أتعبتني ليه التعب ؟ واجهني لو مرة بسبب / بقلمي 2024.

مرت الايام والحلم إنهدم..
لو ندمت الحين شيفيد الندم..
ماباقى لي شي غير الله يعين..
آه لو أرجع بعمري كم سنة..
كان أصير إنسان ثاني مو أنا..
كان اصلح كل غلطات السنين..

إرتكبت أخطاء بس الله ستر..
واتخذت أسوء قرارات البشر..
كان لي قلبين مبسوط و حزين..

ناسي كنت أفهم نصايحهم غلط..
شرهم مع طيبهم فيني اختلط..
إكتشفت الحين انهم طيبين..

ليتني أقدر أرد الي رحل..
وإلا امحي بيدي كل الي حصل..
آه ياكبر السماء وكبر الحنين..

خايف الأيام تتوقف هنا..
خايف أرحل قبل ماأذوق الهناء..
خايف اتكون أخر أنفاسي أنين..
*
*
*

هموم تمر بأيامنا تصبح الدنيا ضيقه رغم وسعها وكبرها
ولاكنها تضيق بأعيننا……
كثير من يرسم ابتسامه ألم والكثير من يخفي آلامه أمام أبتسامه باهته لامعنى لها…..
دمــــــوعنا….. نعبر عنها بطريقة أخرى غير سقوطها نضحك ونضحك ونضحك لأخفاء ملايين من الدمعات….
*
*
*
حياة أبطالي مؤلمه سأتعايشها وانا أسردها لكم وتتعايشون معهم عند قرائتها…..
الآم هل ستنتهي يومآ…….
منهم من كانت ضحيه لجبروت وقساوة قلب أب كونها البنت الخامسه…..

منهم من صعب عليه العيش وصعب عليه أيجاد لقمه يسد بها جوعه ورزقه الله بطفلتين واحده تركت عند باب جامع ضحية الفقر والأخرى تعيش بين يدين والديها لتصارع الجوع معهم…….

منهم من دافع عن الحق ووقف مع المظلوم ضد ظالم هو أبيه فكان نتيجة دفعاعه عن الحق وخوفآ من عقاب ربه العيش وحده أرضائآ لرغبة والده……

منهم من أحب ووصل لمرحلة العشق الجنوني وفترقا بسبب حقد وغيره غيرهم وقلوب ضعيفه ســـــوداء……

لن أسلسل لكم جميع احداث روايتي ولاكن هاذه أهمها
سأترك لكم الغوس في عالمهم والتعايش وسطعم وفتح المجال لخيالاتكم لرسم أشكالهم وعيشتهم وألآمهم…..
*
*
*
لاتحرموني من ردودكم لأنها مصدر لثقتي واتمام كتابتي..

أتعبتني ليــــه التعب؟واجهني لو مره بسبب…..

للكاتبه:كرستاله
*
*
*

احلام مــــزعجه…

بمنتصف الليل آه آه آه رفعت يديني على صدري اللي يتصاعد بكل سرعه ودقات قلبي اللي اسمعها بأذني مررت يديني بين شعري أعوذ بالله من الشيطان الرجيم وش هالحلم اللي مو مخليني بحالي رفعت كاس الماي شربت وبديت اهدى شوي شوي انسدحت على جنبي اليمين وبديت اقرى المعوذات لين رجعت غفيت من جديد……
*
*
*

