة 11 خلج واقفة عند الدري وماسكة فايدج المدخن
نواري :تنكت ويا هالويه
خليفة:لا احاول خخخخخخ
نواري وهي تسوي حركة فويها تدل على انها خلاااص فولت:تقهرررررررررر
خليفة:ههههههههه فديت بنت عمي خلااص لاتحرجين اخاف ابوج يجتلني
نواري وهو تطالعه بنظرات حقد:جــــــــب
وسارت قبل لايرد عليها … وهي تركب الدري الا فطيم ومريوم فويهها
نواري:احلفن انتن بس جان مانزلتوا
فطيم:بلاج جي معصبة
نواري:هب معصبة ويالله جدامي عالمطبخ
فطيم+مريوم:ان شالله عموه
—————————————
الساعة 8:30 فليل
في ميلس الحريم
—————————————–
وصلوا المعازيم والبيت ستوا حشرة من اليهال وطبعا نواري وفطيم مريوم كرفن كراف حليلهن
وكانت اليمعة حلوة الكل ياي حتي حمدة اخت مريوم كانت ياية من العين هي وريلها
حمدة كانت يالسة مع بسمة وعايشة بنات عمها سعيد ومع ومهرة حرمت اخوها عبدالله ومع ريم وروضة بنات عمتها ايمان
حمدة:والله اني ولهانه على بوظبي من زمان ماييتها
بسمة:هيه والله ستوالنا شهر ماشفناج كل خميس اقول حمدوه اليوم بتي بيت يدو وانتي ماتيين
عايشة:شتبابنا هناك ريلها واهل ريلها خلاص نستنا
حمدة:عاد الحينه اللي يقول انكن 24 ساعة مطيحات هني حتى انتوا ماتيون هني الا الخميس عالاقل انا بعيدة فالعين لكن انتوا خطوتين وتوصلون هني
مهرة:هههههههه شو رايكم تتظاربون
سارة بنت حمدة قطعت عليهم السوالف لانها تبا تسير الحمام
سارة:ماما ابا اثيل حمام
حمدة:تريي الحين بخلي خالتج مريوم توديج
مهرة:حليلهن مريوم ونواري وفطيم اليوم انكرفن من الخاطر
عايشة:يستاهلن عسب يتادبن ومايعيدنها نحن يوم كنا فعمارهم كنا نخاف ومانتجرا لكن بنات هالزمن مقواهن
حمدة وهي تباغم:مريــــــــوم مريوم
مريوم:اييه انتي وين تبين يالسة تباغمين خير ان شالله شوتبين
حمدة:اصطلبي انا هب اصغر عيالج
مريوم:افف يعني شتبون منا تبونا نظحك ونسولف ونحن من كل صوب نكرف
ريم:ههههههههه دواكن
مريوم:انتي حق شو رازة بالويه
ريم:كيفي
روظه:حتي عنود اختيه حليلها تكرف معاكن لكن ماتحرطمت
مريوم:والله عنود بنت تعرف السنع فقالت خلني اساعد بنات خوالي لكن انتي وريم عافانا الله
بس تيون حق الحش
حمدة وهي تغير الموظوع:يالله حليلها سارة حصرانه وديها الحمام
ودت مريوم سارة بنت اختها الحمام وبعد ماخلصت ردت صوب اختها حمدة
وجافت فطيم و نواري وعنود يالسين معاهم
مريوم:اااااه يالقهر اليوم شغلوني كل شي بيبي ستر وقرسونه والله يعلم بعد شوي شو بيوني فيه
فطيم: انا الحمدالله بس قرسونه
البنات:ههههههههههههه
نواري :هيه ظحكن تراكن مرتزعات من الصبح ونحن نكرف انا جسمي تكسرمن الكراف
بسمة وهي محتشرة ويا سعيد ولدها:فطيم دخيلج نشي لعبي سعود حشرني
فطيم:لا والله اشوف السالفة حلتلكن قبل شوي اقول الحمدالله انا بس شغلوني قرسونه والحين تبيني استوي بيبي ستر جان ماتبين ولدج ومليتي منه خليني الاعبه انا اقولج من الحينه اذا استوابه شي انا مايخصني
