قول أحبك وأترك الدنيا لعيونك/بقلمي 2024.

اتركم مع البارت الأول
v
v
يوم الخميس ومثل كل يوم خميس جالسه تتظبط بجناحها وتنتظر بنات خالها وعمامها يجون
لها بعد مالبست تنوره ناعمه سوداو بدت معناة كل مره تدور بلوزه تخفي سمنها لانها
غير عن كل بنات خالها وعمها بالجسم بالرغم انها تملك جمال لا يتخيله عقل ولاتصدقه
عين عيونها كبار ولونها رصاصي فاتح خشمها حد السيف وواقف وفمها مليان وصغير ولونه
وردي مما يخليها تعاني مع مدرساتها انها دايم حاطه روج بس عيبها بجسمها جسمها
سمين مره شموخ وهي تطالع البلوزه بتأمل:اففففف مافي شي حلو علي وطفشت من كل اسبوع
لابسه اسود بأسود <<نزلت عيونها للأرض ودمعه نزلت من عينها وبصوت مكسور:اكره نفسي
<<دخلت غرفة الملابس اللي مليانه شنط&جزم&عطورات&مكياج&اكسسوارات&الماسات من احلى
واغلى الماركات واللي تفتقر للملابس هذا لأنها ما تلقى كثير ملابس مقاسها اخذت لها
بلوزه سوده وراحت تتمكيج بعد ساعه سمعت الجرس طلعت تركظ عشان تفتح الباب لظيوفها
منال مرت ابوها:شوي شوي يا فيل هزيتي البيت كملت شموخ مشيها بدون ما تعطي اي
اهميه لزوجة ابوها اللي تعودة منها هذي الطريقه بالكلام عند الباب دخلو البنات
اللي يموتون بجلست شموخ وعلى قولهم ماتحلى القعده الا بـ شوشو<<شموخ لانهم تعودو
على خفة دمها وطيبت قلبها وحكمتها وقت الحاجه وادبها واخلاقها ونشامتها
شموخ :ياحيا الله من جانا
مايا وهي تدخل بدفاشه وهي تظمها:هلابس ياحيي مشتاقه لك
شموخ بظحكه:ههههههههههههههههه طيب حيلك طيرتيني
مايا بعدت عنها وهي تكش عليها:مالت عليك بلا مالت عليك وعلي انا اللي مشتاقه لك
ملاك وهي تدف مايا: اقول طسي بس خلينا نسلم على القمر هذي <<وسلمت عليها وهي تقول:مشتاقه لك
شموخ:والله وانا مشتاقه لكم اكثر <<وهي تطالع وراهم وبسغراب :وين الباقين
ملاك:الدفعه الثانيه جاين
شموخ بتسائل:مع من بيجون
مايا:مع السواق
شموخ:وانتم مع من جيتو
مايا:مع صقوري
شموخ:اها
مايا:المهم خلينا ندخل

(مايا: بنوته طيبه مره عمرها20بشرتها برونزيه <<متشمسه>> عيونها وساع سودا ومكحله وخشمها واقف وفمها حلو
جسمها حلو بالحيل شعرها يوصل اخر ظهرها صابغته عسلي وطالع عليها جنان واللي يميز شعرها انه كيرلي طيوبه
وهي صديقة شموخ الروح بالروح ومخطوبه لأخو شموخ)
(ملاك :عمرها 20 بشرتها بيضا وشعرها يوصل كتوفها اسووود وحرير جسمها حلو ماهي نحيفه ولاسمينه فيها الخير طيوبه وزي العسل
تحبها من تشوفها وهي صديقة شموخ الروح بالروح بس مو مثل مايا)
من بين السوالف والظحك دق الجرس شموخ وهي تقوم بشوية صعوبه وببتسامه:هذا هم جو
ملاك ومايا وهم يقومون بخفه:هلا هلا مابغيتو تجون
سحاب وهي تفك النقاب بعفاشه:اسكتي واللي يعافيك وقسم بالله ان سواقكم هذا حمار ويبي له تكفيخ
شموخ وهي تبتسم بنعومه:ياخي انتي متى بتبطلين عفاشتك والعربجه ذي
سحاب وهي تنط فوقها وتحظنها:حبيبتي وش انا بدون هالعربجه <<وهي تسبل بعيونها وتقلد المصاريا:مئدرش اعيش
شموخ وهي تاخذ العبايه منها:طيب يختي الله يخليكم لبعض <<سلمت على الباقين ودخلو الصاله اللي تحكي الفخامه بين اسقفها العاليه
والأندماج بين اللون الموف والذهبي
شموخ و:ياحيا الله من جانا
مايا طالعت فيها بنص عين:ليش وجهك مقلوب ذبت عليك الجراده كلمه
شموخ بلعت ريقها وببتسامه تخفي قهرها:لا وهي تقدر
