أحبــك قلتهـآ وسـط البـحر
مسآآئـكم \ صبـآآحكـم
ورد وفل ويـآسمين
من كـم يــوم قريـت روآيــه قطـريـه
وطبعـآ هي وآقعيـه واعجبتنـي وآيــد
وحبيـت أحطـهــآآ لكـم
وإن شـآء الله تعجبــكم
الجـازي: بنت عمرها 17 سنه .آيه في الجمال.طويله وبيضه وعيونها وساع و شعرها طويل اسود وكيرلي و ماعندها الا اختين و واخو واحد وهو المدلل.
أحمد: شاب في قمة الاخلاق عمره 22 جامعي ويشتغل و وسيم طويل و عريض و حلم كل بنت واحلى من مهند < هاهاهااي
جاسم: ولد عم أحمد ورفيجه مغازلجي و كوميدي يشتغل و مملوح بس وقت الصج رجال وفيه الخيـر.
فيصل: رفيجهم من ايام الاعدادي محترم لأبعد الحدود ويشتغل نقدر نقول عنه حلو بس اذا ماقارناه باحمد.
الجــزء الأول
من المعروف في قطر ان الويك اند او الاجازات يقضونها في الشاليهات او سيلين …كانت عائله الجازي عائله
كبيره جدا ومتربين احسن تربيه وبناتهم محترمات الا ان الاولويه للشباب وهذا الي كره الجازي في حياتهاا
خاصه انها اكبر أخوانها وأخواتها .
يوم من الايام كانت عائله الجازي امأجره شاليه ..في وقت متاخر وكانت الساعه 10:30 فليل قررت الجازي
انها تتمشى بالسكوتر لتخفف عن الضيقه الي فيهاا الوقت مب مناسب ابدا ان البنت تطلع من الشاليه
خاصه ان هاالمكان كله شباب ومع انشغال اهلها عنها محد حس فيها وهي طالعه ..ركبت السكوتر وطلعت
في نص البحر وبعد ساعه تقريبا وقف السكوتر ومارضى يمشي .. الحلو في الجازي انها كانت متماسكه
حاولت وحاولت وماقدرت اخيرا قررت انها تنطر لين الصبح وتركب مع عيال حلاال يرجعونها .
في هاي اللحظات كانوا الشباب الثلاثه يجهزون اغراضهم وقرروا انهم ينزلون البحر بعد صلاة الفجر .
الجازي المسكينه في السكوتر غلب عليها النوم وبدون ماتحس بنفسها نامت ع السكوتر .
اذن لصلااة الفجر و قاموا الشباب وصلوا وبعدها توكلوا على الله و ركبوا الطراد.
أحمد: يالله شهالصبح الي اجابل فيه وجهك -يكلم جاسم-
جاسم: شتسوي محد جابرك اذا تبي يالله انزل ترى انزلك بالغصب
تدخل فيصل ليوقف هاي المزاح اللي مايعجبه
فيصل: بسكم عاد لاتعكرون مزاجي من الصبح ترى ادزكم اثنينكم واروح عنكم
احمد و جاسم: ههههههههه فيك خير سوهاا
فيصل : والله لو مب غلاكم جان من زمان متبري منكم
احمد : انزين وين تبون نوقف ترى لاعت جبدي وانا اسوق
فيصل: بعد شوي مادري ليش في شي يجذبني لذاك الصوب .واشر لشمال
احمد: خلااص ابشر ولا يهمك كم فيصل عندنا
جاسم: واحد ومبتلشين فيه ..هههههه
فيصل و احمد : ههههههههههههه حلوه منك جسووم
في هاي اللحظات قامت الجازي من نومها : اوبيه انا شلون نمت هني .يالله الحين شلون ارد البيت ..ولا اقول
لا أنا مابغيت افتك من هالأم و الأبو اللي مايدورن عني ..فكرت شوي عقب قالت : بس شلون ارجع وانا جي
حالتي ومع من اركب .انا بتوكل ع ربي و الله يعرف اللي بقلبي
جاسم يقول لهم ..شووفوا شووفوا!!
فيصل و احمد : خير ان شاء الله شنشوف ..؟
جاسم : شوفوا البحر .صادووه
احمد على طول بغرشة الماي : ماتيوز جسوم وربي انك خرعتنا
فيصل : مادري ليش انت جي يبيلك من يادبك مع هالخشم صبيت
قلوبنا
جاسم: معليه معليه كله جي معاي ماتبوني تخيلوا انكم بروحكم بدوني
شلون بتكون حياتكم …؟
فيصل: والله انك صادق ماتخيل ان احنا ثنين بدونك محد يسوي لنا جوا عقب
احمد: والله انك صادق فصوول
جاسم : فديتني والله صج اني نعمه من الله لكم
احمد : والله انك نقمه ..بس يالله روح ضبط لي قلاص شاي ترى احس بدوره
جاسم : ابشر بو سلطان
عقب فتره والجازي تقول يااربي شسوي جات الساعه 9 الصبح ومحد بيين ياااربي طلبتك لا تخليني اموت هني يااارب
جاسم : احمدوو سم ..فصول خذ ولا لازم نطرش لك بطاقه دعوه؟
احمد : سم الله عدوك
فيصل : لا ماني مشتهي شي الحين خله لين بعدين
جاسم : براحتك
يتبع ..
بعد خمس دقايق
جاسم : شووفوا شووفوا هنااك !!
احمد : لا يا بابا ماننصاد مره ثانيه..
