احنا 4 بنات كتبنا روايه وهي واصبحت به مفتون والسبب نظره
رواية قطريه تتكلم عن فتاه اسمها روز ، امها امريكيه وابوها قطري تدور القصه حول تاقلم روز مع عائلتها الجديده وحبها الجديد ..
هذي اول روايه لنا ، وان شاءالله تنال اعجابكم ،
في صباح يوم جديد كل من رايح دوامه و غانم كان توه قاعد من النوم مسك تلفونه وانتبه ان الوقت متأخر و ان في مسج من عمه يبيه بسرعه فز من مكانه قضى حاجته و بدل ملابسه و نزل مسرع ، لقى امه حب راسها كان بيطلع الا صوت امه تناديه..
ام غانم: شبلاك مستعجل ماتريقت ياوليدي.
غانم: مستعيل مستعيل يما .
طلع من البيت و ركب سيارته و سيده على الشركه!
(قبل خمس ساعات في امريكا ..)
ام و بنتها كانو طالعين بالسياره ، معلين على صوت الاغاني و يغنون مع الاغنيه فجاءه جات سياره مسرعه و دعمت سيارتهم، انقلبت السياره جا واحد من الي يتمشون وشاف الحادث و اتصل على الاسعاف لين وصل الاسعاف شل الام و بنتها وداهم المستشفى..
في غرفه البنت كانت ريلها مكسوره و فاقده الوعي مرت 3 ساعات تحت الملاحظه لين قامت ، جاها الدكتور عشان يكلمها..
روز: what happened ? why am i here ? mom? mom? where is my mom? where is she?!
الدكتور: i’m sorry rose but by the time she got here she had already lost so much blood we really tried but there was nothing more we could do.
خلوني اعرفكم على روز..
"روز بنت قطريه امها امريكيا عمرها 19 سنه ابوها اسمه ناصر الي هو عم غانم."
روز: what? what did you just say?what the hell are you saying? my mom cant be died she cant leave me !!!
الدكتور: im so sorry rose there is nothing left to do.
انهارت روز و حاول الدكتور يهديها بس ما كان في فايده ، عطاها ابره مهدء ورقدت روز ساعه كامله و بعدها قامت ، استوعبت الي صار و رجعت تصيح ، جاها الدكتور و سالها اذا في حد يقدر يوقع اوراق المستشفى.
روز: i have..had no one here i lived alone with my mom, my father is in qatar you can contact him if you want.
الدكتور: can i have his contact number and information please ?
روز: yes its +974********
الدكتور: hello is this rose nassers father?
بو تميم: yes it is, who are you?
الدكتور: my name is doctor jeremy smith unfortunately there has been a accident, your wife have passed away. I’m sorry for you lost.
بو تميم سال بخوف و حزن :what about rose my daughter? is she fine?
الدكتور: yes she is fine just some leg injury but she will be fine.
ابو تميم بزعل و راحه في نفس الوقت: الحمدالله.
روز: can i talk to my dad please.
الدكتور: yes sure her you go
روز: daddy?!!
بدت روز تصيح.
بو تميم: شفيج يا بابا.
روز: mom is died!!
بوتميم: الله يرحمها هذا قضاء و قدر تصبري حبيبتي.
روز: بابا انا اللحين بروحي ما عندي حد.
بوتميم: لا تخافين بابا انا بطرش لج حد يجيبج عندي الدوحه.
روز: اوكي.
بو تميم: take care حبيبتي.
روز :انشاءالله.
(و نرجع الدوحه..)
كان مسرع فالسياره يبي يلحق على عمه، بعد ما وصل راح سيده لعمه، شاف عمه متضايق.
غانم: امر عمي شكلك متضايق.
ابو تميم:والله مادري شقولك يا غانم بس ماريا عطتك عمرها •||غانم الوحيد الي يدري عن زواج عمه لان كان قريب منه وايد||•
غانم منصدم: متى؟ وشصار؟ و شلون بنتك؟
ابو تميم بضيق: هذا الي صار يا غانم واذا ما عليك امر ابيك تروح و تجيبها من امريكا بأسرع وقت.
غانم: انشاءالله عمي تامر.
حجز غانم تذكره على الساعه ظ¤ العصر، علـى ما رجع البيت و جهز اغراضه و خلص راح المطار و ركب الطياره..
