أطهر مَا أعدك به أن تبقى بين أدعيتي. 2024.

السلام عليكم ..

هذي روايتي الثاني،
الكتابه جزء مني ، لا استطيح التخلي عنها ، وقت فراغي اي كان الوقت اكتب ، هي اجمل واسهل وسيلة استطيع التعبير عن نفسي فيها
روايتي هذا اسمها
(أطهر مَا أعدك به أن تبقى بين أدعيتي.)
الحب : هو ان يسبق اسمك اسمي بالدعاء
الحب : هو ان اشعر ب ألمك قبل فرحك
الحب : هو ان اشاركك ادق تفاصيلك
الحب ليس كما شوهو وجعلوه محرماًّ
الحب نقاء ..

–

اصبحت كل الطرق في عيناي مظلمه
اصبحت عاتمه جدا ك رماد يغزوها
ك جحيم يعمها انها قرية مصابه بلعنه
قرية بها اناس بقلب شيطانن لم تعد
قريتي آمنه
نعم انها مخيفة جدا
رجالها اصبحو ضعفاء نساؤوها اصبحو
اقوياء رجولة متبايعه لنساؤوها وضعف
رسالة في صندوق بريد مرسله ف استلمها
رجالها نعم قريتي لم تعد آمنه …

ل هيم – الله يراك ي سارق احرفي

_____
نبدا البارت (1)
الساعه 6 الصباح
في ارقى احياء الرياض وفي اكبر قصر في الرياض
سونا :انسه لين يالله قومي مدرسه
لين تحرك راسها بكسل : سونا خليني شوي بنام
سونا : يالله انسه لين الحين تتأخري على المدرسه
لين وهي تقوم :اوووف يالله قمتت
سونا مربية مغربيه كانت دايم مع لين من صغرها تهتم فيها لين لما تتضايقق تبداء تشكي لها وتفضفض مثل اختها بالضبط ماتعتبرها خادمتها ابدا
صحيت عشان تروح المدرسه قامت من سريرها الملكي كان جناحها فخم بكل ما تعنيه الكلمة قامت دخلت الحمام (أكرمكم الله) وغسلت وجهها ولبست مريولها كان شيال ميد وشوزها من نايك لمت شعرها ذيل حصان حطت روج خفيف اخذت شنطتها وجوالها ونزلت تحت دخلت غرفة الطعام كانت فخمه جدا جدرانها منقوشه بأسود وذهبي والطاوله كبيره سودا وحوافها منقوشه ذهبيه
لين تبوس راس ابوها :صباح الخير يأ احلى بابا
ابو لين: صباح الورد يا احلى لين
باست خد اخوها عمر : صباح الخير عمور
عمر ابتسم لها : صباح الفل لينو
لين جلست على طاولة الطعام وبدات تفطر مع ابوها واخوها
عمر بمزح : اووه الست لين صاحيه بدري اليوم مو من العاده
لين بوزت بدلع : بابا شوف ولدك من صباح الله بيتطنز علي
ابو عمر يمثل العصبيه : عمر خلاص اترك اختك بحالها
عمر : ابشر يالغالي

ابو عمر خلص فطور : الحمدلله.. يالله انا طالع لـ الشركه عمر لا تتأخر في اجتماع مهم اليوم. وعمك ابوفيصل بيكون موجود
عمر : ابشر اوصل لين واطلع ل الشركه
*ابوعمر يخاف على بنته من الهواء عشان كذا مايخليها تروح مع السواق يخلي اخوها يوصلها واذا ماكان موجود تروح معاها سونا

نعرفكم بـ عايله ابو عمر
ابو عمر : سامي رجل اعمال مشهور ومعروف غني كثير عنده شركات واموال وله فروع خارج المملكه عمره 45 *سنه دلوعتهه لين لو تطلب عمره يعطيها اسمر وسيم عيونه عسليه
ام عمر : لورين ارمينيه من اصول روسيه تزوجها ابو عمر في شبابه طبعا بألاول عارضو اخوانه على زواجه بس قدر انه يقنعهم بعد كم سنه جابت له عمر وبعدها بثمان سنوات جابت لين وبعدها سافرت ل اهلها ب روسيا ولا رجعت تربو عيالها على يد المربيات.
كانت جميله كلمة قليله بحقها شعرها اشقر ناعم وعيونها زرق مايله لـ الاخضر وساع وانفها صغير وطويل وفمها صغير

عمر : عمره 26 سنه درس ادارة اعمال في لندن واشتغل عند ابوه بالشركه كان وسيم بما تعنيه الكلمة اسمر وعيونه وساع عسليه وانفه طويل وفمه صغير شعره بني وجسمه معضل يلعب جيم دلوعته لين يحب ينرفزها ويخليها تعصب بس شوي ويرضيها باقي شخصيته تعرفونها من خلال الاحداث

لين : عمرها 18 سنه ثالث ثانوي جميله عيونها وساع لونها زرق مايله للاخظر وشعرها اشقر لين اكتافها وانفها وفمها صغار نفس امها.. ماتعيش بدون ابوها مدللها كثير وايش ماتطلب لها

في نفس الوقت في قصر ثاني

نازله مع الدرج تركض وهي تلبس عبايتها تبي تلحق على اخوها قبل يروح ويخليها
ام فيصل تمسكها : انتظري لمى ما افطرتي
لمى : ماما ماتعرفين فيصل الحين ييرووح ويخليني وماحد يوصلني. _" وطلعت بسرعه "
ام فيصل رفعت يدينها تدعي: الله يهديكم ياعيالي
نادت الخدامه تشيل الفطور وطلعت لـ. تشوف ندى ماداومت اليوم

