[poem font="Simplified Arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياناس دشيت أختبار المحبين= وبخاطري تقدير ممتاز مضمون
أقول في نفسي وأنا صادق الحين = الجرح مافاده سواليف ولحون
ماحدن يناظرني وياكثر جرحين = بحط جرح إفلان ماضّن يدرون
قمت أتلفت مره إيسار ويمين = وأقول مالي جرح والجرح مدفون
والله لو صحيت جرحن من إسنين = والله قسم ياللي بجنبي لتبكون
لوقيس يصبح عندنا بعام ألفين = وش ردكم لا هام ياللي تخونون
رسمت وجه بفرشتي دون تلوين = بين الظلام ونور وبعقل وجنون
رسمت حوله ناس والكل جايين = وأحاول أبعد ماقترب لكن يجون
شفته ملّزم وأذرفت دمعة العين = أدري بيسألني عن الحب وطعون
قام وسألني عرّف الحب مابين = رديت هذا أحساس وأظن له لون
قلي أبيك تفسر الشوق للزين = قلت( الاماكن )بلسم الجرح وسكون
ياقيس شوف بحدها واصله وين = قلي ترى ذرة عشق جنب مليون
صابه غرور وقام ينشد ببيتين = وأقول في نفسي أثاريه مجنون
حبك إذا هانك وفي غربتك فين = ماحدن بفازعلك إذا هم يبيعون
يعني وحنا نتبعك وأنت للحين = محسوب عذرك لو جروحي يحسون
تشوف نفسك ماأعتبرت المحبين = لا عاده الله عيشتي لو بيرضون
ماني براضي ماتقوله من إسنين = وإن كان حبي مثل حبك فملعون
ياقيس لو قالوا علينا مجانين = ماحدن بيسمع لي إذا كنت مجنون
أبجمع العشاق قاصين دانين = وش مقصدك ذرة عشق جنب مليون
أنا رسمتك وأقدر الحين بيدين = أقدر أبيعك وأقدر أشريك من دون
ولا عادك الله ياأختبار المحبين = إن كان بطلب فزعتك وأخذ العون[/poem]وسلامتكم
ويعطيك الف عافيه وتسلم على الكلام الجميل …..
وننتظر جديدك
عوده رائعه من رائع
صح الله السانك ولاهنت عزيزي
رائعه القصيده فعلا وجزله
تقبل تحياتي
وعوده راااائعه
يسلم يدك وقلمك ولا هنت
دمت بكل الود
فراشة النت
اهلا بك واهلا بعودتك
وكل الشكر لاختيارك العذب
فقد راقت لنا مشاركتك
اجمل الامنيات
من سيد الامنيات
تحياتي
نشوان/سيد الامنيات