فيصل:هههههه صاج احمدووه
جاسم : وربي ان في حد هناك والله العظيم
احمد: فصول روح شوف الرجال حلف
فيصل: ايه والله احمدووه ترى في حد هناك وشكل السكوتر واقف عليه
لف لف خل نروح نشوفه
احمد: خلااص الحين نوصل له ولا يهمكم
جاسم: شفتوا كله ظالميني وبس
احمد : جسووم ترى ذبحتنا حسستني انك واحد عمره 10 سنين مب رجال
شنبه تارس وجهه
الجازي :الحمدالله في حد جاني يااارب يكونون عيال حلاال والله
يهداهم ويرجعوني لان مافيني استحمل اكثر من جي
فيصل : احمدوو هاذي بنت واقف عليها السكوتر
احمد: فصول شوفها متستره ولا
فيصل: لا متستره تقدر تروح لهاا
جاسم : دام السالفه فيها وحده خلوها علي
احمد : جسوم شكلها بنت ناس ولا ماركبت السكوتر بشيلتهاا
جاسم: طيب من بينزل لها..؟
احمد: خلوني انا
فيصل و جاسم : اوكي
روح شوف واذا رضت تجي نوصلها قول لها احنا حاضرين
احمد : ايه اكيد
الجازي يوم شافت احمد نزل لها استحت ونزلت راسها
احمد يوم شافها ملكة جمال قال هاذي حرام تركب مع اي حد
احمد : السلاام عليكم
الجازي: وعليكم السلام اخوي
احمد: اختي خير ان شاء الله واقفه بعرض البحر بروحج؟
الجازي: والله امس بليل طلعت بالسكوتر و وقف علي
ومن امس فليل انا هني ..
احمد : لاحول ولا قوة الا بالله ..تقدرين تركبين معانا نوصلج
وخذي مني كلمه رجال محد بيتعرض لج
الجازي : بحيا تسلم اخوي ماتقصر
جاسم لفيصل : والله احمدو مب هين ضبطها وجابها
فيصل : تحمل تقول جي جدامه ولا جدمها ترى احمدو ما يرضى
جاسم : ايه اكيد
يوم وصلت الجازي عند الشباب جاسم مامسك نفسه صفر من جمالها
هي على طول طالعت احمد وقالت له: هاي كلمة الرجال ..؟
احمد :على طول جسوم استح على وجهك تراها بنت ناس احترمها
احمد: اختي الحين احنا بنرجعج بس مانعرف وين شاليهكم ..؟
الجازي : انا مابي ارجع شاليهنا..
احمد و جاسم و فيصل : شنوو ..!!؟
احمد: اختي الحين احنا بنرجعج بس مانعرف وين شاليهكم ..؟
الجازي : انا مابي ارجع شاليهنا..
احمد و جاسم و فيصل : شنوو ..!!؟
الجازي : اللي سمعتوه
احمد : بس احنا شباب وانتي بنت بروحج مايجوز
الجازي : انت عطيتني كلمه رجال خلك قدها
احمد: بس ماتوقعتج جي
الجازي : شلون يعني جي لاتحسب اني ميته على واحد منكم السالفه
اني مب حابه ارجع لهلي
احمد: براحتج تقدرين تنزلين تحت و تاخذين راحتج ومحد بيضايقج لين الله يهداج
الجازي : تسلم اخوي
ونزلت وقعدت تفكر بشهامه احمد وكلامه و بتصفيرت جاسم و هدوء فيصل صادها فضول انها تعرف اسمائهم
في هاي الاثناء
احمد : انا مستغرب منها هي بنت مأدبه وكلاامها يدل على تربيتها بس اللي
مب فاهمه ليش ماتبي ترجع لأهلهاا خاصه وان احنا بنطول في البحر
جاسم : يمكن اصلن ماعندها اهل ويمكن البنت عندها
مشاكل ومب حابه
بيتهم بالمشاكل الي فيه
احمد : لا ما اظن ولاشتقول فصول
فيصل وهو سرحان : هاا شتقوول ماسمعت
جاسم : لا شكل البنت غسلت مخك فصوول
فيصل : لا والله بس انا مستغرب من طريقة كلامها و تصرفها يعني
كلامها يدل على تربيتها بس تصرفها عكس كلاامها
احمد: شرايكم نسالهاا..؟
فيصل: انت شفت شلون تكلمك تكلمك من طرف خشمها
تبي تسالها والله تصكك كف يرجعك بيتكم
احمد : انطر عليها البنت مفكرتنا ان احنا مغازلجين ولا
بنسوي شي فيها بس خل تعرفنا صدقني انها بترتاح معنا
الجازي وهي تفكر شتسوي الحين قالت باتوضى واصلي لاني
ماصليت واصلي اشكر ربي اللي حطني عند
هالشباب المحترمين وعقب اطلع لهم اتفاهم معاهم بس لازم اراويهم انهم مهما سوو لا لايمكن
اعطيهم اللي في بالهم ..وراحت وصلت
احمد: انزين تحصلون بنت الناس جوعانه حد يتحرك يسوي
لها شي
جاسم : انا لجل عيونها الي مطيحتني
فيصل : جسوم عيب عليك صدقني بتكرهك دام هذا
كلاامك
جاسم: ليش وانت متوقع منها انها تحبكم
احمد : خلااص انثبر مكانك انا بشوف لها شي
جاسم : احسن فكيتني
الجازي طلعت لهم مغطيه جسمها و شعرها و عيونها بالارض
السلاام عليكم
الكل مره وحده : وعليكم السلاام
الجازي : ممكن اقعد ..؟
الكل بستغراب : ايه اكيد تفضلي وخروا عن الكرسي عشان تقعد
الجازي: طبعا كلكم استغربتوا من تصرفي بس لو تعرفون انا شلون
عايشه بتعذورني وانا ماقررت أقعد عندكم الا يوم شفت اخلاقكم
احمد: براحتج اختي متى مابغيتي ترجعين احنا حاضرين ..