___####___
طلعت لمى وركبت مع اخوها بهواش: انتي كم مره افهمك اني ماحب انتظر بالسياره واتأخر على الشغل
لمى شوي وتبكي : خلاص فصول اول واخر مره اتأخر وبعدين واول يوم مدرسه يعني عادي تتأخر شوي
فيصل مقهور منها : انا ماحب اتأخر على شغلي وعندي اليوم امور مهمه بوصلك وبرجع اوصل ابوي
لمى سكتت وصلها المدرسه وراح لـ شغله
اعرفكم ب عايلة ابو فيصل
ابو فيصل : رامي عمره 50 سنه الاخ الاكبر ل ابو عمر رجل عصامي كلمته لاتنزل ابد شديد لاكن حنون وطيب

ام فيصل : عمرها 45 ام حنونهه مره على عيالها وتخاف عليهم كثيير
فيصل : عمره 26 صديق عمر دارس ادارة اعمال في لندن وماسك شركة ابوه في الرياض منظم دايم مايحب يتأخر عن عمله لو دقيقه عصبي من ضغوط الشغل وسيم جدا اسمر وعيونه وساع حادة سودا وشعره اسود ناعم انفه طويل وفمه وسط

احمد : عمره 23 يشتغل بشركة ابوه مرح مره وراعي هبال ومره فوضوي عكس اخوه فيصل ومهمل اسمر شعره اسود مملوح

بسام : عمره 21 بالجامعة يدرس هندسة راعي هبال ومقالب ودايم يجمع عيال عمامه واصدقائهم ب المزرعة معضل وملامحه حلوه اسمر شعره اسود

لمى : عمرها 18 سنه ثالث ثانوي بنت جميله وطيوبه ملامحها ناعمه عيونها وسط وفمها صغير وانفها صغير وشعرها لـ نص ضهرها بني ناعم
ندى : توئم لمى تشبها بكل شي مايفرقون بينهم الا الطول والشعر

دخلت المدرسه تبحث بأنظارها عن صاحباتها اول ماشافت بنت عمها ضمتها : ليوونن وحشتيني
لين ضمتها : ماكأننا شفنا بعض بالعطله
لمى تضحك : والله لو شايفتك امس بس اشتاق لك
لين : ياروحي
لمى مسكة يدها وجلسو : كيفك
لين بأبتسامه : تمام وانتي
لمى : الحمدلله
لين : كيفه عمي وعمتي وندو ليش غايبه
لمى : ماعليهم الحمدلله ، ندو غايبه كذا ماتبي تدوام من اول يوم.
… : ليونن لموو وحشتوني
لمى ولين صرخوو : سممرررر
لين تضمها : سمر يادوبهه وحشتيني
سمر : ياقلبب سمر وعيون سمر وانتي كمان وحشتيني
لمى ولين سلمو عليها وجلسو
لين : وين باقي البنات؟
لمى : اكيد شوي ويوصلون
وصلت لمار و مروا ونوف و ريم
لمار : عمرها 18 نعومة مرره وهادية ويسمونها بالشلة الدلوعة بسرعة تبكي وبسرعة ترضى وبرئيه وملامحها بيبي فيس شعرها لين كتوفها بني
مروا : عمرها 18 عربجية وداجة وهبلا، ودايما تطقطق على المدرسات بيضا شعرها لين كتوفها لونه زيتي وتحب التغيير وملامحها حلوه
سمر : هذي العاقلة فيهم وتنصحهم شعرها لنص ظهرها اسود، وملامحها ناعمة وحنطية
ريم ونوف : عمرهم 18 نفس الطبع داجات مع مروا دايم، ويتهاوشون كثير مع بعض ومع البنات ونفس
ريم : شعرها ل رقبتها بوي صابغته زيتي وسمارها جذاب وعيونها حلوه ملامحها بيبي فيس
ونوف : شعرها ل نص ظهرها اسود بيضا حلوه عيونها وسط صوتها جميل ودايما تغني لهم وتطربهم

جلسو يحكون عن عطلتهم
لين بملل : ياربي من هالجرس ليش يرن الحين
سمر بتفكير : بنات شايفين البنت هذيك جالسه لحالها
لين بطيبه : ياقلبي عليها شكلها جديده
لمى : بنات امشو نتعرف عليها
لين نطت بسرعه: يلا بنات خلونا نتعرف عليها
وصلو البنات عندها
لين بأبتسامه مدت يدها : السلام عليكم
—————
في بيت ثاني بعيد عن القصور والمنازل الراقيه
..: رغد يالله قومي بسرعه
رغد قامت بسرعه : وش فيهه
..: نسيتي المدرسة اليوم قومي وراك داوم
رغد ضربت راسها : يوهه نسيت *رجعت غطت راسها * خلاص برجع انام مابي اداوم اليوم
..سحب البطانيه: مسرع نسيتي اليوم ترا اول يوم في هالمدرسه يالله قومي
عصبت رغد وهي تقوم : افف فهد غصب اقوم
فهد طلع من الغرفه ولا رد عليها
قامت رغد وتوضت وصلت ولبست مريولها وطلعت ل فهد يوصلها للمدرسة
*خلوني اتكلم لكم عنن فهد ورغد *
فهد : عمره 25 سنه يتيم الاب والام، ماله الا رغد بعد الله. شاب طموح مرح وسيم عيونه وساع حنطي يحب رغد اخته مره ويخاف عليها مره من نسمة هواء بس شوي عصبي
رغد : عمرها 18 اقل مايقال عنها جميلة،ظ يتيمة الاب والام شعرها طويل ل اخر ظهرها اسود ناعم بيضا ، وعيونها وساع فاتنه مرحه ومرجوجه.
نرجع ل رغد

