أحبك وإن كنت شوكاً تعصرني الماً /بقلمي 2024.

البارت الأول

اخذت نفسس عميق ومسحت دموعها وخرجت .. كان موعد وصول امجد سوت دجاج على الفرن مع رز وجهزت الطاولة تنتظر امجد اللي جا ودخل بدون لا يطالع في وجهها
رغد: وبعدين معاه ذا ولا كان فية ادمية عايشة معاه .. استجمعت قواها وقامت تسالة يبى يتغدى
امجد: اتغديت برا
رغد: ليش ما قلتلي ولا بس تبى تتعبني
امجد: روحي عن وجهي مو فايقلك
رغد: وانت من متى فقتلي
طالع فيها بنظرة شرر خوفتها
امجد: لا تخليني امد يدي عليك
رغد: قفلت الباب بسرعة وقالت تجبر كسر قلبها عادي اصلا هو دايما كذا
اتغدت لوحدها وقامت تشغل نفسها زي كل يوم بشغل البيت

..
زياد: ياخي خلينا نفلها وندشر اليوم خميسس ناكل تميسس
امجد: والله مالي خلق
زياد: كم عمرك يابوو خمسين ستين سبعين
امجد: خلاص اسكت ياثقل دمك
زياد: والله تحمد ربك للحين متحملك ولا انت مين يصاحبك نكدي وثقيل طينة
امجد: قفل في وجهه
زياد: الوووو الوووو رجع اتصل وقفل ورجع اتصل
امجد: ايش تبى طفشت اهلي
زياد: فينك امرك
امجد: لا تجي مو طايقك
زياد: عادي اهم شي نطلع نغير جو
امجد: ماعندك كرامة
زياد: لا يلا فينك
امجد: ياخي دورلك غيري ياكثر معارفك
زياد: احم احم جد والله ياكثر اللي اعرفهم ويحبوني ويستنوا اطلع معاهم
امجد: خلاص الحمدالله يلا اتوكل .. وقفل الخط
زياد: راسسه يابسسس حجر الله يعينها زوجته
قفل امجد ورمى جواله على المقعد اللي جنبه وخرج من السياره وقف عند البحر .. ضايع وحاس انه ميت بدونها يبى يسمع صوتها ويروي عطشه منها ..
امجد: ليش يا ايمان: ما تردي ليه كذا تسوي في مجود حبيبك اللي ماترضي عليه اي شي يزعله .. انا بمووت من دونك مو بس زعل .. كله منك يا رغد ياحقيرة كله منك فرقتي بيننا وخربتي احلى حياه كنا نعيشها مع بعض .. اتخيلها قدامة وبكل قرف تفووووو عليكي.

… عند بطلتنا رغد: تكلم امها
حياة: ها بنتي حاولتي معاه جربتي اللي اقولك عليه
رغد: لا ما سويت شي
حياة بعصبية: انتي متى تفهمي يعني
رغد: ماما هو مو طايقني يككرهني ما اقدر اسوي شي واانا اشوف حقده وكرهه ليه
حياة: انتي تبالغي وتدلعي لا تحسبي البنت عند زوجها زي في بيت اهلها خلاص كبرتي وسار عندك بيت ومسئولية مو من اي كلمة تزعلي وتكبريها
رغد: ماما افهميني الرجال يكرهني يكرهنيييييي
حياة: مافي سبب يخليه يكرهك ولا كان احد غصبة يتزوجك
رغد: خبت عن امها اشياء كثيرة وما قالتلها كانت تحاول تلمحلها بس قسوة قلب امجد محد يتخيلها: يمكن مو بعيدة
حياة: انا تعبت منك ومن يباسة راسك سوي اللي تبيه بس شوفي فكرة انك ترجعيلي مطلقه شيليها من راسك
رغد: ……..
حياة: مع السلامة
رغد: مع السلامة
قفلت من امها وجلست تبككككككي وتدعي ان الله يفرج همها ..قامت اتوضت وصلت ركعتين وحست بامل يجري في قلبها وقالت بحاول اكلمة اليوم ..
سوت حلى وقهوه واتفننت فيهم ولبست جينز اسكيني اسود وتيشرت واتعطرت وجلست تستنى امجد: .
اما امجد: ركب سيارته ولفلف في الشوارع لين سارت الساعه وحده وهو مو حاس بنفسه .. رجع البيت لقى ريحة العطر مالية المكان ورغد: نايمة وهيه جالسة .. دخل غرفتة وقفل الباب .. فزت رغد من صوت الباب
( يووه انا ايش نومني طالعت الساعه لقتها متاخر لنص الليل شالت الحلا ورجعته المطبخ ورجعت للصالة مبوزه كانت بتجرب تقرب منه بس خطتها فشلت بس قالت خلاص بوكرا الصباح بجهز الفطور واودعه لمن يروح العمل ( طبعا كانت تفكر انه اقرب شي لقلب الرجل معدته عشان كذا كان اول شي يروح له بالها هو الاكل قبل لا تفكر في الاسلوب )
حطت راسها متاففه لانها نسيت تاخذ بجامتها من غرفة النوم وامجد محرص عليها تاخذ اللي تحتاجة قبل لا يجي .

