يخطون وأخطـي.. عذرنـا هاتـف فـلان؟؟
ومــن عـادتـي ماأهـتـمّ بـالـلـي يـقـولـون
من غلط في رقمـي .لقـى الـردّ غلطـان
ألـيـن جــاء فـــي يـــوم ..دق ّ التـلـفـون
شفـت الـرقـم.. لقيـتـه أشـكـال وألــوان
فـتـحـت جـوّالــي أبـعــرف مـــن يــكــون
سـمـعـت صـــوتٍ فــيــه بــحّــه وفــتّــان
قالت لي: أنت سعود؟ قلت: ايه بالعون.
لعيونك.. أسمي سعود لـو كـان ضيـدان
قالت :أظنّي مخطئـه. قلـت :وشلـون؟؟
قـلـبـي تـوقّــف مـانـبـض فـيــه شـريــان
بـالـهــون يـابـنــت الاجــاويـــد بـالــهــون
مــن عـــادة الانـســان يـرتــاح لإنـســان
تسـمّـعـي يـابـنــت وأبـلـيــس مـلـعــون
اخــذي كــلام ٍ مـصـدره صــدق وجـــدان
مـانـي بقـايـل لــك: أنــا إنـسـان مـزيـون
أطـرق ولالـه شبـه فـي الانـس والجـان
أنـــا مـحـمّـد.. وافـــي الـهــرج مــــوزون
أوزن كـلامــي.. قـبــل اقـولــه بـمـيــزان
وأنــا الّـــذي لاحـــبّ ..لايـمـكـن يـخــون
مخـلـص مـدامـه حــيّ .ويـمـوت مـاخـان
وأنــــا إذا حـبّـيــت.. حـبّــيــت بـجــنــون
حـبّــي يـفـجـر داخـلــي ألــــف بــركــان
وأنــا الّــذي مـاأطــرد ورى مـــن يـقـفّـون
مـن صــدّ عـنّـي عـمـد.. بجـزيـه حـقـران
هــذي وصـوفـي .وأكثرالـنّـاس يـشـرون
وإنـتـي عـلـيـك الـيــوم تـقـديـر الأثـمــان
قالـت :أشـوفـك قـمـت يامحـمـد تـمـون
تـضـحـك وضحـكـتـهـا تـقـاسـيـم فــنّــان
قلـت :الميانـه.. ماهـي بضحكـة سنـون
أحــيــان ماتلقـيـنـهـا بــيـــن الأخـــــوان
تــرى الميـانـه شــيّ واضــح ومـضـمـون
إذا أجتمع شخصين.. فـي قلـب ولسـان
قـالـت :كـلامـك وافــي ٍ يـابــن خـلــدون
أحيـان أحـسّ إن جلستـك بيـن شيبـان
يامحمـد .إسمـع كلمـة البنـت ميـسـون
أسلوبـك ووقتـك.. مـضـت دونـهـا أزمــان
هـــذا زمــــن قــدواتــه أفــــلام كــرتــون
وهــذا زمــان أرجـالـه أجـســاد وأبـــدان
قالـت.. وغنّـت لـي علـى وقتـي لـحـون
قلت: إسكتي من بعد ماخاطـري شـان
أنـا أدري إن الوقـت.. مـن دون فــي دون
لـكـن فـمـان الله وإنــس ِ الـلــذي كـــان
قلتـه وأنـا صـامـل.. وهــي عنـدهـا آذون
لـكـنّــهــا مــاصــدّقــت ســـمـــع الأذان
ضـاقــت …وخـلــق الله دايـــم يضـيـقـون
وأنــــا قـفـلــت الـخـطّ..ضـايـق وزعــــلان
ونسيـت.. والاجـواد فـي الوقـت ينسـون
مـاســمّــي الانـــســـان إلاّ بـنـســيــان
المشـكـلـه..بـنـات حـــــوّا مـايـســلــون
دقّــت عـلـي وأنــا لـهـا شـبـه شـفـقـان
قبـل آتكـلّـم.. قـالـت: إسـمـع ولاتـهـون
إسمي مهو ميسون.. حان الصدق حان
الأســم عمـشـاء وآخــر الـجـدّ مـصـيـون
مــهــره ولا طــوّعــت بـلـجــام وعــنـــان
قـلـت: أرحـبـي ملـيـون تـضـرب بملـيـون
أقـولـهـا مـلـيـون مـــن قـلــب ولــســان
قلت: أرحبي في العين ..ولحافك جفون
وظلالـك مـن الشمـس باهـداب الأعيـان
يـاعــيــن حـــــر ٍ بالـمـطـالـيـع مـفــتــون
حـــر ٍ شـــراه مــولّــع الـصـيــد طــربــان…
وسلامتكم
منقول