نواري:بسمة نصيحة مني لاتخلينها تراها دفشة وبتكسره
فطيم وهي تشل سعيد من بسمة……فطيم تمت تبوسه ولوت عليه بالقو
عفصته من دفاشتها وهو عينه ظهرت من دفاشتها
بسمة:ولدي فديته فطوم يالطفسة هاتيه والله لاخبر ابوه عليج
فطيم:لا ندوج كلا ولا راشد ريلج بيجتلني اذا عرف اني سويت بدلوعه شي
البنات :ههههههههه
فطيم:بسوم تعالي وين سلامي بنتج
بسمة:هكي يالسة حذال امايه
فطيم:هيه عاد امي الحينه امَلج وامل فلسطين تخليج تودينها البيت بتقولج
خلها ترقد عندنا….والله تموووت في سلامي 24 ساعة ترمس عنها
بسمه:اكيد حفيدتها الوحيدة واكبر احفادها لازم تحبها
نواري:هيه صح كم عمرها الحينه
بسمة:13 هي اصغر عن حارب اخويه بشهرين
مريوووم:قولي والله انا احيدها ياهل ماشالله الحينه غدت حرمه
عنود:يعني اكيد بتكبر ولا تبينها اتم ياهل للابد
عايشة:يليته نصور ولديه اكبر عنها جان حجزتها له
فطيم:والله مشكله اليهال من الحينه يحيرونهم ونحن مالت علينا
لامحيرينا ولاشياته<<<تستهبل الحبيبة
نواري:اونج عاد انتي لازم تسكتين لان الكل يعرف ان محيرينج لزايد اخويه
فطيم ويهها احمر
مريوم :هيه والله …..مالت عليه غيرج يتمنون
بسوم:مرويومه تراج انتي حق سيف اخويه.. ابويه الله يرحمه وصا امايه انها تخطبج لسيف وانه ما ياخذ وحدة غيرج
وهني الثلاثي المرح تمن يطالعن بعظ باستغراب وعلامات تعجب عراس كل وحدة
نواري:ياوييييييييييييييل حالي وين هالسالفة من زمان.. والله محد خبرني مريوم فطيم ماعليه يالخايسات داسين عني ها
فطيم وهي منصدمه:والله انا اللي اخويه سيف توني اعرف ان ابويه الله يرحمه وصا امايه ان تخطب مريوم لسيف
مهرة:هههههههه جوفوا ويه مريوم كيف غادي
نواري:سكتوا عنها محد يرمسها الحينه شي واحد يحبها
فطيم:وانا اقول ليش سيف دوم يتخبر عنج ثره متولع فيج
عنود:الله يغربل بليسكن حليلها مريوم ويها غدا طماطه
حمدة:بس اسكتوا نحن يوم كنا فعماركن كنا نستحي نرمس عن هالسوالف
فطيم:اونكن عاد تتحرونا مانعرف ان محمد ريلج ماخذنج عن حب ومش بس
حمدة حتى بسمة وعايشه خلوني ساااااكتة ترا اعرف سوالفكن كلهاا
مريوم:ههههه عاشت بنت عمي عندج ياههن
نواري:انتي اسكتي لاتظيعين السالفة اليوم انا وفطيم سهرة وياج
مريوم:حمدلله والشكر عليكن ….والله اني انا مصدومه شراتكم
حمدة وهي تطالع ريم وروضة:هيه صح منو بتملج قبل فيكم
روضه:انا الخميس الياي وريم اللي بعده
مهرة:ليش ماتسوون ملجتكم رباعه احسنلكم
ريم:ياليت بس خطيبها هب طايع
روضه:هيه اونه يقول انا مااعرف خطيب اختج وماعرف شو
بسمة:الله يوفقكم
وتموا على هالحال لين ما كل واحد سار بيته لكن حمدة وريلها باتوا في بيت ابوها لان ابوها
عزر عليهم ولان امها بعد متولها عليها…. وعلى عيالها.