..
صحي امجد: الصباح ولقى الفطور جاهز على الطاولة ورغد جايبة اكواب الشاي تعال افطر
امجد: ومن متى تسوي فطور
رغد: لا بس قلت حرام تروح بدون اكل
رااح لعندها ورغد انبسطت تحسبة جاي يجلس ياكل بس مسك اذنها ولفها بقوووووووة
امجد: لا تفكري في يوم انك تقربي مني ولا تحاولي توصلي لهذا .. وياشر على قلبه .. لانه مستحيل يملكة اثنين وسابها وخرج
رغد: من قوة الالم اللي تحسه بقلبها نسيت الم اذنها اللي اتورمت من العصره ومن شهقاتها مهي قادرة تاخذ نفس .. وقفت في نص الصالة تلف وجهها يمين ويسار مو عارفة تروح لمين ولا تشكي لمين .. جلست مكانها وصرخت باعلى صوتها ..
ااااااااااااه

..
دخل مكتبة بابتسامة نصصر .. حاسس انه طاير من الفرحة .. نادى عم يحيى
عم يحيى: نعم استاذ امجد
امجد: جبلي كاسة نسكافه يمخمخ العقل من يدينك الحلوه
عم يحيى: حاضر
امجد: تعال تعال خذ هذي ميتين لك هدية
عم يحيى اخذ الفلوس وحطها في جيبه: تسلم الله يرزقك اكثر وتستاهل احلى كاسة نسكافيه
..
قامت رغد: بكل ضعف تشيل نفسها شيل وراحت للحمام تشوف اذنها بالمرايا .. كانت مزررقة وتحس يحراره .. راحت اخذت ثلج ودلكت بيها اذنها .. شالت الفطور وتحاول ما تتذكر اي شي من اللي صار .. انسدحت على الكنب .. رن جوالها