جاسم : احمدو بس احنا بنطول بالبحر
احمد : مب مشكله خلها براحتها
فيصل : ممكن اسالج سؤال ..؟
الجازي : تفضل ..
فيصل : انتي بنت ملكه جمال و احنا ثلااث شباب مب خايفه يصير شي؟
الجازي : وهي مستحيه اخوي ..
.
فيصل: فيصل
الجازي : اخوي فيصل انا اكبر اخواني وخواتي وعايلتنا اخر همها
بناتهم انا اتوقع لو وحده من خواتي مكاني بتسوي الي سويته
احمد: طيب انتي مب خايفه منا..؟
الجازي : لا
الكل بستغراب : ليـش؟
الجازي : انا سمعت كلامكم عني و من طريقه كلامكم عرفت انكم
عيال ناس و ماترضون على خواتكم
احمد: ابشري وبأذن الله ترجعين وانتي سالمه
الجازي : مشكور اخوي ..
احمد : احمد
الجازي: مشكور اخوي احمد
جاسم : وانا جاسم
الجازي : بضحكه واطيه والنعم
الجازي : انا استاذن الحين لان شكلي خربت عليكم
احمد : اذنج معاج ولا تقولين هالكلاام احنا اخوان والعين اوسع لج من
المكان
الجازي : تسلم اخوي وراحت
أحمد :اااا…اختي
الجازي : اسمي الجازي
احمد : والنعم والله
الجازي :الله ينعم بحالك
احمد: اذا انتي جوعانه ترى المطبخ من ذاك الصوب اسمحي لنا بس احنا
شباب ونجيب اشياء خفيفه خبرج ماعندنا حد يطبخ وجي
الجازي : وهي مبتسمه ذيك الابتسامه اللي تاخذ العقل لا عادي تسلم
وراحت صوب المطبخ
انتهـى الجـزء الثـآآنـي
الساعه 10 وشي فليل والجازي من بعد مادخلت المطبخ ومحد شافها والشاب جاعوا وقرروا يروحون المطبخ
ياكلون لهم شي
احمد : انا بسبقكم بندو المكاين وضبطواكلشي وعقب تعالولي
جاسم و فصيل : اوكي خلااص
احمد وهو رايح المطبخ سمع صوت عذب عرف انه صوت الجازي وهي تغني لعبدالمجيد .." تنتظر كلمه احبك ..شافيك مشغول فيها..كل شي بوقته حلو ليش مستعجل عليها " << أحـب هالاغنيه تذكرني بنــآآس غاليين :p
احمد اسمتع بصوته ولكن كان خوفه من ربه اكبر من استمتاعه وتنحنح الجازي انتبهت ان في
حد جاي ستكت وغطت نفسها وقالت تفضل
احمد : انا اسف الجازي مب قصدي اقطعج بس جعنا قلنا نجي نسوي
لنا شي
الجازي : لا عادي ..انا سويت شويت سندويجات وجي لكم
على الاقل اعبر عن شكري لكم
احمد: ليش تعبتي حالج انتي ضيفه عندنا
الجازي : لا عادي مابين الاخوان كلاافه
احمد : يعطيج العافيه و..
جاسم و فيصل : احمدوو ..احمدوو
احمد : اهووه الاداره تبيني
الجازي : ههههههه
قام احمد وخذ الاكل وداه لهم
جاسم : احمدووه متى يمديك تسوي هاي كله ..؟
احمد: الخبره. وضحك
فيصل: احمدووه اعترف من مسويهم ..
احمد : الجازي ..تقول انه اقل شي تسويه عشان تشكرنا
فيصل : والله انها بنت اصول
احمد : صدقت والله
بعد الاكل احمد تذكر انهم ماخلوا للجازي شي
احمد: فصوول جسووم ..صدج مانستحي على وجهنا ماخلينا للبنت شي
فصوول : امحق مرجله من شفنا الاكل نسينا عمرنا
جاسم : انزين البنت يمكن رفعت لها ولا شي
احمد : بروح اسألهاا
جاسم : اقعد انا بروح
فيصل : جسوم انثبر مكانك انت مغازلجي واكيد البنت خافت منك
احمد : صدقت فصوول
جاسم : اوك اووك انا مغازلجي معليه اوريكم وضحك
فيصل واحمد : هههههههههههههه
احمد راح للجازي وهو يفكر كيف بتكون ردت فعلها خاصه انه وصل لين غرفتها كان متردد انه يدق الباب
عليها بس قال بتكول ع الله احمد طق الباب
الجازي : وهي خايف من ..؟
احمد: انا احمد بس كنت ابي اسالج انتي تعشيتي ولا لا..؟
الجازي: ايه الحمدالله تقدر تروح
احمد انحرج من طردتها بس يقول في خاطره كل مره اكلمها تكبر بعيني ..احمد
رجع لربعه ..وقال لهم : ايه الحمدالله تعشت بس طردتني وضحك
جاسم و فيصل ضحكوا قال فيصل : شوفوا انا تعبان ابي انام والبنت في الغرفه
شلون يعني ..؟
جاسم : عادي روح نام معاها – بغشمره –
فيصل عصب وطالع جاسم ورفع لها حواجبه
جاسم : لا تعصب اتغشمر اسف اسف ابوي
احمد : نام هني انت وجسوم
فيصل : وانت احمدو؟
احمد انا الحين مافيني نوم بطلع السطح بقعد لي شوي ولين جاتني النوده بجي انام
جاسم : شنو وين المخدات و الحف..؟
فيصل : جسوم تكفى عن الدلع الزايد خل البنت براحتها
الجازي يوم قررت انها تنام حصلت اربع اسره وانتبهت ان هاي غرفت نوم
الشباب هي استحت على وجها وقررت انها تعطيهم المخدات والحف وطلعت لهم وهي مستره
الجازي: احمد جاسم فيصل ..!!
