أحبتي أعضاء ومشرفي ومرتادي غرام
ألامس صفحات غرام همس القوافي بـ "فقيرة"
استمرت كتابتها أكثر من 3 أشهر
ولم أنتهي منها إلا بعد قراءة قصيدة وصلتني من زميل يحكي فيها عن معاناته بعمله بعد أن تم طرده!
واعذروني على الإطالة
~~!!~~ فـقـيـرة ~~!!~~
فقيرة … وكلها حيرة!
انسفت كل المعاني *** فجرت معنى الأماني
دمرت فيني زماني *** عطلّت كل الثواني
وهي فقيرة … وكلها حيرة
تصدقون ان الأرض ماهي مستديرة؟؟ *** مستحيل!! بس ماهي مستحيلة!!
اشلون؟؟ كافينا حيرة! *** بسيطة هي .. بس خطيرة
غناها … غنى فاحش *** وثرية هي لابعد حدود
وبنفس الوقت فقيرة وكلها حيرة *** وبينها وبين الغنى صدود!
اشلون؟؟ أميرة وفقيرة؟
قلنا الأرض مستطيلة؟ … مستحيل!
أميرة وفقيرة ، مستحيلة؟ … مستحيل!
اشلون؟؟ عندي دليل؟؟
كلكم بعيوني وعقولكم دليل
افتحوا باب القصر .. وشوفوها
ياهو أثاث وتكلفته غالية
وياهي جالسة على عرش عالية
أو يمكن تلقاها ملابس بالية
مرمية هناك بالحظيرة!!
لا ، قوية مرة الأخيرة
هو قصر .. يعني مافيه مكان للبالي
كله لازم يكون غالي بغالي
الله أكبر .. وحسنه وحده العالي
جميلة هي .. وأحلى ما خلق ربي بهالكون
بس ياترى من تكون؟؟
تنتظر كل العيون؟
تنتشي والناس يشوفون؟
يتفرجون … يتلذذون
وعن غض النظر مايبون
وهي تبيهم أكثر يطالعون
يتفرجون … يتمحصون!!
شوفوها قدامكم هذاهي
وقتها كله تلاهي
وبأتفه الأشياء تباهي
ابظنها مافي سواهي
معقولة؟؟ تكرم أميرة!
فاهمة وواعية ومستنيرة
راقية ودربك تنيره
محشومة … وجداً قديرة
اسمها أميرة .. وفقيرة
احترنا؟ وازدادت الحيرة؟؟
والعذر .. قصة كبيرة
أميرة .. وماهي أميرة .. وفقيرة!
طولتها؟ توها قصيرة!
ماهو بنثر وهم وخيال *** ولاهي بقصص تنقال
ولاهو بلعب عيال *** أو مجرد حاكم وينشال
الحقيقة بتظهر لا محال *** منظومة تورثها أجيال
مفضوحة! مافي مجال *** ولك ياهذا عندي سؤال
تشوف وتفهم الأحوال؟ *** وللأمور عندك مكيال؟
أبسألك وش هي الحكاية؟ *** هي بداية كانت ، أو نهاية؟
وبالصدق تنتقي أية رواية؟ *** استمع واصبر واخشع كفاية
وبعقلك افتح كل الزوايا *** ركز وشوف ايش الحكاية
فكر وخذ واعطي معاية *** ليش الصدق أصبح نكاية؟
والصراحة لابد لها من كناية *** ولو بديت تحكي الحكاية
!! يقول لك الكل كفاية !!
وما ينسمع منك كلام *** والنصيحة ينقال عليها ملام
وتتهم بحيازة وتعاطي الأوهام *** يقولون لك اسكت وعيش بسلام
خل عنك الفلسفة وعد الأيام *** وردد ياليل ما اطولك ونام
!! وياشيخ استريح وبسك أحلام !!
عجيبة!! والله حرام!!
ان تعرّت أمة واتفصخت *** وبمستنقع الشهوات اتوصخت
وبكل مفاتنها رقصت واستعرضت *** وبشرفها استلذت واستعوضت
مجدوها وكبروها وعظموها
وفهموها انها صارت أميرة
وبحسنها شبهوها بـ"شكيرة"
ولو كان من الأحرار أبوها
ومنعها وحبسها بالديرة
قالو عنه أبشع كلام
ووبخوه وشبهوه بـ"صدام"
غريبة!! وآآآه ياسلام
لما الحقيقة تصير أوهام
ياجماعة ايش هي الحكاية؟؟؟
سياسة؟؟ قضية خطيرة؟؟
نحاسة؟؟ بقصة مريرة؟؟
كياسة؟؟ وبطن كبيرة؟؟
خياسة؟؟ بنزوة حقيرة؟؟
نجاسة؟؟ وأمة قديرة؟؟
كبرتها؟؟ ماهي صغيرة!!