نواري وفطيم بعد استأذنن من كبارهم عسب يباتون عند مريوم وطبعا محد عارظ لان دوومهن يباتن عند بعظ
و لان حمدة عندهم وبيكون يمعة<<<<<اللي يقول حمدة فسنهن صدق
عيايز
يوم الجمعة
الساعة 1:30 الظهر
في بيت بو منصور
———————————-
بعد ماردوا الرياييل من المسيد ساروا بيت بومنصور لان الغدا كان عنده
بو منصور:عيل وينه محمد ريل حمدة
بو عبدالله:حليله من الصبح ساروا العين يقول عنده اشغال ولازم يخلصها …..والله انهم ونسونا امس
فديتهم حمد ورشود عيالهم شلوا البيت بحشرتهم وسارونه فديت روحها انا يوم اشوفها جني اشوف حمدة
بو منصور:الله يخليهم لك
وبعد خمس دقايق دشت عليهم اليدة الكل وقف عسب يبوس راسها
ذياب وهو يربع صوب يدته:تريي يدوه لاتتحركين انا بساعدج
اليدة:فديت روحك انا
ذياب:تفداج العافيه
وبعد مايلسها ذياب الكل يا صوبها وحبها عراسها
اليدة:والله امس كانت العزيمة حلوة واليمعة احلا شفت احفادي كلهم
بو منصور:ان شالله دوم جي تكونين فرحانه اذا العزيمة هي اللي مفرحتنج خلاص كاليوم بنسوي عزيمة
اليدة:الله يخليكم لي قولوا امين
الكل: امييييييييييييييييييييين
اليدة:طافكم امس نواري وفطيم ومريوم بيظن ويهي
زايد:شو متاكدة انهن بيظن ويهج اخافج تبين تقولين سودن ويهي
اليدة:لا فديتهن امس كرفناهن كراف .. قلنالهن عقابكن عاللي سويتوه فالحوظ تكرفن وحليلهن ولا يلسن
منصور :ماصدق فطيم ومريوم يدشون المطبخ نواري يمكن اصدق لكن هاييل مستحيل
اليدة:حليلهن من التعب باتن عند مريوم حتى ماكان لهن بارظ يردن بيوتهن
سيف: اللي يقول من بعد بيوتهن فرة حصا ويوصلن
خليفة:انا امس دخلت المطبخ وشفتهم كان شكلهم انتيكه واحلا شي كان شكل فطيم وهي تعابل بالمواعين كسرت نصهن ياهو ظحكت ظحك
زايد:افا يالخيانه جان زقرتنا نتطمش
الكل:هههههههههههه
بو عبدالله:امايه الحريم بيتغدن معانا ولا بيتغدن فالصاله
اليدة:مادريبهم…….انا بسير اقولهم خلنا نتغدى رباعه هني
بو منصور:انتي خلج في مكانج وذياب بيسير يخبرهم
سار ذياب وخبر الحريم ان اليدة تقولهم خل يحطون السفرة فالميلس لان تبانا نتغدا رباعه وياالحريم وطبعا الحريم نفذوا كلام اليدة لانها هي الكبيرة….. بس طبعا نواري ومريوم وفطيم ما كانن ويا الحريم لان بعدهن رقود مانشن من التعب
اليدة:عيل وين البنات
ام عبدالله:في بيتنا رقود ماطاعن ينشن عيزت ووعيهم
اليدة: والله محد ياكل لين ماين وحلفتي ماتنزل الارض
الكل مد بوزه شبرين لانهم يواعه وماخرينهم بس عسب الشيخات
مطر:يدووووه حرام انا يوعان ابا آكل
حارب:وانا بعد
اليدة: اللي يمد ايده ياويله
منصور:انا ابا اعرف ليش جي تحبين البنات لو نحن الشباب رقود جان بتسويلنا طاف
اليدة:فديتهم والله انهم قطعة من قلبي