زهره ذابــــله ….
عندما تطفأ المصابيح فى الشارع الضيق الطويل ، وتبدأ بشائر الصباح فى الحى ، ومع أول شعاع للشمس ، تكثر الحركة فى الطريق ، ويبدأ الفتية والفتيان فى ساعة معينة من النهار ، لا يتأخرون عنها ولا يتقدمون ، يتوجهون إلى مراكز تحصيل العلم ..
لم يكن نهار اليوم ككل الأيام ، كان شديد البرودة ، برودة لا تحتمل ، كان البرد الشديد يسقط من السماء ، ويتصاعد من الأرض ، ويهب من كل جانب ..
وجسدها كله على الأرض الباردة ، وظهرها يلاصق الجدار ، وفوق جسدها الضئيل ، الغطاء الصوفى الثقيل ، ممزق الأطراف ، ملوث الجوانب .. وقد ضمته على صدرها لتحس بالدفء فى يوم بدا شديد البرودة ..
ولباسها الأحمر يكسبها جمالا فوق جمالها وحسنها ، فإذا انزلق الغطاء عن رأسها ، انسدل الشعر على جانبى الوجه ..
على الرغم من تعب الحياة ونكد العيش ، فإن جسمها ووجهها احتفظا بنضارتهما وعافيتهما ، كل ما يغيرها عن الأخريات من لداتها اللاتى يعشن فى مثل سنها ، ولكنهن لسن فى مثل بؤسها ، وجهها الجميل كان دائما حزينا ..
وضعت فى يدها النقود نظرت إليك بعينين فرحتين ، وعلى شفتيها الرقيقتين ابتسامة ..
ترى الفتيات فى مثل سنها يسرن فى طريقهن إلى المدرسة ، كانت تنظر إليهن وقلبها يتمزق ، ونفسها تحترق ، ويغشاها سحب الهم، فتغض طرفها وتنكس رأسها وتنحنى بجسمها على الأوراق وتديم النظر وبصرها سادر كأنها تتخيل وتتصور وتحلم ، غير مدركة لما يدور حولها ، وترسم بالقلم دوائر وخطوطا أوسع من دائرة حياتها الشقيه
*
*
*
الفصل الاول……
تدلل آمر وانا ابوك وش بغيت
عدل جلسته ورفع حاجبه بغرور ماعليك امر يبا سياره جديده داخله بهالراس ابيها
سالمماطلبت لك اللي تبيه
تكلمت بقهربس يايبا سيارته مالها سنه من شراها
سالم بعصبيهاوس ولاكلمه تفهمين قوموا عن وجهي لابارك الله فيكم
قاموا البنات كلهم على فوق واجتمعوا بغرفه اختهم الكبيره…..
هيفاوربي هاذي مب حاله سامي بعده صغير على كل هالاشياء
هاجرلابارك الله فيه ولابولده
هيفا ضربتها بخفهوش هالكلام هاذا ابوك
هدى دمعتها بطرف عينهاأي ابو واللي يرحم والدينك اللي حرمنا من اختنا يعني جات عليها المسكينه
قامت هاجر بسرعه وسكت الباباووووس لايسمعك والله يذبحك
هدىخليه يذبحني وربي ابرك لي من هالعيشه
خرجت ودفت الباب بقوتها …..
هيفاآآآآه تصدقون ودي اشوفها
هناءانتي ولاانا بموت وشوفها وامي الله يهديها مب راضيه تدلنا على مكانها
هاجرلاتلومونها هذا كله خوف من ابوي والله لو يدري انها تدل طريقها كان حرمها من الطلعه
هيفاالحين وصلت ل19 سنه صح
هناءاي اصغر من هدى بسنه بقوم اشوفها
خرجت هناء قامت هاجر وسكت الباب قربت من اختها ومسكتها من يدينهاهاااا فكرتي
هيفايووووه ياهاجر الكل ينسى الا انتي مابي اعرس
هاجر تصطنع الزعلليه ماتبين تفرحينا لمتى يعني بتقعدين كذا
هيفاقصدك لمتى بقعد عانس انا راضيه مابي زوج يطلع لي مثل ابوي ولا اخص
هاجرهيفا اصابع يدينك مب سوى
هيفابس هالخطيب لاتنسن انه من طرف ابوي اكيد من طينته هذا انتي رحتي ورديتي
هاجر بألماآآآآآآف خليني ساكته ابرك
*
*
*

بوحده من القــــــرى القريبه من منطقة الــــــــرياض……
البرد ذابحني يما
مريم تعطيها البطانيه الصوف اللي عليها خذيها بس لاتزعجيني
طيب جوعانه
مريميوووه ياعنود خلاص سكي حلقك من وين اجيب لك سكتي بطنك بهالتمر اللي قدامك
عنوداف وش هالحال ياربي
عيسى اللي كان منشغل بتصليح نظارتهاستغفري ربك يابنت
عنود بمللاستغفر الله العظيم بس انا زهقت والله
مريمقومي روحي لبيت الجيران ريحي راسي
عنود بجديهتصدقين يما اليوم من صحيت وانا احس بألم برجليني يعني مدري شلون اوصف لك يعني فيني ومو فيني
عيسىخبله انتي
عنوديووو لايبا امممم مدري شلون اوصل لكم احساسي بس محد فهمني غير حنين تقول هي تحس بهالشي لو اختها حلا صار لها شي تدرين هم توم ويحسون ببعض بس انا ماعندي توم غريبه والله
طاح فنجان القهوه اللي بين يدين مريم على جسمها من رجفة يدينها
وتسارعت دقات قلبها رمشت بسرعه وعينها على زوجها…..
عنود قامت بسرعه يمه بسم االله عليك بروح اجيب ماي بارد
عيسى مو اقل توتر منها لبس نظاراته والتفت مريم واللي يرحم والدينك لاتحسسين البنت بشي اللي فيني كافيني
مريم نزلت دمعتهاالله يسامحك حرمتني من بنتي وهاذي هي الثانيه بدت تحس فيها
عيسى مرر يدينه بوجهه مريم لاتعيدين وتزيدين بهالكلام اللي صار صار احنا وحده ماقدرنا نأمن لها اكلها ولبسها وشلون لو كانوا اثنين
جتهم عنود وحطت الماي بجسم امها وباست يدينهايألمك يما
مسحت مريم على شعرها بحنان وضمتهالا ياعيون امك انتي
*
*
*

ولهت لوْ شويّ علي ؟!