بعد الحب ده ايه الى تعمل كـل ده تستاهل ايه بعد الحب ده ايه

الى تدى حنان كده من غير حساب نبوس التراب الى مشيه عليه

اتذكرت نصايح امها اللي وصلتها لهنا وحطت اصباعها في اذنها ما تبى تسمع .
..
السساعه 6 المغرب دخل امجد البيت اتفاجا بظلمة وجووو المكيف البارد .. شغل الانوار .. شاف رغد نايمة على الكنبة .. ابتسم بخبث وقرب منها وهزها بقوة .. امجد: هاي انتي .. رغد
رغد: امممم
امجد شاف اذنها محمره فرح اكثر وحس بالمتعه: قومي بتفرج تلفزيون
رغد: قامت ووقفت مهي عارفه فين تروح تطالع مكان نومها وغرفة النوم
امجد جلس وحط رجلينه فوق الطاولة واشرلها بيده بكل استهزاء :
روحي روحي ليش واقفه
رغد: مشيت بتروح غرفة النوم وقفها صوته
هي انتي فين رايحة نامي في المجلس
راحت رغد: بقهههر ودخلت المجلس وقفلت الباب باقوى ما عندها
ياربي هذا مو انسان مستحيل يكون له قلب الله يااااخذك يا امججد
امججد بره يضحك بصوت عالي وهو يحس بلذه لمن يهينها او يضربها
…
اليوم الجمعة الساعة 2 الظهر في بيت (احمد ابو امجد)
في السياره مسك رغد من يدها وبتهديد
امجد: لو قلتي شي لاهلي عن اللي بيننا والله ماتلومي الا نفسك
رغد: اااي عورتني سييب يدي
امجد: فهمممتي
رغد: اووووف << ومشيت دخلت جوا وامجد بيوقف السياره
دخلت رغد: وكان في استقبالها اميرة وليان سلموا على بعض وبعدين جات ساره: (ام امجد)
سارة: ياهلا وغلا برغود اسفرت وانورت تعالي تعالي واخذتها بالاحضان
رغد: حست بخجل منها خصوصا انها اجتماعية وتحب تختلط وتتعرف ولسانها مايقول الا الكلام الحلوو
رغد: هلا ماما ساره: كيف حالك
ساره:: الحمدالله بخير وصحة .. يلا اتاخرنا على الغدا احمد جاي في الطريق .. يلا ليان تعالي ساعديني وانتي اميرة ادخلي مع رغد الصالون
اميرة تعالي رغد
دخلوا الصالون .. فكت رغد عبايتها .. كانت لابسة فستان قصير ونااعم علية حزام فيه فيونكة على الجنب ومكياج بسسيط
اميره:: وااو حلو لبسك عجبني
رغد: تسلمي من ذوقك
اميره:: امجد يحب الاشياء الناعمه
كانت رغد بترد بس على دخلت امجد سكتت
اميره:: تصررخ امججججاد وتقوم تحضنه
ليان: سمعت اصواتهم جات جري ونطت تحضنه ..
امجد: خلاص عصرتووني بعدوا
ليان: والله لك وحششه البيت بدونك مايسوى
اميره: ايه وربي مراا مكانك خالي
ليان: خالي ولا عمي
امجد واميره: اااااااع جاني مغص
امجد: ايش السوميجات ذي
اميره: يرحم امك لا تنكتي
رغد: كانت تراقبهم بصمت ويدور في راسها الف سؤال سؤال واكوام من الاه
جاه احمد واتغدوا ورجع خرج لشغله اللي مايخلص اما الباقيين جلسوا بعد العصر على الشاي والمعجنات
ساره: متى بتمشوا
امجد: طفشتوا منا
ساره:: لا حبيبي بالعكس واحشني مووت
امجد: والله زي ماتحب ست رغد
رغد اللي جالسة وسط اميرة وليان متفاجاه لانه من يوم جوا وهو مو معبرها
بلعت ريقها: اناا
امجد: فيه رغد غيرك
رغد: عادي براحتك
امجد: انا طالع مع زياد استنى اتصاله
ليان: خلاص خلي رغد عندنا وروح لمن تخلص مر خذها
اميره:: ايه امجد بلييز
