السلام عليكم ورحمة الله وبركاته
هاي من محاولاتي في كتابة الشعر
واتمنى احصل نقد بناء وارائكم عليها
وناوية القيها في حفلة التخرج الاسبوع هذا
المهم هاي هي ::
أمي يالغلا … أبا أهديج كم سطرن خطها القلب … ينزفها حبر الاقلامي
ابا شكرلج اليوم … والعمر كله جزيل العطاتي
اشكرج يأمي على التعب والسهر والمحاتي
على الدعم والصبر والسعي كله لاجل نجاحي
وذاك الحضن اللي كله دفى … به ارتمي لازارني الضيق وبصدري استباحي
وذرف دمع لهمي شايل وكل خوفج لا اتعثر ابخطاتي
ولا ناديت ” ياامي ” اسمع الرد ” لبيه يا حياتي ”
امي ابوصفلج انتي وش تكونين بحياتي
امي انتي كوني وشمسي والقمر في سماي يا عذبة السماتي
والنجم في حالك الليل لا ضليت درب الهداتي
يا أمي من غيرج انا في هالدنيا اتوه امبين الجهاتي
وفي كل صلاة ادعي رب العبادي
واناجيه بقلب صافي : ربي لاتحرمني ضي عمري أو حياتي
وعينني يارب أوفي ولو شي من جزيل العطاتي
وابعتذر يالغلا وأقول :
اسمحيلي على زلة لساني والتقصير والخطاتي
وابحب راسج وإيديج والتراب تحت الاقدامي
والعمر يرخص لج وكله ما يوفي حقج ياغناتي
وانتظر تعليقاتكم بلييييز بدون تحطيم
ابا ردود … لو سمحتوا …
تحياتي اختكم " طموحي عالي 25 "
نص وافي ، ومعنى لن توفيه أحاسيسنا قط
هُنا إبدعتِ في رسم احساسك الصادق
فكآن قريبه للقلب تلك الكلمآت
لاهنتِ ،
حبيت أذكرك عزيزتي بضرورة تذييل النص بكلمة } بقلمي
وفقاً لشروط القسم ،
تحيتي /~
نص لايفي من جنتنا تحت قدميها
الله يخليلك الوالده ويطول بعمرها يارب
ومبروك التخرج 🙂
تحيتي ~
يعطيك العافيه يالغلا
وانا من وجهة نظري احترت معك للأمانه ففي الاول طلبتي المساعده وفي الاخير قلتي بليز لااحد يحطمني !!!
عمومآ يالغاليه حبيت اتفلسف عليك والا انا مااحب انتقد احد بس حبيت اخليك تطيرين عيونك فيني شوي لااقل ولااكثر هههه
يعطيج العافيه والله يخلي لج امج<<المفروض اقول غير كذا بس علشان لهجتكم (*_^)
النص فيه الكثير من الجمال والام تستاهل كل خير عساك على القوه وشدي حيلك
تقبلي تحياتي وحاولي تنتبهين لتوجيه مشرفة القسم جبروت لأنه شرط اساسي بالقسم
لاعدمتك اختي وتقبلي
تحياتي وتقديري
اخووووووووك
أســــ الغنج ــــير
|
المشاركة الأساسية كتبها !i جَ’ــبَرِوِتْ i!
 طموحك عالي ،
نص وافي ، ومعنى لن توفيه أحاسيسنا قط هُنا إبدعتِ في رسم احساسك الصادق فكآن قريبه للقلب تلك الكلمآت لاهنتِ ، حبيت أذكرك عزيزتي بضرورة تذييل النص بكلمة } بقلمي وفقاً لشروط القسم ، تحيتي /~ |
تسلمين الغلا على المرور اللي اسعدني
وان شاء الله المره اليايه ما انسى لانه اللحين
ما يستوي احط كلمة بقلمي …
|
المشاركة الأساسية كتبها العنود888
نص مترف بالمعنى قيم بالمضمون
نص لايفي من جنتنا تحت قدميها الله يخليلك الوالده ويطول بعمرها يارب ومبروك التخرج 🙂 تحيتي ~ |
آآآآمين الله يسمع منج …
والله يبارك فيج
اسعدني مرورج يالغلا …
|
المشاركة الأساسية كتبها أســــ الغنج ــــير
اختي طموحي عالي
يعطيك العافيه يالغلا وانا من وجهة نظري احترت معك للأمانه ففي الاول طلبتي المساعده وفي الاخير قلتي بليز لااحد يحطمني !!! عمومآ يالغاليه حبيت اتفلسف عليك والا انا مااحب انتقد احد بس حبيت اخليك تطيرين عيونك فيني شوي لااقل ولااكثر هههه يعطيج العافيه والله يخلي لج امج<<المفروض اقول غير كذا بس علشان لهجتكم (*_^) النص فيه الكثير من الجمال والام تستاهل كل خير عساك على القوه وشدي حيلك تقبلي تحياتي وحاولي تنتبهين لتوجيه مشرفة القسم جبروت لأنه شرط اساسي بالقسم لاعدمتك اختي وتقبلي تحياتي وتقديري اخووووووووك أســــ الغنج ــــير |
والله تميت اضحك يوم شفت الرد ههههه …
احم احم دوري اللحين اتفلسف
انا كنت اقصد ابا رايكم في القصيدة اكييييييد
لكن التحطيم كنت اقصد من ناحية الردود
يعني انه لا تسون طآآآف ومحد ايرد على الموضوع
احم احم ان شاء الله قصدي وصل …
وان شاء الله المره اليايه انتبه اكثر على التوجيه لانه اللحين بغيت اعدل بس ما يستوي
المهم تسلم اخوي على المرور …
و حفِظ وآلدتك
آحسآاس عذب تشكرين عليه
و بآلتوفيق لك في درآستك
و مبروك التخرج
ـآرق ـآلتحآيآ
آسيـــر نآيـــف