احمد : التفت عليها نعم امري فيه شي ناقصج ؟
فصيل و جاسم : نعم اختي فيج شي؟
الجازي : انا اسفه خذت غرفت نومكم ونسيت اعطيكم الملاحف
والمخدات
فيصل : ضحك قال عادي لاتشيلين هم رجال ماينخاف علينا
الجازي : ههه تقدرون تدخلون تاخذون اللي تبونه من الغرفه انا بقعد
اهني لين ماتخلصون
احمد و جاسم و فيصل : ماقصرتي وتسلمين
الجازي : العفو
دخلوا الشباب وخذوا ملااحفهم و مخداتهم وخلوا للجازي مخدات ولحف
دخلت الجازي الغرفه وهي تعباااانه وحط راسها على المخده ونامت ماحست بنفسها لان اليوم كان وايد متعب
بالنسبه لهاا لان كان خوفها من الشباب و خوفها بان الله مايطرش لها حد متعب نفسيتها
جاسم وفيصل قبل ماينامون تعودوا يسولفون لكن هالمره كل واحد سرح ونسوا انهم ثنين بنفس المكان لين
تعبوا وناموا بدون ولا كلمه
احمد الي كان قاعد ع السطح يفكر بكلاام الجازي واسلوبها معاه وبصوتها اللي سمعه وبكل شي فيها حس انها
بنت مافي منها هلايام خاصه كلمتها لهم " لاتحسب اني ميته على واحد منكم" هو يقول في خاطره : يمكن
قالتها لان في حد في بالها ..لالا ما اظن اسلوبها مايوحي انها لها في هي الخرابيط عقب قال شفيني
جنهاا شاغله فكري تراها الا بنت عاديه وانا اعتبرها مثل اختي ..
مر اليوم الثاني عادي جدا مايشفون البنت ولا تشوفهم تطلع للمطبخ وتسوي لهم الاكل وتخليه لهم وترجع
غرفتهاا
يوم جاه العصر جاسم: وين الجازي اليوم ماشفنهاا.؟
فيصل : لازم شتتوقع من بنت بهالادب انك ماتشوفهاا لان هي بنظر
عمرها مب اي حد يستاهل يشوفها حتى لو كان احنا
احمد : تدرون ..اول بنت احسها قدرت تلعب بمخي
جاسم : شنوو اشوفك حبيتهاا
احمد: لا طبعا ماحبيتها لانها اختي بس اللي خلاها تلعب بمخي اسلوبها
خاصه انها ماتعطي وجه
فيصل : الله يهديها وترجع لأهلهاا يارب
الجازي : تقول في نفسها يااربي شهالحاله اللي انا فيها ..انا اعتبرهم
مثل اخواني بس ما اظن هم يعتبروني جي افف وسكتت
يتــبع
…
بسم الله
يعطيك العـــافية
و يا ليت توضحين إسم الكاتبـ / ـة ؟
موفقة إن شـــاء الله
,’
الصراحه ماعرف من الي كاتبها
ان شاء الله اذا عرفت راح اقولج
ولا يهمج
..
ومشكوره ع المرور
نورتي بطلتج الحلوه
الـرآبــع & الخـآآمس
من عادة احمد قبل ماينام يطلع السطح يشوف البحر و النجوم ويفكر بدنياه.. مثل الليله الي قبلها ما فكر الا
بالجازي..
الجازي بها الليله ماكانت تعبانه قالت دام الكل نايم انا بطلع اشوف البحر وماكانت تدري ان احمد هناك ..
الجازي بطبعها تخاف يكون حد قاعد فخذت شليتها معاها ..اول ماوقفت قدام البحر سرحت..سرحت بدراستها
بربعهاا . بالناس الي يحبونهاا..وقعتدت تغني " سير علينا ياهوى سير علينا مشتاق لعيونك تعال سير علينا..سير
عليناا ..مشتاق لعيونك تعال سير علينا سير وشوف الي جرى في غيبتك حالي برا ..النوم من عيني سرى وانا
انتضر منك الوصال " احمد سمع صوتها تغني هلاغنيه جاته الجرأه انه يروح يكلمها بس مثل ماتربا ..تنحنح
قبل مايشوفها ..هي تخرعت قالت : من..؟
احمد: انا احمد لو تسمحين بكلمتين
الجازي : احمد..تفضل بس كلمتين ..
احمد: ههه ان شاء الله
الجازي : لبيه امر بغيت شي
احمد: هني ياله الي تغنين عليه.
الجازي : استحت وطالعت الارض وقالت محد
احمد: يعني تغنين لبونوروه وتقولين محد
الجازي : وهي مستحيه احمد عن هالكلاام
احمد :ههه ان شاء الله بس قوليلي شتسوين بهالوقت هني..؟
الجازي : ماجاني نوم وفكرت انكم نمتوا قلت اطلع اشوف البحر اسفه
ماكنت ادري انك هني
احمد: لا عادي انا كل يوم اجي هني قبل ما انام
الجازي: اهاا..احمد ممكن اقول لك شي
احمد : وهو فرحان انها قدرت تفهم انه لايمكن يسوي لها شي تفضلي
امري ..