امجد: لا بوكرا عندي دوام ماني فاضي ارجع امر هنا
رغد( وجعع يبغى يحبسني وبسس )
امجد: نعم قلتي شي
رغد: لا سلامتك
اميره: اووف منك امجد
ليان: ماما قولي شي
ساره: مشغوله بمسلسلها ومهي داريه عن شي
اميره:: ماما مو معانا
امجد: هذا مو المسلسل اللي كانت تتابعه من قبل لا اتزوج
اميره:: مسلسلاتهم ماتخلص تجلس لسنه وسنتين
امجد: والله انتو الحريم فاضيين
ساره:: اخيرا انتبهت لهم هاا تكلموني
امجد وليان واميره:: هههههههههههههههه
رغد: اكتفت بابتسامه
ساره:: الغلط مني جالسه معاكم
اميره: ماما انتي ابدا مو معانا
ساره: انا طالعه فوق اتفرج
وطلعت تكمل مسلسلها في غرفتها
امجد: كذا يا عاقين الوالدين زعلتوها
اميره: ترا ضحكت معانا
ليان: رغد اشبك سااكته من يوم جيتي
امجد: يرقع هيه كذا هاديه وكلامها قليل وكلها رقه نعومه
اميره: ياعيني ياعيني اخويه ساير رومنسي مو عادتك
امجد: اصلا طول عمري رومنسي وحركات
ليان: ابووك يالنصب
اميره: خلاص لا تفشليه قدام الاهل>>> تقصد رغد
رن جوال امجد:
هلا زياد كان ما اتصلت
زياد: والله راحت علي نومه يلا بمرك
امجد: اوكيه
قفل ولف وجهه لرغد:
امجد: يلا مشينا
اميره: مصر تاخذها
ليان: مصر ولا السودان
امجد: يلا يلا قبل لا انهبل من ذي الخبله
ليان: ههههههههه والله انها حلوه
اميره: وتضحك لوحدها غبيه
امجد: يلا سلمولي على امي
خرجوا وطول الطريق رغد سرحانه .. يااه قد ايش امجد مرح وكلامه حلوو مع اخواته واهله .. ليش معايا يقلب لشخص ثاني ويصير عصبي ومو طايق نفسه .. ااه يا امجد لو تعاملني ربع معاملتك لاخواتك .. نفسي اعرف السر اللي وراك .. ليش تكرهني وانا ما سويتلك شي .. قطع تفكيرها صوت امجد:
هااي انتي تستني عزيمة
رغد ما انتبهت انهم وصلوا البيت نزلت بسرعه على شقتها ..
اما امجد مشي على طول لزياد اللي كان يستناه قريب نزل وركب سيارته ومشيوا ..
زياد: يلا على فين نصيع
امجد: والله انت اللي دايما تقرر
زياد: من زمان ما قزقزنا مزز
امجد: لالا انا بطلت خلاص
زياد: ايوا خلاصص اتزوجنا وعقلنا
امجد اتذكر رغد: وكرهه لها: اووكيه خلاصص قييييدام
راححوا مجمع وجلسسوا في كوفي لقوا بنات يالله لك الحمد كشف ومعسل وضحك كنها تقول تعالوا عاكسوني .. امجد كان عادي ومايلتفتلهم عكسس زياد اللي يغمز وياشر .. امجد من النوع الواثق واللي في ملامحه غرور .. مرت من عندهم وحده لابسه عبايه محزقه وكاشفه نص شعرها وريحة العطر فايحة منها حطت منديل على الطاوله قدام امجد ومشيت ..
زياد: شف شف بسرعه
امجد بملل فتح المنديل لقى رقم بالروج الاحمر وجنبه طبعت شفايف: سرنا بدل لا نعاكس نتعاكس
زياد: مو عاجبك هات الرقم .. احييه شف البوسه بسس
امجد رمى المنديل في باسكت الزباله اللي جنبه: يلا مشينا
زياد: لسه انا باقي
امجد: باقي ايش
زياد: انت لقيت رقم واناا؟؟
امجد: قووم بس
..
الساعه 12 في شقة رغد .. جالسسه تفتح الثلاجه والدواليب تدور شي تاكله