وصل غانم مطار امريكا كانت الساعه ظ¦ الصبح في امريكا من المطار سيده راح المستشفى و سال الممرضى الي ف الاستقبال.
غانم: I’m here for rose nasser can you tell me where she is?
الممرضه: she is in room no.12 level 5.
غانم: thank you.
وصل غانم الغرفه و قال في نفسه اخيراً و صلت عقب هل تعب، طق الباب ما حصل رد دخل الغرفه و لقى روز نايمه و تم يتامل في جمالها و سرح فجاءه بطلت عيونها روز و انصدمت و صرخت.
روز: whoareyou and why the hell are you here?
غانم: I’m your cousin, your dad sent me to bring you back.
روز بزعل و عصبيه: why can’t he come pick me up himself ?
غانم: he is busy with work , he sent me to take you back .
زور بعناد: I’m not going back with you, call my dad let him come to me .
غانم: ياليللل شفيها ذي and why not?
روز: لان كيفي.
غانم منصدم و قال: اذا عندج شي قوليه حق ابوج انا الي علي اسويه، و دام من البدايه تعرفين عربي ليش ما تتكلمين؟ ولا بس تحبين التفلسف؟
روز: انا حره و كيفي اسوي الي ابيه.
غانم في نفسه: شفيها ذي شايفه نفسها ولسانها طويل.
غانم: يا يبا كيفج بس انا الي علي بسويه انا بروح ارتاح و بكره بمر عليج اخذج.
روز: قلت لك مابي اروح معاك.
غانم: هاي الي عندي مع السلامه.
وانتهى البارت ..
السلام عليك ورحمة الله وبركاته
موفقآت بروايتكن عزيزتي
يُنقـــــــــــل لـ قسم الروايات الطويلة
يعطيكِ العافية
اول ماطلع…
روز: الحمدلله والشكر حده مغرور.
راح غانم الفندق، حجز له غرفه، خذ شور، كلم عمه بوتميم وقاله شصار معاه وطمنه على بنته، قاله انه احتمال يرد عقب باجر لان بيرخصون روز ولحد الحين ماجهزت اغراضها، عقب ماخلص من المكالمه حط راسه على المخده وتم يفكر ف روز لين مانام.
في صباح اليوم الثاني قعد غانم من النوم وراح ستاربكس خذ له و لروز كوفي، راح لها المستشفى طق الباب.
روز: come in.
دخل غانم..
غانم: السلام عليكم.
روز: نعم ليش جاي!
غانم يسوي روحه ماسمع شي وقرب منها ومد لها الكوفي.
روز: مابي منك شي.
حط الكوفي على الطاوله اللي جنب السرير وطلع بدون مايتكلم وراح كفتريا المستشفى وهو متضايق من اسلوب روز معاه ، يفكر هو شنو سوالها عشان تنفس عليه جي.
اما عند روز ..
لما شافت ان غانم طلع وهو ساكت ومتضايق كسر خاطرها بس ماحبت تبين له وخذت كوب الكوفي وشربته وقالت فنفسها ((شعرفه ان احب لاتيه مع كرميل)).
جات الممرضه تبي تغير المغذي ..
روز: Did u see the man that just got out from my room?
الممرضه: The handsome one ?
روز وهي كاتمه ضحكتها: yes ! Can you call him please ?
دخل غانم وهو متنرفز منها..
غانم: نعم ؟!
روز: i need to pack my stuff so we need to get back home.
غانم ابتسم : مابغيتي يامعوده.
ضحكت روز بدون ماتعلق ونادى غانم الممرضه.
الممرضه : how can i help u dear?
غانم : i’m taking her back home,if you can just help me carry her up.
بعد ماساعدته الممرضه وحطوها على الـ(wheelchair) دزها غانم لين السياره ، وبدآ مشوارهم لين بيت روز طول الطريج محد فيهم تكلم ..
وصلو البيت وجاتها الخدامه عشان تساعدها في تجهيز الاغراض.
بعد ماوصلها غانم راح السفريات عشان يحجز لهم تذاكر للدوحه، بعد ماخلص رجع البيت.
غانم: روز انا حجزت تذاكر لباجر الصبح الساعه 8 وبنوصل الدوحه الساعه 10 فليل، عمي اللي بياخذنا من المطار.