ما اكذب عليك

أنا " كثير " إشتقت لك

عمري أحسه من غيرك خَلي

لا أرضي أرض ولا نجوم تزيّن الليل بـ سماي و تعتلي

ضايع و ينقصني انتماء لاني لأحد .. ولاني لي!

أنا كثير اشتقت لك

( ماشتقت لّي ) !

التفت مها بسرعه وتسارعت دقات قلبها وعينها على شفاة جيهان وهي تتكلم بحماس…….
جيهانوانت اكثر يااالله متى ترد وتريحني
جواد بجديهمو راد الحين لين ابوي يطلبني
جيهانلاعاد تعال هو بس يشوفك يغير رايه
جوادماعليك المهم امي بخير
جيهاناي الحمدالله ومشتاقه لك
جواداوك الحين لازم اقفل سلمي لي عليها كثير وانتبهي على حالك وزوري بنات عمي ماعليكي بكلام ابوي
جيهانلاتخاف ياحبي لبنات عمي وهاذي مهاوي عندي
جواداهاااا حلو اوك بس تشوفي عمي وعمتي سلمي عليهم وسلمي على مها يااالله باي
جيهان يوصل باي
التفتت وضربت مها بخفهيسلم عليك
مها تخفي توترها وفرحتهاالله يسلمك ويسلمه مب راجع
جيهان تنهدتماظن
هدى تطلع كروت من شنطتهاخذوا قبل ما انسى هاذي كروت عرس عبير صديقة هناء
مهااهاااا عرفتها ماشاالله مبروك عليها
هدىالله يبارك فيك عقبالك
جيهانبس انا معرفها ليه معطيتني دعوه
هدىهي عطتني عشر كروت اعطيها لصديقاتي تدرين علاقتها بهناء مره قويه صارت مثل اختنا
جيهاناهاااا انشااالله احضر وشوف هالعبير
*
*
*
بأحدى المستشفيــــات…..
بغرفه الممرضات دخلت بهدوء وحطت الملف على الطاوله قعدت على الكرسي وانتبهت للمخلوق السرحان قدامها ابتسمت قربت منها بهدوء وصفت ….
هههههههههههههههههه
هيفا يدينها على قلبهااعوذ باالله منك طيحتي قلبي
سماحاللي واخذ عقلك
هيفا بجديهبفكر بالخطيب اللي جايبه لي ابوي
سماح قعدت بطرف مكتبهايعني في امل توافقين
هيفا ودي اوافق وافتح المجال لخواتي بنفس الوقت خايفه لانه من طرف ابوي اكيد فاهمه علي
سماحاممم طيب ياقلبي وش اللي تعرفينه عنه
هيفاامي تقول يعني عمره بالثلاثين عسكري
سماح حلو وش بعد
هيفاعنده اخو واخت وامه متوفيه وبس معرف غير هالاشياء
سماحطيب وش اللي يخوف بهالموضوع
هيفاوالله مدري
سماح حطت يدينها فوق يدها استخيري وربك وياك
هيفااخاف ابوي يجبرني
سماحلا انشااالله
*
*
*
بأحدى الصالونات الســــاعه 1 الظهر…..
انتهت من تنظيف جسمها قامت من على الكرسي بعد ماضبطت لها حاجبها التفتت لأغلى الناس على قلبها هااااا هناء حلوه
هناء تركت المجله اللي بين يديننهاميه ميه رسمتها حلوه
قامت عبير من الكرسي وقعدت جنبها على الكنب تهمز رجلينهاآآآآه
هناءانتي للحين بهالأم
عبير طنشت سؤالها لأنها تنزعج منه ومدت لها جهازهاالمهم خذي دقي على السايق يجي تجين تتغدين عندنا بالبيت
هناءاممم اوك ابوي مايرد غير العصر
عبيراوك عشان تساعديني بلبسي اليوم عزوز جاي عندي
هناء تقلد صوتها الناعمعزوز جاي عندي خلاص امنعيه وش باقي على عرسك كلها امممم ثلاث اسابيع تقريبآ
عبير توردت خدودها خلاص هاذي اخر مره ياالله دقي
هناءاي العبي علي من شهر وانتي تقولين اخر مره
*
*
*
بيوت متلاصقه جدرانها بلون واحد لون الطوب الرمادي اطفال صغار يلعبون بكل مكان ونساء بفرشتهن ودلال القهوه عند حدود منازلهم……
خرجت من بيتهم ودخلت البيت اللي بجنبه رمت العبايه والطرحه وقعدت آآآآآف
ههههه الحين اللي يشوفك يقول ماشيه خمسين كيلو كلها شبر
عنود بمللماحب العباه افهموني
حلا تاكل حبخلاص لاتلبسينها تعالي جري بدون شي
عنودتصدقين فكره
حنين عدلت قعدتهابنات اليوم سمعت ام صفيه تكلم امي تقول لها ان في شغله بالرياض بصالون اذا نبي نروح انا وحلا
عنود بحماسايوه وبعدين
حنينحاولت مع امي عيت
حلاليه كل البنات يروحون للرياض بباص خالد ويرجعون وش فيها
عنودتعرفين مخ امهاتنا
حنينوالله انا ودي اروح وربي زهقت
حلاوانا بعد
حنينانتي تنطقين من يقعد ويا امي
حلاحاتم ايووه نزوجه عنود وهم يقعدون عند امي واحنا نروح
عنود ضربتهامن قال انا ابيه انا دخلت براسي هالشغله وبقنع امي وبروح وانتم اقعدوا وخمجوا بهالديره
حنينتف فال الله ولافالك ابي اشوف ناس غير ابي اشوف اسواق غير غير بسطة ام سعيد اللي ادوشونا فيها ابي اروح سوسر ماركت