اووف مافي شي اكله او اسويه مييته جوع .. امممم اتصل على امجد: يجبلي شي .. لالا اكيد بيهزئني مو ناقصه نكد .. طيب ايش اسوي جيعاانه .. خلاص برسله مسج واللي يصير ويصير .. اخذت الجوال ( جيعانه ومافي شي اسويه لو سمحت جبلي شي معاك ) ارسال
..
وصله المسج
امجد: مع نفسك فاضيلك
زياد: مين
امجد: رغد تبى اكل
زياد: طيب جبلها شي,اوقفلك اي مطعم ؟
امجد: امشي امشي بسس
زياد: حرام عليك اخذ البنت تجوعها
امجد: محد قلها توافق
زياد: ومحد قلها انك ما تباها
امجد: خلاص قفل على السيرة
سكت زياد ووقف عند اول مطعم ونزل بدون لا ينتظر ردة فعل امجد .. اشتررى 3 برجر وعصيرات ورجع
امجد: ياخي انت ايش حاشرك
زياد: لا تعليق
… وصلوا عند سيارة امجد ونزل بيروح لسيارته
زياد: خذ العشا
امجد: خليه عندك
زياد: حلفت عليك تاخذه حرام البنت جيعانه
امجد: بقهر هذي اخر مره اسمحلك تدخل في خصوصياتي
زياد عشان يقفل على الموضوع وما يطولها: حاضر ما طلبت شي
امجد اخذ الاكياس وركب سيارته ومشي وصل للبيت ونزل .. دخل الشقه وحط العشا على الطاوله ودخل غرفة النوم
رغد: كانت في الحمام خرجت لقت العشا
رغد: غريبه جاب اتوقعت يطنش .. راحت تاكل وهيه مبسوطه لاول مره من يوم دخلت ذا البيت جاها بصيص امل انه ممكن يعطيها وجه >> مسكينه ما تدري انه العشا مو هو اللي جايبه
…
مر اسبوع وابطالنا على حالتهم كل واحد في جهه واحيانا يمر يوم كامل بدون لا يقولوا اي كلمه لبعض .. كانت طول فترة الاسبوع مانعها تروح لامها او اي مكان حتى اهله .. وفي يوم كان امجد وزياد في مول وبالصدفة شاف حبيبته ايمان: زياد اللي انتبهلها في الاول وحاول يطلع امجد من المكان قبل لا يشوفها بس للاسف محاولاته فشلت .. شافها امجد وانهبل .. لحقها بسرعه لين وصلت لسيارتها والسواق اللي يعرفه كويسس
امجد: ايماان ايمان:
ايمان: امجججد
امجد مو مصدق انه شايفها قدامه: ايه انا امجد حبيبك
ايمان: رووح من هنا انت ايش جايبك وراي
انصدم امججد من ردة فعلها اتوقع انه لو شافته راح تحن امجد
ايمان: روووح من هناا روح
امجد: لا ماني رايح انتي حبيبتي ايمان انا احبك انتي لي .. لي انا وبسس ومح اتنازل عنك
ايمان: اسكت يا خاين ياللي بعتني بسهوله ورحت اتزوجت ونسيت كل احلامنا ومخططاتنا
امجد: والله العظيم احبك وما احب غيرك .. ورغد ما لمست شعره منها ولا قربت لها
ايمان: خلاص ما ابى اعرف شي عنك بعد عني روووح الله يسهلك
امجد: خليني افهمك ايش صار .. وليش سمعت كلام اهلي واتزوجتها .. اعطيني فرصه
ايمان: حلاص اللي بيننا انتهى زي ما انت بعتني واتزوجت انا راح اتزوج وملكتي بعد يومين وركبت السياره وامرت السواق يمشي
امجد: لاااا مستحيل مستحييل تكوني لغيري انتي ليه يا ايمان
زياد اخيرا لقى امجد بعد ما ضيعه وجا جري
زياد: امججد ايش صار
امجد: تخيل يا زياد ايمان ملكتها بعد يومين .. راح تروح من يدي وانا عاجز اسوي شي
زياد: انت مجنون خلاص لا تتوقع انها راح تستناك طول عمرها خليها تشوف حياتها
امجد: عصب انت ماتفهم هذي الهوا اللي اتنفسه احببها ياخي احبها
