في غيابك تعلن الدنيا وفاتي 2024.

انشاء الله تكونون بدووم الصحه والعافيه…

طبعا هذي اول رواية بقلم توأم روحي!soso!

واتمنى منكم التشجيع…

واتقبل جميع الانتقاد…ولو ما عجبتكم قولوا لي توأم روحي ستوووب أو لا تكملين وانا ما راح اكمل..

وتنحذف الرواية ولا كأنه شي حصل…

البــــارت راح ينزل بعد يومين بأذن الله

البــــــــــــــــــــــــــارت الأول**
صحت الصبح ع الساعه 8 تروشت و صلت ونزلت تحت شافت الكل صاحي..
شذى:صباح الخير..
الام:صباح النوور ..غريبة طولتي بنوومتك مو من عوايدك..
الاب:ما تنلام من بنتك ما خلتها تنام الا الفجر…
سامي شرق بالقهوة:كح كح كح ..منو تقصد فيهم لا يكون شرووقووه؟؟
شيماء وهي تصب له كاس مويه:اييه اكوو غيرها ظلت جمب شذى للفجر وبطلعت الرووح رضت تفارق و ترووح غرفتها..
شذى وهي تجلس:لا عاااتي حصل خيير اهم شي انها ما تتعاود تنام معي..
كملوو فطوور وبعدها كل منهم توجه الى غرفته .. أنا مع شيماء لترتيب غرف النوم وبعد ما خلصنا جلسنا في غرفة الجلوس شيماء تغير من قناة الى قناةوالهدوء
عاام البيت وفجاءة التلفوون يرن رفعت انا على السماعه ..
شذى:هلا..
الخالة:هلا بيك بنتي اخبارك؟؟
شذى: هلا خالتي بخير والحمدلله..وانتي اخبارك؟؟
الخالة:بخير والحمدلله..
شذى:دووم يارب..
الخاله:تدووم افراحك…الا وين امك؟؟
شذى:دقايق بس اناديها..
الخاله:طيب
…………..
شذى:شيمووه روحي نادي على امي خالتي ام شادي تبيها..
شيماء:وليه ما تناديها انتي؟؟
شذى:شيوووم قلبي روحي ما ابي خالتي تنتظر اكثر..
شيماء:طيب طيب..يماااااااااااا..يمااااااااااااااااااااااااااا
الام:وصمـــــــه وش تبين؟؟
شيماء:خالتي ام شادي تبيك على التلفوون..
الام:خير انشاء الله..<<اخذت السماعه من عندي ..
هلا باختي..بخير والحمدلله..ايه كلهم بخير..اليووم؟! طيب مو مشكله …خلاص حنا بعد صلاة المغرب عندكم..يلا فمان الله..مع السلامه..
بعد ما سكرت امي السماعه سألت أمي:يمه وش فيها خالتي ام شادي؟؟
الام:ما فيها الا الخير بس تبينا نروح لها بيتهم عازمتنا على العشا هناك….
بعدها رحت غرفتي عشان ازهب نفسي لليل وإذا بجوال يرن غنية ميامي.."اهــــواك"..
أنا أهواك
ويل ياويلي ويلي ويلي ويل
حبيبي وانا احبك حيل
يا يا ويل آه ياوي
انا اهواك انا اهواك ودي كل يوم القاك
واعيش معاك يا حبيبي
ولا اقدر في يوم انساك ولا اقدراجافي هواك
وهذا الشي مو بإيدي
ليش العمر يروح ويضيع الهوى
كلمة ترد الروح تجمعنا سوىيا أغلى البشر يا عمري انا
كلدقيقة تروح في بعدك سنة ياعشق الروح وتاج الراس وكل الحبوالاحساس
ياغير الناس يا حبيبي
حياتي فداك والله فداك فدى عمرك فدىدنياك
ولا لي سواك ياحبيبي
لك في القلب شوق واحساس ودفىحبك عالي فوق محروس بوفا يا أغلى البشر ياعمري انا كل دقيقه تروح في بعدك
سنةاهواك ياعمري انا اهواك ياروحي انااهواك لا لا لاتنساني
وياك لو تبعد عني وياك ياقطعه مني
وياك يمك حولك تلقاني

هوووووووووب هووووووووووووووب

دموووووووعـ مشاااركة سلاماااااااااات<<من الونااااسه..

خقاااااق هااااااه ..المهم ولا يهمك اطوله لك..يا بعد قلبي انتي…احبـــــــــــــــتس..

طلال:عن جد مختارين واحد جاهل مايعرف يسوق!!

سامي:طلال انا سويت اللي عليي وما فزت.

طلال:ايوه لانك بزر.

سامي:احفظ السانك انا ماسبيت عشان تقول كذا.

طلال:طيب وان ما سكتت وش راح تسوي..

سامي من غير ما يمسك نفسه عطى طلال كف يصحي من اللي هو قاعد يقوله…
طلال ما استوعب بيرد الكف بكف ثانيه ..لكن الكف ما صاب سامي صاب شذى..ايوه شذى تدخلت بسرعه عشان اخوها وفعلا
قدرت تسوي اللي تبه..<<في هذي اللحظة في مين فز قلبة عليها..

طلال:شذى انا..انا اسف..

شذى:شنو انتو كل اشوي هواش في هواش..العب حلاته بالمنافسه مو الهواش والضرب…

سامي:شذى تألمتي؟؟

شذى:اخوي احنا موقت ان نتهاوش او تتضارب احنا في لعب الحين بس علشان خساره بتقلبونها هواش تونا في البداية …

طلال:صحيح كلامك..

شذى:طيب يا طلال انا الحين ابيك تتسامح من سامي لأنكم راح تظلون عيال عم ولا انا غلطانه؟؟

طلال:كلامك يابنت عمي على عيني وراسي..