الحكاية والحقيقة ياسادة
مايبيلها حكم ولا قيادة
الحكاية
ان البشر طغوا بزيادة
والتعري أصبح ريادة
والرذيلة صارت قيادة
وعدونا اخترع الحيادة
وما انجبت امة ولاّدة
وااااحد!! بس وااااحد يشبه صلاح الدين؟؟
دمروا الحصن المتين
استهدفوا عبر السنين
بنقص العقل والدين
يدفنوهم بالوحل والطين
وبراية الحرية ينادوا
وبنزوة الرغبة يمادوا
حتى الكريه يسوسوه ويسادوا
والمعدم الصابر يستغلوه ويعادوا
رهيبة!! وتبقى كئيبة!!
هي الدنيا من فوق أميرة
وبوسطها زحمة وفقيرة
وبالحالتين هي هي حقيرة
ان شريتها باعتلك الهم
وان عاديتها تسبحك بالدم
تبي تناديها تسبقك بالـ"سَِم"
وجرب بس تجافيها تقولك تم
لبيك وسعديك يابن العم
افتح الكنز واغترف كل ما تبي
القصر موجود والجواري تنسبي
والقبر معدود وين وين تختبي
ياويلك من بعد ما الصقوا بك الارهاب ياعربي
سخفتها؟؟ عنها حكيت؟؟
بقولك يمكن ما دريت
خنزير وقال للقرد رميت؟
داخل الغابة السموم حطيت؟
طيب تمام good زين ما سويت
اغويهم وفرقهم ودمر عليهم البيت
خل الخيانة تحتل عرش الأمانة
واصنع لهم حكاية عن غول زمانه
يكبر ويتحكم وبالخوف يملى مكانه
وبعد ما اصول اللعبة يحبكوها
وبدكة القوة كل الديار يخربوها
وعليها وعلى الرذيلة يرجعوا يبنوها
ولنواياهم الخسيسة المرأة يوظفوها
يزعزعوا فيها العقيدة .. ويمحوها
والحكاية
ترجع وتبدأ مرة ثانية من البداية
وخطوة خطوة يقسموا كل الأمم ويفرقوها
ويرجعوا يحكوا لنا عن الحرية ويعولموها
وحنا نصر ونستمر ونمشي وراهم
وبانحطاط وضعف وهوان أمتنا نساهم
وبالأدلة أثبت اني ماني واهم
نحكي لبعض؟
نفتح في القلوب أبواب؟
ياصاحبي باقي تدور وتسأل عن الأسباب
ماشفت ايش صار بديار قايمة عالانتخاب
والدمار والنار والسخط لطاعتهم ثواب
وان تمردوا وبالحق نادوا صارت الحرية عقاب!
ومهما حلفت وحلفت انك صادق ، قالوا كذاب
ياصاحبي لا تفكر ان بنيتي اسوي انقلاب
حط يدك بيدي بصدق وحقيقة نكون أحباب
خل صوت الايمان فينا ينسمع ويبقى مهاب
تعال نتساعد ونتكاتف ولمنهجيتنا نخط كتاب
ياصاحبي عن اللي حصل معاك احكيلي
اشكي لربك ومن بعده اشكيلي
خل الحكايات بكل شخصياتها مبهمة
ولا تذكر في حروفك أسامي
ولو الأمور في محيطك متأزمة
جيب لي المثل ومثله قدامي
أتوقع المقصود سهل تفهمه
الا اذا كان بالمقلوب كلامي!
ياصاحبي لا تظن اني ابعلن عن قدومي
كل اللي بغيته بس اغسل همومك بهمومي
وبهالفقيرة بحكي لك وببشرك بعلومي
أبسألك عن بعض المواطن وبحكمك بمفهومي
بالمبادئ وبالأساس حطيت *** وشفت الغلط يوم عليهم مريت
ويهددك رئيسك بالفصل *** لو عن الإبداع والتميز حكيت
وتمتحن بالدين والأخلاق والأصل *** وياويلك لو عن التقدمية نسيت
واذا فيك من الكرامة والعزّة خصل *** تمتهن وتهان وين ما وليت
ياصاحبي حكايتنا حكاية بصل!!! *** ابشكلها تلمع ، بس ريحتها شميت؟؟
وياللي تحس انك بهالدنيا مظلوم
قلي اش بغيت من هالفقيرة؟؟
مركز وسلطة وقوة وهجوم؟؟
أموال وملايين وفلوس كثيرة!
ومن رصيد الجنان تكون محروم؟
وين العقل في ناس بالدنيا أسيرة!
وياللي تسب مديرك بيوم
ايش سوى فيك؟
فضل عليك سكرتيرة؟؟؟
مافي أحد بالدنيا معصوم
ولا تسوى أبد هالفقيرة!