حلا ضربت الارضههههههههههه سوبر ياخبله
حنين المهم سوبر ماركت غير هالبقاله الخمه اللي عندنا وفرحانين هالبزران فيها مافيها غير بسكوت ابو ولد وسنتوب وريكو والربيع
عنودهههههههههههه فش فاش لاتنسينه
حلاههههههههههه
حنينههههههههه ايوه وامممم ابي ابي اشوف بنات كشخه لابسات كعب مو هالزنوبات اللي كلنا سوى لو ضاعت حقتي اموت مالقيتها كل بنات الديره عندهم مثلها
عنود مسكت بطنهاهههههههههههههه الله يرجك بس اسكتي
حلا ضربت الاض وانضرب صحن قشر الحب وتناثر كله على الارضهههههههههههه والله تومي رهيبه
*
*
*
الســـــاعه 3 العصر…
دخل البيت وشماغه على اكتافه توجه وقعد للصاله ابتسمت حياه بفرحه وأخيرآ عبرهم
فؤاد عينه على التلفازبكره بتزوج
شهقت حياة وحطت يدينها على صدرها والتفت على زوجها مصدومه……
ثنى علي جريدته وعدل قعدته وعقد حاجبهنعم وش قلت
فؤاد وتكلم بهدوء بك ره بت زو ج
علي وقف بقهرانت وبعدين معك طلقت زوجتك بدون اي سبب وهي اللي مافي مثلها قلنا معليه هم ادرى مطنش الكل ومضيق خلق امك قلنا نفسيته تعبانه والحين جاي تقول بتتزوج بكره جدار انا وامك بهالبيت
وقف فؤاد ورفع اصبعه السبابهبكره بتزوج واللي مو عاجبه يطق راسه باللي وراه
طلع من البيت وصقع الباب بكل قوه ……
قعد علي على الكنب وهو يفتح ثوبه ويتنفس بصعوبه….
حياة بخوفيما مها قومي جيب ماي وابرة السكر
مها اللي ما استوعبت ولاشي من اللي صار قدام عيونها وتركت المجال لدموعها جرت للمطبخ وجابت الابره والماي شربت ابوها…..
حياةعطيه الابره
مها يدينها ترجفمعرف يما سماح اللي تعطيه مب انا
سحبت حياة الابره وسمت بالله وعطته ماتدري صح ولا لا المهم ان تنفسه ابتدى يهدى شوي شوي
*
*
*
يوووووه ياجيهان قلت لك ابوك عنيد وجواد اعند منه مافي
جيهاناااااف طيب يعني لمتى
عايشههذا ابوك جاي اوس ولاكلمه
جيهان لابقوله
دخل على صوتها وقعد آآه وش اللي بتقولينه
جيهان بخوف وتردديبا امممم متى تخلي جواد يرد للبيت
وقف عمر وصرخ بأعلى صوتهلابارك الله فيه من ولد عاص خليه يولي مب راضي لا عليه ولا على اللي سواه فيني انا يوقف ضدي فرحان لأنه محامي جاي يثبت جدارته علي
جيهان وقفت وتكلمت برجفهبس هو ما غلط
عمراوووس ولاكلمه انتي الثانيه لايجيك ماجه اطلعي لفوق وهالموضوع مابي اسمعه ثاني
طلعت جيهان بجري لفوق…..
قعد عمر وتنفسه زايدحسبي الله عليه من ولد حسبي الله عليه الله لايوفقه
عايشه حطت يدينها على أذونهابس لاتدعي عليه قدامي هذا ولدك لاتنسى
عمر بقهروانا تبـــريت منه
تركت عايشه الصوف اللي بين يدينها وقامت بألم طلعت لغرفة بنتها المنهاره قربت منها وضمتهابس يايما خلاص
جيهانليه ابوي كذا يكرهني فيه
عايشهاوووس لاتقولين هالكلام ثاني هذا ابوك هو وولده يتخالصون
*
*
*
طيب طيب الحين بنزل ياالله باي
عبيربتروحين
هناءإي هيفا تنتظرني تحت توها طالعه من المشفى
عبير وقفتاهاااا خلاص شكلي تمام
هناءتمام التمام مثل ماقلت لك خلاص اثقلي وخليها اخر مره
عبير باستها بخدهاانشاالله تسلمين ماقصرتي
هناءياالله امشي وياي شوفي الدرب
عبير انسدحتمافيني حيل باخذ لي غفوه روحي مافي احد سعد مايرد غير على اربع
رفعت هناء ساعتها 3 ونص طفت لها النور وخرجت ……
وصلت لنص الدرج وصنمت بمكانها ومو عارفه شلون تتصرف وهو نفس الشي وقف من الجمال اللي يشوفه هو كان حاطها براسها من تعلق عبير فيها بس ماتوقعها بهالجمال مرت من جنبه بسرعه وقفت عند الباب ولبست العباه بيدين راجفه وطلعت اول مادخلت السياره رمت راسها فوق هيفا…..
هيفا بخوفبسم الله هناء وش فيك
هناء رفعت راسها بسرعه ونطقت بقهرغبي هو ولا حمار ولايستهبل يعني يرضاها على اخته احد يقعد يتمقل فيها لا ولا تحرك واقف يتأمل هو ووجه يعني كيف انتظره يتحرك ولا حركه هو ووجه غبي
هيفا فهمت ان سعد شافهاههههههههههههههههههههههههههه خلاص خلاص كل هذا لأنه شافك
هناء قربت من الشباك وركزت بالطريقحركته بايخه
هيفا ببتسامهلاتلومينه من الجمال اللي شافه صنم
لفت هناء عليها بسرعه ……
هيفا هههههههه خلاص توبه
*
*