تسامح طلال من سامي ورجعت لقلوب على بعضها .

شذى:طيب ياطلول دارك انت وي العنوووود..

طلال: وانا قدها..

العنوود والبنات يحمسوها:لاتكون واثق ابشر بالهزيمه..

طلال:السباق يحكم.

وبتدا السباق وكانت خطة طلال انه يخلي العنود في المقدم واذا قرب خط النهاية يسبقها …وصحيح وحصل التعادل ما بين الفرقين البنات(1 )والعيال(1)..

طلال:هاشباب عجبتكم؟؟

شادي:اكيد..يا بو وليد.

طلال:مشكور..

العنود:والله هذي هديه منا لكم..

تركي:لا..زهبو ا حالكم للهزيمه…

شذى:طيب خلونا نرجع للسباق.دار مشاعل وتركي..ها مشاعل بيضي وجهنا..

مشاعل:ولا يهمك..

العنوود:يالله خلينا نرد لهم الصاع صاعين..

شيماء:العنود صادقه ..وريهم قوتنا..

ندى ظلت ساكته..

مشاعل:ندووي حبيبتي وش فيك ساكته ما عندك شي تقوليه؟

ندى:لا بس اقول الله يوفقك..

شذى لاحظت على ندى الشروود بس ما حبت تضايقها..

شذى:طيب يالله مستعدين!!

تركي:اكيد …

العنوود:ايوه شوشو والحماس عال العال عندنا..

شذى:طيب يالله انطلقوا

انطلقوا وكانت السرعه نفسها والحماس بينهم نفسه وكل واحد منهم مصرر على ان الفوز له..وظلوا نفس السرعه الى خط النهايه بس طلعت مشاعل قدها وسبقت
تركي بلحظات قليله وهذا اللي خلاها تفوز….النتيجه الحين البنات(2)والعيال(1)..يعني باقي مبارتين و تنحسم النتيجه …..

شذى:الف الف الف مبروووك للبنات وعقبال الفوز..

شادي وهو يناظر شذى بنظرات غريبه:ايوه الف مبروك لكم بس لا تتحلمون يمكن لنا الفوز.!

طلال:وانت الصاج..

سامي:طيب يا شذى منو الحين..ترانا متنا من الجوع..

البنات كلهم ضحكوا على كلام سامي..

سامي:وش اللي ضحك؟؟

ندى:و انت ماهامك الا بطنك هههههههه….

العنووود:لا …لا شكله اشتاق لجلست الحريم وتأكله
عمتي…ههههههه…..

العيال بدو يضحك على كلام العنوود لانهم تخيلوا سامي جالس جنب امه وتأكله….

شذى:الصراحه في هذي صدقتوا هههههههههههههههه..

شيماء:بسكم خلونا نكمل السباق..

شذى:لحظه العيال نسيت اقول لكم شي ؟؟

سامي:شنو خلصينا؟؟

تركي:وشو بعد؟

طلال:الله يستر…

فواز:الله يعين ….

شادي و بتخمين:انا عرفت شنو بتقولين الاكل علينا صح؟؟

البنات ضحكو..هههههههههههههههههههههههههههههههههه

شذى:بنات تصدقون هههههههه العيال رايحين فيها ميتين من الجوع…

العنوود: صدق من اللي قال اقرب شي للرجل معدته…ههههه….

ندى بلا شعووور ضحكت:الصراحه انا عمري كله ماشفت مجاعه مثلهم…هههههههههههه..

فواز:طيب يالله خلصونا..

شذى:هههه..طيب طيب انتوا نسيتوا الجائزه شنو؟؟

سامي:صحيح..

تركي:طيب شنو؟

شذى:اذا فزتوا علينا…نسوي لكم عشا مع انه البنات عارضوا هذا الاقتراح…

طلال:طيب واذا فزتوا انتو؟؟

شذى:في هذي عليكم تقنعون ابوي وعمامي انه نروح دبي ..

شادي:واحنا قدها …ولا انا غلاطان يا شباب؟؟..

سامي:الصراحه خوش فكره..

مشاعل:طيب خلونا نكمل السباق…

شذى:ندوووووي حياتي يالله دورك انتي و فواز…

ندى:طيب ما طلبتي شي..

فواز:اقول استعدوو للخساره..

شيماء:انت محد كلمك وش دراك يمكن الفوز لنا ترى ندوووش قدها.<<غررريبه شيماء تدلع ندى لا الدنيا صاير فيها شي!!

طيب ابتدا السباق وكانت النتيجه لصالح فواز…لكن نقلبت الموازين وصارت لصالح ندى….وفي نص الطريق فواز حاول يسوي مقلب في ندى لكن ما قدر…
.وقربوا من خط النهاية…مجرد ما شاف فواز العيال قدامه زاد من سرعته وفاز وصارت النتيجه(2)للبنات(2)للعيال….
وصلت ندى للبنات بس قبل لا توقف بالسيارة سوت حركه تفحيط قلبت لعيال بها ….اول ما نزلت ندى استلماها البنات ..<<احلى يام تفحيطات
العنوود:ما هقيتك كذا..

شيماء:علقنا كل املنا فيك…

مشاعل:افاااااااا…

شذى:بنااااااااااااااااااااااات بس كم على صديقتي نسيتوا باقي انا و شادي…..

ندى اول ما طريت شادي نقزها قلبها ماتدري ليش…
اما عند لعيال مستانسين صراخ وهيصه…..

سامي:يالله شادي روهم قوتنا…

فواز:كسر راسهم…

تركي:يالله شد حيلك..

طلال:يالله قلوبنا معك…

البنااات وصايه ويحمسون في شذى…
طيب ابتدا السباق….ولا اقول الخيكم للبارت الثالث احسن…..