،، احترامي ،،
راااااائعه
سطرها بوح ومشاعر صاادقه
ما اجمل ما رسم وصور لهذه المعاناااااااااه
دمت بكل الود
تقديري وفائق احترامي
:1dsfdsgs4
وياللي تحس انك بهالدنيا مظلوم
قلي اش بغيت من هالفقيرة؟؟
مركز وسلطة وقوة وهجوم؟؟
أموال وملايين وفلوس كثيرة!
ومن رصيد الجنان تكون محروم؟
وين العقل في ناس بالدنيا أسيرة!
شكراً لك ياطيب
على كلماتك الذهبية00(( الواقعية ))
و
و
و
تحياتى إليك
ملامسة اولى رائعه
تجعلنا بلهفة الى ملامسة جديد قلمك
ليكون له بريقه في غرااام
ويعطرنا با اجمل الكلام
تحياتي لك
لاعدمنا الله تواجدك
دمت بخير
اخوك
جروح روح
لا املكـ
حيال النــص
الا ان اباركـ الجهد
لعيونكـ
راقي الحرف
سيد النــــــــــاس
شكرا لكـ
الفيصل
كلمــاتك الــرائعــه تحمــل الكثيــر
والكثيــر مـن البـوح المتمكــن ..
أبــداع آخــر يجبـرنــا علـى متابعــة ما يسطــره
احاسيسـك وافكـارك ..
بكــل مـا يحملـه قصــدتـــك الغيـر عــاديــه
مـن تفاصيــل مؤثـرة بكـل فــؤاد يمــلك
ولــو ذرة مـن الاحســاس يدفعنــا الـى التفـاعـل
معـك ومـع حـروفــك..
دمـــت مبـــدع
وتقــــبل منـــي اجمـــل تحيـــة
كيف حال الأغنياء؟؟
هل صحيح ما سمعت
أنهم يحسدون الفقراء؟؟؟
وبأنهم لا يشعرون بطعم الماء
ولا يتلذذون بالنوم رغم الرخاء؟؟؟
كيف حال سجنهم الكبير
الذي يحرسه العبيد؟؟؟؟
أتساءل ؟هل يحلمون مثلنا
أم أحلامهم لا تتعدى الكبرياء؟؟؟
خدم وحشم وحراس و مدينة يسكنها الضعفاء
للبحث عن لقمه تسد أفواه الجياع
في قصر لا يُشاهد فيه إلا موائد ُتقام
من دون ظروف وترمى فيهاالألوف0!!!
هل يلعبون بالطين ويشكلون العجين؟؟؟؟
وهل يشعرون بالحرمان ومُعآناة الإنسان؟
هل يبكون مثلنا وماذا يبكيهم؟؟؟؟؟
أهزيمة خيل أو فقدان طير؟!!!
قصور فخمه ونساء تتمايل في الليل
والنهار وملابس تنسج من عرق الفقراء .
كيف حال الحرير والكشمير وخشب الزان وزهرة اللوتس
وحجر الزمرد والكهرمان هل ينعمون ؟؟؟؟؟؟؟
و اللوحات الجداريه بالرسوم غنيه والبروايزالذهبيه
والأواني الفضيه
والتماثيل التي تراها كأنها حيه
فهي تزين قصورهم فهل ستكون في يوم من الأيام منسيه؟؟؟؟
والديك الذي يوقظ الأسرى
ويزعج القصور لكي ينهض من يعدالفطور0
فعواطفهم خليط أكثرها مادية أورماديه0
كل شي عندهم يشترى بالمال لأنهم التجّار0
ولكن لايستطعون شراء راحة البال
والعيش دون أن تمس أجسادهم لساعات النار
وهذا أمر محال وهذه عداله
الأقدار وإن اعتقدوا غير ذلك
فهم من الأغنياء الأغبياء
الذين يستحقون الفناء 0
شهريار الحب
حروفكـ من واقع الحياة
وحروفي من واقع الزمن
فالعلاقه بين الفقراء والأغنياء
علاقه عكسيه وطرديه
دمت رائع أخوي
،، ناصر الذبياني ،،
يا هلا وغلا بشاعر المنتدى
الروعة الحقيقية في تواجدكم يا غالي
والجمال في حضوركم وملامسة حروفكم
شكراً لك من القلب على هذا الإطراء الرقيق
لا عدمتكم أحبتي
دمت بود
،، احترامي ،،
،، anobeees ،،
العفو أختي العزيزة
أتمنى أن نواجه الواقعية بجدية
حضورك دائماً له رونقه الخاص
لا عدمتكم
شكراً لكِ
ودمتِ بود
،، احترامي ،،
،، جروح روح ،،
يا هلا الله وغلا بالغالي جروح
الروعة في حضوركم وتواجدكم وتواصلكم ياغالي
أتمنى أن يسعفني الحظ في التواجد
وملامسة حروفكم الجميلة بالجميل
لا عدمتكم أحبتي ولا حرمني الله منكم
دمتَ بود
،، احترامي ،،