*
بخت من عطرها المفضل وخذت نفس وهي تسمع صوت اخوها ينادي عليها خرجت ونزلت راسها بحيا من تصفير اخوها….
عبير مسكت يدين امها بدلعيماااااااا شوفيه
سعدلالا ماشاالله اليوم عبدالعزيز مب طالع الا يدك بيده
قربت منه وضربتهسعــــــد
سعدههههه ياالله امش من اول ينتظرك
مسك يدينها بحب للعلاقه اللي تجمعهم يوم وصلوا عند باب المجلس تردد يسألهااممم اليوم العصر هناء اللي كانت عندك
عنود بستغرابايه لاااااااااااا لاتقول شفتها
ابتسم سعد
عبيرياويلي منها واكيد فتحت هالفم
سعدههههه من يشوف كل جمالها ومايفتح فمه على كثر ماتسولفين عنها ماقلتي انها حلوه
ضربته بكتفهياسلام ترضى مثلا تروح وتوصفني عند اخوها
يااااااااااهو اللي عند الباب
عبير شهقتلايكون سمعنا
سعدهههههههه لامعتقد ياالله ادخلي وقوليله اليوم اخر مره يجيك فيها لين يوم عرسك
عبيرطيب طيب فهمنا بالاول هناء والحين انت
سعد بلهفهوش فيها هناء
عبير دفته ودخلت بحيا…..
*
*
*
هايمه وش قلتي
مريمقلت لا
عنوديبه كلمها
عيسىخلها تروح وتجيب رزقها وياها
مريموانا قلت لا
عنوديايما وش فيها يعني كل البنات يرحون بالباص جات علي يعني
مريميوووه ياعنود زن زن مثل الذباب خليني بحالي قلت لا وهذا كله خوفآ عليكي
عنودوش بيصير يعني ولا من نحاسة حظي بيقوم يصير شي يماااااا
تركت مريم اللي بين يدينها وقامتبروح للجاره
خرجت التفت عنود على ابوها وعقدت حاجبهايبااااااا
عيسى ببتسامه وهو يحرك يدينه بالهوىهش هش ياذبان
فطست ضحك على شكل ابوها وهو يمزح وبدت تفكر بالموضوع بجد شلون هتتحمل تبعد عنهم لو لأيام قامت ودخلت لغرفتها……
رفع عيسى يدينه لربه وهو يدري رغبة بنته بالشغل عشان توفر لهم اللي هو ماقدر يوفرهيارب ياعلي ياكريم تسعد لي هالبنت وتحفظها لي وامنتك ببنتي الثانيه تسعدها وين ماكانت وتسامحني ياربي
نزلت دمعه خانته تلومه بتفريطه ببنته مايدري ان كل مولود يولد ورزقه معاه……..
*
*
*
طيب احــــــبك
توردت خدود عبير وضغطت على يدينهالله لايحرمني منك
عزوزولامنك ها حبيبي ناقصك شي عيوني لك
عبيرلاتسلم بس خليك دايم بدنياي
عزوزوانا انجنيت حتى اخليك انتي حب طفولتي وحب عمري
عبيراممم خلاص اليوم اخر يوم تشوفني لين يوم العرس
عزوزلااااا
عبيروالله جد
عزوزهشتاق لك بس حلو يوم يزيد الشوق
عبيرالله يجمعنا على خير
عزوزامين يارب
*
*
*

آآه اشتقت اليك ..

كدت اجن من بعدي عنك ..
لا احتمل اكثر ..

