كنت أظنك أنت لجروحي دوا ماظنتي هالعمر بنعيشه سوى / بقلمي 2024.

كان يحاول يستوعب الصدمة الي جاته من مرته الي يحبها ومايرد لها طلب .. دلال تخونني ! والف شيئ يدور فباله الصدمة كانت قويه عليه وهي جنبه تصيح وتترجاه يسامحها …
دلال : عادل تكفى سامحني
عادل : ……..
دلال : عادل والله ماراح اعيدها غلطه وماراح تتكرر تكفى عشان امي
عادل : عشان خالتي بسامحج بس مابنكون نفس اول ولا تحسبين اني بسامحج من قلبي لا بس عشانج بنت خالتي وابي لج الستر واذا تكررت الغلطه كل واحد يشوف حياته بروحه

عادل عمره 27 متزوج بنت خالته دلال صار لهم سنتين وسيم
خشمه سله سيف وشعره كثيف وناعم وعيونه كبار وجمييل شخص طيب وحنون حيل وعقله كبير و متفهم …

دلال عمرها 24 دلوعه حيل ومايعه مربربه شوي شعرها ويفي لونه كستنائي وكثيف و عيونها جميله بس مو ذاك الزود ..

————————-

في مكان بعيد عنهم شوي …
بدور : شيخوو رقم غريب يدق ؟
شيخه : ردي عليه شوفي من !
ردت عليه وهي الخوف يملي قلبها .. ردت وقالت : الوو ؟
: وين دلال جوالها مغلق ؟!!
بدور خافت وسكرت ف ويهه
" هذا من وليش داق ليكون ليحين دلال تكلم!! لا مااعتقد بس ليش يسأل عنها اكيد يعرفها "
وقطع تفكيرها صوت شيخه الي تلوح لها بيدها : هيي وين وصلتي من داق ؟
بدور : واحد داق يسال عن دلال !!
شيخه : منو هاي!! تهقين يعرفها
بدور : ماعرف والله قومي نرقد وبكره يصير خير
شيخه: اوك تصبحين ع خير

-بدور اخت عادل عمرها 23 شعرها لين كتفها وضعيفه عيونها كبار ماشاءالله وجميله –
– شيخه اخت عادل اكبر من بدور عمرها 25 هاديه واقرب وحده حق دلال وحنطاويه وشعرها قصير حيل –
————————–
الظهر 12:30
بدور : احلفيي ! وشقال ؟ شسوى !! عصب ؟؟؟
دلال بضحكه ماصخه : هههههه شوي شوي علي
شيخه : زين تحجي
دلال : شاف الصور وشاف المكالمات وبغى يوديني بيت اهلي تخيلوا قلبي وقف بس عقب كم دمعه من دموع التماسيح حن علي ورضى
بدور : دلال خلاص مصختيها انتي على ذمه اخوي وانا مارضى الصراحه !!
دلال : ………
بدور : دلال انا حذرتج اذا جفتج مره ثانيه تكلمينه بفضحج جدام الكل واخليج بيزه ماتسوين
دلال بتحدي : شبتسوين يعني ؟ نسيتي انج من البدايه ماتكلمتي وسترتي علي ؟ ولا تبين اذكرج ؟
بدور : كنت غلطانه يوم اني سترت عليج
دلال : اذا نطقتي بكلمه بقول
انج كنتي معاي بكل شي وانتي كيفج "خلتهم وراحت "

————————–
كانت قاعده بغرفتها والدموع تملي عيونها وتفكر بحالتها "انا متى بفتكك من ذي العيشه " قاطع تفكيرها دخول عمتها عبير الي تكرهها

عبير: مهااا قووومي غسلي الصحون وانشري الهدوم
واذا خلصتي اعطيج موبايلج
مها : توني مخلصه خليها عقب
عبير : نعم؟؟ عيدي شقلتي !! قلت لج قومي جدامي اشوف!
مها : خلاص دقايق وبنزل
عبير سحبتها من شعرها ونزلتها المطبخ

-مها بنت يتيمة الام جميله شعرها يوصل لتحت ظهرها حنونه كتومه كلمة جميله شوي عليها –

————————————————————-

كانت بلحمام تتكلم بهمس ف الموبايل
..:طلال حبيبي ماقدر والله
طلال: ساره بكره اشوفج حاولي تطلعين مع اختج
ساره:خلاص بكره اكلم دلال واحاول ف ريلي بعد
طلال: اوك اشوفج ف الافنيووز الصبح

الساعه 10:25الصبح ف الافنيوز ..

كانت سارهه قاعده مع طلال بكوفي ستاربكس ..
دلال كانت تدور مع بدور

بدور تأشر: دلال شوفي ذاك من مساع يناظرنا ويلحقنا !!تعرفينه؟
دلال بتوتر باين : هاه وين من؟؟
بدور :شوفيه قاعد يطالعج!! انتي الي قايلتله صح!! انتي ماتخافين متزوجه اخوي وتسوين جي
دلال بخوف: شفييج انتي تطلعين سوالف من مخج وتصدقين انا ماعرفه اصلا اول مره اشوفه .
بدور :فهميني عيل ليش كل ماطلعت معاج نشوفه!! ويطالع وانتي حركاتج واااايد واضحه
خلت دلال ومشت عنها وهي التفكير مو راضي يخليها " معقوله!! ليحن ع سوالفها ماتتغير !! واخوي؟ عادل مايستاهل والله يحبها شلون اهي تخونه افف تعبت من التفكير خلني اروح اقعد بكوفي راحت ستاربكس وشافت الصددددمه الي ملت عيونها دموع هاذي ماتخاف انا حذرتها بس ماكو فايده هاذي ماتستاهل عادل والله ماتستاهله لو عادل او حد من اهلها او اخواني شافوها شبيصيرر ماتخاف ربها