الجازي : مايامر عليك عدوو..احمد انا ودي اشكرك على كل شي
سويته لي ..والله لو اني مب كارهه عيشتي فالبيت ماكان طلعت
احمد: لا شكر على واجب ..الجازي انا يسعدني ويشرفني ان يكون عندي
اخت مثلج ..
الجازي : هذا من ذوقك ..
احمد : انا قلت بقولج كلمتين وقلت الفين هههه
الجازي : هههههه لا عادي
احمد وهو في خاطره قال يابخت من تكونين نصيبه
الجازي: احمد انا اسأذن الحين قطعت عليك افكارك وصدت وراحت
احمد : الله معاج
اهو من الفرحه انه كلمها وسولفت معاه ماكانت الدنيا شالته ومن كثر فرحته طار النوم منه لين بعد صلاة الفجر
وبعدها نام
الصبح الساعه 9 وشي جاسم قول لفيصل : احمدووه شفيه ماقام للحين ..؟
فيصل : تلقاه امس سهر واجد خله نايم ..
بعدها بساعه قام احمد وطالع الساعه.وقال : اوووه الساعه 10 وانا للحين نايم شهالسالفه ..بعدين تذكر الي
صار له ليله امس وبتسم وهو ينكر حبه للجازي
جاسم : يسعد صباحك ياحج
احمد: هههه صباح النور
فيصل : شفيك نايم لهالوقت مب عوايدك؟
احمد: امس مانمت لين بعد صلاة الفجر
جاسم : اللي ماخذ عقلك يتهنى به
احمد: جسووم عويض الله من شرك ترى بكفر فيك اليوم ههههه
جاسم و فيصل: ههههه
فيصل : احمدووه احنا طولنا هاي ثالث يوم لنا بالبحر مالك نيه ترجع
لخواتك
احمد: فصوول انا امس افكر بهالموضوع بس الجازي المسكينه وين
نخليها..؟
جاسم: ايه والله تعور القلب
فيصل: مادري والله..؟
جاسم: عندي الحل يا اغبيا..
احمد: تكلم يا مخترع الذره
جاسم : احمدووه انت محد عندك في البيت الا انت والخدامه وهلك كلهم
مسافرين ليش ماتخليها عنك
احمد: هي انت تفهم شتقول ..اذا انا رضيت هي ماراح ترضى
فيصل : نادها وجرب معاها ماراح تخسر شي
احمد خايف يكلمها بالموضوع وتفهمه غلط تم ساكت يفكر شلون يدخل لها من باب
مايخليها تضن فيه ضن السوء وقال : خلوها علي خلونا نقعد بعد يومين وصدقوني بنحصل لها حل
جاسم و فيصل : الي تشوفه
فجاة والشباب يسولفون ويضحكون طلعت لهم القمر وكحت لتلفت نضرهم الكل لتفت عليها
احمد: لبيه ياالجازي فيج شي ناقصج شي
الجازي: لبيت بمنى لا ابد بس بغيت اطلع شوي لو تسمحون
احمد: اجمعين ..لا اختي واذا بغيتي ندخل اذا مضايقينج
الجازي: لا مافي داعي
وصدت وراحت على الجنب الي مافيه حد عشان تقدر تاخذ راحتها وفكرت بالموضوع ..الحين هم قاعدين
بالبحر بعد كم يوم اكيد بيرجعون لأهلهم انا اروح وين ولا عند من اقعد طبعا مافي حد منهم يبي يدخل وحده
طالعه من بيت ابوها في بيته خاصه احمد وتمت تفكر بالموضوع وهي تسمع سوالفهم وضحكهم ..قررت انها
تغني عشان تثير نظر احمد لها بس بعدين تعوذت من ابليس وقالت اذا هو يعتبرني مثل اخته يعني اكيد مايفكر
فيني مر اليوم عادي مافيه اي مشاعر غير ان كل واحد منهم يفكر في الثاني ويقول لا مستحيل
مثل كل ليله احمد طلع السطح وقعد يفكر وما جا في باله ان الجازي ممكن تجي له مره ثانيه وفجاه سمع
صوتها تغني لراشد الماجد "الحمد خالد..وحبي خالد وباقي للي احبه واحب داري(ن) سكن فيها ..راضي بذوقه
وحكمه بالوفى راقي.. "
احمد قرب منها وغنى معاهاا هي انتبهت ان احمد يغني معاها وسكتت
احمد : ليش سكتي كملي صوتج ياخذ العقل ..؟
الجازي : سكتت واحمد تنحنح وراح يكلمهاا
قال لها : الجازي انا ..انا..انا معجب بصوتج من اول ماسمعته
الجازي : اول مره في حياتها ترد على كلاام غزل مب لهدرجه انت
تبالغ..
احمد: الجازي انا ما ابالغ انا اتلكم جد
الجازي : صدت عنه وراحت من كثر الحيا
احمد بعدها ماقدر ينام يفكر بصوتها بعيونها بكل شي فيهاا اخيرا قرر انه يروح يكلمها في موضوع انهم
يرجعون وتوكل ع ربه
احمد: الجازي ..الجازي..
الجازي: احمد ما اظن ان الوقت مناسب عشان نتكلم فيه
احمد: الجازي انا ابي اتلكم في موضوع الرجعه
الجازي: حست انها ثقلت عليهم تقدرون ترجعون وانا بدبر عمري
احمد: لا مب قصدي جي انا اقصد ان تكونين في فندق لمدة يومين او
ثلااثه وصدقيني بنرجع نحدق وبناخذج معانا انتي الحين صرتي وحده من الشله هههههه
الجازي: بكلف عليكم وانا ادري اني مثقله عليكم
احمد: لا تقولين جي لا يجيج كف ..انتي حسبت …وتردد وهو يقول اختي
الجازي: سكتت وصدت عنه وراحت لغرفتها
احمد : تم يفكر الي هو سواه صح ولا لا ..
|
المشاركة الأساسية كتبها ..][..حــمــنــي..][..