دخلت مدرسة اول مره اجيها كنت خايفة مادري ايش اسوي نزلت عبايتي وجلست على الكرسي وانتظر يرن الجرس
انتبهت على مجموعة بنات متجهين لي
..: السلام عليكم
وقفت وسلمت عليها : وعليكم السلام اهلين
…بأبتسامه : انا اسمي لين_ وتأشر على صاحباتها _هذولا صديقاتي. هذي لمى بنت عمي وهذي لمار الدلوعة وهذي سمر العاقله وهذي رييمو مروا نوف ادج ثلاث بنات بالمدرسه
نوف ناظرتها بنص عين : مو كأنك قائدتنا
لين تضحك : لا انا مو مثل دجتكم
رغد ابتسمت لهم : اهلين انا رغد تشرفنا
سمر : كيفك
رغد : تمام كيفك انتي
سمر :الحمدلله
لين : لك صديقات
رغد ابتسمت : لاجديده هنا
لين مسكت يدها : تعالي اجلسي معانا
رغد استحت : لا مابي اثقل عليكم
ريم : شدعو تثقلين علينا
نوف بهبال : اقول بلا ثقل بلا هبل تعالي اجلسي معانا بالطيب ولا بنشيلك غصب
البنات ماتو ضحك على كلامها
رغد انحرجت : طيب يلا
نوف : يلا بنات اللي توصل اخر شي عليها فطورنا اليوم طيب
راحو البنات يركضون ولين ماسكة يد رغد تركض وصلو قبل لمار
البنات : اوه الفطور عليك لمور
لمار : لو تموتون مافطرتكم
نوف وقفت قدامها : خير على كيفك اليوم فطورنا عليك بس
ريم : اي حبيبتي ماحد قالك امشي شوي شوي
لمار مدت بوزها : مافي اليوم انا صايمة
مروا : على كيفك يامزا لو صايمة بتفطرينا غصب عن خشمك
لمار ناظرت لين : ليون شوفي هالمهابيل ذولا ماني مفطرتهم لو يموتون
لين : خلاص بنات عيب فشلتتونا قدام البنت، فطوركم علي بس من وين تبونه عشان اطلب لكم
ريم : لاوالله على لمار يعني عليها ماحد قالها تتمشى
لمار طنشتها
——————–
عند عمر دخل المكتتب وجلس مندمج ب الشغل
دخل السكرتير : استاذ عمر فيه واحد يبغا يقابلك ضروري
عمر : ماقالك وش يبي
السكرتير : مادري بس حاب يقابلك
عمر ابتسم : طيب 5 دقايق ودخله
طلع السكرتير

________
عند فهد وصلت رغد ل المدرسة بعد ما توفت جدتي مابقى لنا احد، الحين واجب علينا اعتمد على نفسي
دخلت الشركة، ابي اتكلم مع المدير يمكن يرضى يوظفني، سمعته زينه ويساعد وشهادتي زينه
قالي السكرتير انتظر 5 دقايق
..: استاذ تفضل المدير ف انتظارك
___________
عند فيصل كان جالس يججهز اوراق الصفقه الجاية ومتحمس لها لازم يكسبها
جاه اتصال : هلا، امر طيب عشر دقايق وانا عندك

______________
دخلت عند المدير وقف
فهد : السلام عليكم
وقف عمر ومد يده بأبتسامة : وعليكم السلام حياك
فهد : الله يحييك وجلس
عمر جلس قدامه : امرني يا اخوي
فهد : انا جايك ادور وضيفه وطلبت مقابلتك شخصيا لاني عارف بأسمك واخلاقك
عمر ابتسم له : اول وش تشرب نسيت اضيفك
فهد : قهوه
عمر اتصل وطلب 2 قهوه : ايش اسمك؟
فهد : فهد بندر ال..
عمر : حاس الاسم هذا مار علي
فهد اكتفى بأبتسامه
عمر : اي ايش شهادتك
فهد : شهادتي ادارة اعمال تو متخرج
عمر : حلو،
وبداء الكلام عن الشغل
عمر : شهادتك ممتازه وان شالله نرد عليك خبر بأقرب وقت وهذا كرتي واعط رقمك ل السكرتير وخلال يومين بنرد لك خبر
فهد وقف ووقف معه عمر : تسلم يااستاذ
عمر ابتسم : ماله داعي تقولي ي استاذ عمر تكفي
فهد : فمان الله
عمر : فمان الكريم
طلع فهد وجلس عمر يقلب السيفي حق فهد وعجبته شخصيته
مسك جواله واتصل على فيصل : هلا فصول، ما يأمر عليك تعالي المكتب ،انتظر
______________

