خل عنك العذر والأسباب دام الحب ضاع
كان ودك بالفراق ابشر عسى عمرك طويل
لاتردد وأنت لك كلمه ولك أمرٍ مطاع
لي عليك انك تبت بكلمه تشفي الغليل
ولك علي إني لأوقف وقفة الرجل الشجاع
لاتجاملني مخافة قال مدري خوف قيل
عمر هرج الناس مايسمن ولا يغني جياع
كان قصدك سر حبك اوعدك لأصبح بخيل
واحمل أسرارك معي للموت قدر المستطاع
بس قلها .. قل ما احبك .. وابشر بصبرٍ جميل
لاتحسب إني مثل من طبعهم لوي الذراع
صاحبك ماهو كذا .. ياصاحب القد النحيل
صاحبك طبعه غريب وغربته غربة اطباع
فالهوى مايقبل الحل الوسط ولا القليل
مثل ماهو لا شرا يشري اليامن باع باااااع
ثابتٍ لو هي تميل الأرض حدره مايميل
يدري إن الفقر ماهو عيب والدنيا متاع
ماعشق لذة حياته كثر عشق المستحيل
ولا كره حتى مماته كثر كره الانصياع
كم تعلمت من شديد البدو وش معنى الرحيل
وكم تعلمت من غروب الشمس وش معنى الوداع
وكم تعلمت من سحاب الصيف وش معنى الحصيل
وكم تعلمت من ليال البرد وش معنى الضياع
إيه .. أنا هذا .. طريقي موحش وصعب وطويل
وانت لامنك تعبت العالم فجوجه وساع
اعتبرني في بداية سكتك عابر سبيل
ورح وأنا قلبي معك من وين وجهت الشراع
يكفي إني لاذكرت بسالفة عشاق قيل
عاشر احبابه شجاع وفارق احبابه شجاع
| كان ودك بالفراق ابشر عسى عمرك طويل لاتردد وأنت لك كلمه ولك أمرٍ مطاع |
كلمات رائعه بروعة كاتبها وناقلها
يسلمو فهد على النقل المتميز
تحياتي
| اعتبرني في بداية سكتك عابر سبيل ورح وأنا قلبي معك من وين وجهت الشراع يكفي إني لاذكرت بسالفة عشاق قيل |
ابيات روعة
يعطيك العافية اخوي فهد
الله لايحرمنا من ابداعك
تقبل مروري
اخوك "كروووم"
شاعر راقي جدآ
وانا وحدة من المعجبين حقيقة بقصائده
يعطيك الف عافية عالنقل
يسلم عمرك ع النقل الاكثر من رائع
وادمت السعاده بأيامك
كم تعلمت من شديد البدو وش معنى الرحيل
وكم تعلمت من غروب الشمس وش معنى الوداع
يعطيكـ ألفـ العافيهـ على النقلـ المميز ,,
سلمت يمناكـ ,,
بإنتظار جديدكـ ,,
النقل رائع
دمت بنقاء
|
المشاركة الأساسية كتبها frfoooorah
 كلمات رائعه بروعة كاتبها وناقلها
يسلمو فهد على النقل المتميز تحياتي |
الروعه بمرورك على متصفحي
يعطيك العافيه على التواجد الاكثر من رائع
دمت بود
كلمات مرره حلوه
والاكثر روعه من نقل هذهـ الابيات
اهنئك على ذوقك الرفيع
ونقلك المميز دائم
يعطيك الف عافيه
تحياتي لك
اختك:
اوتـ,الحزن,ــار