زياد: امشي بس خلينا نركب السياره
ركبوا السياره ومشوا وطول الطريق وامجد ما سكت يتكلم عن ايمان وحبه لها
زياد: خلاص يا امجد ارحم نفسك ارادة ربنا مالكم نصيب في بعض وامكن رغد تطلع احسن منها وربي يعوضك
امجد يكلم نفسه صحح رغد رغد ويلف على زياد وصلني البيت بسرعه
زياد: كأنك اتذكرت شي
امجد: وصلني بسرعه
وصلوا البيت وطلع بسرعه بدون لا يقول لزياد شي او يودعه طلع .. دخل البيت رغد كانت على جوالها تكلم صحباتها جري لعندها .. رغد من الخوف طاح جوالها من يدها .. سحبها من شعرها ووقفها .. طالع فيها بكل كره وصفعها كففففف واثنين وثلاثه وهو يسب ويشتم فيها بدون لا يلتفت لصراخها وبكاها
رغد: اااااااي سيبني فكني وتحاول تدفه بس طبعا ولا يتحرك من مكانه
امجد: انتي السبب في اللي انا فيه انتي السبب
رغد: اااي فكني ما سويتلك شي
امجد: ما سويتي شي هااا انتي اللي فرقتي بيننا بسببك انتي ايمان ضاعت مني راح تتزوج خلاصص وكله بسببك
رغد: ايمان مين انا ما سويت شي
امجد: ويزيد في الضرب ليش وافقتي وقبلتي تتزوجيني؟ ليييييش؟؟
رغد: روح قول لامك ليش انا بالذات اللي طحت في يدك واختارتني اكون زوجه لك وليش انت رضيت لو في قلبك احد .. تلومني على ايش؟ انا ايش ذنبي؟
امجد: كنت مخطط اجبلك مصيبه واقول انك تخونيني واطلقك واتزوج عممري ايمان: .. ويعرفوا اهلي انه اختيارهم غلط واختياري الصح بس اااه مالحقت راحت خلاص راحت بسس بقيتي انتي والله لا اطلع كل قهري فيك
رغد: اخيرا فكت نفسها منه وسحبت نفسها بالقوه ودخلت الحمام تبكككككككككككي . ااااي ياجسمي ااااي .. حقير وقذر ظلمتني الله لا يسامحك يا امجد الله لا يساامحك .. راح ادعي عليك طول عمري .. الله ياااخذك
اما امجد دخل غرفة النوم ورمى نفسه على السرير حاسس بضيق الدنيا فيه .. اتقلب واتقلب لين نام .. صحي الصباح طل في الساعه لقاها 11 قام بسرعه غير ملابسه وخرج ..
رغد: طول الليل ما نامت اول ما سمعت صوت الباب قامت وراحت للغرفة طلعت شنطة كبيره وحطت ملابسها وكم غرض تحتاجه .. قفلت الشنطه وجات تسحبها ماقدرت .. جسمها مايتحمل ثقل الشنطه من الم الضرب
رغد: ااخ الله يكسر يدك زي ما كسرتني
بصعوبة دفتها لين وصلتها لباب الشقه .. لبست عبايتها وجات لعند الباب حطت يدها على المقبض انفتح الباب ولقت امجد في وجهها
امجد: انتي فين رايحه
رغد: بعد عن طريقي
امجد: دفها ودخل وقفل الباب تخرجي من ورايا هاا
رغد: مالك شغل فيه بعد عن طريقي
امجد: لا ابعد فين خلاص ايمان وخسرتها ماله داعي ارجعك لاهلك .. راح تبقي عندي طول عمرك تحت رحمتي
رغد: انت واحد مجنون ويبغالك تتعالج مستحيل تكون طبيعي
امجد والشرر يتطاير من عيونه ويقرب لعندها وهيه ترجع لروى لين اتشربكت بعبايتها وطاحت على الارض
امجد: تبي تشوفي المجنون ايش يسوي
رغد: من خوفها من شكله صارت تترجاه: الله يخليك سيبني لا تضربني .. الله يسعدك ومسكت رجوله وتبكككككككي
امجد وقف مكانه لثواني وبعدها خرج من البيت >>>تتوقعوا اتاثر او حسس ..؟؟