روز: why the hell ليش حاجز الصبح!!
غانم: why the hell بعينج ! هاي اللي موجود مافي طياره غيرها، وبعدين انا مب فاضي عندي شغل ابي اخلصه يلا انا ماشي الساعه ظ¥ الفجر بكون عندج اجهزي بسرعه.
طلع من بيتهم وراح الفندق على طول ، اول ماوصل قط روحه على الفراش ونام.
قام الساعه ظ¤ الفجر على الاذان صلى واتصل عشان تقوم وتصلي وتجهز روحها لان الساعه 5 بيمرها وصكر منها راح يجهز نفسه، صارت الساعه 5 وراح لها لين ماطلعت راحو المطار ، خلصو الاجرائات المطلوبه ، اتصل على عمه عشان يستقبلهم وقاله انهم فالمطار وبيوصلون الساعه 10 فليل.
ننتظر ردودكم
(بعد مرور 14 ساعه..)
بو تميم: يبا تميم قوم معاي المطار.
تميم: ليش يبا من جاي.
بو تميم: ولد عمك غانم.
تميم: دقيقه ابدل و اجيك.
بوتميم: لا تعطل.
راحو المطار..
و هم ينطرون تميم لمح وحده شعرها كستنائي وعيونها خضر و اول ماجا على باله ان غانم تزوج امريكيه انصدم لما شاف ابوه يلمها..
بوتميم: روز سلمي على اخوج تميم.
تميم انصدم اكثر يوم عرف انها اخته و طول الطريق يفكر شسالفه..
اول ما وصلو البيت الكل متفاجئ من روز و هي الوضع عندها طبيعي و مرتاحه انه حولها ناس، الكل فكر انها مرت غانم لانه هو سافر و رد بوحده اجنبيه و هند الي هي اخت تميم تضايقت من الي شافته..
ام تميم: شسالفه يا ناصر من هاذي.
بو تميم: استهدي بالرحمن خليني ارتاح و عقبها بفهمكم السالفه.
غانم: روز تبين شي انا بروح البيت.
روز: اي اقعد معاي احس نفسي غريبه بينهم.
غانم استانس انها ردت عليه باسلوب عدل..
غانم: تامرين امر يا بنت العم.
استحت روز و لفت ويها عنه..
جات فجر قعدة يمها..
فجر: انا….
قاطعتها روز وقالت بسرعه: فجر صح؟!
استغربت انها عرفت اسمها و تكلم عربي بعد ..
روز مدت يدها : انا روز تشرفنا.
و خذت و عطت معاها فالسوالف و اندمجو مع بعض و على فكره هم نفس العمر
حزتها قدر غانم يرد البيت..صارت الساعه 12 فالليل ..
كل واحد راح غرفته فجر ودت روز غرفتها لين ما ابوها يعدل غرفة روز الخاصه..
في اليوم الثاني تيمعو العمان و عيالهم في بيت بو تميم..
ولما تيمعو قال بو تميم السالفه حق الموجودين واستغربت روز انه ماقال لهم وحز بخاطرها ، دفت الويل جير وطلعت من الميلس ، لحقها غانم ..
غانم : شفيج يبا متضايقه ؟
روز ساكته ومب عارفه شتقول ..
غانم سالها مره ثانيه : روز فيج شي ؟
روز قامت تصيح : اخاف محد يتقبلني توقعت ان ابوي قايل لهم عننا انا وامي
غانم ساكت ومايعرف شيقول ، نادى فجر وحاولت تهديها .. ارتاحت روز ان معاملت فجر ماتغيرت معاها ، دشت فجر ونادت كل البنات عشان تعرفهم على روز ، تجمعو في غرفة فجر وبدت كل وحده تعرف على نفسها ..