 احم انا ولد مب بنت
الصراحه ماعرف من الي كاتبها ان شاء الله اذا عرفت راح اقولج ولا يهمج .. ومشكوره ع المرور نورتي بطلتج الحلوه |
المعذرة حمني ما إنتبهت :$
موفق إن شــاء الله بنقلك
,’
تسلم أخوي
الله يعطيك العافيه
شو اللي ينتظر جازي من الاحداث
في الانتظار
بانتظار البارت القااادم
تحياتى
الصبح والكل قاعد طلعت الجازي وهي مثل عادتها محتشمه قالت لهم ممكن اكلمكم ثواني..؟
الكل قال : تفضلي طبعا ..احمد كان واثق انها بتكلم في موضوع الرجعه
الجازي: امس احمد كلمني عن موضوع الرجعه هوانا حسيت اني
ثقلت عليكم بس انا قررت ارجع لبيت ابوي
الكل وهم مستانسين لقرارها صج..؟
الجازي: ايه..لاني حسيت مهما كان انا بنت غريبه عنكم وانتوا مب
اهلي مع اني اعزكم اكثر من اخواني
احمد: كفوو والله هذا العشم فيج يابنت الاصول
الجازي : التفت على احمد وبنضراتها تحسر على مشاعرها اللي
كانت من اتجاهه لانها فكرت ان هو تضايق منها وينطر رجعتها لبيت ابوها
بليل احمد طلع السطح ينطر الجازي تجيه ..مر الوقت واحمد ينطر و ينطر لين خذ له ساعه ينطرها عقب جات
الجازي
احمد: اخيرا جيتي..صار لي ساعه ناطرج
الجازي: احمد انا مب جايه هالمره عشان نقضيها سوالف نفس كل مره
احمد: ليش ليش يبه..؟
الجازي: انت تنطر رجعتي لبيت ابوي تبي الفكه مني صح..؟
احمد: من قاااال..؟
الجازي: انا اقول
احمد: انتي غلطانه وستين غلطانه بعد
الجازي: اجل الكلاام الي قلته اليوم شنو..؟
احمد: جزوي ابيلج الخير..؟
الجازي: هاا..؟
احمد: عيل حد يشوف وحده مع ثلااث شباب بالبحر شيقول وانا مابي حد
يتكلم عن زوجتي
الجازي: زوجتك..احمد عن هالكلاام
احمد: وانا صاج
الجازي: لين صار بينا عقد زواج ذيك الساعه قولها
احمد: خلااص خل نرجع الدوحه ارويج
الجازي: ههه نشوف جذب الشباب
احمد: تدرين اني مب من النوع الي يلعب
الجازي: كلكم في النهايه شباب..على من تلعبها
احمد: ههه تنكتين بعد
الجازي: انزين خل اروح انام ليقوم فيصل ولا جاسم يشوفنا شيقولون
عيب والله
احمد: ههههه من من جسوم و فصول ذول لين ناموا ماتقومهم قنابل امريكا
الجازي: ههههه ان شاء الله ..يالله انا بروح تامر بشي
احمد: سلاامت قلبج يا..
الجازي: ههه يا اختي
احمد: ان شاء الله عند اللفه
الجازي: ههههه اوكي يالله سي يو
احمد: سي يو
راحت الجازي وتم احمد يفكر بكلامه معاها ونفس كل مره ماينام لين يصلي الفجر ويقوم متاخر والشباب
يعتبون عليه..الصبح قام احمد ولقى ان الشباب ينطرونه يردهم البلااد
فيصل: يعني شلون محنا برداين الدوحه
احمد: اسف والله مانمت لين بعد صلاه الفجر
فيصل: الي ماخذ عقلك يتهنى به
جاسم: يعني من بيكون مثلاا غير ست الحسن والدلاال و الهواش خخ
فيصل: خخخخ حرام عليك البنت حليوه بس ماترضى بالغلط
احمد: تعرفون تسكتون ولا اسكتكم انا
جاسم: انت اخر واحد يتكلم
احمد: وليش ان شاء الله
جاسم: لان الكل ينطرك تقوم عشان نرجع تسمح لو تتكرم تسوق لان محد يعرف غيرك مع الاسف
فيصل : خله خله يمكن للحين كلاام امس متعب مخه
جاسم: الظاهر
احمد: اي كلاام..؟(احمد خاف يكون حد سمع سالفته مع الجازي)
جاسم: شدراني عنك شوف نفسك وتعرف
احمد: انت شكلك تعبان روح نام احسن لك
جاسم : اخاف انام وأقوم وألقاك للحين مامسكت السكان
احمد: زين زين يبه ذليت امي بروح راحت روح العدو
فيصل : هههه والله شكلكم يضحك وانتوا تتهاوشون فرضوا البنت سمعتكم
شبتقول عنكم
احمد : فز قلبه يوم سمع بطاريها هاا من..؟
جاسم: الجازي ..من غيرها يعني
احمد: من غيرهاا ..شقصدك..؟
جاسم: ما اقصد حد ..اقصد الجازي ليش في بنت غيرها ع المركب..؟
احمد: اهاا ..شدراني عنك انا
احمد : افف تصدقون ان بطني يقروج ..؟
جاسم: انزيين بروح اجيب لك شي عن النغزات