اريد ان ارتمي عليك ..
اريد ان اضمك لجسدي ..

كي انام وانسى الغمام ..
اريد ان اعانقك واناااام ..

اود ان اشعر بحنانك ولمساتك ..
وانسى الحقيقه التي آلمتني
وادخل عالم الاحلام ..

معـــــاقه معــــــاقه معــــاقه هالكلمه ترددت بمسامعهم كانت صدمه مؤلمه لفاطمه وكفيله بأنها تفجر بركان غضب سالم…..
سالملا والله هذا اللي ناقص أول حفيد يجيني معاق اللي ببطنك ينزل تفهمين
وقفت هاجر وهي منهارهمستحيل يايبـــا
طلعت فوق مطنشه صراخه عليها ماتهنت بفرحتها عمر الفرح دوم بحياتها قصير دخلت غرفة اختها وارتمت بحضنها……..
هيفا بخوف بسم الله عليك وش صاير ليه صوت ابوي واصل لفوق
هناء اللي كانت منشغله بالمجله رمتها ووقفت عندهمهاجر وش فيه ابوي
هاجر بقهرأنا حاااااااااااااامل حـــــامل
هيفا وهناء شهقوا…..
هيفا بفرحهمبررروك تستاهلين ليه كل هالصياح طيب
هناءمبروك هجوره
هاجر وقفت وهي تمسح دموعهالاتفرحون كثير احتمال كبير البنت تكون معاقه وابوي يبيني انزلها مستكثر علي الفرحه مستكثر دخول شخص جديد بحياتي يمكن يقدر ينسيني ابوه خايف تكون خلفتي مثل امي كلها بنات يبي يذبح جزء مني يبيني انزلها مثل ماتبرى من بنته بس لأنها البنت الخامسه (صرخت بكل طاقتها) اكـــــرهه مايهمه بهالدنيا غير نفسه وسعادته وشوفة سامي مبسوط بس انا وانتم ولاشي تفهمون مانعني له شي بس لأنا بنـــــــــات
خرجت من الغرفه لغرفتها قفلتها ورمت نفسها على السرير تصارع ألمها…..

دقائق صمت كل وحده أنجرحت من كلامها وعجزت تنطق كل وحده حست بكبر ألمها…….
قعدت على الكرسي ونطقت وهي تمسح دمعتهاعورت لي قلبي وهي صادقه بكل اللي قالته
هيفاآآآآآه ياهاجر والله قلبي وياك وحاسه بألمك الله يصبرك وانت يايبا الله يسامحك لأنك بكل الطرق تحاول تكرهنا فيك ولو ابتدينا نحبك سويت المستحيل عشان ماتشوف السعاده بعيونا
قطع عليهم هدوئهم فتحه للباب بكل قوته وقفوا بخوف……
سالم بحدههناء اطلعي
طلعت هناء وعينها على اختها اللي تسارعت نبضات قلبها….
رفع اصبعه السبابهبكره مشعل جاي يشوفك ويملك عليك لمتى بتقعدين على قلبي وكبري عقل اختك خليها تنزل اللي ببطنها بالطيب
خرج ودف الباب وقفت لثواني تستوعب كلامه بكره مشعل جاي يشوفك ويملك عليك بكره مشعل جاي يشوفك ويملك عليك بكره مشعل جاي يشوفك ويملك عليك مسكت راسها بيدينها وقعدت على الأرض منهاره……….
*
*
*

يوم جديد مع أشراقة شمس جديده……الساعه 9 الصباح……..
))) صباح الخير يا حبي.. صباح الحب يا قلبي.. صباح الحلا و دنيا الغلا يا بعد دنياي و عمري.. (((