الهنوف : انا الهنوف بنت عمج راشد، عمري 23 سنه مهندسة بترول ، اشتغل في راس غاز
هيا : انا هيا اخت الهنوف ، عمري 20 وادرس طب بجامعة كورنيل
ساره : انا ساره بنت عمج سلطان عمري 26 سنه اشتغل مدرسه وانا عيوزرتكم هههههههه =)) (الكل ضحك) لالا امزح ، ريلي سعود وعيالي سالم وروضه ( على فكره سعود من برا العايله)
الزين : احم وانا الزين بنت الزين ههههه ، عمري 18 سنه ، ادرس بجامعة قطر مع توأمتي مها
ريم : انا ريم البنت الوحيده من بنات عمج وليد ، عمري 22 واشتغل بالبنك
هند(تطالع روز باحتقار وتتكلم بدون نفس): هند ، عمري 21 سنه ، ادرس اخر سنه بالجامعه ، وطبعاً بنت ابوج "ماتبي تقول اختج"
استغربت روز من حركة هند ، توترت شوي بس سفهت .. ابتسمت وصدت عنها
دانه : انا دانه بنت عمتج شريفه ، عمري 18 ووحيده امي ، ابوي الله يرحمه توفى من ظ£ سنين
الكل : الله يرحمه
كملت دانه : امين ، ادرس اول سنه بجامعة قطر مع الزين والمها
وبعد ما الكل عرف عن نفسه بدت روز تعرف عن نفسها ..
روز : انا روز بنت عمكم ناصر قدمت في جامعة يل دراسة حقوق كان مفروض اني ابدا بس الضروف ماسمحت لي في ثنوي اشتغلت سنه في walmark عشان اجمع فلوس انا وربعي رحنا رحله بعد التخرج ، رحنا كل مناطق امريكا
انصدمو البنات انها شلون تسافر مع ربعها بروحها
هند بخبث : يعني مسافره مع ربعج من دون امج ان شاء الله مايكونون شباب وتفشلينا !
انصدمو البنات منها وقبل مايردون على هند ردت عليها روز
روز : طبعاً في شباب انا كنت في ثنوي مع شباب يعني مافيها مشكله كلهم مثل اخواني ( في نفسها تقول خلني اعطيها على جوها) وابتسمت
هند انصدمت شلون تكلمها جي وواثقه من نفسها
هند : وابوي يدري عنج ؟
روز : اكيد يدري ماسوي شي بدون ماقول له
هند زادت غيرتها لانها كانت دلوعة ابوها وخذته روز ، وخذت غانم منها ( هند على بالها روز وغانم يحبون بعض)
دخل عليهم عمهم ابو روز وقال لهم كلهم ينزلون تحت ، خافت روز من ردت فعلهم لانهم ماكانو يعرفون عنها ، انزلو كلهم تحت تمت روز اخر وحده كل البنات قعدو الا هي تمت تطالع ابوبها
ابو تميم : روز هذي مرتي سناء امج الثانيه ، استغربت روز لما جتها سناء لمتها وباست خدها ، روز ابتسمت ، سلمت عليها وباست راسها
جا ابو تميم وعرفها على عماتها ، كل عمانها حبوها وتفاجئو من جمالها واكثر واحد حبها عمها ابو غانم كان وده انها تكون من نصيب واحد من عياله
سلم عليها ابو غانم : سلام عليكم ، شلونج يابنتي
ابتسمت روز : عليكم السلام ، بخير الحمدلله
ابو غانم : دوم ان شاءالله
روز : دام عزك ياعمي ، وباسته على راسه
غانم عجبه اسلوب روز مع ابوه ، كان يراقب كل حركاتها وكلامها مع ابوه وكلش ماكان في باله ان روز مأدبه بهالشكل ، لاحظت هيا ان اخوها يطالع روز وماشل عينه عنها ، هند لما انتبهت على هالشي تضايقت وراحت فوق ، لاحظت ريم ان هند تضايقت فراحت لها
ريم تطق الباب .. شوي وفتحت لها هند
ريم : هنود شسالفه ليش رحتي فوق ؟
هند بدت تصيح : ريييم ( وحظنتها ، طبعاً هند ماتعودت انها تخش شي عن ريم ) ، جفتي غانم شلون يطالع هالحشره روز ! عسى ربي ياخذها شوي وعيونه تطلع من مكانها
ريم : بس شذنبها روز ماسوت شي احسها تينن ، شكلها حبوبه وطيبه
هند : انتي شفيج واقفه معاها مو معاي ! اصلاً غانم يحبني انا بس ويلا طلعي برا خليني انام
ريم تفهمت ان هند متضايقه ومب حاسه باللي تقوله : اذا هديتي كلميني .. طلعت وبعدها راحت عند البنات
البنات : وين هنود ؟
ريم : ماتبي تبين ان هند متضايقه : تعبانه شوي راحت تنام
روز : فجر ممكن توديني الحمام ( عزكم الله)
سناء : انا بوديج يما
روز : لاخالتي لاتتعبين روحج
سناء : انا امج حبيبتي ناديني يما .. ابتسمت روز واستانس ابو تميم ان مرته تعامل روز مثل باقي عياله
روز : يلا فجر ابي الحمام( عزكم الله )
دزتها فجر لين الحمام ، روز : وديني غرفتح
فجر : مب قلتي تبين الحمام ؟
روز : انتي وديني الغرفه بقولج شي .. ودتها فجر لغرفتها
روز : فجر لاحظتي تصرف هند اليوم ؟
فجر : الصراحه اي لاحظت بس ماعرف ليش
روز : يمكن تضايقت من جيتي لكم !