احمد: ههه اي نغزات جسووم ليكون انت الي مسوي الاكل ترى لو مب بنت
الناس جان الحين انت ميت من الجوع
جاسم: الله والاكل الي تسويه كلها الا سندوجات
فيصل: احمد ربك …ليكون انت اللي مقطع الطباخ
احمد: انا بروح اكل عقب بنرجع الدوحه لموا اغراضكم
جاسم: روح روح اكل المجابيس الي مسويتهم المدام
احمد لتفت عليه ورفع حاجب وضحك
الجازي بهالوقت توها قاعده من النوم وميته من الجوع قررت انها تروح المطبخ تاخذ لها شي …هي وصلت
المطبخ قبل احمد وما ضنت ان احمد بيجي وتمت تغني مثل العاده خاصه بعد ما احمد قال لها ان صوتها يجنن
احمد سمع صوتها وقرر انه يلعب بعأصابها شوي قال بصوت عالي واااع من هالهندي اللي فالمطبخ يغني
والمشكله يغني لراشد الماجد كللللش مايصلح ..الجازي سمعت صوت احمد وهو يقول هالكلام وضحكت
وسكتت دخل احمد :- اووه هاي انتي فكرتج الصبي يغني لراشد الماجد
الجازي: ومن متى عندكم صبي هني..؟
احمد: هههه صدتيني .ما شاء الله عليج ينخاف منج
الجازي: مب لهدرجه احمدوو
احمد: اووه اووه شهالتطور صرت احمدوو
الجازي: اسفه اقصد احمد
احمد: لالا احمدو عليج احلاا من احمد
الجازي: هههه ان شاء الله عمي
احمد: ههههه انزيين شتسوين هني..؟
الجازي: يعني وحده بالمطبخ شتسوي مثلاا …تسبح…؟
احمد: ههههه لا مب قصدي بس يعني انتي جوعانه..؟
الجازي: تبي الصج مييته من الجوع
احمد: انزيين شرايج انا اللي اسوي لج الاكل
الجازي: ههه لا مب ناويه اتسمم انا بسوي انت روح وانا بجيبه لك
احمد: لا والله ماطلع من المطبخ …عاد انا ابيها من الله
الجازي: هههههه انزين براحتك بس شرايك تروح تجيب لي الصحون
من عند الشباب لان ماخذين كل الصحون
احمد: اوووه بدينا ..عاد ذول جسوم وفصول اكثر ناس مهملين
الجازي: ههههه يالله يالله عن الدلع يالله لبسرعه يا شاطر
احمد: يلاا طيري ماني برايح
الجازي: احمدو ان مارحت مب احسن لك
احمد: يعني شبتسوين..؟
الجازي: انت شرايك
احمد: انا اقول اني اذا مارحت اجيبهم تبوسيني
الجازي: شكلي بقلك في البحر وبنمشي عنك
احمد: جسوم وفصول مايعرفون وانتي يعني شكلج مب مالت سواقه
الجازي: والله اعرف
احمد: مبين حتى يوم سقتي السكوتر وقف عليج
الجازي: عاااد احمدوو ( بدلع)
احمد: عيون وروح وقلب احمدوو انتي
الجازي : استحت وماتكلمت ..
احمد: انزيين انزيين بروح اجيبهم لج
احمد يوم وصل عند الشباب قالو له وينك سااعه تروح تشوف لك شي تاكله
احمد: لالا ساعه ادور الصحون اللي حضرتكم ماخذينها ومارديتوها
فيصل: اووه اووه اسفين يبه مب قصدنا
احمد: مب مشكله خل اروح بسرعه
جاسم: اركض لايعصبون عليك بس
احمد سوا نفسه ماسمع وراح ولا همه لان الجازي تنطره بالمطبخ
الجازي: زين وصلت وينك صار لك ساعه
احمد: ماتعرفين حنت الشباب
الجازي: هههههه الله يخليكم لبعض لانكم كلكم تشابهون ..كلكم نفس
الحنه…انزيين حط الصحون لو تكرمت
احمد مد يده عشان تاخذ الصحون
الجازي: تقدر تحطهم ع الطاوله لو تكرمت
احمد: لا ماراح احطهم تبينهم خذيهم من يدي
الجازي: عيل خلهم عندك
احمد:ههههه اووك اووك خلااص هاج
الجازي: هههه مشكور تقدر تفضل برا لو سحمت
احمد: بل شهالطرده
الجازي: ههه لا حبيبي هاي مب طرده بس يعني ماحبيت اتعبك
– طالعته ورمشت له –
احمد: عض ع شفته وقال من من حبيبج هاا ..؟
الجازي:ههه واحد ملغيييييغ ماحبه لين بدا يملغ وياليت يطلع وانا
بجيبله الاكل اذا يحبني اذا لا خلااص
احمد: انا ما احبج..انا اموووت فيج انزين انا بطلع بس مب تاكلين وتنسيني
الجازي: من عيوني انا
احمد: تسلم لي هالعيون وراعيتها
وطلع احمد وراح للشباب اول ماوصل تنهد
جاسم: شفيك قلنا رحجت تاكل بس مب ترجع هلكان
احمد: لا بس الجازي هدت حيلي الا هي اللي تسوي الاكل
فيصل: ما شاء الله عليها والله انها بنت اصول
جاسم: صدقت والله
شوي وجات الجازي..