وصلن الشيخات الثلاث… والكل فرح واخيرا بياكلون…..سيف تشقق يوم شاف مريوم لان بسمة خبرته شو صار امس وان مريوم عرفت ان ابوه وصاه عليها …..سيف كان يتريا من زمان حد يخبرها ان هو مابياخذ غيرها لان كل يوم يشوفها يحبها اكثر عن اللي قبله
البنات:مرحبا
الكل :مرحبتيين قربوا
مطر:دخيييييييييلكن تعالوا يلسوا خلاص انا بموت من اليوع
نواري: شو السالفة
حارب:يدوه حلفت ان محد ياكل الا يوم تيون
فطيم:فديت يدوه
ذياب: تفدوها خلاف الحينه تعالوا سموا بالله واكلوا
مريوم مارمست موول لانها كانت مستحيه من سيف .. ونواري وفطيم اللواته خلو مريوم تيلس جبال سيف عسب يجوفون نظراته كيف بتكون وهم يلسن حذالها
زايد:يقولون ان امس شي ثلاث بنات كرفوهن كراف
نواري :اقول زيوود كل وانت ساكت مافينا عسخافتك
منصور وهو يستهبل مع زايد:منو هاييل البنات
فطيم:يااللللللللللله يدوه سكتيهم
اليدة:زيود منصور ان ماسكتوا بالعصا عراسكم
خليفة:امووت واعرف شو تحبين فيهن
اليدة:وانوا شخصكم حفيداتي واحبهن
علاية:يدوه انا اتحبيني
اليدة:اكيد احبج انتي اصغر احفادي
علاية:والله انزين رويني في ايديج كم كثر تحبيني
اليدة:فديت روحج انا تعالي حذالي
علاية وهي تطالع البنات:حرة حرة يدو تحبني اكثر عنكم
مريوم:عادي انا بابا يحبني اكثر عنج
ونشت مريوم وسارت حذال ابوها وطبعا سيف ولا نزل عينه عنها والكل لاحظ
نواري :عافاني الله شو هالدلع اللي نازل عليكم
خليفة:ليش تغارين؟
نواري:اونه اغار اصلا انا عندي الف من يدلعني صح ابويه
بو منصور:عيون ابوج انتي اصلا نواري امبونها دلوعتي
ذياب: الله الله عيل شو خليت حق امايه
بومنصور:ام منصور طبعا غير هي الكل بالكل
زايد:ياويل حالي شو هالحب يالله متى اعرس عسب اسمع كلام حلو
اليدة:وان شالله بتاخذ وحدة من اللي ترمسهم<<<ردت عطيري ياللي
هني فطيم تغير شكلها لان هي تعرف ان زيود يرمس بنات لكن يحبها وايد بس هي هب راظيه على اللي يسويه فقررت انها ماترمسه الين مايتادب ويترك سوالف المغازل عنه
زايد:لا باخذ قمر وهو يالس من بينا
الكل تم يطالع فطيم ويظحك لكن فطيم كانت في عالم ثاني
نواري وهي تستهبل:ياغبي محد غيري قمر هني يعني تبا تاخذني؟؟؟
الكل:هههههههههههههه
زايد:وايد ثقة الحبيبة
مريوم:توك تعرف خخخخخ نورو ترا السكوت يمدحونه
فطيم:ليش تسكت … تراها هي قمر وانا بدر ومريوم هلال خخخخخخ
مريوم:لا والله ….. انا بدر
نواري:لا انتي سيييف (وهني حطت يدها عثمها لانها ماتقصد والكل تم يظحك ومريوم نزلت راسها وتمت تسب نورة فخاطرها)
الكل نش عن السفرة الا نواري وفطيم وخليفة لانهم كانوا يسولفون اكثر عن ماياكلون…….الكل غسل يده ورد ييلس مكانه ماعدا هالثلاثة اللي مأخرين البشاكير ومب مخلينهن يشلون الصماط
مريوم وهي يالسة عالقنفة:ايييه بسكم ماشبعتوا ترا البشاكير وراهن شغل غيركم
فطيم:جب جب انتي اللي يقول شكولج الحال