عند البنات رن الجرس وراحو ل فصولهم دخلو البنات كان ترتيبهم
لين ورغد
سمر ولمار
وريم ونوف
ومروا ولمى
وندى ورا
بدات الحصة الاولى ب هياط المدرسات
(تمشين معي سيدة امشي معك سيدة)
ريم تهمس ل نوف : مليت من هالسطوانه متى تطلع هالزفت
نوف : حتى انا مليت افف
الممعلمة : انتو اللي وراء وش عندكم
ريم بملل : ايش عندنا يعني نسولف
المعلمة : انا اتكلم تنكتمين
ريم رفعت حاجبها : ليش ان شالله من انتي عشان انكتم
المعلمة عصبت : ايش قلة الادب هذي قومي اطلعي برا
وقفت نوف : اذا هي تطلع انا اطلع معاها
المعلمة : اص انتي ولا بتتعاقبين
قامت مروا : قومو بنات خلونا نطلع
المعلمة : مروا ونوف اجلسو ويالله ريم اطلعي برا
نوف : يانطلع سوا يانجلس سوا
عصبت المعلمة : ولا كلمةة ويالله براا
طلعو الثلاثي مع بعض وطلعتت معاهم المعلمة
لين تتأفف : يالله منهم يحبون المشاكل
لمى : ايو الله الحمدلله ندو غايبة ولا كان معاهم كمان
لمار تبرد اظافرها : يستاهلون على طولة هاللسان لو ساكتين من اول ماصار كذا
سمر : اسكتي بالله، الحين ذي تستقعد لهم تخليهم يرسبون بمادتها
رغد بأستغراب : خير هذا ظلم
لين جلست على الطاولة : بلاك ماتعرفينها، ماتهتم درجاتك على حسب علاقتك فيها
لمى : بنات خلونا نطلع برا المعلمة ماتدري عننا مشغولة بالبنات
لين:….
__________
عند الثلاثي نزلو الادارة
المعلمة : يالله قدامي لابارك الله فيكم
مروا : عمى انتي خير ، انتبهي على لسانك
المعلمة بنظرات تخوف : عمى يعميك وتطولين لسانك علي، حسابك عند المديرة انتي وياها
نوف : شكلك م تعرفين اححنا بنات مين
ريم : لاشكلها ماتدري، اصبري اليوم اخر يوم لها دوام هنا
دخلو عند المديرة
المديرة : ايش فيه يا منيره
الاستاذه منيرة : هذولا البنات السنتهن طويلة وماهن متربيات
مروا عصبت : انا كم مره قلت انتبهي على الفاضك لا اقص لسانك، احنا متربيات احسن منك
نوف : اخس يا ام التربيه انتي
ريم وقفت عند المديرة : لو سمحتي عطيني التلفون بتصل على ابوي
المديرة عارفة انهم بنات ناس وبمكالمة وحده ممكن تنفصل
المديرة : ريم مروا نوف هدوا حبيباتي، مايصير هالكلام، خلاص
ريم بحدة : لو سمحتي!
الاستاذه باستهزاء : شبتسوين يعني مره خفت
ريم سحبت التلفون واتصلت على ابوها وقالت له السالفه وسكرت : خلال ساعه بينتهي شغلك
الاستاذة : بنشوف
مامرت نص ساعة جاها اتصال خلاها ترجف : انتي كيف تسوين كذا.
ريم قربت منها : عشان تعرفين انا ريم اذا قلت كلمه بتتنفذ فاهمه ولاتحاولين تلعبين معي وهالمره انذار بس المره الجاية فصل اوك!
طلعت ريم ونوف ومروا لفصلهم وتركوها عند المديرة
ريم بأبتسامة نصر: شرايكم بنات
مروا ونوف : قسم بالله كفوو بنت رجال
ريم : عشان تعرفون ريم ايش تقدر عليه
نوف طقتها على راسها : بس لو انا كان فصلتها مره وحده
مروا : مابرد قلبي عليها خلونا نججنهها
نوف : لا حرام خلاص خلوها تولي
دخلو الفصل مالقو الشلة
مروا :بسم الله ذولا وينهم
..: طلعو بعد مارحتو
نوف : تعرفين وين راحو
…: لا مادري
ريم نطت : انا اعرف وينهم امشو وراي
طلعو من الفصل قبل تجي الاستاذه

_________
عند البنات طلعو من الفصل بعد ماضغطو على رغد تروح معاهم
رغد : بنات والله خايفة احد يمسكنا خلونا نرجع
لمى : اسكتي يالخوافه، ماعليك ماحد يمسكنا
لين بأبتسامه : اذا مسكونا ماراح يقدرون يسوون شي ماعليك انا معك .
طلعو ل الدور الثالث، وجلسو فيه بدون م حد يشوفهم
لين : رغد عرفينا عليك اكثر
رغد ابتسمت : ايش تبين تعرفين عني
لين بهبال : كم عندك خوات اخوان، وين ساكنه امك وينها ايش اسمك الكامل كل شي .
رغد ضحكت : شوي شوي امم ماعندي خوات عندي اخو واحد اسمه فهد عمره 25
دمعة عينها _امي وابوي متوفين لما كنت بالمتوسط ،وكنا ساكنين عند جدتي ف الدمام وتوفت جدتي من شهرين وجينا الرياض نستقرا هنا واخوي يدور وضيفه وان شالله يلقى واسمي رغد بندر ال.. بس
قربت منها لين مسحت دموعها : وانا كمان ماما توفت لما كنت صغيره عشت مع بابا واخوي عمر بس غالبا جالسة لوحدي، اذا على وضيفة اخوك بحاكي بابا وخليه يورح ل شركة بابا اسمها.. وراح يلقى اللي يسره
قربت منها رغد وضمتها : مادري كيف اشكرك بس م اضن اخوي يوافق هو راح يقدم وان شالله بيحلها ربي
سمر : ياعمري رغود الحياة سهله امسحي دموعك
لمار كانت تناظرهم وتبكي بصمت
لين تناظر لمار : لمور شفيك تصيحين.
لمار تناظرها وهي تمسح دموعها : انتو بكيتوني
سمر طقتها على راسها : ماتعرفين هالبكاية لو تموت نملة بكت
لين ورغد لمى ماتو ضحك عليها ولمار قامت تضرب سمر
فجاء سمعو صراخ وخافو
_______