فجر : ماتوقع بس يمكن تضايقت لان غانم الي جابج
روز مستغربه : ليش هي في شي بينها وبين غانم ؟
فجر وهي تضحك : لا بس هي تحبه وهو مايعطيها وجه
روز : اوكي بس هو جابني ماكان بيننا شي
فجر وهي تضحك : ادري بس هي تغار من كل شي
روز : الله يهديها ( روز في نفسها maybe he like her too )
فجر انتبهت على روز بس ماقالت شي ، قعدو يسولفون ، شوي وحد طق الباب ، فجر قامت تفتح الباب ، دخل تميم وقال لهم ان العمام بيمشون ولازم يسلمون عليهم ، انزلت روز مع فجر وتميم
ابو غانم : يلا يابنتي انا بروح وان شاءالله اشوفج قريب
روز : تو الناس ياعمي
ابو غانم : لا يابنتي بكره دوام وانا كبرت على السهر ، ان شاءالله اشوفج يوم الخميس بيت الجده
روز : خلاص ان شاءالله
سلمت روز على كل عمانها والبنات وتم غانم اخر واحد لانه كان يكلم عمه عن الشغل ، خلص كلامه وراح عند الباب ، لف شاف روز كانت تطالعه .. ابتسم لها وطلع
روز ماعرفت شنو الشعور الحلو الي جاها ، مادرت انها كانت تبتسم مثل الهبله
من فوق الدري كان الحقد والغيره مالي قلبها ، ماتقدر تتحمل تشوف غانم حبيب قلبها يبتسم حق وحده غيرها
هند في نفسها (والله لا اوريج ياحشره)
روز توها بتركب اللفت وشافت هند تطالعها باحتقار ، ابتسمت وراحت .. ماجا في بال هند الا ان روز تبي تقهرها
دخلت روز غرفتها تفكر باللي صار اليوم مع غانم والشعور الحلو الي حست فيه
رور في نفسها : معقوله بديت احبه ؟ لالا مستحيل يصير هالشي هند تحبه وانا ماراح اجرحها ، بس هالشي مو بيدي وهو مايحبها واصلاً يعطيها ويه ، افف لالا ماراح اخرب علاقتي مع اختي عشان ريال .. الله يكتب الي فيه الخير ان شاءالله ، غفت روز وهي تفكر بالموضوع
في غرفة هند .. هند متضايقه وماتعرف شتسوي ، ماجا في بالها غير ريم اللي تقدر تقول لها كل اللي بقلبها ، اتصلت بريم.. هند : هلا ريم
ريم: هلا حبيبتي شخبارج الحين ؟
هند : والله متضايقه ياريم من دخلت هالروز البيت وانا مب قادره ارتاح ماشفتي غانم شلون يبتسم لها اليوم
ريم زعلت على حال بنت عمها: هند حبيبتي لاتضايقين نفسج على هالاشياء محد يستاهل تتضايقين عشانه ، وربج ان شاءالله بيكتب لج كل الي فيه الخير وان كان غانم من نصيبج بتاخذينه غصباً عن الي مايرضى ، وان ماكان من نصيبج فتاكدي ان الله بيعوضج باللي احسن منه
ارتاحت هند من كلام ريم واقتنعت فيه ، وقتها حست ان محد يقدر يفهمها غير هالبنت
هند : مشكوره ريم والله ماتعرفين شكثر ارتحت من كلامج
ريم : ولو حبيبتي ماسويت الا اللي علي .. تمت ريم ع الخط مع هند لين رقدت عشان تتطمن عليها وبعد ماتاكدت انها رقدت سكرت الخط ونامت.