وقفت عند الباب بقميصها الحرير الناعم الواصل لربع فخذها وبوجهها ابتسامة غرور تاركه شعرها العودي منسدل على اكتافها وجهها …….
التفت وبتسم ورفع اصبعه السبابه يأشر لها تقرب…..
قربت منه وقعدت فوق رجلينه ولفت يدينها حول عنقهصباح الخير حبيبي
فؤاد باسها بكتفهاآحلى صباح النور لأحلى عروسه آآآآآآه وش هالريحه اللي ترد الروح
حركت وفاء يدينها بشعرهياالله قوم تحمم وفطروك تلقاه جاهز
فؤاد طيحها على السرير وقرب وجهه من وجههابس أنا باقي ماشبعت منك
ابتسمت ولفت يدينها حول رقبته وقربته لها أكثر…….
*
*
*
خرجت من غرفة المريضه ومشت بخطوات بطيئه بين الممرات اللي حاستها طويله وضيقه كثر الضيقه اللي بصدرها وصلت للغرفه الخاصه فيها سحبت نقابها وقعدت بملل……
سماح بهدوءصباح الخير
هيفاصباح النور
سماحهيوف وش فيه وجهك
هيفاولاشي
قربت منها سماح بتردد وقربت الكرسي معاها جلست وشبكت يدينها ببعض بتوترهيفا بقولك شي ماودي اضايقك بس مابيك تسمعينه من غيري وتتضايقين مني
هيفا بستغرابوش فيك سماح
سماح بصعوبهامممم فؤاد آآآآه تــــــزوج
وقفت هيفا بصدمه وصرختأيــــــــش متى وليه وووليه توك تقولين
سماح قعدتهاوالله كل هذا صاير امس يوم دقت علي مهاوي وانا عندك كلنا انصدمنا
قربت هيفا من المكتب ضربته بقوتها وغطت وجهها بيدينها تخفي دموعهاآآآآآآه ياربي وش اللي قاعد يصير فينا وش بيصير بهاجر لو درت وهي اللي فيها كافيها
مسحت سماح على ظهرهالاتضايقين نفسك ياهيفا صدقيني فؤاد هيعرف قيمتها
هيفا شالت يدينها وظهرت دموعهاوش عقبه ياسماح وش عقبه هاجر حامل حامـــــل
قبل تشهق سماح حطت يدينها بفمها وفتحت عينها لثواني……
هيفايدينها بدت ترجفوالله لو تشوفين حالها المسكينه ابوي ماخلا ولا بقى فيها ويبيها تنزلها لأنها آآآآآه احتمال المولود يكون معاق
سماح بصدمهأيــــــــش
هيفا شايفه كيف يعني تتحمل أيه ولا أيه
سماح وقفت تستوعب كل اللي سمعته لثواني سمعت صوت جرس المناداه قبل تطلع سمعت اللي صدمها اكثر التفتت عليها بسرعهوش قلتي هيوف
هيفا منزله راسها ودموعها تنزل بين يدينهااليوم شوفتي وملكتي اللي خفت منه صار ابوي جبرني عليه
*
*
*
{`•.¸ عــــــــــذراً يازمـــن سأبــــــــدأ مـن جـديـــــد`•.¸ } …..

أأأأأأأأي طيب طيب تركي شعري آآآآآآآه (كتمت الألم اللي تحس فيه من شدها لشعرها ونطقت بقلبها اصبري عليها بس شوي) تنهدت براحه ورفعت يدينها لشعرها تمسح عليه وتطفي الحراره اللي تحس فيها……..
فوزيهخليني اشوف بعد هالضرب مايجيني شين زين
هنوف بهدوء وهي تلف طرحتهاانشاالله
فوزيهياالله انقلعي عن وجهي
هنوف وزعت نظرها على أطفالها الصغار السته بأعمارهم المتقاربه اللي يطالعونهم بستغراب رفعت نظرها لها لأخر مره أنسانه رغم قسوتها معها الا انها ضامتها ببيتها ومعتبرتها بنتها حتى لو ماشافت منها أي حنان فضلها كبير لأنها ماتركتني بالشارع تحت يدين ذئاب وناس ماترحم هشتاق لهواشها ولنظراتها المخيفه جات عينها على باب غرفتها اللي لمتها لسنين تنهدت وخرجت مشت بالشارع الضيق لين وصلت للشارع العام تكت على الجدار بالمكان اللي تعودت عليه لسنين ماطال انتظارها شافت نفس الشخص يقطع الشارع ويقرب منها كل مازاد قربه كل ماتسارعت نبضات قلبها عدلت وقفتها ونفضت يدينها من بياض الجدار اللي خلفها ورمشت بسرعه رفعت طرحتها وتلثمت …
قرب منها وابتسم على حركتها ليه يوم شافته تلثمت ابتسم ابتسامه جانبيهيالله مشينا
هزت راسها بخجل مشت معاه لبداية الشارع ووقفت تعودت تطلع من بيتها لرصيف الشارع ماعمرها تجاوزت حدودها وقفت بخوف تقطع الشارع التفت وشاف نظرات الخوف بعيونها من سرعة السيارات مسك يدينها حس انها هتسحبها شد عليها اكثر وقطع معاها الشارع وصلوا لعند سيارته فتح لها الباب الأمامي واشر لها تدخل توجه لمكانه المخصص ومشى…….