عند عمر وفيصل
فيصل : انا اشوف شهادته زين بس حنا مو بحاجة موضفين
عمر : الا محتاجين بدال اخوك هالنايم
فيصل : وش نسوي به طيب
عمر : خلاص نخليه مساعد مع احمد اخوك يبي اللي يساعده
فيصل : حلو_ وقف _ على خير
عمر : طيب لاتنسى الاجتماع بعد ساعات
طلع فيصل لغرفة الاجتماعات وطلع وراه عمر وقال ل السكرتير يكلم فهد ويقوله انهم قبلوه
عمر : سامر كلم ابوي وعمي قولهم على الاجتماع بعد ساعة
سامر : ان شالله طال عمرك
طلع عمر
_________
ريم : بنتقم منهم رايحين ومخلينا
نوف: بنات خلونا نخوفهم
مروا : اصبرو خلونا نصارخ ونطب عليهم
وبداو صراخ لين ورغد خافو ولماروسمر صرخت معاهم
البنات فقعو ضحك
سمر مسكت يدين لمار : ياخذكم فجعتونا
___________
انتهى البارتت

البارت 2

الامُنيه الأخيرة في مشّواري معك:”خلّيك،لا تتغيرين لا تبعدين لا ياخُذك مني احد“..
______
عند فهد
طلعت من الشركة وانا متفائل دخلت المسجد اصلي ركعتين الضحى وبعدها ارجع البيت اجهز الغدا قبل تجي رغد
الا جاني اتصال من رقم غريب
..: الو السلام عليكم
فهد : وعليكم السلام ورحمة الله
..: اخ فهد؟
فهد : اي امر اخوي
..:
_____________
سمر : ياخذكم ياكلبات فجعتوننا
فقعو ضحكك عليهم وعلى اشكالهن
لمار دموعها بعيونها : حسبي الله عليكم كنت بموت
ريم : وش اسوي بك مادامك دلوعة كذا بتموتين قريب
لمار : بسم الله علي
نوف : ليون اشوفك من جت رغد ساحبة علينا
لين : لاوالله انتو ماشالله جلستو من جيتو مسحوبين عند الادارة
رغد : بنات خلونا ننزل فسحة
لين طقت راسها : يوه بنات مااتصلت على عمر يجيب الفطور
ريم : وااي عمروي يجيب لنا فطور يازينه بس
لين دفتها بشويش : انقلعي لاتدلعين اخوي
ريم كشرت : من زينك ومن زين اخوك
لين : ياحياتي اخوي الله يخليه بس
لمى : مو كأنكم تتأمرون على ولد عمي هالمسكين فلس من كثر م يجيب لكم فطور
لمار : اييو الله مسكين
مروا سحبت لين : اقول ماعليك منهم امشي كلميه نبي الفطور جوعانين
نزلو البنات للفسحة ولين اتصلت على عمر
___________
..: انا سامر من شركة … قبلناك موضف فيها بكره تباشر العمل
فهد بكل فرحح : الله يجزاك خير ياسامر، ان شالله بكره ببداء فيها
سكر منه والفرحة مو واسعته
وراح صلى ركعتين شكر لربة وطلع

_______________
عمر وفيصل جالسين ب الاجتتماع مع ابوه وعمامه
عمه ابو فيصل و ابوه و عمة ابو راكان وعمه سلطان
وعيال عمه احمد وسالم وراكان وريان

ابوفيصل : عجبتني خطتكم ل كسب الصفقه
ابوراكان : صح ماشالله عليكم ماعمرك فشلتونا دايما نكسب الصفقات بالراحه
ابتسم عمر : ياعمي ماخذنا هالخبره الا منكم وهذا فخرنا فيكم
ابوراكان وابوفيصل وابوعمر: والنعم والله
شباب العيلة نعرفكم عليهم
ريان وراكان توأم متشابهين مره : بس يختلفون بالطبع بشترهم سمرا عيونهم وساع معضلين 23 سنه
سالم : اسمر نحيف شعره اسود عمره 25

ابو راكان :اسمة سعد عمره 45
وعمهم سلطان :عمره 27 اسمر وسيم عصبي ومرح

دق جوال عمر :هلا
..: عمور كيفك
عمر : هلا ليون، هاتي اللي عندك اكيد طلبات
لين : ياحياتي اخوي اللي فاهمني نبي فطور
عمر : مو فاضي انا ، اشتري من المقصف
لين بدلع : عموور بليز ابغا من برا وعدت البنات بالفطور
عمر بأستسلام : امرنا لله بنطلب لك بس م اوصله يجيبه السواق
لين : طيب عمور لاتتأخر
عمر : طيب
ابوعمر : من اللي متصل عليك
عمر : لين تبي فطور لها ولصديقاتها
ابوعمر :يالله قوم ووصل لها الفطور
عمر: تأمر يالغالي

_____________
عند لين سكرت من عمر
لين : يس وافق
رغد :الحمدلله، طيب يلا نمشي
لين : يلا
طلعو برا مكتب الادارية
جلسو وصلهم الفطور وافطرو
ريم : الله هذا فطور جابه عشاني عموري
لين : اقول ابلعي من كلمه انا ولا انتي
ريم ترمش : انا
مروا : مو انا خاطبته قبلك
لمى : اشوفكم تتأمرون على ولد عمي
لين : اقول جب انتي وياها هالفطور عشان رغد
رغد استحت : يسعدك ليون ترا ماله داعي تككلفين نفسك
لين : مافي كلافه ياعمري
نوف ومروا : اشوف الدلع كله صار ل رغوده
لين : يما بدت الغيره ، تونا متعرفين.
ضحكو البنات
نوف : نمزح معك، والله تشرفنا فيها
رغد : الشرف لي