الجازي: احم احم بصوت ناعم وعالي
احمد: حيااج حيااج
الجازي: احمد الاكل ..ههه سوري بس الي قدرت عليه
وخلتهم وراحت يوم احمد شاف الصحن ضحك الكل استغرب منه
فيصل: احمدوو ليش تضحك على النعمه
احمد: لالا مب قصدي بس اضحك لانها حطت لي ورقه اكتبت عليها
السندويجات خلصت ههه
فيصل و جاسم: ههههههههههه وتنكت البنت بعد
احمد: ههههههههه
الجازي تنطر ردت فعل احمد وسمعت ضحكاتهم وفهمت ان احمد ماعصب عليها وطلعت لهم بصحن اللي فيه
الاكل احمد طالعها بنظرة غضب خرعتها
الجازي: اسفه مب قصدي اذا ضايقتك مزحتي
احمد: لالا اتغشمر بس غيرتي جونا
الجازي: الحمدالله ,,سويت شي زين
احمد: ع العموم مشكوره ..تعبتج معاي
الجازي: لا عادي كم احمد عندي..وصدت عنهم وراحت
الشباب التفتوا على احمد
جاسم: شقااالت..؟
احمد: شفيكم طالعوني جي
جاسم: انت سمعت هي شقالت ولا لااء..؟
احمد : انحرج وصد ورجع قال من صجكم الحين تطالعوني جي يعني حد
فكر بالجازي بشكل غير انها اختي
جاسمو فيصل: الحمدالله وضحكوا
عقب احمد فكر انه لو رجعوا الدوحه ماراح يحصل الجازي باي وقت ولا راح تقدر تسولف وتضحك
معاه فقال لشباب:- اقول شباب!!
جاسم: لبيه!!
احمد: لبيت بمنى,,والله انا ودي اتم بالبحر يوم ولا يومين بعد انتوا شرايكم
فيصل : انا ماعندي اي مشاكل
جاسم: انا بعد ماعندي مشاكل بس الجازي..؟
احمد: انا بروح اكلمها
جاسم: اشوف عجبتك السالفه
احمد: اي سالفه انت الثاني اذا ودك روح انت كلمها من ماسكك
فيصل: لالا من صجك احمدو تبي البنت تخرع اتطرش لها جسوم..؟
احمد: شدراني عنه هو الي مسوي من السالفه قصه
جاسم: بل مايسوى يبه انت روح هي ماترتاح الا لك
فيصل: كلام جسوم صح تقدر انت تروح لها
احمد: انا من البدايه قلت بس لازم تسونها سالفه …انزيين خلوني اروح لها
فيصل و جاسم: روح الله معاك
احمد راح للجازي وهو شفقان عليها وبيموت يبي يشوفها مع انه من شوي كان
معاها..راح لها وطق الباب والجازي كانت تصلي وماقدرت ترد عليه هو تخرع عليها وصار يطق الباب
بسرعه وبقوه لين الجازي خلصت صلااتها توها بتفتح الباب الا هو فاتح وطلعت في وجهه
احمد: اسف
الجازي: ههه على شنو
احمد: ماكنت ادري انج كنتي تصلين
الجازي: لا عادي
احمد: جزوي!!
الجازي: عيونهاا
احمد: انا ابي اتم زياده فالبحر
الجازي: اللي يعجبكم انا مالي كلمه بعدكم
احمد: انا قررت جي عشان اقدر اتم معاج اكثر لاني مب عارف
شلون بشوفج اذا رجعنا الدوحه
الجازي: يعني تفكر فيني
احمد: اجل افكر بمن؟
الجازي : تقول بقلبها فديتك واللهبس مصيرنا نرجع الدوحه
احمد: انا ما اقدر اتم معاج زياده فبليل نتكلم بالموضوع اوكي؟
الجازي: الي يريحك حبيبي
احمد: فديتج بس يالله حبيبتي في امانة الله
الجازي: الله معاك ..خذ بالك من نفسك
احمد راح لشباب وهو فرحان :- شباااااب!!
جاسم و فيصل: نعم ..نعم
احمد: قالت " انا مالي كلمه بعدكم"
جاسم: اشهد انها بنت ناس على ذا الكلام
فيصل: ايه والله
احمد: خلااص بعد بكره نرجع
جاسم: كل يوم بكره الله يعينا على مزاج احمد بن محمد
احمد: مب عاجبك ترى برجع الدوحه ماعندي مانع
جاسم: لالا مب قصدي اسف
احمد: اشووى
فيصل: بسكم هواش ولله جنكم يهال
احمد: تكلم نابليون
جاسم و فيصل: ههههههه
وعد اليوم مثل كل يوم ومثل كل مره الاثنين يفكرون فبعض والاثنين شفقانين على بعض..يوم جاه اليل احمد
ينطر الشباب ينامون عشان تقدر الجازي تطلع له بس شكلهم مالهم نيه ينامون بدري اليوم
احمد: شبااب شفيكم ما نمتوا ..؟
جاسم: بس جي ليش فس شي يعني
احمد: لا بس مستغرب منكم يعني العاده اذا بتسهرون حدكم الساعه 12 جنكم يهال
فيصل: عاد اليهال مايكبرون ويسهرون
احمد:ههه والله حكرت لي
فيصل: هههههه شفت شلون
احمد: زين انا طالع السطح تامرون بشي
جاسم: ايه ايه
احمد: امر ياحضرة الامبرطور
جاسم: يا حضرت المستشار احمد بن محمد ابيك اتطب بحر عشان نفتك منك
احمد: جسووم تكلم عدل عااد يالله ابي اروح
جاسم: هههه طيب طيب…سلاامتك مابي شي
فيصل : انا بنام جسوم
جاسم : وانا بعد
احمد: عيل انا بطلع السطح