وهني نواري نشت عسب تسير تتغسل لكن خليفة زقرها قبل لاتسير:نورة يوم بتردين هاتي وياج بوكي وسويجي عالطاولة اللي عند المدخل
نواري:ان شالله……بسألك ليكون عيّنوني بشكارة عندك مب جنه وايد تتطلب
فطيم وهي واقفة لانها خلصت:خخخخخخ هيه والله
خليفة وهو يبا يغايظ نواري:عمي جوف بنتك ماتسمع الكلام
بو منصور:نواري من وين ظهرلج هاللسان …. يلا جدامي سوي اللي قاله ولد عمج
نواري وهي تظهر من الميلس سوت حركة فيدها يعني هيّن وكلهم ظحكوا وطبعا خليفة بعد خلص اكل وفطيم لحقة نواري عحجرتها
———————————–
بعد صلاة العصر
الساعة 4:00
في حجرة نواري
————————————-
نواري:واخيرا باجر بنسير المدرسة لاعت جبدي من البيت بس اللي قاهرني ان فرقونا والحينه كل وحدة فينا فصف
مريوم:افف انا متعوده عليكن والحين بسير صف يديد ولازم اتعرف عبنات وانا مافيني
فطيم :افففففففففففففففففففففففف اكره المدرسة
نواري: يالله هانت هالاسبوع بس بنداوم وبعده اسبوع اجازة عسب ندرس
مريووم :افف قربت الامتحانات الله يستر
فطيم:ههههههههههههههههههه
نواري:حمدالله والشكر بلاج شو اللي يظحك
فطيم وبعدها تظحك:تذكرت ويه سبف اخوية ويوم انتي قلتي لمريوم انتي سيف
مريوم وهي قافطة:هيه والله …ال***ة نورو انا اراويج فظحتيني الحين مالي ويه اجوفه
نواري:هيهيهيهيهيهي اونج عاد….بس تبين الصدق ياحيج يوم ان سيف يحبج الصراحة باين انه يموووت فيج طافج كيف كان يطالعج
فطيم:هيه فديته اخوية … العاشق الولهان…قبل لايسير المسيد سحبني وقالي اقولج ..
وهني نواري ومريوم نقزن عندها عسب يعرفون شو تبا تقول
فطيم:قوومن يعلكن الويعة كسرتوني مابقول خلاص
نواري :الله يخليج خلاص قمنا يلا قولي شو قالج تقولين لها
مريوم:لالا خلاص هونت لاتقولين اخاف اصدق عمري
فطيم:طااع هاااي حووو انتي لاتصدقين تراني كنت استهبل ماقالي شي خخخخخ
هني فطيم مالقت غير وحدة تهفها عراسها<<<مريوم
نواري:احلفي انتي بس…انا الغبية صدقت ههههه مريوم سوتلج
مريوم:وييه عاد كلش اللي يقول انا ميتة فيه
فطيم:هههه حليله هو شويخصه مسكين ماسوا شي …. عن الجذب الا تموووتين فيه من سمعتي اسمه نطيتي
نواري:هههههه يحليلج يامريوم والله ولقيتي حد يحبج
مريوم:جب انزين
فطيم:هيه صح مريوم شو سالفته اخوج ويا بنت عمي انا ملاحظتنه واااايد يتطلب منها
نواري:بعد ماتعرفين يتسيخف واونه يبا يغايظني
مريوم:ايييه مارظا عخوية …. ياحمارة هو يسوي جيه لانج عايبتنه ماتدرين يمكن يحبج هو الثاني
نواري وهي توقف لانها اشتطت خخ:حبته القرادة قولي امين…..غيروا السالفة لاني واصلة حدي منه عادي ادعي عليه لين باجر
فطيم:هههههه لالا كلا ولا ولد عمي خلاص بنغير الموظوع
وتمن يسولفن شوي وبعدين كل وحدة سارت بيتها عسب تزهب اغراظها للمدرسة
-=-=-=-=-=-=-=-=-=-=-=-=-=-=-=-=-