وانتهت الفسحة
وانتهى الدوام
قبل تطلع لين
لين : رغود عطيني رقمك قبل اطلع
رغد كتبته بورقة: هذا رقمي ارسلي لي اذا وصلتي البيت
لين : اوك
رغد جالسة تنتظر فهد
وطلعت لين

__________
ركبت لين مع عمر
لين : السلام عليكم
عمر :وعليكم السلام ،كيف يومك
لين بفرحح : يجنن يومي مره تخيل تعرففت على بنت جديدة مره طيوبة وتهبل
عمر ابتسم لفرحتها : دوم يارب هالفرح
لين لفت عليهه : عمور تخيل امها وابوها متوفين مالها الا اخوها وماعنده وضيفه توه متخرج لو تلقى له وضيفه بالشركة
عمر : وايش شهادته
لين : مادري، اذا وصلت البيت بكلمها واسألها
عمر : طيب على خير

_____ عند فهد ورغد
طلعت رغد ل اخوها وركبت معه
رغد : السلام عليكم
فهد : وعليكم السلام الرحمة ، شلونك
رغد : الحمدلله، انت طمني عنك وش صار معك
فهد بأبتسامه : الحمدلله قبلوني بالوضيفه وبكره بصير اداوم
رغد بفرح : جد الحمدلله يارب
فهد : ايو الحمدلله، وانتي كيف المدرسة
رغد : كويسه، تعرفت على بنات والحمدلله ارتحت لهم وانبسطت معاهم
فهد : يالله ترا اليوم مسوي لك الغدا بنفسي
رغد : وناسه جد
فهد : اي والله عاد يارب يعجبك
رغد : مادام انت طبخته اكيد لذيذ

وصلو البيت
_________
بيت ابو فيصل
دخلت لمى وسلمت على امها وابوها بالصالة
ام فيصل : ها يمة شلون دوامك اليوم
لمى جلست جنبها : تمام الحمدلله ماما ترا جوعانه مره
ام فيصل : حبيبتي بس يجي اخوك احط الغداء بس بدلي وصلي وانزلي
لمى :طيب عن اذنكم
طلعت فوق تبدل ملابسها

نزلت ندى توها صاحية من النوم وشعرها مبهدل وببجامتها جلست جنب ابوها
ندى وههي تتثاوب : صباح الخير
ابوفيصل : قصدك مساء الخير توك تقومين والناس تبي تنام
ندى تبوس راس ابوها : شعدوى يابابا تونا الصبح
ام فيصل : اي صبح الناس الظهر توهم راجعين من الدوامات وانتي غياب
ندى : خلاص وعد مام بكره اداوم
ابوفيصل : ندى اهتمي لدراستك تراك اخر سنه هالله هالله بالنسبة الزينه
ندى : ان شالله يالغالي
نزلت لمى معاها جوالها تطقطق فيها جلست جنب ندى
ندى : ايش سويتي بالمدرسة اليوم
لمى بحماس : فاتتك شصار
ندى بحماس : قولي
لمى بنذالهه: لا بعد الغداء بقولك
ندى برجاء : بليز لموو قولي
لمى : نووي بعد الغداء اقولك
دخل فيصل
فيصل : السلام عليكم
الكل : وعليكم السلام
فيصل باس راس امه وابوه
ندى تاشر على راسها : باقي انا مابست راسي
فيصل قرب منها وضربها على راسها وجلس
كلهم ضحكو عليها
ندى مسكت راسها : اهه ياحمار يعور
فيصل : ايش قلتي!
ندى خافت : هاه لا ماقلت شي
فيصل: حسبالي
دخلو بسام واحمد سلمو وجلسو
ام فيصل : لمى روحي قولي للخدم يجهزون الغدا
لمى قامت : ان شالله