مايا مهي مصدقتها لانها تعرف شموخ اكثر من نفسها حتى:ايه صدقت
شموخ بتصريف طالعت البنات:ها صبايا تبون الديجي الحين ولا شوي
داليا:انا اقول شوي الا وين الحلى اللي وعدتيني فيه انشالله ماسويتيه ترى والله متوحمه
عليه
البنات:هههههههههههههههههههههههههههههههه<< ظحكو على شكلها وهي شوي وتبكي
رفيف:اقول يالمشفوحه تونا جايين امداك
داليا:انشالله تبيني استحي من شموخ
فرصعت فيها شموخ = الطريقه اللي نخوف فيها الأطفال نفتح عيونا ونطالعهم بشر ^_^
داليا خافت ورفعت يدينها:معليش اهدي اهدي اعتذر ياشوشو
شموخ :تعرفون اني اكره اسمي ليه تنادوني فيه لاتنادوني الا شوشوشايفين اخف واحلى
دانيا اخت داليا بنذاله مزح:مسويه دعايه للقب يا شموخ ااا << تعاندها
افياء تطالعهم ومو عاجبها الوظع وبتكبر توجه كلامها لدانيا:اقول اسكتي لا تجي الفيل
هذي تنط عليك تموتك
سحاب ظربتها على كتفها وبصوت عالي:ياقليلت الأدب ماعندك احساس انتي وش شايفه نفسك
ليش تغلطين على البنت والكلام اساسا ماتوجه لك ولا تعودتي كل ماشفنا وجهك لازم مشكله
افياء:خير وش قلت كذب ليش كلكم تجاملونها خلوها تحس على دمها شوي وش تحسب نفسها
ترى كلها كتلة شحم تمشي بالأرض مدري على وش تحبونها انتم
ابتسمت شموخ وقربت منها وبصوت مكسور:الله يسامحك اذا كنتي تبيني اتذكر ف مو بهذي
الطريقه تذكريني واحب اقولك انو مو محتاجه تذكريني تدرين ليش
<<بكت وبتنهيده:ملابسي تذكرني مرت ابوي تذكرني المرايات تذكرني نظرات الناس تذكرني
بنظراتهم وأني اموت عشان اطلع بلبس من السوق حلو علي وحتى لو ماعجبني يذكرني
كل شي حولي يذكرني مو زعلانه منك ولا راح اغلط عليك بس اعرفي انه شي مو بيدي وانا
حاولت كثير انحف بس كل محاولاتي بائت بالفشل بس تدرين قولي الحمدالله انه مو ابتلاء
فيك وانا راضيه بأني كذا هذا ابتلاء الله ماحطه فيني الا لان له حكمه فيه
مايا قربت منها وحظنتها وطالعت اختها بقهر دايم تحطها بمواقف شينه:خلاص حبيبتي اهدي
وحقك على راسي والله لاوريك فيها
نزلت على ركبها شموخ وببكا وانهيار:حتى انا ما ابي اكون كذا حتى انا اكره اكون
كذا كل الناس والنظرات وكل شي حولي ينبذني لمن اروح اشتري 7 او 8 متر قماش عشان
افصل فستان يتريقون علي ولمن ادخل محل من عند الباب يقول مافي مقاسك عندنا لمن
اروح كفي او مطعم وابي اجلس على كرسي منفصل يجلسوني على كنب يخافون اكسر الكرسي
اكرهههههم كلهم اكرهـ نفـ سـ ـي <<تغيرت ملامح وجهها للألم وبصوت متقطع
<< قلـ بـ قـ لـ بـي ااااه زرق وجهها <<واغمى عليها بداء صراخ البنات
يعلى :شموووووووووووخ
مايا وهي تظرب وجهها وتحط عطر على خشمها:شموخ شموخ تسمعيني
<<ببكا:بنات وحده تكلم اسعاف بسرعه ولاشوفو سيف ولاسليمان احتاسو البنات اللي طلعت
تدور احد من اخوانها واللي تدق على الأسعاف
كل هذا وافياء موقفه مكانها مثل الصنم مو مستوعبه اللي سار من تحت دبش كلامها بدون
عمل حساب له
************************************************** ****************************
المستشفى بعد ساعتين الكل قاعد بتوتر طلع الدكتور وهو منزل راسه:والله يا ابو سيف
مدري وش اقول لك
سيف بتوتر يحس انه بيذبحه على بروده:طمنا يا دكتور وش فيها
ابو سيف يبي شوي امل:اترجاك يادكتور طمن قلبي على بنتي
الدكتور:لازم عمليه
ابو سيف بفجعه:عملية ايش ؟؟؟؟؟
الدكتور: ,,,,,,