مرت الايام وماكان في شي جديد غير ان روز شالت الجبس وتحسنت ريلها وايد
قامت روز الساعه 4 الفجر توضت وصلت ، حاولت تنام بس ماقدرت فقررت تنزل تحت طبعاً محد موجود غيرها والكل راقد ، اول مانزلت روز تفاجأت باللي جدامها
تتوقعون شنو الي شافته ! وليش تفاجأت ؟؟
تفاجأت روز باللي جدامها ! شافت ريال طويل ، عريض ، اسمر ، جميل وعيوونه كبار
…: احم
روز منزله راسها و توها بتروح فوق
….(مستغرب مب اللي جدامه):من انتي ؟
روز : روز بنت ناصر ، وانت من !
….(منصدم): انا حمد ولده ، آمري الشيخه بنت اي ناصر؟
روز طبعاً سامعه عن حمد بس اول مره تشوفه:اممم خل ابوك يشرح لك السالفه
حمد: تعالي يايبا بلا ابوي بلا خرابيط قولي من انتي خلصي علي
اضطرت روز تقول له السالفه .. طبعاً حمد ماتقبل هالشي وحاول انه مايصدقها
حمد: شالخرابيط شايفتني ياهل جدامج تكذبين علي ؟
روز متوتره : ماكذبت هذا الصج !
حمد: وين الصج بالموضوع حدث العاقل بما يعقل يبابا
حمد تضايق من كلامها ودش غرفته على طول ، تم يفكر بالموضوع وماقدر يرقد ، نطر لين الساعه 7 واول مانزل شافه ابوه واستانس ، سلم على ولده الي حس فيه متضايق وسأله عن اخباره
حمد: الحمدلله يبا انت شخبارك؟
بو تميم : الحمدلله
حمد: يبا من هالبنت اللي بالبيت ؟
بوتميم: من ؟ روز ؟
حمد : اي يبا
بوتميم : هذي اختك يا حمد ( وبدا يقوله السالفه من البدايه وبالتفصيل)
حمد: وشلون هي من بعد امها ؟ قدرت تتقبل الي بالبيت ؟ وخواتي واخواني شلون معاها ؟؟
بوتميم: والله ياحمد اختك وايد متضايقه بدون امها ، ماريا كانت الام والابو والاخت بالنسبه لها ، بس الحمدلله بدت تندمج مع فجر شوي
حمد : الله يعينها ويصبرها
نزلو فجر وروز وحبو راس ابوهم ، قعدو كلهم على طاولة الطعام
تميم: يبا اليوم مب رايح الشركه عندي كم شغله بخلصها وحمد انت بتجي معاي
حمد : انا ليش اجي معاك روح خلص شغلك بروحك
تميم : يعني ماتبي تجي معاي نروي روز الدوحه؟
حمد حب يتعرف على اخته اكثر:دام جي السالفه ليش لا
بوتميم: اي زين تسوي من جات الدوحه ماطلعت من البيت
فجر : عيل حتى انا بغيب عن الجامعه وبجي معاكم
حمد : انتي شتبين من عزمج قلنا اختنا زور
روز ابتسمت واستانست على الفكره
حست ان في حد يطالعها بقو ، لفت على هند اللي عطتها نظرة كره ، هند في نفسها :(خذت ابوي وقلنا ماشي، خذت حبيبي وقلنا اوك ، اما تاخذ اخواني كلهم صوبها هني ماسمح لها)
هند:انا اليوم ماعندي دوام بجي معاكم
تميم : شفيكم حبايبي ترى قلنا روز مايبنا طاريكم
هند بعصبيه : كل شي روز روز من جات هالروز واحنا مالنا رب في هالبيت
حمد وتميم استغربو من كلامها ..
حمد: هد اعصابك يالذيب
هند دزت الاكل وقامت : الحمدلله شبعت
ام تميم : يما ماكلتي شي صحنج مثل ماهو
هند : شبعت افف .. وراحت ركض غرفتها تتصل على ريم
قبل نص ساعه في بيت العم وليد ..