عند لين في بيت ابوعمر __
لين جالسة مع اهلها بعد الغداء باالصالة
صالتهم كبيره فيها
عمر : اليوم جاني واحد يدور وضيفه ومبين عليه الاهتمام
ابوعمر : ماشالله قبلته ولا
عمر : جلست مع فيصل واعجبه بكره يبدا شغل ان شالله
ابوعمر : ان شالله يكون عند حسن ضنكم.. لاتنسى الصفقه اللي بعد اسبوع
عمر : ان شالله ياغالي بنروح لندن انا وفيصل وناخذ مجموعة موضفين عشان الشغل
ابوعمر : ولا تنسى احمد امسكوه بالشغل غصب
عمر ضحك : ان شالله ، فيه اوراق تحتاج توقيعك
ابوعمر : جيبها لي بعد العصر اوقعها بالمكتب
لين جالسه ساكته متعودة على كلامهم عن الشغل وطفشانه
عمر : لين ايش اسمك اخو صديقتك اللي قلتي لي عليه
لين : اسمه فهد بندر ال..
عمر تذكر : اي هذا جانا اليوم قدم على وضيفه
لين بسرعة : قبلته؟
عمر ضحك على حماسها : اي قبلناه مبين عليه رجال محترم
لين ترفع يدينها : الحمدلله يارب
ابوعمر : وش السالفه؟
عمر قاله كل السالفه
ابوعمر : والله فيك الخير ياعمر انت وفيصل ، وانت شوف الرجال كان رجال مهتم بالوضيفه ومحترم
عمر : ان شالله يالغالي
ابوعمر وقف: يالله عن اذنكم بروح انام
لين وعمر : نوم العوافي
راح ابوهم وقام عمر بيطلع لغرفته
لين بسرعة: عمر
_________
عند رغد وفهد
رغد جالسه بالصالة بعد الغداء غسلت الصحون دخل فهد وجلس عندها
ففهد : هاه شرايك بالطبخ اعرف مو
رغد بفرحه : من جد ماتوقعتك تعرف تطبخ كلش
فهد ضحك : هذي تعلمتها من اخوييا لما نطلع البر ويطبخون
رغد : وناسه ، انا ابي اتعلمها
فهد : بالويكند اعللمك عليها
رغد تثاوبت : انا نعست بروح انام
فهد : نوم العوافي، وانا بعد بنام
راح كل واحد غرفته
بيتهم عبارة عن غرفتين وصالة
غرفة رغد : عادية صغيره سرير ودولاب وكوميدون وتسريححه لونها وردي
وغرفة ففهد : مثلها سرير ودولاب لونها ابيض
صالة بمجلس ارضي بيج ب احمر
____________
عند لين __
عمر وقف : هلا
لين : بتروح تنام
عمر : اي تبين شي
لين وهي تناظر لرجولها : اي طفشانه اجلس معي
عمر قرب منها وباس راسها : والله نعسان ولا جلست معك، وعندي شغل العصر
لين سكتت شوي : نوم العوافي
وطلع عمر لغرفته
(لين : انا مليت من هالوحدة والجوء الكئيب يعني لحالي احتاج ماما وبابا _دمعة عيينها_ واحتاج يكون عندي خوات احد يسليني يملى فراغي علي، يالله مليت) وقفت بتطلع وشافتها سونا : ست لين ايش فيك؟
لين نزلت دموعها : سونا مليت انا لوحدي بابا مشغول وعمر بعد اجلس مع مين انا
سونا ضمتها : خلاص ست لين ماتبكي انا موجوده، وصديقاتك اجلسي معاهم
لين : بس صديقاتي عندهم اهلهم مشغولين فيهم انا ماعندي احد
مسحت سونا دموعها : هدي شوي انتي متضايقه شوي تحممي ونامي والعصر اصحيك
راحت لين تحممت وفتحت جوالها ارسلت لرغد ونامت

_____________
عند ندى ولمى ____
ندى سحبت لمى بعد الغداء لغرفتها كانت غرفتها كبيره باللون الذهبي مع بيج وسرير دائري كلاسيك واضاءه ذهبيه
وفيها كنب لونه بيج كلاسيك هادي
ندى : اي قولي لي وش صار معكم اليوم
لمى : اول شي تعرفنا على بنت جديده تههبل
ندى بحماس : ايش اسمها ؟
لمى : اسمها رغد، وطيووبه مره ، وفاتك اليوم مروى وونوف وريم. تهاوشو مع استاذه منيره
ندى : اي وش صار بعد
قالت لمى كل السالفة ل ندى
ندى بندم : اوهه خساره ليتني مداومه ماتاخذ الا فصل الحقيره
لمى : اي عاد انذار يكفي ، يلا عاد مع السلامة بروح انام
ندى : لا بالله اجلسي معي
لممى تتثاوب وتتمغط : لا بلييز نعسانهه قامت وطلعت وخلتها
_____________
عند عمر
كان جالس بالاستراحه مع عيال عمه واصحابه
بسام : ياعيال خلونا نروح المزرعة بالعطلة
احمد : ايوالله نغير جو
عمر : اقول انت بتغير جو بالشركة ان شالله ، من بكره يبداء دوامك ولا فيه تأخير لاتتحاسب
احمد : ياشيخخ اصبر الاسبوع الجاي بداوم
فيصل : لا يالحبيب ترا فيه موضف ثاني بيشتغل معك بنفس المكتب
احمد بأعتراض : شلون تحط معي موضف ثاني، شايفني ماعرف اشتغل
عمر : لو عارف تشتغل م تترك الشركة وتنام شوي ونسحبك من الفراش ، لو تعدلت وصرت تداوم يومي راح اشيله عنك
احمد سكتت لان ماله حق يتكلم
سلطان : عمر الصفقه اللي ب لندن من بتأخذ لها
عمر : لحد الحين م حددت بس بنتفق بكره من بنأخذ لان الصفقه مهمة ولو نجحت خطتنا وربحناها بتزيد دخل الشركة السنوي
بسام بأفف : بالله دورو لكم سالفة بدال هالشركة دوختونا فيها
سالم : اي والله بس ضفقات وفلوس ومدري ايش _ وقف قم بس نلعب فيفا
رييان وقف : وانا جاي معاكم
عمر : اخس ياريان واليوم تهـ.. قطع كلامه جواله رن
عمر : الو هلا .. ايش .. طفي عنها المكيف.. انا جاي الحين
سكر الجوال وقام بسرعة
سلطان : وش فيك مستعجل
عمر : مدري لين تعبانه وسونا تقول من الصبح تصحيها ماترد عليها وجسمها حرارته مرتفعه
سلطان : طيب امش انا جاي معك
راح ركب سيارته البي ام دبليو

