ياللي غلاكم فايق القلب والعين 2024.

لكم مني هالمتواضعه

#poem_558dd6c877e44 td { font-family: ‘Traditional Arabic’, Arial, Helvetica, sans-serif; font-size: x-large; font-weight: bold; }

بأسم الغلا برسل ورود ورياحين

للي أحبه واعشقه موت واهواه

ياللي غلاكم فايق القلب والعين

لله در الحب مغلاه محلاه

يامنوة قليبي وحلمه من اسنين

انت الوحيد اللي من الناس وابغاه

ياحب ياللي هاقين فيك ثنتين!

موعد لقانا وهقوة الجرح ودواه

خلنا على درب المحبه وماشين

كل العمر لو طال درب المعاناه

خلنا نعيش الحب بالود وافين

نبقى على عهد المحبه ومبداه

نبقى علي طول الزمن كالعناوين؟

قصة غرام وكل هالناس تقراه

القلب مايقوى على الصد يازين

ليت الهوى مفرق طرق وأتعداه

عزاه ياقلبن تهقوا له الزين

شاف العنا والضيم والهم واشقاه

القلب لو تدري تقسم لنصفين

من هجرك وصدك يون يصرخ الااه

القلب لو وده يبي شوفه الحين

ماينتظر باكر على امال لقياه

القلب ياروحي غدا بين نارين

نار اشتياق ونار هجرك تصلااه

تعال خذني وحطني بين ضلعين

والله لحبك حب صافي من اقصاه

تعال خذني وظمني بالشرايين

بجري مثل مايجري الدم مجراه

بيدك مفاتيح الحشا مع قفلين

اقفل على قلبي واخذ ماتمناه

خذ كلمتن مني ومابين!! قوسين

(حبك في قلبي لو على الكون يملاه)

الحب له دستور مبداء قوانين

اتعب على حبك ودور وتلقاه

اللي يعذل القلب عند المحبين!

جعله بما يبلا المحبين يبلاه

ما شاء الله
كل حرف كتبته كان في غاية الإبداع
لله درك على هذا الإبداع
سعدت كثيراً بقراءة تلك الأحرف
لروحك السعاده الأبديه الدائمه

كنت هنا
حنايا الروح الكويت
من قلب الكويت