*
*
*
*()*قلــــــــوب سوداء*()*

من يجينا بهالوقت
وفاء سحبت روبها ولفته بجسمهامدري
خرج فؤاد من الغرفه وتوجه للباب فتحه وبتسمهلا خالتي
شيخه تدخل بسرعههلافؤاد وينها بنتي
جاتهم وفاء وضمتهاهلا يما
شيخهصباحيه مباركه
توردت خدود وفاء التفتت على فؤاد غمزت له قربت من امها مسكتها من يدينها وتوجهوا للمجلس….
شيخه شالت طرحتها هايمه بشري لمسك
وفاءهههههه إي يمه بس باقي مثل ما انا بنيه
شيخهاف وليه متى
وفاءيمه بلاك مستعجله اللي نبيه صار انا الحين زوجته
شيخهوالله اخاف ينتهي مفعول اللي فيه
وفاء قربت من امها بخوفلا لاتقولين يما
شيخهلا لاتخافين اللي فيه مضمون ولا أحد يقدر يطلعه
وفاء تنهدت براحهآآآآه احسب احبه ومابيه يطير مني
شيخهحدي جوعانه ماعندكم شي ينوكل
وفاء ببتسامهالخير واجد
*
*
*
الساعه 11 الصباح…….
دخلت البيت بتعب اليوم طلعوا بدري تحت اصرار سماح دخلوا للبيت والتفتوا للصاله…..
فاطمه ببتسامه تخفي ورها ملايين من الآلآممنور البيت والله
سماح سلمت عليهابنورك خالتي
فاطمه تمسح على كتف هيفايما هونيها وتهون انشاالله ربي هيوفقك ليه كل هالزعل كلميها يما سماح
سماحفهمتها لاتخافين عليها خالتي وانا جايه عشان اضبطها اليوم يومها افرحي شوي هيوف
ابتسمت هيفا بصعوبه ماتبي تقلق امها عليها مسكت يدين سماح وطلعوا لغرفتها…..
سماح رمت عباتها وقربت من الدولاب تدور لها على لبس مناسبامممم هيوف كل فساتينك طويله نروح للمجمع تاخذين فستان قصير
هيفا تسدل شعرها على اكتافها بملللا مابي
سماح سحبت فستان فوشي طويل وناعمهذا حلو امممم قومي خذي شور عشان نبتدي بالميك اب وستشور لك شعرك والحق اروح البيت ابدل ورجع لك
وقفت هيفا قبل لاتقفل الباب وقفتها سماح…….
هيفاهلا
سماحتعالي دليني على غرفة هاجر
هيفا عيت تفتح باب غرفتها من امس
سماح تعالي بحاول مو خسرانه شي
خرجوا دلتها هيفا على غرفة هاجر ورجعت لغرفتها دقت الباب اكثر من مره وترجتها تفتحه بعد طول انتظار فتحت لها هاجر الباب توقعت تكون وحده من خواتها ماتوقعت تشوف الأنسانه اللي تعتبرها النسخه الثانيه لحبها قربت منها ضمتها وانهارت…….
دخلت سماح وقفلت الباب وهي تمسح على ظهرهاهاجر ياقلبي انتي حامل مايصير اللي تسوينه بنفسك
بعدت هاجر عنها ومسحت دموعهادريتي
سماح مسكت يدينهاإي دريت مبروك الله يقومك بالسلامه
هاجر بترددوووهو درى
سماحلا
قعدت هاجر بطرف السرير وسماح قبالها……
هاجر بشوقطيب هو كيفه بخير
سماحقبل ما انسى قومي جيبي النوته اللي كانت ببيتكم ابي رقم خويه عبدالله اكيد تعرفينه
قامت هاجر تدور بين الكراتيناي اعرفه هذا اعز خويانه بس ليه
سماح انتي جيبيه بعدين خير
جابت لها النوته تصفحوها طلعوا الرقم سجلته بجهازها والتفتت لها و مسحت على شعرهاهاجر مهما زاد حبك لفؤاد خلي كرامتك فوق كل شي بيعيه مثل ماهو باعك مع اني متاكده محد خسران بالنهايه غيره اهتمي بصحتك وبااللي ببطنك لاتبكين عمر الدموع ماترجع ولاتجيب اللي نبيه فؤاد ماتغير عليك وبس تغير على البيت كله انا الومه ومالومه لأني حاسه ورى سالفة طلاقكم وعصيانه لأمي وابوي وكرهه للبيت بسبب إنتي تعرفين فؤاد يمكن اكثر مني
هاجر إي اعرفه وهالشي هو اللي مو مخليني قادره اكرهه لليوم
سماح بترددحتى لو قلت لك انه امس تزوج
ارتجفت يدينها ونزلت دمعه تلو الأخرى وقفت حست بدوخه قربت منها سماح وسدحتها على السرير بخوف من وجهها اللي قلب لونه اصفر ضربتها بخفههاجر هاجر تسمعيني
هاجر رفعت يدينها بعدتها وغطت وجهها باللحاف وقفت سماح عند راسهاهاجر تكفين لاتسوين بحالك شي لاتزيدينها على هيوف قومي واسيها حاولي تفرحيها بهاليوم يكفي ان ابوك جابرها خليها تحس بفرحتكم لها عشان تقدر تفرح
انتظرت منها جواب لثواني خرجت وتوجهت لغرفة هيفا لقت هناء وهدى عندها خبرتهم باللي دار بينها وبين هاجر ضاق صدرهم بس حاولت تغير جوهم شوي عشان هيفـــــــــا
*
*
*

{`•.¸ سأبــــــدأ مِـنْ جَــديــــد`•.¸ }
بَكُل عَزيمةٌ وَحزْم

{`•.¸ {`•.¸ سَـأبــــــدأ مِـنْ هُنَــــــا `•.¸ } `•.¸ }

بِأبتسَااااامتي وَأملِي وَعزيمَتي