__________
الممغرب دخلت سونا على لين الغرفة كانت باردة ومضلمه شغلت اللمبات تصحيها : ست لين.. لين يالله قومي الساعه 7 المغرب
قربت منها مسكت يدها، كان جسمها حار خافت عليها اكثر : ست لينن، يالين اصحي
بسرعة قامت طلعت من الغرفة اتصلت على عمر
بعد 3 رنات رد
عمر : الو
سونا بخوف : استاز عمر لين اصحيها ماتصحي وجسمها حار وانا خايفه عليها
____________
عند رغد صحت المغرب وغسلت وصلت
دخلت غرفة اخوها ماحصلته
اخذت جوالها واتصلت عليه
رد
رغد : هلا فهد وينك
فهد : رغود انا رحت اجيب اغراض للبيت وعشاء
رغد : طيب انتبه لاتسرع
فهد ابتسم : ان شالله واننتي لاتفتحين الباب لا اي احد
رغد : طيب وسكرت
فتحت المحادثات لقت لين مرسلة لها
( مساء الخير، انا لين هذا رقمي،حبيت اقولك مبروج قبول اخوك بالشركه )
ردت عليها ( مساء النور، كيفك ، كيف عرفتي انه انقبل )
انتظرتها ترد ماردت قفلت جوالها وراحت ترتب البيت
__________
عند لمى وندى
ندى كانت تكلم ريم ومروى ونوف تسولف معاهم عن استاذه منيره (حدث الليوم)
ندى : يا اغبيا لو انا منكم قلت ل بابا يفصلها ام لسان
مروى : لاوالله حرام نقطع رزقها بس كذا بتعد عنا
نوف : تستاهل المخيسه ذي
ريم : اقول بنات خلوكم منها شرايكم بكره نسحب على المدرسة ونروح الصبح كوفي
نوف : خبله انتي الصبح ليش
ريم : عشان المول يكون فاضي
مروى : فكرة حلوه لو نقول لكل البنات
ندى : لا ماقدر خلوها ويكند انا غايبة اليوم
ريم : طيب نخليها الخميس
مروى ونوف : اوك
وندى : ممتاز بس نشوف البنات الاول
لمى سحبت الجوال : اقول بنات خلوكم عاقلين بكره مانبي هواش فاهمين صيرو ذربين ترا اخر سنه
نوف بهبال : عشانها اخر سنه لازم نضع بصمتنا
ريم بأستهبال تغني : ضع بصمتك ضع بصمتك
البنات فقعو ضحك ولمى رمت الجوال على ندا : صدق مجانين
__________

عند عمر وسلطان __
وصل البيت ودخل بسرعة لغرفة لين لقى سونا جالسه عندها وتحاول تصحيها
جلس على سريرها يصحيها وهو خايف : ليون، ليون حبيبتي ردي
لين تأنن بس وجسمها مرتفعه حرارته
عمر : لين ليـ قطع كلامه
سلطان بسرعة : انت شفيك ماتشوفها ماترد قوم بسرعه ناخذها على المستشفى ، سونا هاتي عباتها
شالها سلطان من السرير ونزل فيها الدرج واخذ عبايتها وركب عمر وبسرعة راحو المستشفى
___________
نروح لمين _ اي نروح ل رغد
كانت نتنظر اخوها حست انه طول
شوي الا فتح الباب
ررغد : فهود طولت
فهد شايل الاغراض : شأسوي زحمة الطريق
رغد : والله انا اخاف لحالي هنا
فهد : يالله ماعليه تتعودين
سكتت رغد واخذت الاغراض للمطبخ وزينت العشاء وجابته
بعد العشاء
فهد : بكرا اول يوم لي دوام
رغد : اي كيف الاستعداد
فهد : تبين الصدق متوتر شوي
رغد بأبتسامه : ماعليك بس تشوف الشغل تنسى التوتر ،_كأنها تذكرت شي _ ايش اسم الشركة اللي صرت فيها
فهد : اسمها شركة ***
رغد نطت : جد هذي شركة ابو لين اللي تعرفت عليها اليوم
فهد متفاجاء : ماشالله، الله يزيد خيرهم، مبين عليهم ناس طيبين قابلت اخوها رجل محترم
رغد انبسطت : اي ماتصدق حتى بنتهم ماشالله عليها اخلاق
صارت الساعه 11
فهد وقف : يالله قومي نامي وراك مدرسه مطولة تسهرين
رغد : يالله شوي وانام
راح فهد نام ورغد جلست على التلفزيون وبعدها طفته ونامت
______
عند لين بالمستشفى
خلوها على طول الطوراى
بعد نص ساعة انتظار طلع الدكتور
عمر بخوف : دكتور طمنا عليها
الدكتور بتوتر : ….

انتهى البارت 2

السلام عليكم
اخبارك
رويتك بديتها حلوة
اتمنى مايكون فيها افكار مكررة مثل الصدف الغير منطقية والجمال الكبير لشخصيات وغيرها من الافكار المكررة
عندى ملاحظة
كيف سلطان يدخل ويشيل لين وهى مو محرم له حتى لو كانت مريضه حرام وخصوصا ان اخوها فيه المفروض هو يشيلها مو سلطان
اتمنى تنبهى وتكون رويتك واقعية
فى انتظار باقى البارتات

السلام عليكم
تمام الحمدلله – شحالك انتي
ان شالله بتكون رواية مختلفه

بالنسبه لسلطان
لو منتبهه يكون عمها
واشكرك جدا على ردك

عجبتني طيبة لين وأهلها

حرام لا تخلي لين يكون فيها مرض كبير

في انتظارك …..

أتمنى الدعم منكم في روايتي رواية داويتني فأحببتك/بقلمي

اها انا استغربت لن رويتك فيه التزم باالدين واستغربت من هذي النقطة انا حسبته ولد عمها
عموما اسفة وفى انتظار البارت القادم

ان شالله.. أسعدني ردك