راحت لين عند طاولة ساره وطلال و دلال ومشاري ..
قالت بصوت عصبي: دلال منو هذا ؟؟
مشاري :وانتي شتبين تسألين
بدور : دلال قاعده اكلمج ترى !!
دلال بضحكة سخريه:هه حبيبي.
بدور والصدمه بعيونها "بكل ثقه تقول حبيبي !!هاذي ماتخاف اعلم اخوي عنها تخرب حياتها بنفسها وماسك ايدهاا بعد بس لحظه هذا الويه مو غريب علي !! صح هذا الي ف كل مجمع اشوفه ايي هذا هو وشفته بعد بلشاليه كان موجود!! معقوله يجي معانا كل مكان عشان يشوفها!! شلون انا ماحسيت ومحد حس فيها قطع تفكيرها الي بيشيل مخها صوت دلال
دلال :بدور انا و مشاري بنروح شوي ونرجع خلج اهني و اذا خايفه ع اخوج يدري وينكسر قلبه ي حياتي لايطلع منج شي ومشوا
مشاري : ي حلوه ادفعي الحساب .. وراحو

بذي اللحظه بدور قعدت تصيح ع حظ اخوها متزوج وحده ماتسوى ويدلعها واهي تلعب عليه وقاصه عليه وعندها بدال الحبيب عشر ولمن تطلب منه شي يسويه من حبه لها فكرت اذا عادل عرف شبيصير هذا اخوها لو دلال احملت بيكون مننه ولا من غيره ؟ فكرت بحياة اخوها الي مايدري عن مرته ويحبها واهي لاعبه فيه عشان حبه لها استغلت الفرصه وثقته لها ..و امها بتتضايق اذا تطلق و خالتها ام دلال مستحيل تصدق حتى لو شافت بعيونها سوالف بناتها بتكذب عيونها بس بناتها مايغلطون شتسوي ؟ تخلي دلال تسوي الي تبيه واخوها ع عماه لهدرجه في ناس بذي الحقاره هو يبي لها الستر وسامحها واهي ماتحس لهدرجه عادي عندها انه بدور تعرف !!
رجعت البيت بدور مع دلال والصمت يمتليهم بلسياره لين وصلوا البيت..
دلال:سلام خالتي
ام عادل: وعليكم السلام .. وينكم طولتوا؟
بدور ناظرت دلال نظرة عتاب ع الي سوته : لا ابد يمه رحنا تفطر وشفنا وحده من ربعي
ام عادل :صعدوا بدلوا يمه ع مايجون اخوانج وابوج ونحط الغدى
بدور : عليكم بلعافيه يمه انا مابي بصعد انا تعبانه شوي
ام عادل : براحتج
—————————————————

قامت من النوم ونزلت وتغدت وخلصت
خذت موبايلها عشان تكلم رفيجتها واقرب الناس لها

….: الوو
..: هلا خلوود اخبارج حبيبتي ؟
خلود: الحمدالله بخير وانتي
..:دوم ايي الحمدالله
خلود: بقولج عهودو بكره بتداومين
عهود: مادري ياخي مالي خلق
خلود: اوكك قولي لي اذا قررتي
عهود: اوك عقب اكلمج
خلود: اوكي باي

يوسف : من كنتي تكلمين ؟
عهود : هاذي خلود
يوسف : يحليها .. عهودو بطلبج طلب
عهود : اووه يوسف صاير موْدب شسالفه
من وين طالعه الشمس اليوم
حذف عليها النعال وقال : متعوده ع جي صح
عهود : ترى مب فاضيتلك اخلص علي
يوسف :ابي اكلم رفيجتج اطقطق عليها
خل نشووف ردة فعلها اشرايج
عهود: اي اي معاك ولله افكارك عجيبه
يوسف : خلاص بليل نسوي خطتنا اوكي
عهود : اوكي
———————————————–

كانت قاعده تنشر الهدوم بلسطح ومشغله
لها اغنيه وسرحانه ومو حاسه بشي..

جاتها عبير: مها خلصتي ؟
مها:…………………
عبير : انتي هيي ! اكلمج
مها : ………………..
عبير : يعني متعمده ماتردين علي !!
راحت وسحبتها من شعرها
مها: شفيججج!! شعري شعري ايي يعورني هدينيي!
عبير : لمن اكلمج تردين علي فاهمه !!
مها : والله ماسمعت والله كنت حاطه السماعه
عبير : خل الاغاني تنفعج
راحت وخذت المفتاح وسكرت ليتات السطح وقفلت الباب
قعدت مها بزاوية السطح ولمت نفسها وقعدت تبجيي بحرقه متى بتحصل حنان ؟ امها راحت وخلتها ؟ ابوها مخليها ع عمتها عبير وعمتها قاسييه ومعذبتها تبي تطلع عشان تكلمه عشان هو الوحيد الي عطاها اهتمام تتعب يسمي عليها محد يحبها كثره بس دام عبير موجوده مستحيل يتغير شي اخخ وينج ي يمه

——————————————

دلال : حبيبي
عادل : امري حبيبتي
دلال : متضايقه خلنا نسافر عشاني 🙁
عادل : من عيوني كم دلال عندي
دلال : صجج؟؟
عادل : اي حبيبتي نروح دبي اشرايج ؟
دلال : اي تكفى ابي اغير جو
عادل : خلاص عطيني كم يوم لين احجز ونجهز
دلال: الله لايحرمني منك
عادل : امين ولا منج
————————————————–