ناصر يكلم خالد: دريت حمدو رد من السفر الفجر
خالد : احلف
ناصر : والله الصبح تموم كلمني وقال لي
خالد: خلاص اليوم عازمكم بمناسبة ردت حمدو الحب
ناصر : شعندك خلود صاير كريم ههههههه
خالد : لاتخليني اكمل
ريم كانت قاعده وسمعت الحوار الي صار بينهم واستانست ان حمد رد (على فكره ريم تحب حمد من يوم كانو صغار )
راحت فوق غرفتها ، لقت 10 مكالمات من هند ، اتصلت لها
ريم: صج اللي سمعته؟
هند : شسمعتي بعد ؟
ريم: ان حمد رد من السفر
هند: اي من قال لج
ريم: سمعت اخواني يتكلمون
هند: اها
ريم: شفيج
هند : يعني شفيني من يات هالروز وانا مب متهنيه في حياتي
ريم: استغفرالله
هند: والله تخيلي اليوم اخواني تميم وحمد بيطلعونها ولما قلت لهم بجي معاكم فشلوني قدام الكل
ريم: يعني انتي بعد الله يهداج تدخلين روحج في اشياء
هند: حرتني شسووي يعني خذت كل الناس الي احبهم ابوي غانم اخواني وفجور حتى امي تحبها وايد ومحد قام يعبرني مثل قبل ، قبل كنت دلوعه البيت الحين محد معطيني ويه
ريم : لانج قاعده تعاملينها بحقد شوفي فجر شلون معاها ومكانها في البيت ماتغير ، واذا على ابوج ماخذته لانه اساساً ابوها من قبل
هند: بس مب قادره اتحملها ، بحاول اصير قريبه منها عشان تقول كل شي وماتخش علي
ريم : عفيه عليج خليكي قدعه هههههههه
هند: هههههههه
ريم : يالله حبيبتي take care
هند : وانتي بعد
هند وهي تفكر شلون بتتقبل روز ، غفت لانها مارقدت عدل فالليل
عند روز راحت الغرفه تتجهز عقب ماقال لها تميم الساعه 12 بنطلع
في كتارا…
روز : المكان حده عجيب كلش ماتوقعت ان الدوحه جي حلوه !
تميم: اي يبا شعبالج عيل
حمد : اكيد حلوه دام انا فيها
تميم: لا صح صادق اخووي
حمد وروز : هههههههه
حمد : ها يلا متى نتغدا تراني يوعان
روز : انا خاطري اجرب ال rice
حمد : اوكي يا رايس انت بنوديج زعفران
تميم : زعفران في عينك ابي لوزار
حمد : كيفك انت ! ، يلا يلا زعفران ، مسك يد روز وسحبها جهت المطعم ، تميم حب يعاند ويلعب باعصاب حمد ، مسك يد روز الثانيه وسحبها الجهه الثانيه .
تميم : لالا لوزار يعني لوزار
روز حست نفسها لعبه بينهم ابتسمت على اخوانها
روز : من الكبير فيكم ؟
تميم فيه الضحكه : انا
روز : حمد اليوم نروح مع تميم والمره الجايه نروح المكان الي انت تبيه اوكي ؟
حمد : اوكي بس عشانج ، وابتسم لها .. حمد حس انه قاعد يحب اخته اكثر ، كل ماقعد معاها عرف انها عاقله وفاهمه وطيبه
راحو كلهم مطعم لوزار ، وقفو كلهم عند الباب لين جاهم القرسون
القرسون : table for how many people?
حمد وتميم سكتوا وخلو روز تتفاهم معاه
روز : for 3 please
القرسون : right this way
وداهم القرسون لين اخر شي فالزاويه ، حمد قعد جنب روز وتميم قدامها .. جاب لهم القرسون المنيو وقال لهم انه بيرجع بعد خمس دقايق
حمد : ها روز عجبج شي ؟
روز : حيرني والله وايد اشياء حلوه ! اوكي شرايك انت تختارلي بس اهم شي فيه عيش
حمد : اوكي ، واذا ماعجبج الي طلبته طلبي غيره
روز : اوكي بس …
قاطعها تميم : حمد مب جنه الريال الي هناك غانم ولد عمي راشد ، حمد لف على اخوه وتابع نظراته على الريال اللي كان قاعد مع ريال وحرمه
اذا مافي تفاعل مابنكمل..
الرواية جميله