اتمنى البارت يكون عجبكم
بليز اكتبولي ارائكم وانتقاداتكم واي شي حابين تقولوا
وانتظروني البارت الجاي
مــع حبي

ملامح اول متابعاتي قلوووب ههههههه
نزلت البارت اتمنى يعجبك
اقرئيه وارجعي اكتبيلي كومنت بكل اللي عندك
سواء سلبي او ايجابي

يب فعلا رغد ضعفها يقهر ومستفززز

امجد من الاشخاص اللي اذا حبو يحبوا بأخلاص ومن قلب لدرجة الجنون امممم ما ادري اذا نقدر نسمية وفاء ولا غباء

مرسي على الكومنت اسعدني مرورك

السلام عليكم ..
موفقه في روايتك ..
بدايه بسيطه ..
اسلوب حلو ..
لكن ما حبيت تصرف امجد ..
مهم كان المفروض ما يكلم بنت مهي محرم لو ..
حولي تنتبهين لذي النقطه لان دين الاسلام ما يرضى بذا الشي ..
بعدين ي قلبي المروض يكون رجال واعي و كبير ..
معقوله ما عندي عقل يفكر ان رغد مالها دخل .. و ان ايمان ما تقرب لو ..
المفروض يكون عارف ة هو مسلم يعرف ايش الدين ..
بس الواضح ان روايتك حلوه لكن لزم تنتبهين لهذي النقطه ..
موفقه مرا ثانيه و ان شاء الله اكون من متبعايك ..
..
حروف راقيه
..

السلام عليكم

بداية موفقة

طريقة واسلوب مميز في الكتابة

وصف جدا رائع

لكن بس يبغى زيادة

ويكون احسن

بارت رائع

شخصياتك …….

امجد: كرهتهـ فينه غرور وتكبر غير طبيعي

رغد : شخصيتها جدا ضعيفهــ

مساء الخير … ياهلا فيك بغرام … موفقة بطرحك … البداية حلوة لكنها تحتاج للسرد وتكثيف في الوصف لمكان الحدث وللشخصيات … امجد تصرفاته تصرفات شخص مريض مستحيل واحد يظلم وحدة تحمل اسمه علشان بنت صايعة ماتخاف ربها مثل ايمان لانها لو بنت محترمة ماعاشت بعلاقة محرمة مع شخص اجنبي عنها الي تكلم واحد وترضى بالحرام تكلم عشرة غيره …..

وبعدين امجد كم عمره تصرفاته تصرفات مراهق مستحيل تكون تصرفات رجل ناضج يتعلق ببنت كلمته بالحرام لدرجة يفكر يضر بنت في شرفها مافكر بعد مايتبلى عليها انو بيضيع عمرها زيادة مين بيتزوجها بعده لكن ربي بيردها لوحدة من خواته ورغد اذا هي بنت عاقلة وعندها كرامة مابترضى بعيشتها حتى لو جاها يعتذر مو يوم فقد امله من الصايعة الي عمرها ماحبته يجي يطلب رضاها

القوانين / الإطلاع هام و الإلتزام ضروري

وهذا الموضوع راح يفيدك ياليت تطلعي عليه

قضايا

مسااء الخير اختي نبض
روايتكك جدااا جميله رائعهه اهنيك ع هذا الامتياز
الشخصيات
امجد : قاسي القلب ما في رحمه بس اتوقع في النهايه يحب رغد
رغد : حبووبه مراا ضعيفه الله يعنها ع امجد
ايمان : احس انوو كانت تلعب ع امجد
زياد : صايع كرهته ما حبيته بس عجبني لما رحم رغد وجاب لها اكل

استمرري اختي وان شااء الله اكون من متابعين روايتكك